看山是山看水是水

 今早一大堆央企創歷史新高或階段性新高,中移動,農行,長江電力,中海油,寧沪高速,神華,工行等等.2022年4月中海油回A上市,上市價不過是10.8元人仔,當時還有大量的内地散戶像比中海油更早回A的中移動一樣,抽中都唔要,棄權唔俾錢認購.今早中海油A股收市價你估是少？是34.22元人仔,A股上市時883都係在10蚊港錢左右,如今24蚊都未到,A股就34個幾,減唔減股息稅都會有大量資金落來買平好多的883,耐心資本才是大贏家,883升穿15蚊時有好多本地老散沽貨獲利,升到17蚊更多人沽,跟住883就係甘升,只有少數人肯認錯低位估高位買番883,我都多次講拿得住好股才是大勝之道,好好珍惜手中平貨與時間做朋友更是重中之重.就講平保呢間民企保險龍頭,經常做傻事,上個星期以均價4.4購入工行H股數仟萬,持有H股重上13%,但只佔工行發行股本不足3.5%,翻看記錄,今年2月,平保持有13.97%工行H股,但在同月,以均價4.175大手沽出工行,套現近40億,令持股量低於13%,低位賣出高位買回,都係買番部份,點解要甘做,多數係被國家引導做番正確的事.

 深圳北火車站空中的士站已營業,可搭載6人的空中的士,可飛往深圳市任何一個指定降落區,15分鐘更可直達中山,消費就盛惠6人共9千幾蚊.珠海市政府也注資落實大搞低空經濟,不能落後於大灣區其他城市,北京,成都很多大城市好快都會出現低空物流,低空載人等場景.早前沽出中國通號3969獲利轉投中車,趁3969重沒大爆升,都係要買番多少重回佢身邊,談吓感情,一腳踏幾船,做個渣男.財爺波今早在電台節目話香港要轉守為攻,配合國家搞創新科技,地產只要保持平穩,潛台詞係短期內不要大跌,慢慢陰下陰下跌,過往因供求關係而出現的暴升不會也不應再出現.賣地收入減少,唯有以用者自負,收回部份成本作彌補,今天地鐵已加價,公屋也準備封頂式大幅加價,日後不再派糖免租,急症室準備加價雖說是對付濫用者,大學學費已加雖說與財赤無關只是學費太過平.只要樓價和租金下調至合理水平,不再係過往瘋狂式上升,基層始終會最得益,世界上冇絕對公平,照顧大部份人犠牺少數人既有利益也是合理做法.少數過度進取,急於表現自己能力有多高的富人會消失,為數較多的偽中産會高估自己實力想更進一步作出錯誤投資決定而重回貧窮行列.

 中國中車上周五在A,H股同步大升,H股成交額更是激增.當天晚上,中車就出通告說出推出7款新能源加數字化的機車車款,涵蓋内燃機,電氣化電池,氫能電池機車,持航力高1.4倍,耗柴油量減7成,更可大幅減排二氧化碳和有毒的一氧化碳.在内地99.999%高鐵,地鐵,城際鐵路的列車都是用中車的,是壟斷性企業,已建成一套中車標準的產業鏈,無論國内外,.日後的維修保養和更換都離不開中車.其餘訊號通訊,列車輔助設備等業務則由其餘公司爭奪.現時内地採用内燃機的列車有3成,主要是貨運,運煤炭,鐵礦石等大宗商品,其餘7成則是載人的電氣化,新能源列車.大規模設備以舊換新當然包括火車,更明令大批快到期的破舊内燃機列車在2025年前必須全部更換,而在2035年更要内燃機列車成為歷史.明天港股無市A股照開,除非反高潮見光死,否則中車明天在A股會大升,我也不是春江鴨,1766也不是上星期五才買,早幾日已提早買入,主要是人民日報早幾日點名大讚中車,中移動和中石化,另外少量讚許中海油和聯通在新質生產力的貢獻和突破,所以才買入讚得最多的中車,相信會有好消息跟尾.結果呢5隻股份,除了中石化升得較克制外,幾餘4隻都升得相當多.

 如一早寫好的劇本,中移動入左A50指數後,股價會不斷上升,中移動A股今日升左近3%,收107.45人仔,中石油大升6.5%,可惜中海油未入指數,3隻電訊股,中石化,神華升幅都在2至3%,四大内銀各升個幾巴仙,甘就可撑起個市,升幾十點,縱使最權重的貴州茅台同中國平安天天都在跌,都阻擋唔到指數上升,重有一隻中國船舶,升左7.5%.其子公司中船防務317呢個零月升到上天花板,但成4百幾倍市盈率,明知會都買唔落手,前身是廣船國際有人話係做潛水艇的,轉左做軍工股中船防務後,變左造船,但唔知是否重有做軍艦,不過母公司中國船舶就成為全球造船之王,過半的新船都是他造的.講番941,若在4,50蚊買左大量中移動的朋友,未來年真係可印印腳享清福,股價已升左一大截,重有上升空間,年年有5蚊樓上股息收,講緊收10厘以上股息,根本無需要再搵股炒.

 ATMJ跌跌不休,央企中特估升過不停,一念天堂,一念地獄,中特估就算下跌,好快就會升番上來,選擇永遠比努力重要,選對股,站在風口上,輕輕鬆鬆每天躺著數錢,央企指數除了十大權重外,11至23同樣有大量寶寶藏,昆侖能源,中國中車,華潤燃氣,中國電力,中交建,中外運等等都是具大幅上升潛力,但買不了甘多,前天沽3969換中車算是成功,中車升幅好過中國通號,揸耐少少看吓可不可賺多2至3成.

 剛看完國新投資出的通告,說央企港股紅利ETF下一步將會在香港上市,吸引持有港元,人民幣或美元的投資者購買,進一步顯現央企的價值,成為穩定港股的壓艙石,但冇仔細說明是再出一批新的ETF,還只是這三隻ETF,呢3隻規模加埋都係34億,應該唔夠賣,應該會有規模更大的ETF出現,央企指數ETF由國新投資制定,選取50隻在港上市的央企標的組成,但不包括内銀,因不是國資委管理的公司,但華潤同招商局是國資委管理的,所以呢2間央企的子公司招商銀行同華潤置地都有份入選.國新投資又指出在十天的認購期間,央企指數大幅跑贏恒生指數.似乎是在暗指恒生指數的組成是何等不濟,他日港股央企ETF大規模在港上市,相信冇人會買2800,國內散戶可透過港股通買入,本地散戶又可買來收高息,唔駛逐隻高息央企分開買,一次過買哂50隻,三桶油,3隻電訊,2隻煤炭,2隻電力已佔權重7成以上,為了令產品更具性價比,這批央企一定會増加派息,而持有大量人仔和美金的中東土豪,東盟商人,也會因高息和高穩定性而買入央企ETF.而港股日後可能會出現一奇怪現象,一邊是央企局部大牛市,另一邊恒生指數長期熊市唔識升甚至微跌.

 國新投資參與首發認購的3隻港股央企ETF今日正式成立,3隻ETF規模都只是34億元,平均每隻11億幾,國新就算認購一半都只需17億元,剩下的17億就俾散戶爭崩頭去認購,反應應該良好,相信類似的H股ETF陸續有來爭住上市,年息率7厘以上,國内根本冇其他金融產品有如此高回報,20年至50年的超長國債,年息2點幾厘,過仟億貨都俾人掃清,國新買番全是國資委旗下公司的H股ETF,本質上就是買入H股收高息,是百分百耐心資本,日後就算港股大跌,只要用少少錢増持H股ETF,就可令在港上市的央企不跌甚至上升,但就救不了其他股份,如ATM,地產股之類,想令港股更平穩,只有等待恒指公司加重央企在恒指的權重,冇理由一間市值萬幾億的央企,權重得2至3%,反而市值得幾千億的公司權重可以去到6至8%,這一天早晚會來.

 郭老太不停回購都阻擋不了新地跌破70蚊,最神奇係現在買一股長實加一股長和都平過買一股新地,首富孖寶市值加埋,派息加埋都多過新地,一係長和孖寶被嚴重低估,一係新地股價偏高,市場永遠是對的,錯的永遠是散戶,若你相信自已是對的,市場先生係傻的,你大可入市撈底,他日股價大升,錢又賺左,又可大大聲說我是巴老信徒,是真正價值投資者,別人恐懼時我貪婪,祝這些人好運,我就冇膽玩,我只相信呢幾年及未來幾年,珍惜生命,遠離本地地産股.呢排開始留意地產股put輪,發現數量極少,而且成交金額極少,全日成交得個幾萬元,明知買左9成9會嬴錢,但都贏得雞碎甘多,買得2.3仟蚊,想買多d都冇,就算升幾十個巴仙都係贏幾百蚊,我試過買入全港唯一一隻領展put輪24343,2毫零子入,升3成重要揸幾日先執到幾舊水,今日隻24343都升左15%.,若昨天買,買得1,2千蚊,扣埋使費,都係贏百零蚊,呢d衍生工貝都係唔啱我玩.

 發改委發言人說除了要尊重市場規律外,政府這隻有形之手更可發揮重要作用,引導各類資金摒棄急功近利,快進快出,掙快錢的不良作風,令各類資金成為耐心資本,堅持長期投資,價值投資,責任投資,積極參与國家的戰略性投資項目.即是叫各保險公司,公募基金不能再像過往抱團買入個別股份,然後炒高十幾倍,然後鬥快割散戶韭菜,有時連自已都走唔切,隨時爆雷.現在就算要抱團,都要抱團中特估,而且要長揸收息,不能快進快出走短線.上星期民企保險巨頭平保,就買左幾千萬股工行,令持股量升到13%,至於持有的港股,全是内房股,如碧桂園之類,但全部已減持到5%樓下,以後不需申報,可能已全部沽哂,國內的保險資金,一定會聽國家話,大量險資將會來港買高息無風險的H股中特估.

 雖然經常T出T入,但重倉的4大天王核心股票,就不會T出T做短線,反而要以増加股數為目的,趁股價尚未升飛天時攢多些股,大前提是不投入新資金,増加股份的資金來自股息,以息増加持股數目,才能顯出複利的巨大威力,至於何時買入,有人一收到息就立馬買入,有人會等待股價回落才買入,冇話邊個著數,有心增加持股馬上買最靠譜,以941為例,幾個月後又會收到新的中期息,股數増加,收的股息又會多左,等股價回落才買,等到固然好,萬一等唔到,股價反而持續上升,就會放棄複投的决心.

 昨天已成功把前天5.69買入的3320以5.91沽出,賺左22格,今天一早排5.72,可惜最低只跌落5.73,差一格又可成功買入等食下一次胡,另外早前曾信勢旦旦話未賺夠,長揸唔放的38拖拉機,上星期初8蚊放左一半,我並沒違背初心,今早在7.45補回拖拉機,變相賺左5厘息,持股數目冇變,但多左現金在手,若日後38升番上8蚊樓上,我或許會沽一半,等佢再回落再補回,當然世事冇甘理想,次次都如此如寫好劇本般順利,但有7成以上成功率已可無端端無本生利.另外上星期極為看好的3969,除完淨確保收到息後,今早見已連升2日,且有不錯利潤,為左愛,我釋懷放手了,把中國通號此愛股沽哂,並非看唔好佢前景,也相信她會大跌等我買番的機會唔大,只是找到另一位可能俾佢更優秀的新歡,就是中國中車1766,希望冇揀錯,若3969將來過得比現在好,我都會重投其懷抱,現實中做渣男會有報應,但在股市中做渣男或渣霸可能會得到更多獎賞.

 257一向的應收賬項都極高,去年接近200億,主要都是中央和地方政府,股價低位時市值也不過是200億,現在股價大升,市值也唔夠300億,過往大規模建造各類環保項目,垃圾發電已大致完成,新項目已集中在國外,現在是收成期,更集中在能増加盈利的項目,一年起碼賺4至50億甚至更多,國策要建造美麗中國,今年已陸續發放拖欠的風電,固廢發電的補貼達50億,257的子公司光大綠色環保也收左十幾億,相信陸續有來,而垃圾發電補貼已3年未發,相信今年會,而257也是公用事業,污水處理,垃圾處理,垃圾發電一定會加價,若再加上應收賬款大量回籠,就會出現大額正現金流,有能力大加派息,現價已升左好多,由2個6升到而家近4蚊,若能升穿4蚊並企穩,可能重有排升.我是集郵同集股愛好者,呢隻好野,我當然有貨在手,還要是低位採集.但都係數量不太多.

 今日A股雖然大跌1.63%,但上証50指數是升的,升左0.21%,但微盤指數即細價垃圾股下跌4.34%,令A股下跌,今日有近5千隻股份下跌,升的只有幾百隻,當然包括3桶油,4大行之類的高息股.本港的財演同大批所謂的專家,一直以A股的表現來判斷中國的經濟狀況,其實現在中國正進行緊掃除垃圾股行動,令大量劣質公司退市,又嚴控新公司上市的質量和數目,這過程是需要時間的,同樣有一大堆央企大升,甚至屢創歷史新高,香港的情況也一樣,大量中特估升左幾年,創年内新高的多如牛毛,行緊牛市行情,相反更多的股份跌到阿媽都唔認得,生路同死路都有人選擇,後果就自然差天共地,怪不了誰.講番為何内地公用事業會持續加價,2021年中國靠賣地的收入高達8.7萬億,去到2023年已減到5.8萬億,根據今年首5個月賣地收入,經濟學家預計今年賣地收入會減至4.7萬億,較3年前少近半,4萬億是甚麼概念？2023年全中國的財產收入是21.7萬億,如何填補這缺口,今日公佈的數子,1至5月份,央國企營收増加3.1%,盈利增加2.3%,盈利增幅低過收入増幅,因此國資委已下令各央企要做有盈利的收入,如何増加有盈利收入,離不開公用事業加價,全國的公用事業幾乎全由央國企控制,包括水,電力,能源,公路,鐵路等等,這批股份已升左好多,有些稍為回調又升番,有些一直升未跌過,長江電力同中海油已是樣辦,你冇得唔用佢,慢慢加價唔多覺,其實香港都貢獻左唔少錢俾中海油,中海油今天公佈,29年内不停提供天然氣俾香港,今年已突破700億立方米,佔呢29年香港消費量的七成,早十幾年可能冇供應多,而家肯定唔7成, 中海油宣稱隨著深海一號2期工程快將落成,輸港的天然氣會大幅增加,而家除左李家的港燈重用緊澳洲的天然氣,老遠搵船運來香港海中心,再自已起個接收站收集,費時又貴,所以港燈電費遠遠貴過中電好多,遲d可能都要用中海油的天然氣,但中海油賣唔賣俾佢則是另一回事.中國今年頭五個月入口天然氣大增,售價最平的美國天然氣2.3元一立方米,中海油自己開採的天然氣0.8元一立方米,但唔夠供應俾全國用,重要特別照顧香港,斷估賣俾香港應該唔低於2.3元一立方米,突破700億立方米,收成千幾億.

 今天A股下跌1.63%,但創歷史新高的股份也不少,中海油,長江電力,華能水電繼續創歷史新高,神華只差幾毫子就又創歷史新高,今天唔創明天都會,而4大行,3桶油全線上升,高息中特估繼續走自已的牛市,A50中,幾隻白酒股,尤其是最權重的貴州茅台,只因過往被炒得太過份,估值高得極不合理,大幅下跌是合理的事,只是回歸較合理的估值,幾隻過往同樣是升好幾十倍的股,如隆基,藥明生物,還有些賣醬油的,賣醫療設備的,賣消費品的過都被當成長股看待,派息又低,市值被炒高至幾千億甚至近萬億,但一年盈利只有幾十億,股價自然被腰斬再腰斬,這也是A股長期得三千點的原因,現在通過加入大量平靚正的中特估入權重股,即使股價倍升,都重係好平,而且盈利穩定兼具長久性,中特估持續上升也是合情合理.

 今早趁個市大跌,又在低位買入3320,買入價3.69,重平過上次3.7,如今升左13格,打算升夠20格就食胡,賺番3%,距離目標一個月賺30%又近了,股價可能原地踏地,冇物起落,平買番來的,4個幾的3320擺埋一邊等大收成,而短炒的若能順利一個月執30%,甘就希望3320一年内不要大升,最好就是上上落落幾個巴仙之内,讓我無數次T出T入.講一個市,都係高息中特估天下,今日内銀,電力股上升,資源,電訊就輕微下跌,A股就所有高息中特估都升,頂住個指數.我倉中的4大天王央企中特估,完全唔跟恒生指數,一路長升長有趨勢不變,其實揸住呢4隻已經可以安心躺平天天數錢,只是耐不住寂寞,搵d央國企來短炒搵下快錢,隨時贏得多過長揸,一來可増加認知,二來又可能會從中找出一套更易獲利的炒股方法.

 香港寫字樓供應過剩,租金大幅下跌已是不爭事實.但這不是香港獨有現象,近日多隻美國,英國信用評級高達三條A,以商業樓宇作抵押而發行的債券,均資不抵債,出現違約情況,投資者只能取回部份本金.天要下雨,娘要嫁人,幾多條A評級都冇用,當年雷曼毒債何嘗不是三條A評級,評級機構都是流流地,認真你便輸了.

 首先利申我持有少量3969中國通號,勝固欣然,就算輸哂都無損皮毛,不過呢個可能性近乎零,反而大獲全勝的可能性此刻會大好多,就算小注落場玩,都要關心多些公司消息.3969呢頭攞左低空飛行牌照,呢個牌都係今年國家立左法先至出現,今日就話同深鐵訊號共同研發的無人機AI巡檢及緊急應變系統已經在深圳龍華現代有軌電車系統,成功完成首飛場景試驗,突破左低空十軌道的創新應用.在特定區域,地上的有軌車在運行,頭上的無人機就同時飛行.中國通號說會加快開展低空空域智能管理系統開發和拓展營運服務業務,加快推動低空十軌道創新應用和商業模式落地.低空經濟未來將會是一片藍海.

 東方電氣1072年初至今升左8成幾九成,股價還在13蚊樓上,根本冇物回調過,北水高度持股是原因之一,北水又是揸左4成幾近5成,稍為買多少少就能令股價急升,另一主要原因此股身為國之重器,經常可制造出領先世界的科技,尤其是在新能源,可再生能源設備上.今日又有重大突破,國寶級的工程院士謝先生率領的科研團隊聯同東方電氣團隊加上深圳大學,在大亞灣的海面上經過3200小時的試驗,成功利用海上風電驅動海水制氫,所制的氫純淨度達到99.99%,更重要是用海水,無需用淨化的水,令日後制氫的成本大大降低,其實去年東方電氣已發明此裝置,並在福建海面的海上國電站試驗成功,但試驗只用在240小時,今次更大規模用左3200小時來進一步驗證真正成功,有關的理論和實際數據已在21日刊登於世界認可的工程雜誌上.東方電氣有多皇牌科技在手,轉化成高盈利一定得,透過一帶一路更可輸出往唔同的國家,到時西方國家在技術上,定價上落後於中國,又會話中國產能過剩,低價傾銷,又冇人迫你買,你唔買但有大把人搶住買,西方諸國又可做物.扯遠左,講番1072,未來幾年超好景,股價肯定未升夠,最理想就係唔好借好消息而急升,慢慢升就最好.講開海上風電發電,也是國家重大佈局,有序大量與建,中海油都起好左幾座,未來會越起越多,一路採油,一路發電,若日後能大規模海上造氫,充分利用海洋資源,他日中海油可能要改名中國海洋可再生能源.

 今早中國通號城交公司確認已獲批民用無人駕駛航空器營運証,標誌著城市交通公司具備正式開展無人機經營性飛行活動的資格,不知他是否第一間或唯一一間有牌的訊號公司,若係就要重新估計呢間國企的成長性,日後盈利可能會爆炸性上升,翻看資科3969在2015年於香港上市,上市價6.3元,現股價跌左一半以上,此股於5年前回A科創版上市,上市價4個8毫幾,現股價升左近4成,若計埋收左4年息,回報5成樓上,唯獨是H股被錯殺,年年有錢賺,年年派息,PE,PB全部低單位數,簡直係典型中特估,重要係具備有息派的科特估特性,現價若上番招股價都有一倍利潤,雖不知未來低空經濟是否真會帶來大量盈利,但有故事,惹人憧憬,只希望此股不要大升,引人注目,慢慢升,升左都冇人知最好,北水都揸左4成幾,可能沒收夠貨,畢竟多年前未有北水,本地散戶買左唔少也蟹左唔少,有些人重揸住冇止蝕,收埋呢班人的貨,股價就會如無人駕駛般大升.

 連埋今日,南下資金即北水,已連續11日淨買入883,買左41億元,連續5日買入建行16億元,連續4日買中移動11億,連續4日買入工行10億元.北水散戶持有883已超20%,至於神華,一早俾北水買爆左,持股量已達46%,冇甘多貨俾北水買,883H股市值已萬幾億,體積太大,若北水繼續買883買到3至4成,股價真不知會升到幾多,到時恒指公司一定要大幅提高883在恒指中的權重.

很少提地產股,因一早認定遠離地產股身體健康,命都長幾年.今天看各大地產股收市價,長實,太古地產,九龍倉置業,恒隆地產,新世界全部新低,其他如新地,領展,希慎也離新低不遠,細間的更不用提.為甚麼會大跌,原因大家都知.最好笑的是那些天天拿計算機出來計,這間地產資產淨值如何高,隨便賣幢物業出去就可解决所有問題的人,問題係真係可以高價賣得出嗎？若誤信這些分析,早早在半山腰抄底買入的人,已經被廢一半武功,若有餘錢,堅信自已係價值投資,跌左一半再用埋剩餘的子彈,但結果往往是跌一半後可再跌一半,邊度係底,你有9981注都未必揾到,珍惜生命,遠離本港地產股.

 之前走左幾轉3969,都係例牌有幾個巴仙執就閃,呢集有d肉食,每次都有4%以上盈利,現在只剩下一注,在除淨前數天買入,諗住收埋毫七字人仔息才沽,現在有微利,但考盧作長線部署,此股的A股在科創版上市,新的科創版新8條具體内容未出台,身為科創50指數成份股應該有所得益.此股科技成份極高,長期有盈利,又肯派息,本業軌道交通訊號幾乎是壟斷,本土加海外,不愁冇生意只是每年賺多賺少的問題,再加上是低空經濟的訊號供應商,近期A服熱炒的車路雲即車聯網,無人駕駛專區的必需品,全國各大城市的無人駕駛專道好快會面世,3969又係科技供應者之一,他自主研發的國產蕊片MVB用在無人駕駛上,已能使用並且獲大獎,又蕊片,又車路雲,又低空經濟,再加上只賺不虧的本業,只要能將科技轉化成盈利,前景極亮麗,更重要一點是北水已重倉隻呢隻3969,日日買,持股量已快到5成,我都係跟北水,呢僅有的一注做種子,長期埋伏,等佢開花結果.

 國家能源局在港股臨收市前出台了一系列利好綠電的措施,如何利好我就不多作解釋了,如手上有836,2380,1816,916等綠電股的朋友,就好好揸實,明天就算唔大升,今年内都會升到你懷疑人生,千萬不要聽財演胡說八道,好多基本野都掉轉來講,邊隻係綠電都未識分,淨係識講煤炭價格會影響電力股盈利,事實都唔係甘,對中國電力市場完全係零認知,講廢話呃飯食唔緊要,最慘係有人信,做錯的投資决定.講開新能源發電,軟銀的孫正義話準備好哂彈藥,利用旗下SB Energy ,進軍美國可再生能源發電行業,為全球人工智能對電力的需求作出貢獻,講到甘偉大,無非都係為錢而已.今日883繼續大升,股價已迫近836,而家潤電以24.1比23.5領先中海油6毫子,只要836多9毫子就可先到25蚊.

 這是一位來自廣東的散戶在股票討論區的留言標題,呢位散戶可能贏到傻左,也不是對中海油有特別研究,只是跟大隊年半前在10個幾一注獨贏883,站準風口上,食盡呢一波上升浪,他坦言只做對一件事,就是拿得住883,買入後一股都未沽過,又搬出風水術數來解釋中海油大升原因,甚麼九運轉勢大利中海油,升勢會持續以年計,反而不是以基本面,盈利前景等因素去判斷.不知他是贏得太多得意忘形還是扮傻.

 人民日報發表題為發展新興產業,國企大有可為的文章.文章一開頭就點名大讚三間央企.排第一的是中國中車,說短短2年間,發展儲能設備大有所成,已成功建立完整供應鏈,掌握了各種技術,已成全球業内巨人,中標率為業內之冠.第二間是中移動,發力人工智能新賽道,已建成千億參數的人工智能大規模模型.第三間是中石化,著力建成氫能產業,大量造氫,又起左大量加氫站,而北京往上海的氫能通道也已完成.不知稍後時間,這三家央企的股價會否大放異彩.文章又說央企7成資源為左保障民生都用在石油,能源,治金開礦,建築方面上.在現實中有種不實在的感覺,因此一早已佈局各央企除左本業外,還要發展新興產業,無論在資本或科研上,央企擁有無數的人才,又有強而有力的國有資本,只要運用得宜,應大有可為,文中又有讚揚聯通和中海油在此方面的貢獻.

 當初設計指數時的樣本頭十大權重股已被各傳媒廣泛報導,至於第十一位及之後有哪些央股份,權重由1至2%的股份如下,由高至低分別是招商銀行,中國鐵塔,昆倫能源,招商局港口,中國中車,國藥控股,中國建築國際,中交建,華潤置地,中國建材,中國中鐵,中國外運,華潤燃氣,中國電力.呢十幾隻加上十大權重已佔9成幾,其餘股份都是不足1%.

 看了其中一間南方國新港股通央企紅利ETF的公開發售資料,發售日期由6月11日至6月21日,資料並沒有講明會買多少隻股份所佔權重,只以行業細分,石油煤炭49%,電訊佔21%,並大力推銷石油和電訊因為業的經營優勢,最吸引人的是此ETF的持股在2023年息率在除稅後達到7.52%,派息金額遠高於同股同權的A股,再加上H股有很大的溢價,有利股價上升.又拿恒生科技指數同恒生指數作比較,2021年至今,恒生科指下跌51%,恒指下跌28%,而央企則上升64%,央企年頭至今上升28.5%,遠勝恒指和恒生科指9條街,這樣的數據,一定大把内地散戶搶住買,連球證國新都買埋一份,一定唔夠賣,除左加大份額就有出更多相關ETF,内險終生3%收益的壽保已全被下架,最大收益的3年期保單只有2.35%收益,推動耐心資本如内險入市買港,一年收7厘幾息,俾客不足3厘,又不會如高息內房債爆雷,阻止保險公司胡亂投資造成社會重大損失,實在是多贏安全的方法.呢堆高質央企持續上升的概率遠遠大於下跌,有國家隊加持和照應,哪有大跌的道理,今日中特估的大升已說明一切.本港都有幾隻標榜高息的ETF,不過最大缺點是亂買一通,只要是高息股就加入,甚麼新世界,希慎,碧桂園都包括在内,真正的賺息會價,表現遠遠差過預期,自已隨便買隻高息央企回報好過他們買幾十隻高息股.

不久前還在估883和836邊隻會先升上20蚊,我估是836, 結果836順來跑出,今次邊隻會先上25蚊,我都係估836,雖然優勢冇上次甘明顯,加上883今天像裝左摩打般狂升,大有後來居上之勢,其實邊隻先上25蚊都冇所謂,最好儘早齊升上25蚊,之後就再邁向30蚊,就像繁花中寶總所說,目標其實並不遥遠,一步步,一天天,全力以赴,其餘的就交給時間.又想起十幾年前Dido的一首歌曲歌詞,I won't put my hands up and surrender. There will not be white flag above my door. I am in love and always will be. 絕不會在愛股面前扯白旗投降,會對佢不離不棄.話雖如比,大前提是愛股沒有出現本質的變化才會如此.至於現實中若有位女士對我作出如此態度而我又唔喜歡佢,我會馬上遠離佢,走夾唔抖,勉強冇幸福,哈哈,甘做唔算渣男,根本就係一廂情願.

 國資委旗下親生仔國新投資早前搞左個港股通央企紅利指數,及後好快批左3隻相關指數ETF上市供人認購,今早國新投資宣佈,呢3隻港股央企ETF,國新投資都有購買,表示絕對支持在港央企的發展,要有股價的話語權,要成為穩定港股壓倉石,暫時呢三隻ETF重未上市,未知邊堆股份是權重股,相信離不開941,1088,883,857呢批高息中特估,相信國内外同胞都有重大需求,國新買埋一份,供應更少,相關ETF只會越出越多,幾隻航母級高息中特估,只會長升長有,一早有貨者大可擺埋一邊,日日數錢.

 今早在3.84成功沽出上星五買入的3320,買入價3.7,升左14格,扣除使費,只得2%利潤,耗時3天.若每星期能成功T2次,一星期就有4%回報,已好過做一年定期,一個月有4星期,16%回報,一年有12個月,192%回報,豈不是做左股神,大道至簡,細細地拿十萬蚊出來短炒,不需有硬指標和壓力,隨遇而安,有幾個巴仙執就閃,最緊要貨如輪轉,T出T入,一個月有3至4成回報也非難事.

 倉中的四川三寶107,3618,811除完淨後,股價非但不大幅下跌,若計埋派息因素,其實都創了新高.107一早講明呢3年派息比率不會少過6成,去年派息比率已達6成,每股派2毫4人仔,股價升幅是一衆公路股之首,現價股息還有7厘幾,我是在個6買入107的,股價已升左一倍以上,23年的派息講緊係15厘樓上,未來3年收的息相信只會有多冇少,一直想107大跌,到時加貨才划算,現價不會再加,坐住現有貨底收住15厘樓上股息不知幾爽.3618去年三毫子港銀息,現價3.52,完全跑贏4大内銀,近來内銀回調,3618就唔跟跌.811新華文軒更是升得離奇,除完淨後更一度衝上10蚊樓上創歷史新高,最大原因相信是中央近來嚴禁央國企胡亂投資有風險的金融產品,做教科書生意,又有大量現金在手的811,資金冇得亂投資,唯一出路就是加派股息俾大小股東.上月尾,現金多過811好多的3983,突然撤回一款有3厘半的一年期理財產品,金額3.5億,提早贖回只是拿番1百萬元回報,又唔係等錢駛,又冇重大擴展計劃,可能又係響應中央號召,揸住大堆錢在手,増加派息好回購股份又好,都係小股東所樂見.

 在港上市的華潤系公司有7間,當然不是每一間都會大升特升,今日創52周新高的就有2間,836同1193,836就不多說了,之前講得太多了,慢火煎魚式上升,股價表現冇令人失望,年頭至今升左近5成,1193華潤燃氣也是心急食不了熱豆腐,每日升幾格,由4月份低位22個幾升到而家近30蚊,升甘多主要又是受惠公用事業加價和良好的管治,371和257都可以升甘多,更何況是華潤這塊金漆招牌.另一隻我經常提及的3320華潤醫藥,升幅冇甘多,走勢是日升日跌,升穿6蚊後曾話過不再T出T入,不想再折騰,我這個香港仔,以前不明瞎折騰是甚麼意思,現在總算明白,折騰也有折騰的好處,只是不能安安樂樂訓响度躺平收錢,要辛辛苦苦走多幾轉先有可觀回報,除左平貨長倉個注唔郁之外,呢十幾日又用新資金玩T出T入3320,每次執2至3%就食胡,呢十幾日做左7至8次T,都有20%回報,若可以玩多幾個月而股價都係在區間上落,甘短炒回報都可達8成至一倍,但我深信3320橫行多一排就會真突破而大升.下午開市,3320升到5.83,今早5.7入左,又到食胡範圍,擺高5至6格睇下有冇人接.

 中國宏橋發盈喜,預計上半年盈利會大増220%.氧化鋁龍頭,需求大,加上近乎壟斷,再加上去年上半年基數低,只賺29.72億,下半年就大賺95.26億,若下半年盈利還大幅增長,就真係不得了,不過股價已升左好多,暫時應該係今年升幅最多的藍籌股.

 國新投資是國資委旗下公司,是大批高息央企A股的十大股東,長擺收息,遇着股價下跌或看好某隻央企前景,就會以國新名義用另一間公司增持股份成為另一十大股東,股價大升或完成任務後,就會沽出獲利,以國新投資長揸個批就會持續持有,去年増持的中移動和中海油在高位幾乎被沽清,在年報會顯示得一清二楚,當然股價回落到差不多時又會買回,國新投資才是真正投資高手,一年盈利有幾佰億,資產幾仟億,是名符其實的國家隊.7個月前,國新搞左個全港股的港股通央企紅利指數,全以派高息的央企做權重,但不包括内銀内險,因金融類不属國資委管轄,7個月後,終於容許基金公司出ETF,有三隻已獲批準上市,在6月11號接受認購.而國新7個月前設立此指數的十大權重股樣本也已公開,十大權重股已佔此指數7成權重上,十隻股是三桶油,三隻電訊股,中國神華,中煤能源,華潤電力,中廣核電力.其中883佔12%,857同1088各佔11%,中移動9%.新一批港股央企ETF會有少少改動,因規定個股上限不能超過10%,但大方向冇變,能源如石油,煤炭等佔49%,通訊佔21%,呢2類加埋已7成,另外公用事業8%,工業製造11%,剩下的是其他類別,1至2%,銀行,地產,醫藥都可以列入其中,呢三隻ETF每隻規模約20億元,相信日後陸續有來,今天836,1816,883收市都創新高,1088也曾創新高,可能同佢哋係十大權重有關,申請緊上市的港股央企ETF一定要買夠貨至可以上市,呢十隻權股將來一定前景無可限量,各位朋友,你哋手中揸左幾多隻.

 836華潤電力,2380中國電力,1816中廣核電力全部創哂一年新高,前2隻更是淨左淨,息都賺埋,照樣大升.坊間財演水平確實好一般,揾食艱難,十個有九個都是以獨立股評人自居,真係有公司聘用的已買少見少,好多都已與市場脫節,重攞住舊時個套來評論現今股票市場,又唔做功課,有時真係亂嗡一通,呢d噪音真係少聽為妙,最可悲是連財經主持人,都叫做讀個下書,為了証實自已有料,周不時拿幅圖出來,每當有強勢股上升,就話甚麼動力指標減弱,與股價上升背馳,要小心,但永遠講唔出股價上升的最基本原因,甚至上升股份做緊物野業務都唔知,結果係所講要小心的股份都是繼續長期上升,難怪大台連個財經台都要摺埋收檔.

如無意外,明天A股收市前或星期一早 ,大量上證A50ETF會被動買入大量中移動A股,下星期想A股升,只要拉升中移動就事半功倍.今日下午H股941好似已有資金買定先,等A股中移動大升跟住跟升.

 神華已經升上40蚊,多年新高,中海油除完淨又升,歷史新高,唔計已除淨5毫7息的華潤電力,又破上次24蚊新高,央企加分紅加能源是今年的王炸,已經毋容置疑,升勢有餘未盡,根本就是中特估大牛市,天天關心研究恒生指數幾多點是牛是熊簡直是在浪費生命,毫無意義.

 國資委考核旗下央企科技提升進度的雙百行動已有結果,排行榜尚未出,個別成績優良的公司已急不及待公佈自的排名,其中包括東方電氣,中廣核電,時代電氣.國資委是想打造一批既是中特估又是科特估的央企,新質生產力和高新科技一定要掌控在央企手中.前日習主席已出聲要打造更多的世界一流企業,黨要全面掌控優質國有企業的發展.

 去年全年,透過港股通的北水淨流入3188億買入港股.今年截至昨日6月11日,北水已流入3282億買入港股,已多過去年成年,按此走勢,全年淨流入港股的金額會多過2020年最高峯一年6仟幾億,拜託老一輩的財演不要再講些唔經大腦的說話,甚麼北水買得幾多港股,得個幾億,他們可能以為北水每日成交只得幾億,實情係北水每日成交額幾百億,幾億是指淨流入或流出,一年有2百幾個交易日,就算每日淨流入得10億,一年都2千幾億,何況有時單日都淨流入過百億,今日北水除左依舊買入883同941外,939同3988兩隻内銀仍然未買夠,越跌越買,股票唔係要日日大升才是好股,也冇可能每天都大升,日日大升跌起上來重恐怖,慢牛式上升先至係好野.

 陳女士隻馬超額認購今晚列陣第六場,隻馬質素一般,跑來跑去都是入位置,升左做港交所新CEO,理應專注業務,引入多些貝質素公司港上市,不應成日掛住拉頭馬,希望佢今晚隻愛駒能勝出,雖然機會不大,但我都會下注,6場9號,wp兼投,連贏位置連贏2,7,9鐵角.昨晚多得馬會操盤手送錢,極度看低國足,國足輸一球都有錢收,有成2.07倍回報,半場和重好分,有2.7倍,球賽最後結果,中國隊0比1輸給南韓,但足夠在亞洲盃出線,我就重注得手,可供我今晚免費買馬.純屬個人今晚投注記錄,不是提倡賭博.是考眼光消閑娛樂.

 此刻883報21.8,創左來港上市以來新高,看來北水買來收息的比沽出逃稅的為多,希望收市價能企在21.7,明天除淨扣番6毫6,都有21蚊,甘就輕鬆地袋左每股5毫9仙4息,因要扣10%稅,跟住股價就慢慢邁向30蚊進發.隻神華都就快40蚊,中海油見30蚊一點也不稀奇,中海油,神華同中移動,性質同1919中遠海控完全不同,1919主業盈利飄忽,冇確定性,短時間升得太急太多,一定會出現回吐,大升時就叫他海王,大跌時就被叫海狗.

 883今日成交25億幾,超過24億來自北水,上海淨流入超過6億,深圳則淨流出2仟萬元,有人買有人賣,買的錢多過賣出的錢,股價自然會上升,現在北水持有的883市值接近2千億,今日883成交已算超高,24億相比2仟億,僅個幾巴仙,超過98%股份都是耐心資本,長期持有不會輕易流走.明天買入883還要股息收,但有不少北水散戶心痛會被扣28%股息稅,明天或會選擇逃權,即明天沽出883,待後天除淨扣番6毫6字股息後,若股價進一步下跌,他們就會低位買回883,變相收左唔駛扣股息稅的股息.但世事往往不如人意,過去2年幾,每次883除淨後股價反而上升,非但買唔到平貨,還收唔到股息.若今年真係寬減港股通利息稅,就不會再有人如賭大細般逃權.明明實收100蚊股息,本地散戶都係扣10%,實收90元,若唔怕麻煩將股票轉自已名持有,就收足100蚊.内地散戶就慘d,100蚊股息先扣10%,得番90,再扣20%,實收72蚊.

 上星期以3個4買入中國通號,難得今早大跌市,3969也跟著大跌,在3個2再入多注,拉勺均價3個3,低空經濟受惠股,多省已真金白銀拿錢出來發展,不是鬧著玩的,深圳將會率先開條航線,廣州首架無人駕駛的士飛行器也以一百九十萬賣出,相信低空經濟好快會在内地開花結果,在高位買番多少3969趁吓高興,近6厘息,單位數市盈率,又有海外市場,具出海概念,有哂有盈利和壟斷性中特估特性,要跌都唔慌跌得多,過多幾日又除淨,有毫七字人仔回籠,除非短期升得多才會沽出,中長線持有等收成.

 巴郡在6月5日至6月7日期間,即油價今年最低位期間,増持了1%OXY西方石油260萬股,持股量去到2.5億股.很多股民都說自已是巴菲特信徒,信奉價值投資,實情是揸住d千年蟹貨走唔甩,就話自已是價值投資者,稍有微利的股份就走都走唔切,日後大升都冇佢份.這是價值投資嗎？巴菲特也經常趁早止蝕多隻股份,而留下幾隻可超長期持有的好股,這才叫價值投資.西方石油現今市盈率25倍,中海油7倍唔夠,現價的中海油重係超便宜,有平貨在手的投資者更應好好珍惜手中籌碼.

 昨天提及近期在中特估除淨前買入,除淨後賣出九成九會有錢贏,昨天836若跟住此模式做,今天又有幾仟蚊袋,雖然唔算多但只需一天,畢竟要用23萬幾,才賺4仟幾蚊,扣除使費只是賺2%,話雖如此,昨天沒下定決心去多買一萬股836,確實是犯錯,但此錯完全無關痛癢.昨天改買另一隻快將除淨的中國通號,息率唔夠6厘,若除淨前有5至6%升幅,又會沽出獲利.其實我一直堅信中長期持有股份,才能賺大錢,事實又確是如此,但為何我又經常短炒,一來閒來無事,二來用真金白銀來實戰,可令自已更貼近市場和増強自身戰鬥力和自信.我最討厭某些財演和專家用excel來做模擬倉,永遠在最低位買到貨,最高位沽到貨,完全是紙上談兵,做紙上股神,難怪申報現實中從不曾持有任何股票,若真的拿錢出來落場玩,肯定要在IFC天台排隊,最不堪的是竟然是夠膽收錢開課程教人投資,但開的人太多太濫,呢淡飯都相當難食,難成氣候.

 中海油在傍晚又宣佈在南海西部勘探有重大突破,發現在個汽油田,每天天然氣流量可達每天一千萬立方米.近日883股價表現已令一衆所謂專家改口話,原來中海油走勢完全唔跟國際油價行.但又講唔出為何股價升甘多.有可預見的連年盈利增長,加上又是歷史新高,883全無蟹貨,要再大升也會輕易而舉之事,有貨的朋友,除非等錢使,實在冇物必要此時沽出,況且呢兩天北水又大舉狂買入941同883,驚d乜？

 成日聽到班財演响度亂嗡,物野除淨前除淨後買貨都一樣,d息會响股價到扣番,你冇著數,講d唔講d,股價冇升跌就係,若股價升甘又點計？早幾日我就在除淨前一日買左幾集中特估,隻隻在除淨後都升,其中隻公路股107除淨日升左5點幾巴仙,即時沽番出去,但愚蠢的銀行電腦系統竟然顯示我交易出現虧損,遲d收到的息竟唔計在内,可能寫程式個位電腦奇材可能從沒買賣過股票.今日又想故技重施,趁836明日除淨,今日買番一萬股重有5千8百幾蚊股息收,又唔駛俾10%利息稅,係我腦海記憶中買一萬股華潤電力只需14萬零,年頭試過幾次T出T入賺差價,跟住就冇再做短線,所以殘留記憶一直以為唔駛15萬就可買一萬股836,今日想買836才突然發覺而家買一萬股836要23萬幾,原來股價已升左近5成,加上本身已有重貨在836,於是縮番條貢,唔去賺個5千幾蚊股息,費時若明天836除淨又升2至3巴仙,今天我又買左,明天忍唔住又沽出執番幾仟蚊,銀行電腦系統又話我蝕錢,明明綠燈轉眼變成紅燈,搞到盤數亂哂.

 1088和836再創新高,941除完淨又升,2個幾息26號就收到,現時股價74個3,過多個幾月,又會公佈中期業績同派幾錢息,沒買夠貨又唔等股息生活的朋友,會否將收到的息再複投落去？若能善用4%法則,唔一定要有好多錢都可以財自,假若你一年只需用12萬就可生活落去,你只需有300萬,每年攞4%即12萬就得,只需要個300萬每年可帶來4%回報就可以一世都用唔哂,若回報有7至8厘或更多,如2,30個巴仙,你個300萬就變3百幾萬,之後就唔駛拿4%出來生活,或可任性地増加消費,另外隻883更加唔駛担心,不足7倍市盈率,有物可以驚？内地隻長江電力呢幾日日日創歷史新高,升到股息就快3厘都唔夠,市盈率快到30倍,點解重有人買,就是預期此股每年盈利都會有増長即使不會大幅增長,但勝在會長期升上升,派息也會隨盈利上升而増加.

由於本身在低位3蚊買入38, 故特別留意他的走勢,十日八日前上過9蚊樓上,跟住俾機會讓在8元樓上追入的散戶獲利沽貨,此股已完全被北水控制,買左4成幾近5成,幾天下來都係有序地跌左幾毫子,昨日除淨,星期五還持有者重可收3毫幾子息,我當然揸住唔放,以買入價計收緊10厘息以上,點會沽.昨天除淨,整天股價都在下跌,跌1至2%,全日成交得250萬股,但其中140萬股來自收市後競價市段,結果全被人掃光,重以全日最高位收報8個6,股價升左3%,若計埋會收的股息3毫幾子,幾乎又上番9蚊,過去一星期散戶沽的貨又落入有心人手中.但今天38又唔見有好表現,全日跌幅都在1至2%,但競價時段又被人買上,全日微跌一格.但晚上又出左一則利好消息,就是2024至2026年新一輪農機購置和應用補貼意見書已發行,明天第一拖拉機若大升,呢班春江鴨又肥過肥仔水,樂觀地想,8個幾都大手掃貨,若中期業績靚爆,起碼升3至4成佢地先會走人,到時股價豈不是要見12蚊,我3蚊入的貨,未計收息,股價都升4倍,無謂想太多,任佢放紙鳶,最緊要攬到實揸住唔放.又想起繁花中爺叔的金句,目標從來不遥遠,一步步,一天天,其餘的交給時間.

 此文件主要是講如何讓綠電得到更大消納,意即綠電會被大量使用,綠電營運商盈利會進一步提升.下午916,836,1072這些與綠電有關的股份股價大升.一早已看好的電力設備股1072果然發力,曾創一年新高,836也在一年高位附近.

 只要國家想做的事,沒有哪件是做不成的,多年前提出的中國制造2025,縱使西方國家千般阻撓,基本上都已完成,更引來產能過剩的指控.美股靠Magnificent seven頂住個市唔跌還要大升,現在更單靠英偉達一股救全家.幾年前已提也應該培養幾隻龍頭股撐起A股,畢竟A股太多垃圾股,5400隻上市公司,平均市盈率50倍,而優質央國市盈率幾倍,極度失衡,現在開始大力踢走垃圾股,又嚴控新上市公司的質量和數目,這樣做才不會A股長年在3000點附近,中國也會有中國自已的十金剛,長期高派息穩定,盈利有保證,這樣的股份肯定長升長有,不過只是升得慢d,短期暴富就冇物可能,長期持有就可慢慢致富,這也是所謂的耐心資本,國家需要的就是更多的中長期資金投入股市,幾隻大型央企正是資金目標.6月14日中移動才上證50指數,今日已經被心急人炒起,重未入指數的中海油一樣破頂,朋友你們手中有多少隻未來的中國十金剛,低位買左的就謂出出入入,好大機會沽左之後都買唔番.