看山是山看水是水

 上交所表剛公佈,調入5隻剔走5隻股份入A50指數,6月14日生效,新加入有中移動,交行,郵儲行,中國核電同埋做蕊片的中薇,被剔走的有民企華友鈷業同埋幾隻表現唔好的A股.由於中移動回A不是很耐,而家才夠日子入A50做大藍籌,中海油遲d都會被納入,上證指數現在幾乎全是高息中特估,只要拉升幾隻中特估,上證就唔會跌,而家重多隻大權重中移動幫手,上證指數要大升易過借火,由於出左大量上證50ETF,國家隊已買左好多,股份有變,發行商要按權重買入新加入的股份,賣走被剔走的,中移動A股大升,H股941也會跟升,持有941的朋友有福了.

 國資委旗下的國新投資月前出左個港股通央企紅利指數,選取當中50隻已來港上市的央企及其控有的子公司作成份股,以便彰顯這批股份的真正價值,以供國内投資者投資高息央企港股,5月9日已有三隻南方,廣發,長城景順的港股央企紅利ETF申請上市,不足三星期已獲中證監批準,相信唔同基金出的央企港股陸續有來,以每隻ETF規模由幾億到幾十億計,若受内地散戶歡迎,隨時會出十幾二十隻ETF,相信又會用過百億來買中移動,三桶油,神華之類的高息央企,今日941,883,1088大升可能係獲批的三隻ETF建倉所致,越多呢類ETF上市,呢幾隻股份的貨源就越來越少,更加容易長升長有,唔係甘多内地小散戶有50萬開港股通買高息H股,出左呢批ETF,一萬幾千就可入場收高息,重可以買齊甘多隻分散風險,相信會大受内地散戶歡迎.

 中煤能源出奇不意派特別息給小股東,升左甘多的股份今早照升,一度升6%,連帶隻神華又創新高,883,941一樣升,好快又可創新高,若是但一隻又學中煤派特別息,唔需要派得多,一樣會令升左好多的股價繼續升.越來越覺得持有的4大天王,越來越可愛,從來不會為小股東帶來驚嚇,只會不斷帶來驚喜,你待我好,我會待你更好,不離不棄,長期擁有你是我對你的回報.

 一間叫中國時空信息集團有限公司昨天在雄安新區成立,資本40億,由三大央企,中國衛星網絡,中國兵器集團,中移動合組而成,星網佔55%,中國兵器佔25%,中移動佔20%.一看個名就知是搞衛星通訊,大股東是專搞衛星升空的,中國兵器集團是軍方的,中移動是搞通訊的,強強合作,超前部處,日後衛星通訊電話定必會隨6G發展成熟而普及,無論民用軍用都商機無限,現在華為已有衛星通訊連接5G的技術能力,還有一點,雄安新區是習主席一手倡導而成的新經濟特區,一定要產生幾間真正高科技的公司並能領導市場才能彰顯政績.

 細閱國務院節能減炭2024至2025方案後,除左肯定對836,916,2380,1186呢堆有在港上市的新能源發電股最為有利,差點忘記重有隻電力設備1072.份文件無非是要減少國人對石油,煤炭的消費和依賴,但天然氣不在其列,天然氣也是潔淨能源的一種,要把中國儘快打造成主導全世界的新能源電力超級強國,所有野都要電力化,規定新起的政府建築物一半要鋪光伏,要用綠電,公共交通車輛全部轉用新能源車,電車好氫能車都好,制氫儲能都係要用電,水泥不能亂生產,因要用大量煤炭,生產水泥都要改用電力化加熱,柴油車要淘汰,改用新能源車,連換船都唔準用油,要用電力發動船.高耗能行業將不會再獲得政府電費優惠,所有耗油耗煤多的大窩爐會被禁用,換成用電的,現在新能源發電只佔30%,25年要加到39%,之後逐年加,不斷起新能源發電廠,直至可全面取代煤炭發電為止,北方居民冬季要加熱取暖,儘量有序引導他們用天然氣,又鼓勵多開發内陸煤層氣開採天然氣,883主要靠天然氣食胡,海上有大量油氣等待佢開發,加埋883又開發到新疆一個龐大煤層氣田,海上陸上都做大佬,邊個夠佢玩,中石化一份報告評估中國的石油需求,去到2030年就會到頂,而天然氣要去到2040才到峰頂,稍為回落後之後又會有大量需求,所以中石化早已籌備轉成為氫能的領頭羊,就算十幾年後,全中國冇哂油車,對中海油全無影響,石油在工業上仍有強大的需求,況且中海油主打是天然氣,現在中國每年要從國外進口7成石油才夠用,天然氣就少d,若能減少使用石油除左可拯救地球外,更可慳番唔少錢,大幅增產,開採多d天然氣就是國家交給中海油的任務.另外文件又提及要有序起多些海上風力發電站,883已起左幾座海上風力發電廠,並預留左10%資源起更多海上風力發電站,日後新能源發電會成另一盈利來源.

 年初至今升左4成的中煤能源1898,息率已跌到番5厘幾,傍晚出通告話準備左15億,平均每股0.113元當特別息派俾小股東,又準備今年派中期息,過往一年只派一次息,今次派多毫一子,但股息率上番6厘樓上,昨天國務院出的節能減碳文件,確實是對煤炭股不利,但影響非即時性,起碼要十年八載才影響到,到時煤炭三寶可能早已轉型成功,大哥1088更完全不受影響,1171同1898最大影響都只是賺少d而已.低位有貨者可安心收多十年八年超高息.

 呢隻高息中特估,半年內升左一倍,升幅重勁過883,1088,又是央企加分紅加資源龍頭,做氧化鋁.昨天國務院印發了2024至2025節能減碳方案.限制光伏,硅片,銅,鐵,鋁的入門門檻,現存的龍頭會更加壯大,為環保限制上游產量,同時又開發可再生金屬,同樣新能源發電和設備生產也會好受惠,出綠證令企業多用綠電,未來大増新能源發電規模和數量,水力,風力,光伏,核電,海上風電等有哂指標要起幾多,又硬性規定在2025年又起好某數量的抽水蓄能和蓄能發電站.綠電和相關電力設備股好大可能之後會升到懷疑人生.今日隻1378會先反映利好因素,遲d到1072,2380,836,中廣核幾隻核電股接力

 不計A股,883市值剛超萬億,但市盈率仍不足6倍,A股市盈率12倍,同股同權一樣派甘多息,883此刻仍是超平超靚超正,若盈利進一步上升,市盈率將更低,股價更有大幅上升空間,若中央7月送大禮,真的寬減内地港股通投資者紅利稅,又或者學内地一樣,持股一年免收利息稅,會即時升一成以上,退一萬步就算沒有減利息稅這件事,憑住883AH間4成幾溢價,買883收息的金額始終多過買A股,北水會長期持有883收息,既然883市值已過萬億,在恒指權重冇可能只得2個幾巴仙,日後恒指服務不得不大増883權重.

 883又創歷史新高啦,21個1,另一隻神華1088也一樣升到傻左,之前預判央企加紅利加資源是王炸,是今年無敵標的,現在看來已得到驗證.有貨的朋友好好珍惜.之前估836同883邊隻率先升上20蚊,結果836跑出,今次又估836同883邊隻先升上25蚊,我都係傾向估836又會先跑出,邊隻先上25蚊都唔重要,因為呢2隻都係組合4大天王成員.

 今年6月11日開始,港交所不再強制公司回購股份後進行注銷,回購左的股份可當作庫存之用,他日配股也好,作員工激勵俾員工認購都好,不注銷的話,小股東全無著數,因股份數目變,故不會増加每股盈利,更唔會因此増加派息,之前資詢業内意見,連外資都大加反對,同國策更背道而馳,一意孤行.央國企回購股份跟住注銷目的都是令股份減少而令每股盈利有所提升,繼而可保持派高息,美國巨企回購股份也是要注銷,故能支持高估值的股價.相信只有純本地家族公司才會歡迎此項新規定.

 極免速遞1519今天納入港股通,很多投資或投機者一早入定貨等大升,此股極可能是北水愛股,因極免在内地好多人用,是否會大升開市就知.不過此股月内已升左4成幾,有大量春江鴨一早入定貨,若今日高開,佢地就食胡,連我都知1519好大可能會入港股通,更何況北水點會唔知

 這是最近瘋狂喜愛的一個版本,加入了老舅的一段rap更是神來之筆,老舅填詞功力之深無可置疑,肯定是一個博覽群書之人,一句月亮啊月亮你不懂,六便士到底有多重就可見一斑.此rap道盡大量往北上廣深打拼的年青人的辛酸和無夸,生活就是這樣,但希望永遠在人間,說不定某天窗前的山茶花會開花修成正果,是一首非常治愈的歌.

 https://youtu.be/j-iN8RD44dI?si=UhW7sLPsoZSRaVtu

過去十幾日, 北水持續走左近2億股883,看似好多其實微不足道,之前持有94億3仟萬股,最低去到92億4仟萬股,早2日已變番淨流入,昨天已上番92億5仟多萬股,今天又淨流入左幾億元,之前被人沽左近2億股,股價都係跌好少,跌到19蚊邊就被人大手買入,是誰在沽貨,多數是國内某些著名基金經理,某著名經理在883還是在8個幾9蚊時建倉,成為重倉股份,但在12蚊時全數沽清,跟住轉買美團同京東,之後呢2隻股大跌,後來又減持轉買其他股份,不能說他是傻仔,畢竟883都係大賺3至4成才沽出的,只能說他買得夠平但睇得唔夠遠,成王敗寇,之後操作失誤買錯股票只能怪自己未夠班,同樣今次883都係從13蚊起步,短時間就升上20蚊,就當d基金是13蚊才買883,升到20蚊都有5成幾利潤,沽貨也無可厚非.當然能從低位買左而又拿得住的才是大贏家,由7個幾買入揸到而家相信大有人在,北水老散佔比更多,升左近3倍,已收左幾十厘息的投資者,怎會在意幾個巴仙的股價下跌,883已封神成為港股股王,因已創歷史新高,任何人任何時間買入都唔會輸錢,根本就無蟹貨.

 相信大家都聽過72法則,這理論是計算令本金翻倍所需的時間,大前提是假設所選股份波動性不大,每年派息率固定,方程式是72/Y, Y是息率,如你投入十萬元買一隻9厘息股票,72/9=8,大約8年多幾日就可翻倍變二十萬,100000X1.09X1.09,乘8次就接近200000,前提是收左息再複投落去,還要假設隻股冇物跌,若不複投,每年收9厘息,就要11年多才能翻倍,過去幾年内銀股最適合此種玩法,除完淨後股價平一截,用已收的息可買入更多的股份,若更進取,可等股價再跌多些甚至比對上一次買入時更便宜好多時才複投,會儲更多股份,只要股價稍後升番和去年持平,本金翻倍的時間會更短.但今年高息中特估已升左唔少,升4至5成的比比皆是,升幅已預支左未來4至5年的派息,收左息再複投已失去威力,若判斷股價在來緊幾年都唔會升得多,就干脆收息算數,股價已升左4,5成,加埋過往收的息,本金翻倍已可提早幾年完成,最冇大志但又最安全方法就是本金翻倍後,先沽一半,剩下的一半股份是免費的,可揸到天荒地老,多左一個終生為你提供被動收入又唔需要使費的好拍檔.

 3320華潤醫藥上星期初沽左一半,幸好不太貪心,上星期五5.94接回,做左個不大不少的T,賺番5%,如今央國企大牛市,都係小做T方為上策,睇番3320旗下幾間A股公司,今日都升勢淩勵,阿胶重創埋歷史新高,三九都升近4%,感覺3320有資金刻意㩒低個價,唔俾佢升多,等除埋淨,收多d貨,然後才展開倍升之旅,現在呢隻股冇物人留意和唱好,更合我心意,都係忍吓手,不要手多亂甘沽出,唔係次次甘好彩沽完就會跌落去俾你買番,總有一次你沽完後佢就一放絕塵,追都追唔番.

 今天由習主席召開的中央政治局會議主要議題有1.新時代推動中部地區快速崛起的若干政策措施,中部地區是指江西,安徽,河南,湖南,湖北五省,大家又可發掘此5省具大幅上升潛力的央國企,雖然有好多隻已升左好多好多,但仍有部份漏網之魚.2.防範化解金融風險問責規定,在我個場不容許任何勢力混水摸魚,上下其手搞亂個場謀利,一經發現殺無赫,必定重判,搵食行遠d,否則會付出慘痛代價,要發展高質量金融市場,一定要清除哂所有牛鬼蛇神,不怕水清則無魚,要打造人間淨土,制度良好,又有強勢監管,自然會吸引資金流入資本市場.

 今次第三期大基金投入3440億,過去兩期,第一期N年前用了200億,十年前第二期投入2仟零億,牽頭人都是財政部,同埋最多錢又冇上市的中國煙草公司,大基金是不會蝕錢的,股權投資於多間蕊片公司,總有幾間最終會壯大跑出,有錢賺會減持部份股權獲利.今次第三期大基金除左財政部是大股東外,還引入大量内銀做小股東,如交行出資200億,佔股5%,建行2百幾億,佔6點幾巴仙,還有中行,農行,郵儲行,物行物行,6間内銀加埋出資1140億,有無限資金支持,相信中國蕊片好快就會突破封鎖,創出自己的路,下午中蕊,華虹半導體等股份又急升.股權投資已成央國企另一盈利來源,賺錢多的内銀每間拿二百幾億出來投資蕊片完全冇財政問題,重要係會有盈利的投資,正如中移動,十幾年前入股浦發銀行,幾乎半間浦發銀行都是他的,年年收息收到手軟,又係零成本持有,前年又入股郵儲行,成為第二大股東,大幅攤薄左李超人的持股份額,變得毫不重要,若干年後,中移動入股的郵儲行股份又會變為零成本持有.

 前年落成全球最大的白鶴灘水電站,左右兩岸各有8台抽水蓄能發電機,一共16台,左岸由東方電氣1072供應,右岸由哈爾濱電氣1133負責,此兩家公司已壟斷哂全國9成9抽水蓄能業務,要到2030年才可勉強應付市場需求,上午冇物升的1133,下午也大升9%,1133專做抽水蓄能,1072就物野電都識做,六電齊發,起好發電站後,後續的維修,零件替換也會不斷進行,絕對不愁冇生意,1072身為國資委的親生仔,身負國之大器名號,假以時日,市值定必大躍進,股價也有望倍升,難得在極低位買入,更會惜股如金,一股不沽,伴他一起成長.

 京東剛宣佈前線銷售人員,業績達標,一年16個月糧加為20個月糧,升幅25%,更不設天花板,業績好的分得更多.光靠口頭稱兄道弟是行不通的,生死存亡關頭,要下血本,最怕是某些兄弟達左標後,繼續摸魚躺平,多賺的錢走去買拼多多股票,贏得更多.

倉内4大天王完全是牛市走勢,神華今早又曾一度再創歷史新高,華潤電力幾乎天天都創一年新高,883同941輕微回調下,2,3就收復哂所有地重突,距離一年新高只差幾個價位,相信好快又會再創新高,其餘高息的内銀股,航運股如3988,939,1919一樣係升到你唔信 ,高息的中特估才是王者,息率下跌是因股價大升引致,股價依然上升,因大部份持有者都不是此刻才追入,由於有長久派高息的確定性,之前買落的投資者其實是收緊極高息,若盈利持續上升,收的息只會越來越多,股價也會上升.相反一些因股價腰斬變成超高息股如地產股,零售股現時十幾厘息,但冇人敢包下次會否不減派息,有一可能是下次大減派息一半都是十幾厘高息股,就是股價再跌一半,靠股價大跌而跌成高息股的一概可以不理.

 今早又是電力股普漲,一般升幅都在3至5%,電力改革的核心是電價由市場决定,引入智能電網,中長期消納更多的新能源發電,中長期新能源電廠會受惠最多,長做長有,短期則有利火力發電,可享受釋放盈利的紅利,要被取代要一段好長時間才會發生,故比唔理火電綠電一齊升.文件又稱抽水蓄能會大量興建,但起唔切,需求太大,要時間消化,電力設備1072相信生意有排做,股價去年12月頭6個幾升到而家12個幾,足足升了一倍,重會升幾多我唔識睇,但肯定會升,放下紙鳶任佢升.另一隻做智能電錶的威勝控股3393,已除左淨,股價由3蚊唔到升到7個幾,只不過是做智能電錶,國家電網幫襯佢買大量電錶俾用更換,就升成,最近升勢減慢,但都係在高位徘徊,換左電錶後更精準,電費肯定多過之前.

 上星期五劉強東向媒體說,凡是長期業績不達標,長期不拼博的人,都不是我的兄弟.並說公司患了大企業病,有不少陋習,午膳時間長達2小時,更有人索性關燈午睡,下午4點就下班,更有人一年内有百幾天由他人代為打咭.决定加以整頓,中午休息時間由過往11點半至1點半改為由1點至2點,期間唔準熄燈,更嚴禁代人打咭.電商市場正鬥過你死我活,阿大拼多多㩒住阿二巴巴來打,又有後起之秀快手,唯品會,B站從後追趕,重要隻超級大老虎字節跳動虎視耽耽,隨時後來居上,成為盟主.身為阿三的京東已感到殺緊埋身,隨時被消滅.過往風光時也曾多次發表兄弟論,但内容同今次完全唔同,第一次話京東的成功離不開兄弟們的支持和努力,永不會解僱任何一兄弟,第二次話要為兄弟謀多些福利,令佢地生活過得更好,第三次勤勉不要躺平,自己絕不躺平,勢要令京東重上重峰因京東是間偉大公司.一個身家過百億的商人,同月薪幾仟蚊的員工稱兄道弟,重成日掛在口邊,真係有d搞笑.

 在2003年上市的長江電力600900,上市價4個3,上星期5收26.3,創左歷史新高,20年間派息都派左十幾蚊,派息比率長期都在5成幾樓上,近三年每年都派8毫幾子息,現價談不上是高息股,得3厘幾因股價不停上升,若是在上市初買入,而家講緊每年收20厘息,若早十年八年買入,都講緊收十幾厘息,此股是慢牛式上市,盈利不會突然急升,完全睇天做人,某年雨水不足,發電少左就賺少d,某年雨水充足發電多d就賺多d,近年每年都係賺2百幾億,派番百幾億出來,其餘盈利就用來還債,因初期興建水電廠需要大量資金投入,跟住就冇物需要再投入資金,未來幾十年如無意外都會繼續運作,年年都有大幅盈利,而債務相信也會好快還清,活生生一隻搾極都唔乾的現金牛,早買並長揸的内地散戶一早上左岸,若儲左一定數量的長江電力如50萬股,一年收番40幾萬息,在國内絕對可衣食冇憂,現價26個幾得3厘幾息都有大把人買,因息率遠高過存在銀行,現在的中特估慨念或信仰同長江電力如出一徹,股價未大升前就是買入良機,趁未大升前買入收高息,持有以年計,股價慢牛式上升也沒所謂,可能十年八年後股價會倍升計,就算升幅冇甘多,收息都應收回買入成本,並可長久收息一直收落去,24小時唔駛做都有被動收入.國内現有廣為人知的十大金剛央國企養老股,分別是三桶油,4大内銀,中移動,中國神華和長江電力.不過大部份散戶都不喜歡這批股份,他們更喜歡短期暴漲致富股,結果係100個中有99.9個被割韭菜,反而持有十金剛,聽黨話,跟黨走的散戶個個贏到笑,買得遲唔夠貨又嫌A股升得太高,只得轉移資金來港買更便宜有在港同步上市的H股.

 今日華潤電力,中國電力,龍源電力這批有大份額新能源發電的股份升勢淩勵,前兩者更創一年新高,火電如902,1071也大升.主要原因是習主席昨天在山東與國企民企開座談會,會中重提2015年提出的電力改革9號文件,可能會加快落地,此文件的精神是穩住中間,放開兩端,容許盈利.意思是穩住煤炭發電,加快興建新能源發電以取代,増加儲能,調節能力,確保有充足的電力供應,在發展的同時,更容許電廠有適當的盈利.隨着AI時代的來臨,電力是一切的源頭,美國的電力股已升到脫哂節,内地的電力股相比平到痴線,今年内地電力股極可能會大幅跑出.幸好我有大量836和少量電力設備股1072,唔駛高追,希望我的預測冇錯.

 李大少今日在長實,長和股東大會上被小股東質問,為何長實去年用30億元回購左8仟萬股,股價仍低迷,何不拿來増加派息.李大少說回購股份也是對小股東的一種回報,有利長遠發展,唔係只得派息一途才會令小股東得益,言下之意是否暗示1113,1號仔來緊一年都唔慌會加派息,唔減都要感恩,俾李大少計過的數,多數寸草不生,長和孖寶都係避之則吉.

 今天阿胶的股東會上,有出席的小股東問主席能否發放實體福利給像他一樣的長期支持者.程總說多謝長期支持者幫助公司渡過過去一度出現過的難關,但凡持股三年五年至十年的小股東,日後有新產品面世會第一時間免費寄上供試用並贈送優惠券,2個月内收集完資料後會落地實施.持有阿胶3至10年的小股東其實已經肥過豬頭,股價升左唔知幾多倍,近年重賺幾多派番幾多股息俾小股東,阿胶重係貴價產品,個個小股東都免費送,你估阿東係慈善機構,最好結局就係小股東長揸唔放令股價易升難度,再買多d阿胶產品,派優惠券俾佢地,等佢地上引買多d,最好介紹埋俾親朋戚友使用,多贏局面.

 手中持倉達8成半的4大大王,941跌0.5%,836跌一格甘大把,1088同883重有得升.個市回左1千點,呢4隻高息股完全唔受影響,年頭至今隻隻升幅都有4成除左中移動冇升甘多外,若係在今年之前買的,升幅更驚人.其實我非常喜歡大跌市,有機會執2,3,4線平貨中特估,通常跌過龍又會升番,短時間執十個八個巴仙非難事,這些股份若是特別高息,在除淨前一定有人買來收息,股價多數唔會大跌之餘重會上升,若因大市下跌出現超低位不妨買番d,不想長揸就在除淨前派給下一個接盤者,萬一隻股唔升或升得唔多,就干脆收5,6厘長揸,隻隻中特估都有唔同的除淨日期,運氣好真係可以輪住玩十幾隻,隻隻贏就5%hit and run, 收獲都可以好豐厚,當出超級花紅,長倉收息個批當然唔會亂沽.

 首批400億超長30年國債今日同步上市,息率2.57厘,可收足30年息,理論上除可收回本金,重可以77厘息,看似不吸引,但國内居民資金太多,一來買左唔怕會輸本金,重可收足30年息,有些人買多些單靠收息都可安逸過活,唔想長揸就可買已上市的國債,每單位100元,今日兩次漲停,最多23%,收市升19.7%.來緊重有近萬億國債會推出,相信又會被搶購一空.同樣道理息率比國債多成倍的4大内銀,特別是H股內銀,息率更高,安全性同國債其本冇分別,這就是今年内銀,主要是中工建,不斷被北水搶住買的原因.

 553是央企中國電子集團在港的其中一間上市公司,業績一向唔好,蝕多過賺,但業務趨向超高科技,即國内所講的新質生產力,呢間野一向有生產機器人,如捧餐機器人,各類型熊貓品牌小型機器人,最新最惹人憧憬的是腦接外機技術.今日股價無端端又升近一成,每次大升完例必回調,跌到2.5至2.6又升過,但又升唔穿3蚊,來回好多次,全是北水做T賺差價的手法,又技術有所突破或企穩3蚊樓上,可能會有大驚喜,我都係玩短線同北鬥快閃,跌到2個6就買少少,升2,3毫就走,短時間執十個八個巴仙都幾爽,畢竟此股經常冇盈利,又冇高息支撑,全炒概念和未知的前景.中國電子集團另一隻在港上市公司中大華電85,盈利就不少,但股價就冇物大升過,可能不是港股通股份,冇北水買,炒唔起.

 據統計42家在A股上市的銀行,去年有260萬僱員,薪酬超過一萬億元,人均年薪40萬元,當然又是少數人拿高薪,大多數的基層員工都是拿一般的工資,超過一半銀行都連續兩年減薪,個別減幅更達14%,更出現大量反向討薪的事件,即負責銷售銀行產品的中高低層,預先收左花紅和獎金,但之後業績未達標,有些已離職,有些仍留在銀行工作,都被追討已發出的薪酬,成功率非常高.作為内銀小股東,最關心是銀行能長期穩定派高息,提績増效自然是最佳手段,對於銀行從業員的苦況,只能寄予同情.講到慘,最慘係香港的銀行從業員,金管局早前公佈有3萬幾宗負資產,稱大部份來自銀行的僱員.因在銀行工作可享用高成數按揭和較低息率上車買樓,只要樓價稍為下跌,立刻成為負資產,雖說只要保住份工同如期供款就不會出問題,但天要下雨,娘要嫁人,有些事要來始終會來,唯有博命低頭工作,上級瘋狂卒數,都要盡力完成達標,為的就是保住份工,都咪話唔慘.以往課堂教的價值觀完全是脫節兼離地,讀好d書,將來揾份好工,安份地做3,40年,初初出來做野,要不怕吃苦,但現實係只要你肯吃苦,會有吃不完的苦等緊你,對公司要有忠誠度,一分耕雲,一分收獲,老細一定唔會虧待你,你若遇上的是一位好老板或許會係甘,但現實係更多老板或大公司,會在覺得你再冇利用價值或成本太高可找他人替代時,就會馬上踢走你,重會話你多年來不思進取,影響公司發展,很多所謂的中年危機就是如此出現.所以最好的自保方法就是在法律允許下,多賺些錢,越早越好,打工儲錢又好,炒股買馬買波都好,只要能儲到錢就好,當然不是叫你去賭博,以大博少,亂甘來,而是以小博大,用最有效方式贏錢累積原始財富,然後投資,儘快達致財自,被動收入都夠生活,無需打工都生存到,到時真係可以為興趣而返工,唔收錢返工都重得,到財富不斷増加,再増加生活質素同品味未遲.

 新地剛與23家國内,本港和國際性銀行簽定一筆5年期230億元銀團貸款,23家銀行借出230億元,平均一間借出10億,減低風險,若在過往,銀團最多十間八間,邊有20幾間甘多,息率幾多沒講,有人肯借已是萬幸,新地有太多未完成項目,急需用錢,未來利息支出大增已是事實,想佢加派股息有點不現實,唔大減都要還神,25年落成的九龍高鐵上蓋寫字樓項目可能又是一大挑戰,甲級寫字樓確是供過求,唯有減租才是出路.

 939,3988升到你唔信,升幅雖不多,但足夠創多年新高,持有者繼續很高興,四川三寶之一的重農行3618也跟住三年新高,同在重慶的1963重慶銀行也一年新高,成渝雙城區是中國經濟發展新引擎,過幾日發改委又會在四川開發佈會,宣揚一下成渝的偉大發展及未來發展,四川省好多企業特別是央國企,可看高一線,可惜在香港上市的不多,要升的幾平都升哂,四川路橋,四川長虹呢d大股冇在港上市有惜.好似有隻超細國企重慶機電冇物大升過,成交又細,話唔定他朝有日會爆升,但又要在低位埋伏,唔想攪甘多隻,間中看下算.

 中國汽車市場競爭激烈,内卷嚴重,卷到馬斯克都快扛不住.華為是中國第一的科技公司,盡收天下科技人材,每年都把9成9盈利分給員工,留住人材,存在目的根本不是為圖利,身負發展國家高新科技的任務,根本就是一間國有的民營科技巨企.華為講過,永不造車,但擁有多項超高造車技術,就與多間國有車企結盟合作,華為提供技術和不斷升級的新科技,對方負責生產,生產高中低價各類型汽車.最新與國營的江淮汽車制造的汽車尚未命名,余承東說此款汽車會對標和超過勞斯萊斯級別,入門價以百萬元起計.幾年後可能會有好多間曾威過的所謂新造車勢力會消失,反而多間國有車企如長安,長城,一汽,北汽,淮北會安全地存於世上,而且越來越好.

 個市在ATM和友邦拖累底下,跌番4百幾點,但一衆外資冇貨的如941,1088,3988等非但唔跟跌重要上升,其餘如939,836,883等都是跌幅輕微,下個月新的恒指權重分配,情況會更加好,央企股所有的權重都加左,相反新經濟股權重減左,若換在今日,跌幅會更少,6月底恒指公司的公司轉分類資詢應有結果,例如將巴巴,美團等從科技類調去消費類,再加入一些真正的科技類公司,若真的執行,央國企的權重會進一步増加,恒指會更難大幅下跌.

 大台將會在6月3號晚上9點半播映由王家衛執導的内地電視劇繁花,此劇雖是以上世紀8,90年的上海股票市場作背景,但實際是一套愛情劇,更是對八九十年代的繁華盛世作出致敬,劇中穿插了三十幾首國粵語金曲,會勾起無數人的回憶,我已看了整套劇,評價是值得一看.香港電視劇已失去昔日光芒,近十幾年已冇一套見得下人的作品.若講貼近中國股票市場實況的電視劇,今年的城中之城絕對是最貼地,把大戶割散戶韭菜的手法盡情揭露.中國人口14億,具影響力的電視劇產生的效果越來越明顯,如去年由劉奕菲和李現主演的電視劇去有風的地方播出後,令雲南大理成為旅遊熱點,帶動起文旅消費風,更要命的是十萬名青年和中年人仕,前往大理古城躺平生活,有人賣掉物業,有人儲左筆錢或有股息收入或被大廠如騰迅和阿里栽左,就前往物價,生活指數低的大理過著悠閒生活,躺平地寫意地生活,但太多人前往遊牧式居住後,導致租金,物價急升,當這班成年人錢用到所剩無幾時,又或會重返城中過着996生活,又或者找尋下一個更價廉物美的大理居住.

 近來瘋狂愛聽較新的抖音神曲若是月亮還沒來,我相信月亮一定會來的,若非紫金下個月才成為國指成份股,今天國指肯定已上7仟點,現在只差不足30點,離收市還有一段時間,可能月亮今天已到來.

 此集團在港有一上市公司金川國際2362,股價一年内由3毫7升到今早1.08元,現價可能已偏高,不宜高追,過去一年内任何位買都贏錢,大升原因是此公司在非州剛果擁有幾座大銅礦,產量佔全球產量的幾成,唔知有冇記錯,可能冇多,但肯定超過一成,再加上上星期剛果又粉碎左一起大型政變,令剛果政局穩定左,重2362連續2年盈利下跌,但其母公司金川盈利則屢創新高,但又冇在A股上市,2362股價被沽得過份低,現在彈上來也十分驚人,銅價高企358江西銅,紫金一樣是升唔停,只是2362少人留意,金川集團都是執行國家任務,一早佈局海外銅,鋰礦,打敗西方國家取得開採權,才能確保新能源車,人工智能相關產品能大規模生產.

 上周五習主席首度提及要令中國成為旅遊強國,之後幾天央視連續幾天鋪天蓋地講述中國旅遊的前景.主要論述是中國有14億人口,人均出遊率,只計内地遊,一年只得4.1次,遠低於世界主要國家的出遊次數,一年12次,有極大的上升空間.再者是中國景點極多,旅遊模式也由過去的觀光式旅遊變為體驗式旅遊,不是走馬看花式看完就走,北方的人往南方,南方的人往北方體驗不同的文化之旅,文旅盛行既可増進經濟收益更可弘揚和推廣中國文化,加強國家的軟實力,此外要成為旅遊強國,也要帶動交通,酒店,民宿等行業的發展.港股中,攜程,同程,華住集團應是最受惠的股份,只可惜這三集股票,尤其是前兩者,股價一早升飛天,冇平貨給人上車的機會.

 393本身已是一隻現金牛,直到去年底,銀行活期同定期存款已達17億,股價升左十幾個巴仙後,市值也只是12億,本業實在沒甚麼亮點,甚麼裝修工程和出口,服裝銷售和加盟店收入,賺的錢都不多,去年營收大跌,但盈利反上升11%,但都係賺4千幾萬甘大把,最賺錢是金融投資,股票和債券,銀行存款利息,但債券是蝕大錢的,因持有一隻富力内房債,連年都作大幅撥備,去年又因此撥備左5千萬,相信已預左收唔番所有本金.但去年集團一個重大的決定改變左一切,自去年4月開始,用左5億元不停増持建行工行,以均價4.5増持左7千百5十萬股939,又以均價3個9増持左3千5百萬股工行,加上以往已持有近億元的中工建H股和少量中銀香港,市值已超6億,但重未買夠,今年一月頭幾日,用多6億元大掃中建工H股,3988均價2.9,建行4個幾,工行3個幾,換言之用左12億買左3大藍籌内銀,銀行存款可能因此得番11億,但管理層可能覺得内銀收息高於存定期,且有長期性,意猶未盡重提議要買多2億元内銀,要待董事過才做,但呢3隻内銀升左多,會唔會再買都成問題.今次未期息4仙8,去年4仙,大増20%,重未計中期息,發行15億幾股計,今次要派7千幾萬,賺得4千幾萬,但都係牛仔褲大最著數,派番俾自已,況且佢有個唔知物鬼海外上市條例,393是海外註冊上市的,要有個派息貯備池,現在重有9億幾可派.此股一向交投稀疏,又成日回購,但唔代表會私有化,股價長期在7毫至8毫子橫行,係呢排先至升上9毫子樓上,今年盈利定必因持有大量平價買番來的内銀而大升,但股價會否大升則是另一回事,但増加派息是大有可能的,我都唔打算買此股,只會間中留意吓,買佢不如干脆買内銀或長期持有已買入的内收息.

 剔走碧桂園服務,加入比亞迪電子.權重作出頗大改變,金融類權重大増至33.12%,加隻幾隻内銀股權重,建行加到5%以上,加埋工行中行權重接近11%.科技類則減至29.3%,ATM3隻加埋唔夠22%.資源類佔9.32%,三桶油加神華加紫金佔左絕對份額,電訊同埋電力股歸埋一類,佔7.5%,中移動十中電十聯通十華潤電力佔左大份額.地產類大減至4.8%,全部中港地產股加埋都唔夠一隻建行多.另外醫藥類也不成氣候,只佔2.27%,最後是消費類,佔13.2%,比亞迪也歸類消費類,其餘一大堆都是中資内需消費股,啤酒,牛奶,礦泉水,運動鞋,旅遊股物都有.新權重實施後,恒生指數就好難再大跌,就算ATM同時大跌,都21%,整個科技版塊不足3成權重,況且重有小米,百度,網易等頂住,冇可能全部一齊跌.中特估三個主要牌塊,金融,資源同電訊電力加埋超過5成權重,若再加埋以中資股為主的内需版塊,已達63%,地產同醫療加埋7%,可以不理,最近内銀内險大升,金融,資源,電訊的話語權已掌握在中方手中,大量北水不論散戶或國家隊已重倉左呢類股份並會長期持有,港股已有左定海神針,不易被外資惡意沽空,若外資掉轉槍頭,由於冇中特估在手同沒定價權,改為買入權重已大減的新經濟股,配合中特估升勢,恒指後市好大可能會升到懷疑人生.恒指目前82隻成份股,本地股份只佔29%,中資股佔71%,日後擴容至100隻,本地股佔比會越來越少.

 唔計計唔到數收埋在床下底或餅乾盒的人民幣,計到數存款在銀行的有成3百萬億,居民存款超過150萬億,一萬億超長國債完全消化到,2.57厘息要放足30年先拿到番本金,但年年有2厘幾息收,應該大把人買.日後數字人民幣全面推行,大量唔見得光如貪官的款項就會現型,收埋响屋企都係一堆廢紙,根本駛唔到,就算買樓或其他資產,數字人民幣化後,一樣走唔甩,你點樣清洗洗白都搵到源頭,到時充公左的或收埋唔想俾人知有幾多錢的人,都要乖乖地放在銀行俾政府監管,到時存款數字隨時大幅増長.下午金管局會出記招,増加數字人民幣在港試點,中行,工行,建行同交行會參與,防止資金外流,大勢所趨,日後定必有數字港幣出現,到時就冇假鈔,洗黑錢等問題出現,你賺的和使的一分一毫都一目了然,逃稅將會幾乎不可能發生.

 國家統計局發言人今早表示,4月份全國水費價格加幅0.9%,燃氣升2.4%,火車票0.5%,電費持平,對CPI上升的影響幅度不足0.01%,同比也只是0.02%,潛台詞是否指公用事業加價會繼續,有需要就會加,根本不會令通賬上升.另外今天發行的400億超長期30年國債,對象是機構投資者,息率2.57厘,據聞頗受歡迎,超額多倍.重有一萬億國債在後頭,唔夠賣還可以増加.

 十年前内地已有位高人總結多年股市經驗,悟出8字真言,不是電視劇大時代甚麼遠離股市,及早離去.而是選準,拿住,收息,攢股.平心而論,選準最容易,揀中一隻標的好股也非難事,常人都可以輕易做到,最難做到是拿住,因不知收息和攢股的威力,至於收息更是指定動作,除非你選的是一隻低息或唔派息的股,收息到攢股即是將收到的息再複投,令持有的股數不斷増加,同時收息金額也不斷增加,到累積到一定大數量股份,到時股價升跌已不再重要,因你已有永不間斷的龐大現金流.假設你持有股票A一萬股,初次買入價10蚊,息率10厘,派一萬蚊息俾你,你再將一萬蚊複投,如此方法玩十年八年,你可能已擁有萬幾股或2萬股,投入的資金都係開初的十萬,若隻股十年後升到20蚊,但派息都冇加都係派一蚊,息率得5厘,但你有萬幾二萬股,收萬幾二萬蚊息一年,十幾二十厘,若股息隨股價上升而増派,甘就更加合味,隨時30厘息都有,掉轉若隻股唔生性你中途又冇換馬,若十年後股價唔升甚至跌落8蚊,都係派番一蚊甚至減派到8毫子,因你有萬幾2萬股,收的息都係多過一萬蚊,根本冇得輸.但現實中不是每個人都可以把收息再複投,更多人的情況是選準,拿住,收息,花掉收息,這都算是成功左一大半,人人經濟情況不同,不可強求.若你有初生孩兒,不妨少少地拿幾萬蚊幫佢買隻高息兼可長期生存下去的公司股票,如優質大型央企,中途只需收息複投,不需再投入任何資金,到佢18歲,幾萬蚊可滾大到相當可觀的金額.

 今早恒指勢必高開,19500以上,國指今天勢必見7000,個人盤前推測而已.已接近全倉持貨,無需再去高位追貨,升到22000才開始逢高減吓磅,畢竟冇貨或唔夠貨的散戶仍佔絕大多數.

 之前錯過的倍升股,2個月就升左一倍,之後回落,由4.22跌到3個9就唔肯跌,跌幅輕微,如今又升到4個4,呢隻596不是H股,不是港股通股份,原來今早已達進入港股通門檻,市值超過50億,只差唔記得半年定係一年平均市值呢項,若股份再升多些,市值去到60億或更高,甘就唔駛個幾月就成港股通股份,北水可以落來大買特買,其母公司浪潮信息在A股是熱門股份,經常在十大上升榜出現,皆因他是正宗的AI軟件股.另一隻3983情況差不多,現時市值接近50億,更是高現金股,6月可開始回購10%股份,到時市值上升,用多幾個月時間,又可成為港股通股份,到時北為高息會狂買呢隻股份,若短期有關當局能降低港股過門檻如市值和平均市個時間,甘就會有更多公司入圍,進一步増加港股流通性.

 高盛早幾日大鑼大鼓話6月前國指若千上7000點,南韓的淡倉會大舉平淡倉,進一步推升港股.看來已找到一隻肥羊,咬實唔放,準備飽餐一頓,國指7000點,最快明天見.普京往北京與習大大會面,隨時又有好消自出台.長揸内銀的投資者,特別是安份的長者,今天應該很高興,最近一個星期北水資全不斷加碼買入内銀H股收高息,減免港股通紅利稅的消費十之八是真的.

 中國致力發展低空經濟,此行業又是領導全世界,一般人的認知以為只是搭升昇機從A地往B地,節省時間的玩意.其實並不是甘簡單,在低空環境下,利用無人機,可以發展很多業務,說來有點科幻,但好快會成為真,例如空中汽車在低空中飛行,大量各類型的無人機在低空中運送文件,輕型貨物,甚至送花給女仔等等,無人機的製造當然是重要,但更重要是空中管制,若無安全穩當的訊號系統,豈不是空中大亂,亂哂籠.中國通號是鐵道部旗下公司,AH都有上市,全中國的鐵路,高鐵訊號系統佢做哂,獨市生意,是包賺的生意,但國内的盈利不會大幅增長,因冇可能年年都起多好多條新鐵路,盈利增長主要來自出海,海外的鐵杆兄弟國家要起新鐵路,車廂就搵中車,路軌就找中鐵建,中交建三寶,訊號系統就找中國通號.言歸正傳,國内多個城市都爭住做空中經濟龍頭城市,市長省長都親身下場圈地找地方發展產業鏈,今年至今,已有多個大城市爭住同中國通號合作研究訊號系統,今日又多左個北京市,成立公司與中國通號共同研發訊號系統,中國通號已是這方面的專家和領導者.現在還是在炒概念,重沒有實質盈利貢獻,今年首季盈利重較去年同期下跌10%,但無損股價上升動力,畢竟他發展的就是成日掛在口邊的新質生產力,一旦成功,錢途無可限量,呢隻3969其實都唔係升好多,由2個幾升到3個零,都係升左3成幾4成,重係慢慢升個種,北水又係重倉揸左4成4,隻股平時冇物人提,未升之前都算係高息股,每年派息一次,毫7子人仔,現價6厘都唔夠,若跌穿3蚊都可考慮買番d擺吓,隨時又係倍升股,概念十足,最怕是北水買夠貨,某天又會借好消息來個大升十幾個巴仙,利申我冇貨,買唔買都冇所謂,若佢肯跌多d,或許會買,高就肯定唔會追,我覺得明天或會借好消息而大升,甘我就可睇少隻,免做接盤俠,低位有貨的朋友就恭喜哂,可慢慢睇住來食,若相信國策,深信低空經濟一定得,甘就可揸耐等食大茶飯.

 MSCI 中國指數新増8隻股份入圍,同時剔走41隻,5月31日生效,全部都是A股.這個指數由於也同時列入MSCI世界標準指數系列,重要性大増,全球所有被動型指數基金都會跟隨,上次季檢二月份剔走新世界,百威亞太2隻港股,呢2隻股份尤其是17號,跌到阿媽都唔認得,相反新加入的港股巨子生物,幾個月内就升左6成,上次同時新進的A股招商公路,美的集團都是升勢凌勵.今次加入的8隻A股,較熟悉的有海信家電921A股,H股921已經升到無得估頂,幾乎日日創歷史新高,有貨又坐得住的投資者真係嬴到笑,10零蚊起步,升足年幾,而家離40蚊都不遠,冇幾耐前都重係得30蚊,個個話貴唔敢買,敢沖入去買的又有2成以上利潤,追落後買1070,6690一樣贏到傻,前者升左一倍以上,後者因是恒指成份股,冇升得甘誇張,都升幾成.快將來港的家電巨無霸美的集團,若真係來港作第二上市,真係唔知會升成點.其實股價高唔代表貴,只要所處行業正進入黃金勢代,未來幾年盈利都能持續高速上升,就一d都貴.另一間較熟悉的是883的同系兄弟公司海油發展,呢個公司重巴閉,同香港關係密切,今年頭已提早完成的石鼓州人工島項目,島上一切廚餘高溫處理,海水化淡,垃圾發電的軟硬件配套,全由海油發展包辦,高溫爐用的鋼鐵是鳥巢的8倍,超大型配件就在珠海日夜趕工組裝合成,然後由海路運來石鼓州,這個一站式大型環保項park1,都用左幾百億元,來緊準備在屯門照辦煮碗搞Park. Park1已完工交貨,但香港重沒解决垃圾分類,廚餘之類的問題,垃圾徵費更唔知幾時先做到,最多只能拖到年底,成間石鼓洲世界一流的環境工廠已起好,等緊處理大堆垃圾.

 若何伯在15蚊附近將4百幾萬買哂2800盈富基金,肯定好過每隔3個月走去銀行做定期,收3厘半息.去年2800未期息0.55元,今年剛派左中期0.15元,比去年大增近9成,就算今年未期息冇加都係得0.55元,一年都收0.7元,接近5厘,但今年幾隻過往唔派息的權重股如700,9988都派息,未期息肯定大増,連埋中期息隨時派1蚊或更多,在15蚊買左的話,收硬6厘幾息,重可以收到離開世界,而且所收金額隨時年年都會増加,話之恒指四萬點又好,8仟又好,4百幾萬買哂2800,一年冇風險收番近30萬息,一個月2萬幾夠晒何伯去尋找真愛.

阿里業績符合預期般差,沒有更差已屬萬幸,美股盤前大跌5%, 本地生活做左600億生意,重係要蝕錢,雲業務只有3%増長,幾他業務幾乎全部蝕錢,只靠淘天賺錢支撐,但只得幾個巴仙増長,這一版塊絕不能輸,輸左就玩完,為左支持股價只有増加回購,而家重加多一樣,大加派息,由成長股變左公用收息股,今年已决定派息40億美元,約每股0.2美元,都有2厘息.只希望放完假返來,跌幅不要太多,以免拖累港股升勢,若能與700雙翼齊飛,港股就會快一些上返2萬點,如今又要等耐d.

 24年度除左加大回購力度去到1千億外,重要加派股息,在新國九條下,國内上市公司有錢賺唔派息會被迫退市,騰迅雖不在國内上市,但在一國兩制下的香港上市,點都要支持國策,派息俾小股東.

 營收増6%,盈利大増54%,去到502億.本周2萬點應冇問題.

 高盛投資團隊出報告說南韓銀行和券商在2021年港股3萬幾點時出售左幾十億美元與港股國企指數掛鈎的票據,即看淡港股,這批票據在今年5月和6月到期,若恒生中國企業指數升到7000點樓上時,就會無利可圖,現在指數只差3%就到7千點,若升到7仟點時,可能會避免損失而平倉,大舉買回相關股份,到時會提振港股進一步上升.現在的國企指數名不符實,不是全部都是國企,ATM和其他民企才是最大份額.高盛會否甘好心提醒投資者,可能一早造左某些部處,同對家南韓對賭,想借散戶力量挾爆對方,另一可能是想多些人同資金高位追入港股,一早已做左淡倉,然後又殺落來.我傾向相信前者,挾死沽空者,恒指會持續上升.

 近期港股大升有專家稱主要是FOMO fear of missing out作怪,後知後覺的基金同散戶見個市好番,怕錯失機會,不問價去追貨,之前種種疑慮同担憂突然間消失,說白d就係怕執輸,就算今次又再次中伏,高位被綁都唔怕,因有大把人陪,若個市真係升,個個短線都賺錢,若自已冇份參與,冇錢賺事少,俾朋輩同親朋好友笑事大.用FOMO心態去投資只適合短炒,坐唔安睡唔著去追逐稍瞬即逝的機會,錯過左就可能長期做蟹,投資最好都係進化成JOMO, Joy of missing out,一早買定貨部署好,不理個市大升或大跌,都可笑看風雲等收成.

 不是在吹票,又要講華潤醫藥3320,吹不吹票都難擋他上升的勢頭.近日3320的子公司華潤三九的王牌產品999感冒靈嚴重缺貨,很多藥房懷疑三九採取了飢餓營銷策略,要捆綁其他產品才提供足夠的感冒靈,三九說絕無此事,真的產能出了問題,太多人買,應付不了,要到年底才能滿足市場需求.明顯是呢隻999感冒靈主導了市場,其他牌子的感冒藥鬥唔過佢,便宜也沒有用,是消費者信心問題,内卷不適用此行業,只要加價,人們都會照買,到時產能肯定冇問題,要幾多有幾多.

 四川三寶811,107,3618,教科書,公路,地區銀行,升到麻木左,即使除完淨後,股價仍高過買入價好多好多,繼續長揸,財息兼收.持股組合四大天王,竟要三隻逆市下跌,但跌幅輕微,重未收市,收市後隨時只有一隻下跌,其餘持股繼續創新高的不計基數,懶得去計,只需看股值結餘多過上星期五好多,連數錢都唔冇興趣,反正日日身家多左就可以,這種好日子應該會維持多一段時間,現在還未到居安思危的時候.

 首先利申,我在4個7買左唔少3320,做左好多次T,成本約在4個2左右,今早3320股價在6蚊樓上,我好貪心,梗係望升多d,等緊各路資金,各位接盤俠幫手推高股價.而家講吓點解升左甘多重看好3320,此股於2016年上市,上市價9個1,當年盈利20幾億.去年此股盈利40幾億,當我係一條幪丙,唔知間公司做甚麼業務,有冇前景之類,但今年股價已較上市價腰斬一半,盈利又較上市時多近一倍,傻人或蒙丙會趁平買入,聰明人會思前想後,睇圖睇盛,結論係一定有伏,買唔過.結果再一次傻人戰勝聰明人,最大可能是升左好多後聰明人才入場,而傻人就笑住沽出.邊個係傻或聰明真係講唔埋.

易經說有實力的人或事必經潛龍勿用,見龍在田,飛龍在天,亢龍有悔四個階段.數仟年前的智慧放在今天同樣適用,無論是做人或炒股方面,若你認為自已是一條龍而不是一條鹹魚的話,起初就要隱藏實力,等待機會和時勢,像沉在水底下的巨龍,伺機而起,但同時又要不斷裝備自已,做到天行健君子自強不息,儘量不要鋒芒過露,韬光養悔,就如在股票市場憑實力認知或運氣找到一隻被人忽視或無視的股票,就買在無人問津時,密密低吸收集,無需理會外界的雜音,更無需要得到大部份人的認同,投資路上寂寞是最好的朋友,會令人更加頭腦清醒,買夠貨後,就會進入第二階段見龍在田,你收集的股票開始有更多人認同,如在職場上開始有人賞識人般,這段期間就是累積財富或在職場上博上位的時期,時間會較長,買股票的會因有大量低位買回來的股票打底,而買入更多同類股票,如中特估,起初冇物人相信,低位都冇人買,慢慢相信的人越來越多,股價也越升越有,此階段持有越多中特估,累積的財富就越多,升勢的周期可能長達幾年,跟住就到了飛龍在天階段,沉在水底的巨龍已強勢飛天,大有大地在我腳下之勢,如在職場上已成老板左右手,甚至有功高蓋主的現象,而在股場上,所買的股票已升到過哂籠,若此刻重唔知所進退,銷定利潤,反而被貪婪之心控制,重不斷加大注碼投入,就要進入亢龍有悔境界,巨龍都開始感覺自已飛得太高,怕又會跌回水中做潛龍,開始做些事情調整自已,確保自已仍是一條龍,否則真的會後悔.我認為目前中特估已過左潛龍勿用階段,已做不到買在冇人問津時,即係買唔到平貨,而家應該已進入見龍在田階段,越來越多投資者開始相信中特估,相信估值會得到收復,呢個階段唔會甘快結束,進入飛龍在天階段更是有排都未到,好日子重有多年俾持份者好好享受,一早有平貨底中特估的朋友現在重未到知所進退的地步,慢慢享受未來幾年的良晨美景.

 明天的萬億長期國債講解會,應該會清楚講明錢將會用在何處,比重如何,估計都是用在基建上,修橋起路,水利,污水,固廢處理,鐵路更新等,基建三寶最受惠,多左大筆一定如期收到錢的收入,盈利増長定必可觀,其餘鐵路,公路,環保股也會收惠,尤其是經常被地方政府長期拖欠應付賬款的環保股,一旦地方政府有錢到位,清還欠款,這些公司的現金流會大為改善,隨時變身為現金牛公司,有能力增派股息,股價也會大升.至於基建三寶,近月股價也有上升,但升幅遠不及其他板塊的中特估,板塊輪動,資金很大機會追逐升幅大落後的基建版塊,是否如此,明天自有分曉.我已接近全倉持有央國企中特估,就是冇基建這一塊,就算預估多數會升,但都冇打算買入,因個倉的持貨已覺得非常圓滿,收超高息之外,股價重有大幅上升的潛力,日日數錢的滋味非常享受,現在寄望各大小路資金特別是内地資金,儘快將恒指推上22000點樓上.

 明天相關官員會開吹風會講解詳情.前天一批額度300億的3至5年期的國債,息率2.35至2.5厘,放在銀行開售,一天就賣哂,一間4大國有行的地方分行員工說,他們分行只有2百萬額度,只接待左6個客戶就俾佢哋買哂,情況近乎瘋搶.相信日後推出萬億國債,都會輕易被消化,而負責銷售的銀行首先得益,手續費和佣金已無風險地大賺一筆,要將中國打造成金融強國,股市債市一定要興旺,而基礎是要有大量中長期資金投入,長期持有才能成事.社保基金,養老基金,現在連保險公司資金都要加入,這些都是主力,但最大主力是來自民間普通百姓的龐大存款,有冇外資大力參與都冇關係,市好左,有賺大錢機會,外資就會跳入來,唔請都來,同樣道理,只要内地資金持續爆買港股並長期持有,取得股價話語權,唔夠貨的外資一定會返來大買港股,早幾日大摩大喊不要再高追升左好多的中資股,就是因為他們冇平貨在手,唔夠貨,幸好天有眼,跟住幾日他們冇物貨在手的中特估大升特升,升到唔俾機會俾佢地買到貨.

 全國各城市水費沒有統一標準,受地理位置各種因-素影響,每立方米由個幾到5個幾,廣州市已多年冇加過水費,今次加價理由非常偉大,水務公司稱加水費是廣州市民熱切期望的,加價後能享用更優質食水,更重要是加費後會令人們更珍惜用水,節約用水,每立米由1.98加到2.6.廣州有1900萬人,600萬戶家庭,加價前平均每月100蚊,加價後就每戶130蚊,負責供水的國企廣州水務公司,一年就多盈利24億.全國各地的公用事業其實已展開加價潮,高鐵,地鐵,食水,排污,燃氣已加左價,相信居民用電,公路等也會跟隨,過往地方政府因有巨額賣地收益,可以補貼公用事業,而家就要跟隨實際市場價格而作價格調整,只要加幅同金額不是太多,百姓都會接受的,但過往一般人想當然的思考方式就要調整下,不是所有民生必需品都不會加價,只會減價.具壟斷性的央企幾乎全面掌握哂公用事業市場,要造大造強,冇強勁的盈利支撐只是空話,要發展新技術,更是要真金白銀投入,三桶油由海外進口高價石油和天然氣,一定會用國際市場價轉嫁給消費者,不會蝕住賣俾你,中移動更會千方百計令用戶轉用收費更高的計劃,唔會因錢多而補貼客戶,外界成日話中國通縮,人們唔肯駛錢,冇通賬,今日出的CPI數字又上升,相信幾個月後的CPI數字會更高.一衆國内公用事業股一早已被聰明錢提早炒起,好多都創哂一年新高,水務股,環保股,燃氣股,電力股,公路股全部升哂,而且這批股份大都是高息股,令人更有信心長期持有,當然是指低位買左的人同資金,而家升哂上去先買已失哂先機,但繼續大升仍是大概率的事,371同257算是呢類股份的代表,平的時候冇人吼,大升的時候又唔敢買.

 月底8個歷史悠久的名城居民可申請簽注自由行來香港救本地經濟,全部都是旅遊熱點,有甘肅省的蘭州,西藏拉薩,新疆烏魯木齊,内蒙古呼和浩特,山西太原,寧夏銀川和大家較熟悉的東北哈爾濱等等.甘遠都肯自費來港旅遊消費,相信來個班人都不是窮人,有消費能力,但肯唔消費則是另一回事,若本港商家又當佢哋係羊估,劏到一頸血,旅遊體驗又唔好的話,就唔會駛錢,更唔會翻轉頭,冇哂回頭客,返上去係小紅書俾負評,更加冇人來,到時就算開放哂全國所有城市居民來港自由行,都冇補於事.

 昨天廣東省出左隻息率2.2厘的五年期地方國債,額度5億元,在幾間銀行發售,不足五分鐘被人搶購一空,過往銀行都有五年期定存,息率都有2.5厘,但現在幾乎已下架消失,就算他日重現,息率恐防都會大幅下跌,無論長短期,擺錢落銀行都找不到超過2厘的產品,加上又放風重有降息降準的空間,國内居民加國企民企存款多達近3百萬億,居民存款有150多萬億,只要銀行長期保持低存款利率,龐大民間資金定要找出路,樓已冇得炒也冇人會再炒,地方政府賣地收益大減,唯有靠資本市場,股票和債券市場就是出路,中央和地方政府不斷出專項專債解决一切用錢就可解决到的民生問題,俾少少息就可吸收到大量現金流,有錢就投入越來越健康的股票市場,進行内循環,若有更多的外資參與固然好,若然參与的不多也冇所謂,内地民間資金已足夠撐得起.近期一連串金融改革令外界増加不少信心,短短幾天已勒令十幾間公司退市,有更多的公司自行申請唔玩,皆因新中證監話事人嚴刑對待過去和現在違規騙錢的公司,以假數據而上到市的公司不但公司負責人會被對,連帶協助上市的保薦人,證券行,會計師,律師全部要上身,罰款釘牌甚至坐牢樣樣齊,現存的上市公司坐底要拿盈利3成分給小股東,造數弄虛作假一旦被揭發,就拉人封艇,直情要令A股市場成為人間淨土,不再是專呃散戶錢的賭場.

 重倉4大天王除左883差一兩個價位沒破新高外,其餘3隻不停破新高,941,836,1088單日都可以升5%,其餘四川三寶,38,1072,564,257,3983及一大堆股股數不多的H股,升到傻咗,真係掟飛標買都中,不過係2年幾前做的事,而家先亂買都可能會繼續贏落去,不過風險就有d,之前買落的已完全冇風險,任你回調大跌都跌唔落之前的價,再加上不斷收息,好多股份好快就變成零成本或負成本,個市萬九點都未到,叫做牛市好難叫人接受,應該係中特估的局部大牛市,一念天堂,一念地獄,只看你揸左物野股份.

 假若你是一位買左941的内地老散,原本年收20萬股息,扣除28%利息稅,實收14萬4仟,冇左5萬6,若真係減左20%利息稅,只係收買入的10%,同本地散戶一樣,實收18萬,一年就收多左3萬6,有貨在手的更加唔會亂沽低位買的貨,做T的誘因也會減少,令呢批高息股更安全,護城河更闊,其實減收或唔收20%紅利稅,國家都係少收2至3佰億,但就大大増加港股流動性,可令港股重拾光輝,算是中央送給和支持香港股市的最大禮物,我猜此減紅利稅措施十之八九會實施.

 不理寬減港股通利息稅是真是假,一開市北水就狂搶941,939,3988,883等一大批高息股,我持有的4大天王幾乎全部創哂一年或多年新高,多謝北水散戶推高股價,我就乘乘地坐响度數錢.若日後真係減利息稅,今日買貨的北水就要慶幸及入市増持高息中特估.

 彭博在港股收市後,發佈一訊息說内地有意寬減内地個人投資者透過港股通買入H股收取的利息稅,避免雙重收費,例如收取941股息100蚊,首先如本地散戶收取10%利息稅,得番90蚊,之後内地重要收多20%利息稅,即90X0.8=72蚊,實際就係要俾28%利息稅,呢28%稅全部都係國家收,而家講緊就係是否減少20%或直情唔收20%,訊息話已正式向國家備案申請,能否成事是後話,中證監同香港監管機構拒絕評論有關傳聞.若彭博今次唔係放流料而中央又衡量過收入同整盤大局而接納有關建議,一大堆高息中特估隨時會短期内升番20個巴仙,之前大大聲話有生之年都見唔到恒指4萬點的某位所謂著名經金經理點算,上天會唔會體恤這人,唔執行佢的意願.呢條友好最近轉哂呔,話内地資金特別係内險資金會流入香港買高息股,港股可能有轉機,重申現在揸得安心的港股都係已升左2年的5,941,883,而家重加多幾隻如華潤電力,神華同紫金等資源股,點解的股份同我個倉甘相似,不過我肯定買平同買早過佢好多,佢高位都敢追貨,我都希望佢反敗為勝.

 昨晚捱夜看左在一片爭議聲中皇馬如何絕殺拜仁,皇馬現時陣容不如全盛時的銀河艦隊,但成績絕不失禮,當年銀行艦隊粒粒皆星,成績反而唔係甘好,皆因個個都係大哥,難以駕馭.現在3320旗下子公司同樣個個都能獨當一面,一旦練成各司其職的必殺技陣法,將會無敵於醫藥版塊.希望收市能收高於5.5樓上,不要再折騰玩跌番落去然後又升番上來的遊戲,要收貨都應該收得七七八八,正正經經來一波長期升浪.

 今天心情有些少興奮,證明自已道行未夠,一些已預計的事情如劇本設定般發生,應該冇物值得興奮,如估計38拖拉機短期會升上9蚊,1072升左75%後會繼續升,連一向唔識升的3320都似乎想開車,興奮的原因是在大幅盈利底下仍揸得實d中特估,算是成長左,38忍左好耐先至冇走,均價4蚊買左幾注,升到6蚊冇走,跟住升到7個幾走左一半,6個9買番,之後跌左幾日,跌到6蚊邊,都忍住冇走,之後升上8蚊,就决定一股不沽,等大豐收到臨.

 國資委是97間央企集團的老板,金融版塊如内銀内險等則不受佢管轄,中港股市有幾百間上市公司,大部份都有在港上市,今次出左隻聚焦港股的指數,跟手就會出大量的相關指數ETF,據聞今次權重比例依次是資源,通信,工業生產,不知國新是否已買齊貨夠出高息央企ETF未,若反應太好,重會不停買個85隻股份,呢85隻股份市值8.72萬億,港股呢排升左2千幾點,市值應升到近40萬億,呢批股份市值已達港股總市值2成以上,冇内銀份,呢85隻股份離不開三桶油,三大電訊,三大煤炭,一大批電力,金銀銅鐵,設備生產等,怪不得呢批股份過去一年不停升,大幅跑贏大市.http://www.stcn.com/article/detail/1198984.html

 中證央企港股通指數今日發佈,第一批共有85隻股份入圍,市值高達8.72萬億,港股市值不過30萬億,設立此指數目的是讓這批央企優質股成為港股壓艙石,成為世界一流企業,會吸引更多國内和國際資金買入這批股份,邊85隻,遲d會公告天下,相信今日逆市上升嗰批一定有份,有貨在手更要珍惜,大把後續資金會搶住接貨.

 手中4大央企天王,941,883,1088,836佔左倉位8成半,大漲小回格局,不斷向創新高的道路前進,這4隻股份已不敢亂做T,隨時沽左買唔番,又或者要蝕錢高位買番,坐定定就可不停數錢,而家重懷疑中特估只是短線炒作,放完煙火就散的人,真的要重新檢討吓自已對事物的認知.

 1088盈利倒退,但無損股價表現,原因主要是派息比率高,去年75%派息比率,過去4年派息比率由71%至100%,再加上近年每個年度都回購一定數量股份,變相令小股東收多左息,煤碳價格上落基本對神華影響不大,煤價升時賺多些,煤價下跌時賺少些,加上與客戶簽的多是長約,保障左盈利,若煤價大升,都只是賺少左,加上又有穩賺的火電業務,用自家的煤炭發電,同印銀紙冇分別,去年盈利5百幾億,下跌十幾個巴仙只因前年賺的太多,賺5百幾億拿近4百億出來派息,一年前高位24蚊追入的人應該估唔到一年後股價會升4成,重未計收左的股息,可能都唔會走,20蚊樓下買的更冇沽的誘因,現價1088的股息唔夠6厘,現在才追入的散戶應該不多,甘是甚麼人在不停買入？應是内險同各路基金在買,1088算是稀有品種供基金配置,未來多年都應持續派高息,5至6厘應走唔甩,國内銀行已大規模下架半年期或以上的大額定存款,息率都係講緊1.75厘,而家1.75厘都唔俾你,焗内地存戶去買高息股或高紅利基金或相關ETF,這些產品只要回報多過3厘,已大把人搶住買.如今1088AH差價已收窄至23%,若A股神華持續上升,差價又會拉濶,到時1088股價又有剛性上升需求,883,941等大批央企現在AH溢價重係在3至4成,A股唔跌,H股根本冇大跌的空間,若A股升得多,H股就會自動跟住升.

 一隻是596浪潮數字,A股浪潮訊息是國內軟件龍頭,596是香港上市的子公司,不足三個月由唔到2蚊升到4個2,升幅超過100%,習大大早於去年已說過中國要有自已的龍頭軟件企業,當時就應該在個零買番d貨底等大升,但596不是央國企,又少左一份購買動力,到今年接連有多間大型央國企同浪潮簽約,浪潮提供軟件設計服務,當時股價只是初升階段,有足夠時間俾我買,但都唔夠果斷冇買,跟住好消息就接住來,越來越多各行業的大型央企都成為浪潮客仔,就差沒有央企入股這一步,但都令596股價狂升,創完新高股價都只是輕微回調,股價都重在3個9樓上,錯過就是錯過,唯有找過另一位更靚的港女.至於另一隻是2367巨子生物,做物野高端藥品我唔識,只知有盈利,識賺錢,未大升前市盈率都係20倍左右,但又係民企,有D戒心,最大賣點是此股是多隻大型著名外資基金的MSCI亞洲,中國的權重股,而且還是甚少持有的港股,因此引起我的好奇心,本想不勞而獲抄吓功課買番d搭吓順風車,但股價連月上升,近排重日日升,低位冇買失左先機,若高位追貨,基金重倉股一旦獲利出貨,恐怕會走唔甩被綁,都係關注下就算.

 呢隻超值股過去幾個月在4個6至5個4毫幾上上落落,夠哂水位俾北水做T賺差價,與此同時,北水持股量也由2個幾巴仙大増至6個巴仙以上,密密低吸收集,今日近億元大成交底下股價上升,不知是北水忍唔住大手掃貨不再做T,又或者是3320開始回購剛通過的回購股份,得3百零億市值,若回購足10%,要30幾億,股價會被炒到上天花板,當年以25倍市盈率來港上市,如今市盈率得7倍,旗下5間A股上市公司,盈利同股價不斷創新高,5蚊樓下買基本上冇得輸,除非輸幾個價位就止蝕就另計,當年好似在9蚊樓上上市,升番上招股價一d都唔過份,甘就有一倍以上盈利,有耐心揸耐d長遠計升幅應有幾倍,呢一個月3320只升左十零個巴仙,我當然唔會甘快走,升唔夠一倍都唔考慮沽出,這當然是我個人意見,若低位有貨的朋友,有一定升幅物野位沽出獲利都係好事,畢竟港股遍地都係等大升的股份,當然也有大量掂親都會被套的垃圾股,就看每個人的認知和眼光.做事唔一定要work hard, 但玩金錢遊戲就一定要learn hard, play smart. 

 921不停上升已一段長日子,不是今時今日才升的,幾乎日日都創歷史新高,十幾蚊起步升,就算冇貨在手,一個月前才高追,都有3成利潤,恒指成份股6690最近發力大升力追921,但始終都唔夠921升得多.另外2隻受惠設備更換的國策股564和1072,鄭煤機幾乎日日創新高,短時間由10蚊升到13個幾,1072雖股價未創新高,但升幅重勁過564,大有破位上升之勢.有貨在手揸住唔放應是最佳選項,錯過大升浪比死更難受,絕不能讓這種事發生.

 上星期内地有4條高鐵宣佈大幅加價20%後,一衆鐵路,公路,水電,燃氣等民生必需股大漲,A股廣深鐵路漲停,H股525也一度升10%,港股中多隻相關公用事業股如北控水務371,光大環境257,華潤燃氣1193,多隻公路股升幅都在4至6%,電力股也普漲,公用事業雖是民生必需,但都需要大幅盈利,才能建設美麗中國,讓百姓有幸福感,只要不是暴利,百姓又負担得起,經營相關的央國企可看高一線,早前華潤燃氣接手經營管理不善的A股重慶燃氣,果然起死回生,盈利大增,但接獲大量居民投訴,在更換讀錶後,燃氣費比之前多左一倍,事情鬧大後調查,發現有員工為業績用在不合規的讀錶,之後退還多收的錢,和處罰相關員工,但無損重慶燃氣和華潤燃氣的幅.

 之前是中港股市大好友大摩的羅奇,繼年初轉呔唱淡中港股市,特別針對香港,指香港已玩完.可能見港股呢排跑贏全世界,大幅反彈,心有不甘前日借三月份香港零售數字差勁大造文章,話香港真係玩完,冇哂韌性,太過依賴中國,中國只要打過噴嚏,香港都會大傷風.都幾搞笑,唔依賴中國唔通靠美國,過往唱好香港就說香港背靠中國,盡顯地利優勢,而家就唔同哂.我極度懷疑羅奇今年年初轉呔看衰香港,其實是煙幕,暗地裏在低位密密吸貨,未買夠平貨又見港股被人追買,怕要買貴貨,唯有又出口術唱淡,唔駛好耐,當佢買齊貨之時,又會一百八十度變身做大好友,大力唱好港股,等接盤俠接貨.

 4條都係熱門路線,如武漢去廣州,之前有逢中都反的學者說内地高鐵都是大白象工程,毫無經濟效益,根本冇人會搭,而家唔知點回應.國鐵集團回應加價是符合市場價格,更能有效疏通人流,說白了就是收得太平,太多人搭,加價能舒緩情況.有在A股上市的京沪鐵路一向都是最賺錢的,是現金牛,派息又高.有在AH同上市的廣深鐵路525若明示或暗示未來會增加派息,再加埋跟隊加價,可能又會係一隻大升特升股.

 疫後南韓MZ世代接受現實圍爐取暖的乞丐房群組越來越多,群組目的是一大班年青人甚至中年人聚埋一齊互相監督,嚴格控制日常支出,最好做到一日駛唔多過十蚊港紙,若有組員上載幫襯星巴克咖啡,就會被口誅筆伐及提供代替方法,如想喝咖啡,就喝公司免費的即溶三合一咖啡,味道差不多之類,又鼓勵帶飯返工,儘量避免外出用膳,總之慳得一蚊得一蚊,駛多一蚊都係罪,因此空飯盒銷量大增8成,平價便當如香港的兩送飯則大受歡迎,貧富懸殊,低微工資和隨時被栽,又要交租,要生存只能這樣做,務求在40歲之前可儲到些少錢作投資,方能改變窮一世的宿命.早幾年南韓因樓價不合理地高,很多年青人都置業無望,就出現左yolo和flex炫富族,既然上流路被封,除左做下流寄生族,就干脆讓自已活得開心,借錢都要買名牌包裝自已,炫富於人前,挽回自尊,再加上傳媒又吹唬短時間可籍炒股炒幣致富成為人上人,出現左一大批少年股神,少年幣神,但好快就神話破滅,南韓人賭性極強,tsla在未拆細,千元樓上,買得最多的是南韓小散戶.經歷過被殘酷社會毒打後,年青人又要返回基本步,為生存而要營營役役,儲夠多少子彈又會再投資/投機,希望佢哋可以學精d,有好的規劃和準備,永遠好過得過勇字去博,同賭博有物分別.

 統計署公佈左3月份零售額僅得312億,比去年3月下跌7%,原本估計會上升0.9%,遠遜預期.細項分類,只有藥品化妝品上升8.9%,汽車及汽車零件上升7.6%,其他各項都係雙位數下跌,跌得最多是珠寶鐘錶貴重禮物下跌17.7%,服裝跌17.5%,電器耐用品跌15.5%,百貨公司跌14%,食物酒類煙草下跌11.3%,只有超市跌得最少,下跌不足3%.香港人似乎已感覺到危機感,特别是中產,要消費都往性價比高的大灣區各城市,平時非必要的就慳得就慳,加上大量負資產出現,最新公佈32000宗,但都只計在銀行做一按的,若計埋有做二按另外各式各類奇奇怪怪的按揭方式如呼吸plan, 先住後供等,實際數字會更高,若樓價唔生性繼續跌,會有更多跌入負資產系列,如此情況下,這批隨時變窮人的偽中產,重邊有心機去亂使錢消費,儘快儲錢儘快還多d本金,過往樓價超高時,等錢使時隨時賣得出層樓重有錢落袋,若是負資產,層樓重要大減價同一手樓鬥平至買得出,最慘重係要抬錢去補差價先賣到,更遑論有錢落袋,而家最有消費力的係唔駛供樓,重有閑錢買股票或做定期收息班人.

 美高梅中國2282在深圳小梅沙的美高梅酒店剛於5月1號局部開幕,盛惠5仟人仔一晚,其餘如海洋館等也將陸續落成用,沙清水秀的泳灘更是賣點,同集團的珠海正釣魚台酒店也會在今年啓用,這些酒店的日後收益隨時多過競爭激烈的賭廳盈利,2282應該被視作一隻旅遊股而非濠賭股,股價已長期跑贏同業金沙銀娱,已創52周新高,今天又升7%.日後可能會吸引更多港人前往小梅沙作高消費.

 呢次的升市,有參与一早買定貨的散戶相信不多.更多的是冇貨接近空倉,蟹貨就一大堆的散戶,較為進取有在低位買港股的,升少少就走都走唔切,還要自鳴得意周圍講落左袋的錢先叫嬴錢,但又看不慣别人贏大錢,又不知自已認知不足,就搬出一大堆大家都只有兩隻眼,一個鼻,一個腦同四肢,甚至我頭髮又多過你,又靚仔過你,憑甚麼你贏錢多過我,就唔放過自已,之後又會高位追番貨,後果往往都是輸返之前所贏的,其實別人贏好多關你物事,與人攀比何其愚蠢.港股多次出現極低位,恒生指數連續兩年都出現過低過萬五點,之後都出現強力反彈,不能強求能在最低位買貨,但在萬五,萬六點時有足夠時間俾大家研究買甚麼貨,就算唔想用腦做懶人,大可以買2800等收成,只不過太多人自以為醒目過人,跌到萬四都唔會買貨,等萬二至買,到萬二又會話到八千,更有甚者,遠離港股,高位走去接美股,日股ETF,輸到頭破血流,左一巴右一巴,到港股似乎轉勢,又要多觀察一會,到所謂專家都講確認升勢,有買貴冇買錯才大手進場,到時市況一旦逆轉,又輸到訓街.反而心口得個勇字,只跟大勢第一時間衝入場專買跌得最殘最多,前景唔好的垃圾股份的人,短時間就執幾十個巴仙,賺夠就走,就冇錯過呢次盛宴,剩下個d左計右計千揀萬揀的智者就走去接火棒,成為輸家,有時順勢而為的凡人往往勝過智力過人又靚仔的聰明人百倍.

 沒有北水下,今早港股半日成交已6百幾億,一定唔係散戶買上去,空倉冇物貨唔計千年蟹貨在手的散戶佔大多數,見個市好番怕蝕底又心思思想買貨的散戶佔大多數,最大輸家當然是過去2年不斷以彈高熊賺小錢的散戶,今早被收回的熊仔不計其數,好多連逃生的機會都冇,同賭博冇分別的投資方法,輸干輸淨也活該,況且贏又唔見贏得多,多數贏少少就走,贏十次隨時唔夠輸一次.A股雖冇市,但富時A50期貨仍上升1%以上,下星期A股開市多數又係升,港股多一持續上升動力.25號公佈派中期息15仙的盈富基金,但29號就除淨,得2日時間俾你買來收0.8厘息,呢個月30就派俾你,若個2日買入2800,恒指連日大升下,已賺息賺價,唔睇好後市,現時沽出已有5厘幾回報,若看好後市,更毋須担心追物野貨至有錢賺,若恒指後市升多十幾個巴仙,就無風無險有20%回報.

 美國4月初無故推出新版亞裔細分法案,要求入籍美國的亞裔移民要進一步列明來自何地,是中國,越南或菲律賓之類,不知意慾為何？但已令一眾華裔移民嚇破膽,怕因中美相爭導致資金被凍結或充公,過往一二次大戰時,美國也曾充公所有德裔移民財產的先例.於是紛紛將資金移去港股市場避險,一來港股已極便宜,再跌風險不大,二來就是怕美國真的會幹傻事,向自已動手,兜兜轉轉還是覺得香港最好,消息是否屬實,待一兩個月自有最新數據証明真偽,我相信消息是真的,有部份華裔資金真會泊回港股長擺,當買個保險求安心,也為港股増加上升動力.