八字真言
十年前内地已有位高人總結多年股市經驗,悟出8字真言,不是電視劇大時代甚麼遠離股市,及早離去.而是選準,拿住,收息,攢股.平心而論,選準最容易,揀中一隻標的好股也非難事,常人都可以輕易做到,最難做到是拿住,因不知收息和攢股的威力,至於收息更是指定動作,除非你選的是一隻低息或唔派息的股,收息到攢股即是將收到的息再複投,令持有的股數不斷増加,同時收息金額也不斷增加,到累積到一定大數量股份,到時股價升跌已不再重要,因你已有永不間斷的龐大現金流.假設你持有股票A一萬股,初次買入價10蚊,息率10厘,派一萬蚊息俾你,你再將一萬蚊複投,如此方法玩十年八年,你可能已擁有萬幾股或2萬股,投入的資金都係開初的十萬,若隻股十年後升到20蚊,但派息都冇加都係派一蚊,息率得5厘,但你有萬幾二萬股,收萬幾二萬蚊息一年,十幾二十厘,若股息隨股價上升而増派,甘就更加合味,隨時30厘息都有,掉轉若隻股唔生性你中途又冇換馬,若十年後股價唔升甚至跌落8蚊,都係派番一蚊甚至減派到8毫子,因你有萬幾2萬股,收的息都係多過一萬蚊,根本冇得輸.但現實中不是每個人都可以把收息再複投,更多人的情況是選準,拿住,收息,花掉收息,這都算是成功左一大半,人人經濟情況不同,不可強求.若你有初生孩兒,不妨少少地拿幾萬蚊幫佢買隻高息兼可長期生存下去的公司股票,如優質大型央企,中途只需收息複投,不需再投入任何資金,到佢18歲,幾萬蚊可滾大到相當可觀的金額.
沒錯，我仔仔而加1歲半, 我準備買長和給他，之後他每年的利事錢又用來買，等他大學畢業就將筆錢給他使。我覺得長和是最似老巴買的日本財團，都可能會選多隻央企平衡返，例如2388，當一個簡化版的資產配置，求指教咁好唔好？
回覆刪除其實買邊一間都冇所謂,最緊要是貝不可被取代性,幾十年甚至百年之後都生存在股票市場上,第二是能長久持續派息,第三是不能在超高買入第一注,若是在多年前百幾蚊買長和,效果肯定大打折扣,最難估是人心,李大少孤寒的性格會否在好景時慷慨地將成果與小股東分享,逆景時就搵小股東笨,最怕是無心戀戰,放任股價下跌,然後加番2,30個巴仙將之私有化,高位買左的就冇仇報,低位買反而重有些少錢賺,之前大藍籌利豐都係如此套路.低位買點都安全d.
回覆刪除有道理，生意人同政府企業還是有分別，我只考慮到長和的生意性質比較平穩，沒考慮到人性，大少同超人的做風確實好唔同。幸好大師之前推薦左唔少H股的高息股，等我多做做功課，學習下，多謝指教。
刪除