看山是山看水是水

 專做港澳地區建造工程的中國建築國際最近中標香港政府新界西屯門稔灣廢物回收區的擴建工程,金額611億元,破了3311單項工程的最大金額紀錄,該工程完成後可解决未來十數年香港廢物垃圾的處置問題,為北部都會區提供堅實的支持.611億是天文數字,香港政府有的是錢,不夠大不了發個基建債,籌個幾百億用來支付,3311一定不會被拖數,3311去年盈利,派息大增,又是正現金流,已簽新合同可做多年,最大客戶當然是港澳政府,而且是優質客戶,不可能走數.不像其母公司,身負國家任務,為貧困國家大起基建,錢不一定準時收齊,只能說有拖冇欠,最差環境還不起錢就免費租用該國軍事港口,控制該國經濟命脈,増強中國在區内影響力,最新傑作是在埃及首府開羅附近全新建造了一個新開羅,高樓大厦滿佈,配套空氣環境都比開羅好不少,現已接近完工,只等居民遷移到此.話題有點扯遠了,講番3311,公佈業績後股價曾一度升上9.1樓上,跟住回落,過去已多次升上9個零就回落,跌十個八個巴仙就跌唔落又開始升勢,製造多次獲利機會,此股近年大幅増加派息,現價8.5都有6厘半,又唔駛扣10%利稅,現價或更低價買入作長線收息也是安全的,唔想長揸的話,升十零個巴仙又可獲利沽出,候低購回,區間上落操作

 經過5個月PMl指數均低位50樓下,上個月中國製造業經理人採購指數升至50.8,為一年新高,非製造業PMI升幅更大,中國經濟似乎已重返増長勢頭,高質量生產和内需増長初見成效.製造業蓬勃發展,電力供應更顯重要,以避免年多前因電力不足而要停工的事件重演.大方向是儘量以新能源發電取代火電,但火電仍有存在價值,有時大自然的變化會令風力不足,水力唔夠,火電此時就可發揮功用,彌補新能源發電之不足.去年所有的内地電力股皆有盈利,隨着更多機組投入服務,今年盈利肯定比去年有大幅增長.近日煤炭價格大幅下降,雖說是以長約與電公司交易,短期煤碳價格上落也影響不了,但新的長約就可大幅降價,為火電廠日後盈利的提升提供保障.一衆電力營運商,首選一定是836華潤電力,缺點是已升左太多,跌又跌唔落,現價18蚊樓上,也算十分便宜,派息也慷慨,未來幾年盈利預計有高雙位數增長,去年賺110億人仔,市值一千億都冇,若今年盈利又大幅増長,PE就更低,股價自然會上升,短期合理目標價應在20蚊樓上,若在14蚊或更低位買入836,已穩坐釣魚船,財息兼收,去年已收息每股1.45港紙,又不用交10%利息稅.

 昨日A股第一拖拉機大升7%,若星期一保持升勢,星期二港股開市,H股38又升到傻.我是在均價3蚊買38的,都係買左2年幾,收左2年息,期間做左幾次T,拉低不少買入成本,初心都係長揸,今年股價升得特別誇張,最高升到7.7之後回落,我7.23沽出一半,剩下的股份已是負成本價,又多一隻可揸一世收一世息的國企股,原本諗住不再留意此股,但發覺多份中央文件及指引,均三番四次強調要振興農業,保障有足夠糧食生產自給自足,又講到明會出錢幫助農民更換第四代農機,大規模更換舊設備,農機,拖拉機在名單上,前景是擺明會好好,於是在6個1買番沽出的38,買番之後38一度跌穿6蚊,之後在6蚊樓上企穩,這個T算做得靚同好彩,等同收多3.5次股息,若買遲左,星期二就要追貨追到氣咳,若我冇貨在手,6蚊樓上的38我多數都唔敢買,即使之後有可能升上9元.大A拖拉機收16.75人仔,溢價高成11蚊港紙,大A一拖若升上20蚊人仔,H股38真不知會升到幾多.

 萬科昨晚出左份預左差的業績,更是上市31年來首次冇息派.繼2018年已高叫我要活下去,要生存下去,甘多年苦苦支撐都敵不過大環境,如今只能靠深圳國資委口頭承諾會全力支持他,畢竟深圳地鐵只是小股東,早年以640億從華潤手中拿下萬科股份,好景時收左百幾億股息,但股價大跌,現時都要輸百幾億.一直在雪球推介萬科和平安的一衆大V如紫金陳近來一直被人嘲笑,重提甚麼80蚊樓下的平安和30蚊樓下的萬科是來送錢給大家的,紫金陳也忍不住回擊,買萬科引致虧損是事實,但我仍對萬科充滿信心,意思是我蝕得起,要不要展示真倉顯示蝕幾多你們才滿意.萬科昨晚年報講明要生存自救的决心,未來2年會儘量還清1000億欠債,主席都亮及其他高管由過往年薪千萬改為每月領取1萬元月薪,冇任何其他福利,决心係足夠,但市場收唔收貨就要睇假後開市表現,唔大跌都要燒高香.

 A股上午微升,力保3千點,全憑拉升3桶油所致.上午中石油升6%,中海油升3.8%.A股中石油歷史上曾最高升至46元,仍有不少散戶被深套,但2021年至今,中石油足足升了3倍,股價仍在10蚊樓下.相反中海油在22年上市至今,也升了1.5倍,基本上只要拿到住,個個都賺錢,根本無蟹貨.我想說的是若在低位買入857和883,要好好惜貨,不要聽財演及圖表派胡扯,要走貨,昨天大台一財演還預計883短期會下跌6%,叫大家先行沽貨.在低位買左隻好野又升左好多,沽出獲利也無可厚非,但用窮人思維去想問題最終都只會是窮人.買一隻潛力股賺左7成至1倍就全部走哂,好大機會會錯過日後更大的升幅,就算沽都不用全部沽清,最保守同保險手法是先沽一部份保住買入成本,剩下的全是白賺回來的,繼續持有收息直至天荒地老,若你沽出後股價繼續升,只能怪你誤信噪音同眼光差,但起碼都立於不敗之地.若沽出股份,該股真的下跌,但跌不多,若你自問是高手同對該股份有信心,就可買回股份賺價,但大部份人都不會這樣做,原因是想證明當初沽貨是正確的.

 1072傍晚出左業績,盈利35.5億,増長24.23%,派息比率4成1,每股派0.475元人仔,比往年増長12%.冇太多驚喜也冇驚嚇,若未來幾年,每年都有20%盈利増長,現價都揸得過,唔缺錢的1072個50億定増A股計劃宣佈延長12個月至執行,十大流動股東除左大股東同H股外,其餘全是社保基金,養老基金和近期熱買的央企ETF,相信低位佢地已買夠貨,跟住長擺等東方電氣變大變強.

 長實今日推出獨資發展的黃竹坑六期價單,趙國雄話以撈底價推出,蝕住賣都冇所謂,最緊要去貨.均要21968一呎,最平個間878萬,平過由其他發展商發展的黃竹坑其餘5期,如晉環等,平均呎價3萬蚊,平足3成.長實呢個項目,地價都要8400幾蚊呎,售後地鐵重要分紅25%,同免費起個商場俾地鐵,連埋建築成本,借款利息,就算成本冇趙國雄所講要28000蚊呎甘多,呢個價肯定係蝕住賣.

 新華保險與中國人壽合組的500億基金,準備買入高息股已準備就緒,可隨時入市,說不定已提早入左市,國内A股能長期保持5厘息的股份不多,離不開都是嗰幾隻大型中特估,若可以買H股就更多選擇,内險超過3厘回報的都被下架,怕的就是如平安保險般亂買高息高風險投資,如華廈幸福,不是國企的平保,H股由100蚊跌到30幾不是沒道理,現在所謂的8厘高息也是靠股價大跌而跌出來的,國内不少散都被不少大V吹的,80蚊的平保要珍惜之類的話迷惑,不斷溝貨,結果被埋葬,前幾年内房未爆時,動不動帳面賺千幾億,今年就只得幾百億,周身暗病有排先醫得好.只要内險央企買高息股買得早,如買入時高息股份有6至7厘,就算日後股價大升導致股息率得番2厘,佢地重係收緊6,7厘息,若相關股份每年加派息,收的息就不止6至7厘,每年俾番4厘以上回報給客仔,d客重要感恩言謝.我都懷疑中國國債特别是那些3厘回報的或香港的各類官債,有錢是否是一早買入哂高息中特估如三桶油,每年收7至10厘息,然後做批發商發官債俾4厘息散戶,賺差價兼有大量資金回龍解决財政問題.

 152剛出業績,盈利29億,每股盈利7毫9,派息4毫,冇爆雷,一切在如期中,十分有前景的地方央企.

 257業績看似不好,盈利減少,派息又減10%,昨日一度跌至2.6,今日又升番上3.04,昨天敢撈貨者,又可食胡,若短期能升上3.1並企穩,股價後市又看高一線.

 預計今晚騎師王會是班德禮.

 上次作客新加坡,在領先兩球下尾段竟被迫和,引來軒然大波,今仗若再有任何閃失,定必有人要人頭落地,剛巧今天法院宣判前中國足協主席貪腐判無期徒刑,因主動認罪同篤更多人出來先至唔駛死.開賽前竟有1.14甘好分頭,唔大大注買就笨,整多條強隊過關伊拉克x南韓x中國x巴勒斯坦x羅馬尼亞5串1,有2倍幾分頭,先買中國收14厘息,再中埋過關當買中隻倍升股.中國場波,重沒完場,中國重打小個,但贏緊4比1,無可能唔贏.

中國移動未來3年的派息比率會加到75%.23年為71%,若在2年幾前被特朗普制裁時買入,即40至50元區間橫行期間任何價位買入,並持有到而家,已成股市大贏家,揸多3年收多3年息,相信收息都收番買入成本6至7成,計埋股價升幅,升幅肯定倍幾樓上,若你是極度保守投資者,只需沽出1至2成持貨,餘下8成所持941全是免費儲番來的,所需時間不過是5至6年,之後只要941唔執笠,每年都會無償派息俾你,每天24小時不停為你製造被動收入

5號安騁7號大至尊.連贏和位置連贏.5號看高些少.

 光大綠色環保1257早前出左盈警,但今日出左份通告,話今年1至2月收到國家拖欠的補貼15億幾,其中13億幾已入賬,但對去年業績冇任何影響.H股市值得12億,今年業績肯定爆錶,今日收8毫幾,若明天股價冇升穿1蚊,1蚊樓下可以考慮.