看山是山看水是水

 https://youtu.be/uGeyiFj-7D4?si=HQFrRxJoidoACPiL

上個星期外資資金All-in buy China情緒高漲,不再是過往Anything but China. 先是嗅覺敏銳的對沖基金搶先買入,跟住是長線基金進場,最後是過往長期活躍中國市場但因輸到焦頭爛額而離開的基金,怕執輸更怕業績大幅落後於同行而不得不入場.而高盛,瑞銀,大摩細摩紛紛變臉轉呔,快過四川變臉,大幅調高中港股市目標價,這幫孫子應該沒買夠貨,冇甘快散貨,反而重會不斷加貨,因大部份散戶重係唔信會繼續升,磚家重會幫手好心提醒各位散戶千萬要小心,唔好亂買貨,到外資買齊貨,股價又升左一大段後,到時磚家又會走出來說,根據各大技術指標已顯示,個市已確認轉升勢,大家可安心買貨,到時不管是外資内資,一定會派貨俾高位追入的散戶,割散戶韭菜.只有持有穩定高息又有増長,升幅冇甘誇張的央國企股份才能獨善其身.

 https://photos.google.com/

 今日恒指甘大成交,北水散戶功不可沒,今日透過港股通南下的北水散戶貢獻左2087億成交額,比上周五成交多左1千億元,而北水的成交也佔左今日港股成交4成以上,但淨流入只得121億,只因内地同胞賭性極強,喜歡短線炒賣,有些少利潤就沽,換手率超高,就以今天升左50%的融創中國計,今日成交高達40幾億,但只淨流入5百萬元,可見交易之頻繁,真正會俾北水看中而持久上升的股份,通常不會出現每頭二十大成交名單上,而是每日淨買入不足1%的股份,而且持續一段長日子,令持股比率大幅上升,籌碼收集得差唔不多,到時強者或老散稍為買多些少,主要持股者又不沽貨,股價就很容易爆升,上個月已留意到小米同中蕊做緊類似動作,因唔鐘意雷軍所以唔買小米,但佢就一路不停爆升,只以實際行動在16個3買左981,目標價20蚊,今日中蕊就爆上20蚊樓上,升幅當然冇小米甘多,但都有3成升幅,雖然今日已到目標價,但在牛市下,冇理由升甘少就沽,一於再坐多陣,升多d至沽,現在短期升3成的股份多到數唔哂,標準要提升至5成先見得下人,南航1055幾天内升5成以上,華潤水泥由個零升到今日2個2,重有華潤啤酒,光大集團等央企,民企如九毛九,海底撈,海侖司更是升到難以想像,心口有個勇字又識hit and run的朋友,呢d錢值得俾你賺,因你做對一件事,就係順勢而為,思前想後,甚麼確認升勢才買入,已慢左幾十拍,到你覺得安全才買入,一定成為被收割的韭菜.

 上星期六,一架搭載2名機員和19名乘客的南航國產低空直升機由廣州白雲機場直飛香港,只用了40分鐘,成功測試左低空飛行的安全性,低空經濟大有可為,難怪各省市都爭住做,不久將有更多大灣區城市開辦更多低空航線直飛港澳.三大内航呢2日都狂升,以南航升得最勁,除左預計有大量内地居民搭飛機旅遊外,相信低空飛行又會為航空公司帶新的盈利來源.講到勁,最勁都係隻酒吧股海侖司,上周五升左7成幾,今日又升3成幾,另外海底撈又升到近20蚊,唔駛10天已由12蚊左右升到20蚊,撐死膽大者,夠膽買的賺到飽死甘滯,同樣狂升重有内房股,但本港地產股就完全唔得,逆市下跌重要跌唔少,每次反彈上升都係開逃生門俾人走.

 在國慶長假前,A股今天成交金融2.59萬億,創歷史新高.老百姓存款多達145萬億,拿少少出來就足夠令A股H股狂升.中央一定會用盡方法令呢一隻蠻牛不會成為快牛,升幾日就冇力收工,一定會令呢隻牛在大升過後成為慢牛,長期在高位然後慢慢升.

 早排見隻愛股3320係甘被人㩒住唔俾大升,把幾火走去買佢個仔A股華潤三九000999,阿媽唔升個仔就係甘升,今早華潤三九又升10%漲停,3320我就唔信重可以㩒得住唔俾大升,雖然今早都升左近5%,升到6蚊,但起碼升到9蚊樓上至合理,一年升一倍以上的股在牛市中先算係好股,而家至追已冇甘好回報,已失先機.另一隻可能係未來大牛股的3969中國通號,A股在科創版上市,要升20厘米即20%先至叫漲停,而家升左近15%,H股3969只升10%,幸好一早買定埋伏等食大茶飯,増持短炒的已在上星期早沽左獲利,贏錢事少,能在低位發掘到好野買入等升,之後又真係大升,個種滿足感同虛榮心真係好正,一天20厘米來幾個漲停就是以倍升計,希望真係買左隻幾倍大水牛.

 鄭煤機,東方電氣,中國重汽,濰柴動力,第一拖拉機等設備更換受惠股升到懷疑人生,最抵死係冇物人同股評人信,又係物野升左唔會再升,買入好危險,到佢哋回調,低位冇買者想買,專家又會話跌左就重會跌,看圖唔跌穿物物位先好買,升左又唔好買,跌左又唔買,呢d就係股評人的標準答案,可套用在任何股份上,呢份工真係容易做,重要例牌最後加上一句,本人並沒有持有上述任何股份.講番國策股,集蒙牛又係升到癲,只要相信國策跟住買,上星期五就算超高位追入都有錢贏,我雖然上星期已清哂蒙牛,但已賺左好多賺到笑,若留到今天才沽,會賺多5至6%,但都冇後悔,沽左呢隻即時改買916龍源電力一樣升幅超預期,祝留下繼續持有蒙牛的朋友繼續發財,在國策扶持下長升長有.我近期會減少短炒,上星期追入増持的中交建1800今早一度升穿心中目標價6蚊,平時就會沽出獲利,而家就唔會沽,揸得越耐會升得越多.至於有大量平貨在手的3320,本諗住升到6蚊就減少少,今早又係一度升穿6蚊,又改變主意任佢放紙鳶,而家有股票在手才是大贏家,冇貨或唔夠貨先走去高追d貨返來的人,要有被人左一巴右一巴的準備和承受能力,若心理素質夠高同有足夠信心,而家高追被綁都不是問題,好快又會本利歸還.

 35分鐘就過萬億成交,A股瘋了,昨天上交所模擬測試A股會升5%,現在都升左4.4%,大數據精準到不得了,只是4大内銀並冇漲停,因昨晚央行要求内銀降存量房息,變相要内銀讓利而令股價短暫下跌,消化完消息又會版塊輪動番銀行股,今日A股開始拉升中海油,連日下跌低位買回又展開升浪.現在不是現金為王,而是持股為王,不是最近才追入的,就要惜售,享受這場盛宴,我已全倉持貨,呢排不再短炒,看住所持大部份股份天天係甘升唔停,真係爽到死.下跌的如中移動就等其他股份升到癲之後,就到佢,版塊輪動,都係個句,有平貨在手唔好亂沽,有重貨在手個市升到飛天先關你事.

 央行引導各銀行要量批存量房貸利率,除4大行外,其他各銀行也表示會儘快公佈細節.住建部又話要落實習主席的指令,令樓價止跌回穩,令樓價健康發展,表示會放權俾地方政府,靈活改變和執行房地產政策,廣州市政府會取消所有限購措施,明天即時生效.深圳就第一套房首付減至15%,第二套減至20%,今次中央真係說到做到,就以減存量房貸來講,受惠的會有5仟萬戶,人口平均1.5億人,若房貸減至3.5%,借一百萬供25年計,一年可節省5600元利息,釋放出來的購買力就十分大,最重要是會少左人斷供,對銀行的好處更大.今次A股一星期内由lCU轉入KㄒV不是偶然事件,是中央一早佈的局,中信證券在過去一周因做空A股而爆倉輸左60幾億,事後馬上發聲明確有其事,但只是替客戶落單辦事,非自已公司造空,跟住深夜發表對A股前景走向的評論,全篇文章只有一個字干,繁體字是幹,廣東話意思是入市做佢世界,買到佢升上天花板.平時當阿爺冇料到,天天唱淡中國經濟同做空A股港股班友,晚晚唱KTV,如今被殺個措手不及,若槓杆做得大,今次入ICU搶救可能救唔番要直飛天國,相反住左幾年ICU但冇做槓杆,手中所持股票可能因阿爺出手而鬆綁,可以大搖大擺從ICU行返出來走去KㄒV狂歡,所以好人好姐唔好亂甘跟風學人做淡,買好股做好人是會有好報的.

 工中建農均會在9月12日公佈減存量房貸款利即已供緊的二手樓的詳情,國家金融管理局也宣佈全國再不分區域,第一套房或第二套房,一律降低首付,由各地政府决定幅度,只要不少於15%就得,上海第一時間宣佈第一套房只需15%首付,第二套房25%首付.内地做事效率極高,不像香港減股票印花費又要資詢,又要開會多番討論,搞個一年半載,惡劣天氣照開市一樣要搞成年先成事.A股明天是國慶長假前最後一個工作日,今天政府相關部門特事特辦,便利證券公司幫客戶儘快開戶,以便明天入場搶買股票,加上所有利好措施提早落實,明天A股一定又上演大時代,港股可能升得重癲.

 上證為了避免出現上周五太多人買股票而出現局部死機影響交易的事件重演,今天進行系統性測試,模擬可能出現的交易狀況,結果係上證上升5%,收3278點,工中建農全部漲停.雖說是模擬不能作準,但也具參考價值,且看明天A股在國慶長假前最後一個交易日,會否出現相類似今日的模擬結果.内地散戶開始有點瘋狂,除不停開戶重投股市外,重有人要求國慶假期不要停市,我要買股票,未出大招前,通街平股票任你買你唔買,係要升左一大輪,睇住人地賺錢就不再躺平,搶住去買,根本個個都有錢,有錢買股票個班人之所以躺平是不愁衣食,一見有揾錢機會所有慾望都返哂來,又有人生目標.不要看少60後70後嬰兒潮的大媽大叔的財力,過往大媽買黃金已証實左她們的威力,買完金價大跌多年對她們全無影響,笑到最後的是她們,而家金價日日創新高,當初笑大媽傻的人才是傻子,她們如今搶買股票,因有持貨能力,長揸唔放,買的多是高息股,股價升跌都唔理會,呢d股份先至安全必勝.德國哲學家叔本華話過人一出世就有無窮欲望,慾望未達到或根本達唔到之前,會有痛苦,一旦欲望達成或轉換其他欲望而成功的話,他們就會無聊一大段日子,類似躺平之類,跟住就會重新找新的欲望,人生就是在欲望同痛苦中的鐘擺中來回,真係幾有道理,如一個少女,因各種原因失去戀愛俾人呵護的欲望就會去找另一種欲望如養寵物等,一個成年人失去追求男或女人的欲望就會轉往專心揾錢作另一種欲望.因各種原因,炒樓揾大錢的欲望消失後,只能躺平,一旦發現買股票可賺錢,欲望就會返來.呢個世界根本冇真躺平,一旦有條件同有機會搵到新的欲望,個世界又會有唔同玩法.

 國内老韭菜大都患左牛市恐懼症,過往牛市都是維持時間不長跟住就大跌,高位接貨的韭菜就被綁多年,但每次牛市發生的原因都不一樣,今次的結果未必都一樣,老韭菜千辛萬苦鬆綁或有微利都選擇在3千點出逃,但新韭菜,不一定是韭菜可能是大贏家都唔定,就决定在3仟點大舉入市,好想知道這班新人喜歡買甚麼股同選股準則,若估到6至7成就發達,提早買入埋伏,等佢哋追入炒到股價飛天,就派貨俾佢地割佢地韭菜,他們是否是韭菜好難講,可能股價高處未算高,笑番你低位沽貨,但就算係我錯,我都賺夠袋袋平安,不賺盡最後一塊銅錢,想法好似好唔道德,但股市正係如此玩的,正如劉德華在早年電影門徒中做犯法野重理直氣壯地說,我唔賣俾佢地,大把人會賣俾佢哋.正如在股市中,合法地割人韭菜是天經地義的,你唔割佢地,大把大戶會收割他們.唔想成為韭菜,都係揀d長年派高息可長期生存下來的央企來作長期投資,才能長玩長有,穿越牛熊,笑到最後.

 何謂銀證轉賬即是指把存在銀行的錢轉入證券行的股票戶口,工商銀行最新數據顯示星期一至四的淨值率分別為0.66,2.15,1.4,4.4,到星期五就升到7.04,看來個145萬億居民存款,已有部份忍耐不住,開始跑步進場入市買股票.而過去一周確實有不少少人趕住去開新股票户口,無論是以往輸得好慘發誓以後唔再掂股票而銷戶的股民,更多是小白新手,邊處有容易賺錢的地方,就有無盡的剛需,普通平民百姓容易長期在股市中搵到小錢或大錢,視乎各人能力而定,一定會去消費,食好西,遊山玩水旅遊,聽演唱會等就是指定動作,連帶交通運輸,航空等行業也會興旺,環環相扣,至於房地產,中央政策只是講要樓價止跌回穩而非止跌回升,透過減少供應,減供樓利率等措施穩住樓市,積極去庫存.用金融財政代替過往的地產財政増加國家收入,中央也不想如過去的幾次牛市,升完就快速回落,今次重點是利用各種手段培養耐心資本和長期資金入市,即係長揸唔放,牛市過程中難免會有小型割韭菜行動,但不是割完就不停下跌變番熊市,而是跌完就會升.截止上星期五,北水流入港股已見放緩,但仍淨流入300億元,連續18個月凈流入,9月份北水淨流入最多的五位分別是阿里巴巴,快手,工商銀行,藥明生物同建設銀行

 一向都知道如何努力同勤力去鑽研股市唔一定會贏到錢,輸到訓街的大有人在,智商過人的偉大科學家牛頓同愛恩斯坦一樣在股市輸到一敗塗地,最後抽身離去專注科學研究才有一番成就.今日在内地討論區見到多個留言,都是講自已是985名牌大學高材生,幾年來專注研究各種技術分析,價值投資,財務報表,但越花時間就輸得越慘,越来越窮,上星期A股大牛市式上升,自已隨波逐流跟大勢隨便買幾隻平時唔會買的股份,結果一星期就賺3至4成,覺得研究甚麼K線,技術分析全部都沒用,能不能判斷趨勢才是關鍵.

 9月20日A股市值63.3萬億,經過一星期的急升,去到27號,總市值已升到72.17萬億,増加8.87萬億.老百姓存在銀行的存款高達140萬億,只要令到呢140萬元搬家,搬一部份落股市都會令個市變牛市,就算平民百姓唔係擺錢落股市,而係走去做儲蓄保或金融理財,股巿一樣升,因中央已近乎明牌要保險公司同基金一定要買沪深成份股,要做耐心投資者,最少揸3年,防止過往牛市只能維持一段短日子,跟住就鬥快散水打回原型,據統計直至6月底,各類中長期資金如社保,養老,保險,公私募等已持有15萬億市值A股,而外資因大量出逃,持有A股不足7%,加上扣除各上市公司大股東的持股,再加上中央用盡行政或命令式手段,嚴禁或阻撓大股東減持公司股,相反鼓勵各公司回購和増持,只需少量資金流入就可令A股長期向上,過往外資入來A股作長期投資,好快就俾人割韭菜,才知A股是鱷魚潭,好難贏錢,唯有撤退.現在見中央出大招令股票市場更健康,令投資者冇甘容易牌人割韭菜,外資開始信了,覺得中港股市超平,有獲利機會,於是個個大呼要all in China, 但又發覺持貨唔夠,於是趁大部份散戶唔知發生物事甚至沽貨離場之際,趁低大舉入市掃貨收集籌碼,昨天港股4400億成交,北水都是1千億,其他3400億會是本地散戶買得起嗎？之前中秋後冇北水的2天,第一天成交只有480億,昨天是4千幾億,邊個買上去,一定係來自世界各地的外資.個倉有港股貨底的散户,無論是全倉或半倉或是有一小部份,無論是賺緊大錢或部份股份返回家鄉甚或是重係蟹緊,都係贏家,有股在手就有希望,信心來自希望,信心返來就會有奇績.最大輸家就是聽財演講要小心,不要進取,物野位都叫人減持,跌到物野位至可以買,又話唔知,只係攞幅圖出來,講一大堆如果幾多天線升破或跌破物野線先好作决定,又物叉物叉出現就是訊號,甚麼升左就要補裂口,RSl過高就會跌,反彈或下跌的黃金比率是百分之三十幾,精準過探月工程.但這些是金科玉律嗎,聯合國有規定嗎？全部係讀死書,港股不停下跌時又唔見佢哋講要補下跌裂口,真係聽所謂專家講減持股市,甚至空倉的話.遇上牛市,他們能做的只是寄望股市會大跌,但若不跌的話,只能看著旁人天天數錢,這些錢本應是他們所有只要繼續持有原有股份的話,股份大升後他們又冇膽追,低沽高買若再輸錢真係生不如死.總之空倉者看住市係甘升,自己又無份,個種痛真係非筆墨能形容,幸好我沒有也唔想...

 https://photos.google.com/photo/AF1QipMoF5EoqpG021dht3AymNNHiWK-tUDQjsc6Vx47

 https://www.morningstar.com/news/marketwatch/20240926293/david-tepper-is-buying-everything-in-china-etfsfutureseverything

 今個星期不停買入賣出,令好多浮盈變做真錢落袋,但同時又買入不少新股票,浮盈冇甘快會大幅出現,個倉市值就大左,今天浮盈就冇過去三天般,每天都有6位數字增長,但依然是大獲全勝,大幅跑贏恒指升勢,主要得力於4大持股全數上升,836升近3%,941,883同1088升幅不足1%,呢4隻是用來收高息,基本上股價升跌都唔會郁佢哋,因佢哋的買入成本太過低,個別更是零成本,他們的功能就是每年派高息提供源源不絕的現金流俾我去東征西討炒其他股份.講番個市,國慶假成個星期冇北水,搞到今日成交成4千幾億,破哂紀錄,下星期好大機會有個別股份因冇北水而無端下跌,跟住北水返來後隨時重升突,可多加留意.

 沽出部份貨又有大量現金返來,牛市中揸過多現金係同自已苛包過唔去,點都要接近滿倉持貨至得.點解増持386,因持有386太少,加上看好佢氫能前景,又開始展開回購A股和H股行動,息又高,股價易升難跌,揸得安心,雖說是作長線準備,若升得太多,又會食下胡做T,同北水炒股作風一致,沽完候低買回,一個月做一次T就夠,賺個3至4%,一年就可降低持貨成本4成,加埋收息,一年5成回報就輕易至手,若股價有升幅,回報就更可觀.第二隻916龍源電力,買佢原因是全國第五大保險公司瑞衆保險不斷增持佢,現已持有11%,増持時完全唔理價位,7個幾買,5個幾又買,唔知買夠未.下午4點,國新辦又會發佈會,指導保險公司買甚麼股票,重指明至少要揸3年,甚至列入考核範圍住.呢d股買左唔多駛理,升得多就沽出食胡,唔升甚至趺就等收息.

 華潤在港的上市公司共有8間,稍後重會多一間華潤飲料.我只持有華潤電力,華潤燃氣,華潤醫藥3間,其餘5間冇買,其餘5間冇在低位買番d貨擺吓等大升真係有d遺憾,其餘5隻包括華潤萬象,華潤啤酒,華潤置地,華潤醫療同華潤水泥.呢5隻最近升到阿媽都唔認得,連最冇人看好的1313都升到你唔信.遲d來港上市的華潤飲料上市之後一定要買番d貨長擺,就華潤的管治水平同往績就給人足夠信心,當年華潤電力上市價只是2蚊,華潤啤酒曾派高過股價的特別股息益小股東,集團各上市公司派息一向慷慨,時有驚喜俾小股東.

 昨天忍得住手冇沽蒙牛已非常幸運,出左拉動牛奶消費消息後,已知今天一定高開,非常離譜地曾升至20蚊,及後回落,膽粗粗在17.94増持左,買左重一路跌,於是掛18.5將所有2319沽出,不幸地又沽到,感覺重有排升,賣仔莫摸頭,呢隻奶已短期幫我搵唔少,要知足感恩.

 一早排5.6沽華潤醫藥,半小時後沽到,賺左14%,呢隻股短炒連勝記錄増至27次,唔知有冇機會回番落5蚊樓下俾我買番,另一隻中海外唔駛排隊,即掛即俾人接左,15.06沽早左,但都有12%盈利,今日浮盈應該又會大增,2大持倉941同883開始倒升.883昨日80幾億成交幾乎全來自北水,但只淨流出11億元,不是恐慌抛售,昨天高位油的,今天就會買番,令持貨成本減番5至6%,北水一貫的操作手法.

 蒙牛呢排都升左好多好多,淨係今日升幅都在一成以上,相信好多人已食左胡.收市後農業農村部連同7個部門,出左指引文件,話要拉動牛奶消費,要科學地向大眾推廣牛肉和牛奶的益處,有能力的地方應發放消費券推廣學生飲用奶,讓學生飲多些牛奶,又要在財政上幫助牧農起現代化牧場,確保生產出優質牛肉和牛奶,内地民衆一向喜歡飲豆漿多過飲牛奶,不知此政策能否改變民衆習慣,但蒙牛,伊利等牛奶股肯定受惠.内地出台的政策普通人永遠估佢唔到,但總有些春江鴨能早人一步憑個人精準分析或收到風而提早得知.

 國内年青人已不再追求名牌奢侈品,消費首重性價比,有錢消費都會去酒吧,火窩店聚餐,看電影,聽演唱會,觀看體育活動,文旅等.上海發的消費券都是指向這些行業.今日港股内需消費股升得最癲是酒吧股海侖司,升左近7成,其次是呷哺呷浦,九毛九,海底撈等飲食股,其餘就是潤啤,蒙牛,安踏等年青人常消費的低價消費品.内地消費品内卷是有道理和必需的,如一件奢侈品一百蚊一件,毛利率5成,但一年只賣出一件,只賺50蚊,社會零售額只有100蚊.相反平的消費品如手搖飲品,毛利得3%,1杯賣10蚊,一個月賣1000杯,1個月賺300蚊,一年就賺3600蚊,社零額就有12萬,最緊要去庫存快,貸如輪轉,毛利率幾高都好但去庫存超慢一樣死得,如本港一大堆高樓價庫存,一日未清庫存,堆樓估值幾甘高都係呃自已,李首富就深明此道,見樓市唔對路就劈價去庫存,賺頭蝕尾,毛利低也在所不惜,讓現金回流,先發制人,卷死對手.

 由鄭志剛一手創辦的K11品牌,新世界準備賣番俾剛仔經營落去,看吓可否殺出一片新天地,而新世界就只專注地產項目.藝術呢家野新世界唔識,唯有俾番創造佢出來的剛剛打理.剛剛做番出好戲俾唔識貨的人看,好多人支持你,長期持有17號者除外.

 新世界已出通告,為了做其他公共服務和其他個人業務,鄭志剛博士已正式辭任新世界發展行政總裁一職,會花更多時間服務香港和中國的公益事務,只保留非執董一職,為期三年,每年拿30萬酬金,同時也辭去系内周大福,新世界百貨,新創見的職務.他表示要展開人生新的一頁,其父親鄭家純博士十分尊重和支持他的决定.其父也在通告中大讚兒子很有藝術天賦同創新能力.好來好去點都好過同室操戈.

 縱使4大持倉3跌一升,但836同941跌幅有限,得隻883跌得多,神華就日日升,其餘近30隻股份升到傻左,短炒沽出部份股份獲利馬上換入其他股份,可能市旺或運氣好,追入的股份升得重利害,埋單計數,今日浮盈又再度多6位數字進帳,唔需要悶聲發大財,大大聲細細注一樣可發大財,拿一球出來買股票,升10%就賺十萬,一球根本買唔到30隻股票,分散投資,撞正牛市30隻股份隻隻升,隻隻每日升幾個巴仙都有排數錢,這些好日子當然不可能每天都發生,只要好日子出現時你參与其中就想輸都難.掌握市場節奏,適時進進退退都是一門學問.

 是故意好,巧合又好,A股收市就收3000點,擺明叫人入市買股票,掃除哂過往在股市中胡作非為的既得利益者,股市由阿爺來做莊管理,儘量做得公平d,讓散戶唔駛鋪鋪輸,製造番場牛市,讓有大量存款的散戶重投股市,能在股市中容易獲利,製造財富效應,刺激消費,唔駛再為前景担憂而作報復性儲錢.今天中海油H股大跌,H股更成交激増,主要原因是沙地决定不再堅持減產,放棄油價每桶100美元目標,怕會失去出口份額,有部份基金食胡避一避轉投其他版塊,相信不少内地散戶已等左好耐,有較平的883買,息率變相高左,買來用作長期收息,今日883雖然成交超大,但北水淨流出的883唔慌會多,有人沽貨獲利,但會有更多人趁機配置,收市後就有數據驗證.

 早幾日潘功勝,吳清講左一大堆新政策,今日中央政治局會議由大佬親手拍板,一捶定音,大家唔識估估吓,一定係來真的,你可以唔信,但市場資金信了,早買早享受,連樓價都可放下豪情壯言一定能穩住,難怪688都可升一成.原來中海外此刻已升12%,消息一出我就立刻追入688,現在都有5%利潤,唔沽住,好大機會有排升.早幾日話内銀内險有排升,有幸估中真係升到傻左,希望今次估央企内房又會大升冇估錯.

 所謂消費卷其實不是派錢,如餐飲消費500減100,體育文旅減幾十之類,過往崇尚高消費的上海,也要消費下行,這類民生消費卷會令人們増加消費,一線城市上海帶頭,相信其他城市都會仿效.今早内地消費股大升,連帶香港一眾飲飲食食股狂升,酒吧股海侖司曾大升25%,升左多日的九毛九,海底撈等也幾日間内升左好多,無處不機會,若身手好有膽識入貨的話,可以賺到你笑不攏咀.

 手中愛股3320,10天前4.91低位増持買入,而家5.26,贏近35格,7%盈利,若沽出此股短炒連勝記錄將増至26連勝,但想貪心些,待升上6蚊才沽,但既然有大量已落袋盈利,都係賺盡佢,升多d才沽.

 9.36沽出増持短炒的1072,6天升20%,沽出獲利算合理,加上有不少低位買入的貨底,之後就算再狂升都冇有怕,同樣操作,3.02沽出増持的中國通號,呢隻則只有10%利潤,同樣有貨有倉,沽左貨自然要買番貸,4.58增持中交建1800,呢隻又有中期息收,若升唔穿5蚊,就收埋息至沽.

 記憶中939過往在港股大時代中曾高見9蚊樓上,當時不少老一輩的人抱着有買貴冇買錯的心態去買入這隻股票,我認識一位朋友,說她阿嫲訂立的遺囑的資產中就有工中建H股,並囑付她倘百年歸老後,非必要都不要沽出,留作收息之用,日後若遇上逆境,都有灣轉.所謂建行歷史新高是指即使你在9個幾最高位買入,計埋之後所收股息,無需複投,已在最高位之上,相信本港有好多長者在唔同價位買左唔少内銀股,買得早或買得平者,好多都已零成本並繼續一路收息落去,我這位朋友的阿嫲可謂有先見之明,一早為孫兒作人生規劃,令後人有更多選擇生活的權力和空間,如金庸的名句,人生短暫,來到人間就是要大鬧一場,然後悄然而去才不枉此行.但要大鬧一場都要有本錢和底氣才行,冇經濟實力作後盾,搵少個錢都過唔到日子,為左柴米油鹽而要長年做底層牛馬,同讀書多少全無關係,你的一生基本上已冇得發圍,詩與遠方,甚麼理想,扮文青開間㗎啡小店全是不切實際的想法,冇穩定現金流作後盾,你就冇選擇的權力.

 今天股價創左52周新高的華潤燃氣1193,晚上出通告說會在年内不定時回購4千幾萬股,佔發行股數的1.98%,股價創新高都照樣回購股份,剛派發的中期息已較去年大増67%,樣樣跟足中央指引,做好學生,起帶頭作用,1193不缺錢,冇集資或大量貸款需要,股價又交足貨,持貨的小股東笑逐顏開,回購股份只是錦上添花,更大可能是起模範作用.遲些不知是否會向中央新設的3仟億股份回購基金申請款項,在有錢的情況下,俾2.25厘息給央行和6大行賺來加大回購力度,跟手又狂加派息,派高息派番俾自已同小股東,令股價不斷上升,無本生利,一舉數得.上星期石藥1093在股價創年來新低後,出手還擊,宣佈2年内會用50億回購10%股份,一間年年賺60億,市值不足600億,手頭現金100億,冇有息負債,應收帳百幾億的央企被數間外資大行聯手唱空下股價不停跌,所持理由是生產的藥物唔夠創新,無視公司盈利穩定,市佔率高的基本因素,再加上是恒指成份股,宣佈完回購後,股價立刻逆轉,連日上升,北水的收息客也不斷買入,此股和華潤燃氣一樣,冇在A股上市.相信日後會有更多央企回購H股,無論是否有資金,冇錢有央行無限量大手喉照住,令股價穩定甚至上升.早前國資委說旗下84間央企,120間在港的相關上市公司,會採取更具體的方法引導香港融入國家的發展大局中去,特別是金融業,講白d,即是央企日後在香港各行各業中都會是頭部企業,一切都要以國家最大利益和佈局行先,要買能長期生存同有穩定盈利的公司一定要買央企.

 https://photos.google.com/photo/AF1QipPATQaOpd4hN-AuUEem58gs_H2Ht9PvFpW4zUls

 中交建A股今日漲停,H股1800上星期還在3個幾唔上唔落,如今已升到傻,基建三傻長久極低PB,長期破淨,股價遠低於資產價格,年年有錢賺,派息穩定,就是股價唔大升,如今中央又重提市值管理,破淨的定義和改善方法,要破淨的央企交出方案和方法改變現狀,基建三傻估值重修的預期已足夠令股價大升.

 如無意外,今天股票帳戶的浮盈又會再度多6位數字,不急於沽貨獲利,只不過係一堆數字而已.浮盈每天大増除左4大持股大幅反彈外,其餘20幾隻持股功勞更大,股價升幅5成以上比比皆是,重未計收息部份,内銀,内險,内地公用消費股貢獻最大,最重要是敢長揸,不要跌少許就止蝕,上番家鄉價賺少少就走都走唔切,要理智地對自已所持股份有信心,投資路上難免孤單,不必討好迎合所有人,他們大都是等被宰割的韭菜,只要不斷加强對世界事物的認知,令自已内心和實力足夠強大,即使一個人孤軍作戰,實力也勝過千軍萬馬.

 不出所料,大部份股份被唔夠貨或冇貨的投資者瘋狂追入,有貨者日日數錢,睇住大班人高追確是好過引,不久前,大批財演還在一本正經,語重深長叫大家要小心,港股要減磅,不能太進取,俾呢d噪音影響而作出錯誤選擇的人不知有何感想,最可恨是這班財演只是人肉讀報機,永遠不持有任何股份,只是不斷重覆過時的數據和資訊,同埋想當然的分析,市升叫人小心,市跌又叫人小心,照此操作,永遠都唔駛旨意會買到股票,阿媽係女人要你天天都提醒嗎？

 夜期升678點,高水762點,距離2萬點只差2百幾點,昨日恒指全日成交2440億,北水成交大増也只是740億,要尊重市場,其餘千七億成交來自何處,本地散戶稍為有閑錢的都準備去抽銀債,相信資金大部份來自外資,現在的外資不像過往只是美國和歐洲資金,現在更加多左中東土豪和東盟資金,上星期一隻規模唔細的港股ETF獲批在沙地上市.相信港股今天仍會繼續G0GOGO,升到你要高追至買到.

 央行人民銀行準備左5仟億俾證券公司,保險公司,基金以沪深300股份,股票ETF抵押俾央行,央行用國債,票據俾番佢地作交換,不是俾現金,大量沪深300股票押俾央行,鎖住大量股票不易借俾人做空或沽出,換來的國債可輕易在市場出售套回現金,可減輕熱熾的債券巿場需求,唔需要央行在市場抛售干預,套回的現金只能買股票,其他方面物都唔俾做,5仟億用完,可再多幾個五仟億,無限資金供應,只要不停買入股票就多多國債都俾你,國債可不停發行,國内有大量民間資金等住買,不停買入指定股票呢d粗重野唔一定要由國家隊全力承担,分流俾保險公司,基金公司做效果一樣,若日後平準基金真的成立,股市就更加易升難跌,中央要令A股長期向好的意願已十分明顯,不要低估中央的决心,一旦鐵了心要做好其件事情,多數如如願以償.

 今天另一提振股市絕招是拿3仟億出來俾上市公司再融資回購股份或大股東増持股份,人民銀行以1.75厘借俾6大商業銀行,6大再濕腳抽水加多0.5厘即2.25厘借俾上市公司,只要借款的上市公司相信主要是央國企,有能力派4至5厘或以上股息,絕對樂意増加回購,有無限资金大水喉照住,一來可穩定股價,2來又可無本派番息俾自已,同西方國家唔同,美國同日本係親自落場買債同買股,而中國就借銀行隻手進行,央行賺1.75厘,銀行賺0.5厘,資金來自唔想買股票但將資金存在銀行收取低微利息的散戶,你不想買股票,但到頭來銀行會將你存在銀行的錢借俾上市公司買股票,3仟億唔夠,可以有更多的3仟億,與其係甘,存錢在銀行的散戶始終有天會將錢放在股票市場買高息股.潘功勝行長外號潘學霸,人民大學經濟博士,之後在劍橋,哈佛進修,做過研究員,對中西方經濟玩法暸如指掌,及後回國報效國家,份CV靚到爆,2006年替工行成搞全球IPO,2百幾億美元,金額破盡當年全球紀錄,2008年在全球金融風暴下仍成功替農行作全球lPO,集資額比工行還要多,絕對是身經百戰又是專科紅褲子出身的高手,而非一般讀死書紙上談兵高分低能的經濟學者.

 潘功勝行長呢招夠絕,無限個5仟億借俾保險公司,基金,息率一律1.75厘,可以以沪深300股份,債券,股票ETF做抵押,換取資金流動性,但只準買股票,隨便買隻内銀,三桶油,煤炭,電力,公路,港口,航運等央企股票,一般息率都在3至6厘或更高,只要股價不升得太誇張的話,況且只會在股價下跌時才出手,令股價不會大跌,若嫌A股派息率唔夠吸引,可南下來買息率更高的H股,賺息差都賺到笑,重可令相關股份的護城河更深,一舉多得.另外又首次正式官方式稱正研究成立平準基金即拿正牌的國家隊資金,在未正式成立前,會増加中央匯金購買股票力度,中央匯金是内銀内險大股東,只買金融類股份,其他非金融央國企就由國資委管理.今天是大獲全勝的一天,個倉隻隻都升,帳面浮盈又多6位數字以上,若這些好日子能持續多一段日子就肥過肥仔水,基本上唔駛再追貨,等其他唔夠貨又怕走寶的投資者追貨幫手推個市上去,收左股息有彈藥,又會不甘寂寞,秉持12字真言,左側買股,右側選股,高抛低吸.右側所選的股會超長期持有,左側就買被低估股價過殘的股份,見好即收,長短倉混合玩.

 1072東方電氣準備向36名機構投資者定増2.7億股A股,集資50億人仔計劃冇變,以此推算,増發股價應不低於18元人仔,但A股東方電氣13蚊不到,難道真係要升到18蚊才増發股份,另一可能是已找到機構投資者如社保,養老基金,中移動,各大能源集團和電力公司肯以溢價認購新股,再加上瑞銀昨天已忍不住大手減持1072H股至5%樓下,震埋外資d貨,不讓優質國有資產落入外資手中才做野展開升浪.

 本身已有257貨底,2個6買的,除淨前在3.45増持左d貨為收息,中期息14仙挺不錯,前日已除淨,今天又大升,大升原因除左内險中國太平持有一段日子外,今早國資委說已正在籌建一全國性資源回收循環集團,A股環保股大升,環保龍頭光大環境很大可能會在此集團担當重要角色,市值得2百30億唔夠的257有極大估值修復機會,只要2百幾億地方政府應收帳能加速回收,派息同股價大升也非幻想.

 早前已分析過内險股在中央指導下已轉變投資方向,只會買入更多高息中特作長期投資,賺息差,不再亂投高風險高回報項目,爆雷機會近乎零,幾乎等於揸住把槍教你要買物野股,甘重唔止,重要整個内險,基金,銀行互惠平台,鼓勵保險公司,基金以沪深300股票做抵押,向銀行借入指數ETF,收取高於俾客戶的利息,買更多沪深300股票,首批5仟億先試,效果良好的話,第二個,第三個5仟億陸續有來.息率持續下跌,但内銀生意會大増,足夠彌補房地產的讓利,内險又係無風險甘收息.落後的平保,中人壽今早已急升,其他内險股一樣大升,内銀中招行大8%,中工建各升3%以上,呢4隻内銀加2隻内險平保中人壽已佔恒指權重2成以上,内銀上個月回調正是派錢俾大家執,已長揸的更是冇得輸.天天大嗌内銀好危險的摸頂英不知有何感想,地球一樣好危險,不如移民去火星.今早大台做嘉賓個位圖表派燈神長期看淡全球股市,日日都話要小心,好危險,呢頭講完小心,今早就升600點你睇,燈的威力拍得住摸頂英.

 現在看緊吳清同潘功勝如何提升樓市同股市的招數的記招,牛市真的可能已來臨.大招包括減低銀行存款準備金率,令銀行可大量向外放款.減低首期成數,已買左樓的統一減貸款利率,與新造按揭看齊,銀行低息借錢俾上市公司回購股份同大股東増持股份,其他包括強監管金融市場,越看越興奮.最高與是已近滿倉持貨等大升,若是月亮還沒來,路燈也可照窗台.會來的始終會來,只會遲到但從不會缺席.

 明天中移動的中期息又會到手,由於是第一重倉,又會多左好多彈藥去掃貨短炒,個倉已持有近30隻股份,全部都係低位買來用來長坐收息,大部份都係每隻買幾萬元至十萬元,4大核心重倉股除外,短炒的資金就來自已持股的股息,第一隻率先收到中期股息不是941,而是393旭日,派完股息後,股價天天都是1蚊,天天在回購又不注銷,希望股價長期保持在1蚊,千萬不要升,直至公佈全年業績,到時又派個6至10仙未期息就完美.3天後又有中石化息收,呢個現金流循環遊戲越來越好玩.

 8月份社會用電量増8.9%,其中各類工業用電増幅近5%,而城鄉居民用電更大增23.7%,出外食飯可以食少餐,但電費不可以慳,天氣甘熱,空調等電器不可不用,中國是制造業超級大國,用電需求極大,今天内地電力股大升也合情合理.上個月在836除淨前増持的股份,今天已本利歸還,若836再升,會考慮沽出增持的那批股份,畢竟已持有836好多,股息又落左袋,套番些資金去加大短炒的力度,現在是遍地短炒的機會.

 https://photos.google.com/photo/AF1QipP9mjEjv_Fc4rWq2dQJ0X2W81qfU3eL8jJswlkE

 近2個月火爆的網絡神曲暮色迴響被2位喝功特別好姓張的女歌手翻唱後,已成為今年的神曲,張韶涵的版本的播放率已高達63億次,而張碧晨的合唱版本的歌詞經唐恬改動後更令人動容,各具勝場.但我最喜歡是一群小孩子大合唱的版本.神啊,可不可以讓我感受一下,看在我們對彼此都放心不下,就算是一陣風一片葉一個眼神的觸碰都好啊......那就等花開之夜,孔明燈飛天,在茫茫人海,我們终將再見.等宇宙煙滅,等黃泉擱淺,我們會化作塵埃,我們終將再見.

 昨晚六合彩開出的號碼竟有5個同前次中秋金多寶開出的號碼完出相同,概率比中頭獎重要難,但更神奇的是竟有489注中五個字三獎,根據規例要按投注額比例分獎金,因此三獎派彩只得萬九元,甘重未算慘,最慘係有1.5注中的二獎,中二獎只派得3萬多元.點解有甘多人買番上期號碼而中三獎已是一個謎,坊間有不少好事者更指六合彩一定是造馬,攪珠機器可人為操縱,只是今次有人忘記調節致開番5個相同號碼,我都是相信六合彩是公開透明的,不會造馬,今次純是數字上的巧合,買六合彩只能抱住做善事的心態,不能太認真,認真你便輸了.

 今天全日成交急増至1488億,星期一成交只有480億,今天比星期一多出1仟億,今天北水成交額佔513億,換言之有近5百億資金進入港股市場買賣,除左不經港股通的北水外,相信有不少外資資金重新進場,我昨天估計港股在年底前會升多2仟點,但今天已重上萬八點,升左3百幾點,甘樣就可能唔止升甘少,年底前有望見2萬點.其實恒指幾多點都冇所謂,最緊要倉底有大量賺緊錢的股份,唔駛看圖甚麼確認升勢才去追貨,低位任買你唔買,係要升左一大浸至去買,成為被人收割的韭菜機會也大增.

 今早順利在7.73沽出一拖,扣除使費都有4%盈利,已心滿意足,跟手在4.91又買番隻3320華潤醫藥,有4%賺又會走,繼續奉行貨如輪轉策略,做個股票渣男.

 沒有北水的2天,一拖38連續2天大跌,但成交不多,昨天在7.39再増持,對上一次増持是不久前在7.17買,胡都食埋,今日A股復市但港股冇市,一拖A股走勢仍良好,現在升近2%,H股過去2天無喇喇跌左近6%,加埋A股一拖冇跌重上升,明天H股應該會升番上正常價位,到時我又可再食多次胡,但願如此,我相信機會都係好大會實現的.

 又是在拉升4大行,2桶油,煤炭水電,再加上國壽平保中移動中電信等權重股,下跌的只有最大權重股貴州茅台.指數是穩住了,但上午下跌的股份個達4仟隻,這堆大型紅利高息股永遠不會大跌,每次回調都會升番收回大部份失地,每次回調都是買良機.恒生指數將來要大升也要靠中特估,現在恒指成份權重5成由金融和資源電訊佔有,科技和消費佔4成,其餘不足一成由地和醫療佔有,只要幾隻内銀和2隻内險不跌重有得升,加上中移動和3桶油都有同樣走勢,港股基本上在現水平已跌唔落,若ATMX生性唔再跌甚至企穩慢慢上,恒指年底前升多2仟點也非不可能.炒股唔炒市仍是主旋律,持有高息中特估仍是相當不錯的投資,持有一段日子的朋友相信會愛不釋手,唔捨得走,賺息蝕價根本從沒發生過,股價上升更是經常出現,甚麼銀債綠債完全看不上眼,每人最多分得20幾手,用20幾萬擺一年,9仟蚊息都冇,求其揸隻内銀或941或883一段日子,收股息已多過佢好多,若夠進取每逢這批股份下調時買入短炒,賺個3至4%是件輕易而舉的事,一年唔駛多,做個2至3次T,一年至少10%回報,加埋股息收入,一年2成回報是輕輕鬆鬆近乎無風險的最低要求.

 https://photos.google.com/

 北水對港股成交量有多重要已無需要再爭論,嗰班整天說北水買得幾多港股的財演,恐怕也難自圓其說,數據不會騙人,為搵食成日叫散戶買輪證,點吹都冇用,輪證的成交額完全少得可憐.内地散户透過港股通買賣港股的門檻也不低,起錶50萬至可以玩,還要交20至28%股息稅,不少内地散戶其實一早做左理財特種兵,專程落來香港在銀行開股票戶口,逃避股息稅.今日480億元成交,相信有不少是已在香港有股票户口的北水成交,港股A股化已是大趨勢,若能降低港股通門檻,相信會有更多内地散户買港股,令港股成交額増加.所謂的港股A股化,就是他們只會買他們熟悉和喜愛的股份,他們會買内銀,但不會買恒生銀行,比A股便宜的高息H股更是他們至愛,若買得夠平,一般會長揸,但升得太多,他們會高位沽出,候低位買入,哪怕只是幾個巴仙,都會樂此不疲,為的只是減低持貨成本,增加盈利.至於唔派息或極低息的股份如ATM,汽車股更不會長揸,更是玩鬥走得快遊戲.至於指數ETF如2800,更是短炒王,由於不用俾股票印花稅,他們可即日大手買百幾億,第二日升1至2%就食胡,同樣若恒指下跌,輸1%就止蝕,同賭博冇物分別.

 https://photos.google.com/photo/AF1QipOs4hVvQoz8ardRgDsT7gzwt7WDbFkCD29ctVgk 玩左三次重有盈餘,希望下次唔好輸哂,下次將剩下116蚊再買落去,純粹娱樂,零成本,不加注.

 https://photos.google.com/photo/AF1QipN0kazvX7CZD2d_tXRiD5tcdT_upq2Umu045CJW

 各大經濟學家一直說消費下行是世界趨勢,高級奢侈品賣不動了,前年一度是世界市值最大的LMVH股價也開始大幅節節下跌,甚麼愛馬士,哭泣,勞力士不再是大中華區00後的至愛,現在想割00後韭菜已沒那麼容易,由於高薪職位已很少,管理層職位大都由上有老,下有少又有房貸車貸的中年人担任,他們不會輕易離職,甚至會出現多年前香港已出現的現象,職場内卷,中高層帶頭996,有冇野做都無償加班鬥夜走,扮到好似好多野做,老板雖知真相也樂見情況發生,加上每年有大量大學生畢業,你唔做大把人做,00後看不見希望,只能做基層牛馬,工作只為養活自已,不會亂甘使錢,儲埋的錢只會使在自已喜愛的事情上,第一種是間唔中出去崩達一下,如去酒吧,夜場大呼亂叫,宣洩一下抑壓的情緒,第二種是去各地追星看演唱會,平時慳埋慳埋一筆錢,就去看演唱會,去年内地各種音樂節,巡迴演唱會場數都破哂紀錄,而且一票難求,第三種是節日旅遊,趁大時大節同其他人一齊迫,為的就是離開天天工作的所在地,放假就要遠離,去其他任何地方都可以,目的只是打卡,更有趣竟是廟宇旅遊去年大増3倍,而且是年青人居多,上進和上學之間他們選擇了上香,求人和求已之間他們選擇了求佛,用幾塊錢燒香奢求幾百萬回報的心願確是最具性價比和能安心,但欲苦了佛祖,怎能完成這麼多的不可能任務,第4類是彩票,去年銷量也是大幅增加8成.簡單來說,現在的00後不會再是過往的年青人,有冇錢都不會盲目追求名牌,只會用有限的金錢做自已喜愛的事情,至於那些開班收錢教人創業,投資甚至做人道理的課程,已越來越難忽悠年青人報讀.

 本身已有負成本的第一拖拉機,負成本意思即如你以10蚊買左隻一股10蚊的股份,透過收股息和T出T入已收取超過10蚊的回報落袋,但仍持有一股股份,就算這股份他日破產執笠,你仍有賺,若股價高於買入價同不停收股息,負成本會越來越高,星期二以7.17増持了一拖,買貴左,今早在7.64沽出,即使之後再大升也冇所謂.因已有負成本的貨在手.

 旭日楊家全家信佛,待小股東也算不薄,派息相當慷慨,雖說都係派番俾自家人,大股東家族已持股近65%,再加上副主席及其家人也持有5%以上,實際上楊家已持股超過7成,董事會也通過今年最多可回購1億5千萬股,即發行股數10%,若真的回購1.5億股,到時大股東持股將接近法例上限75%,加上回購股份又不拿去注銷,小股東不會收多左股息,9月3日除淨後,天天出來回購,每天幾萬股至十幾萬股,如今天全日成交24萬股,他就回購了14萬股,回購計劃開始至今都係買左0.33%,更神奇的是每天股價都是0.99至1元2個位,除淨前最高俾散戶追入至1.04元,除淨扣回4個仙股息都唔駛輸,我在公佈業蹟後第二天嘗試買入,千辛萬苦才買到7手共28000股,0.99元買入的,買完不久就除淨,即時有4厘上股息將派發,股價重有一格升,此段期間工中建股價大幅調整,393依舊是公價1蚊任你買或沽,未期息相信也會大増,全年息率肯定10厘以上,只要股價不升的話,買此股好過買内銀,但缺點係買唔到太多貨,我都係貪過引買一些來收高息玩玩,我都不希望他私有化,最好繼續靠内銀派高息跟手派回給大股東同小股東.同是信佛的南豐集團大老板,生前在旗下商場免費派佛經同念佛機,最終也是私有化離場,期間曾多次出手救助垂死的其他地產發展商,令他們渡過難關.

 北水每天都在増持38,逐d逐d買,買到持股超過5成樓上,前日増持38算是正確,只是買得唔夠平同唔夠多,昨天7蚊樓下才是最靚位.9988入左港股通,雖然話買左百幾億,但所持的百分比仍非常之細,要觀察多一排才能確認北水是買來長期持有或是買來短炒的.

 9月9日開始,金融類股份已成恒指最大權股,佔比34%,匯豐,友邦,平保,三隻内銀股已佔成份股權重25%以上,呢幾日股市跌穿萬七點,全因金融類股份全部下跌所致,今日所有權重金融升番哂,恒指就企穩萬七點樓上,只要金融類股份止跌回穩向上,恒指或會向上升多一浸,巴巴和美團已轉去有大量不停下跌股份的消費類版塊,巴巴加美團權重只有13%,其餘近20%就由一大堆内需股承但.資源加電訊權重也只有十幾個巴仙,但足以穩定恒生指數,科技股只剩下6隻,權重得13%,一隻騰迅已佔8%,另外2個版塊地產加醫藥已可完全放棄,所有股份加埋不足8%權重,前景也極度黯淡,由於佔重極細,大升或大跌也影響不了恒生指數.

 日期/時間 10-09-202422:48  投注類别細節 位置過關6X35  支出存入 跑馬地星期三位置過關6X35 第2場3精選威第4場7天時明駒第5場1極光彗星第6場1赤马雄風第7場4喜蓮勇略第8場 10嘉應喝彩$4.0286/35 (靈活玩)  $141.00  $291.50日期/時間 買左6隻大熱門位置,中5隻斷一隻,都有100%以上回報.

 由周杰倫母親打理的巨星傳奇6683,去年以4.25元上市,我都有抽重抽中1手甘大把,上市不久見有利潤,沽左賺左5舊水,之後此股不停上升,最高升到13個幾,市盈率百幾倍,經營減肥防彈㗎啡同兒子演唱會業務,叫做有錢賺,但北水對此股毫無興趣,只持有0.2%股份,能夠長期在高位,相信又是一隻莊股,不少散戶已入局,在毫無預兆下散水,縱使股價跌左7成,市盈率仍高達幾十倍,百幾倍市盈率的股票始終有爆煲的一天.今年集資額最大的美的集團300開始招股,我不會抽,1手100股,50幾蚊,就算抽中都唔慌會升得多,A股美的表現都唔多好,雖是全球最大家電製造商,但對手太多,又是另一卷到傻的行業.

上星期國足在世界盃外圍賽恥辱地負日本0比7,全場擺爛,只射過一次門, 彷彿完全差幾班波,水平不及對手力戰而敗國人不會怪責,但士無門志下俾人數7蛋實在難以令人接受,可能今晚會有大批賭徒幫襯馬會,食過翻尋味,重搥買中國隊對家,上次日本隊讓中國隊3球都順利勝出,但今次馬會只開盤讓一球,相信會引來更多人訓身買沙地,但我今次我唔敢買,國足今次若再大敗任人魚肉,相信好多人會人頭落地,再加上中沙關係良好,國足大概率都會輸,但可能都係一球上落,若大打爭氣波,甚至super打和.我買都只會買3.5球細,即全場入球超過4球,唔理賽果如何,我都有錢收.

 不到一小時的講解會沒有任何亮點,被問及有七十幾億現金在手,會否増加分紅,只答22年派息比率3成,去年3成半,今年會視乎情况同股東一起分享成果,沒有確實承諾.業務方面,說大型農機已成市場主流,公司在這方面具有極大優勢.海外市場多年來首次突破一萬輛農機出口量,會増加人手同資源開拓海外市場.看來一拖前景幾好,但沒警喜,不知市場資金收唔收貨,今日増持少許以為買得好平,但下午更平,尚幸成交不多,北水昨天重買緊,買了接近一百萬股,H股持股量已超過5成樓上,基本上只有北水資金同本地散戶在玩.都係3320夠硬淨,除完淨股價重有得升,又係股價先跌後升,收市尾段成交大增拉升股價,今日其子公司華潤三九幾乎跌停,連累其他A股子公司都顯著下跌,只有控股公司3320不跌反升.三九大跌原因只是安徽省將三九旗下感冒藥列入醫院集中採購項目,有人認為會影響三九感冒藥盈利,借消息沽近月已升左不少的華潤三九.

 今早以7.17元増持一拖,今天收市後會舉行線上業績講解會,中期業績都出左近2星期,到今日才舉行業績講解會,應該會發放利好消息,増加公司透明度,明天股價會否上升我不知道,若有早知,我就一注獨贏,但我傾向相信會上升,買多些少考吓自已眼光.

 http://www.sse.com.cn/services/hkexsc/disclo/announ/c/c_20240909_10761390.shtml

 883今天回購左5224000股,作價介乎18.84至19.08元,耗資9仟9百萬.有1800億現金,每日用不到1億回購,好快可以回購到超過規例上限75%,回購行動令我大為放心,7蚊入的貨,任你點樣跌,只要每年派息派個幾,收多2年息已是負成本持貨,又有專人幫我回購股份維持股價秩序,就算跌跌幅永遠少過另外2桶油好多,油價升跌全世界都係靠估,可以不理,怕就唔好買賣資源類股份,嚴格來講,更加不應買賣股票,干脆去存定期或買政府債券.

 今早趁低買入用來收息的3隻股份帳面都有盈利,其中3320華潤醫藥升左22格,若換作是在上個月,一定即日沽出獲利,令買入此股的連勝記錄増至21連勝,但今日並冇甘做,因已留意到上星期四3320也是先跌後升,在競價時段才俾人以大成交令股價反升,而且是全日最高位.今日歷史再重演,今早我5蚊買入時,成交只有2百幾萬股,今日收市成交竟有1600萬股,比上星期四多好多,今日競價時段又是在大成交下以全日最高位收市.3320短炒獲利20次已令我喜上眉梢,希望在佢大升前,此種跌完升,升完跌的套路能持續多幾個月,讓我的連勝紀錄不斷延長,滿足一下不值一文的虛榮感,更重要是荷包不斷腫漲.

 頭2隻明天除淨,今天入可收息,836買入價19.88,3320買入價5蚊,257一星期後才除淨,買入價3.45元.我從不做槓杆,全是真金白銀買入的,故有能力長揸,不會因做孖展而被爆倉,近期短炒的確做了好多,都是好事,有盈利才會沽出,貨如輪轉唔好俾佢停,港股上落市格局相信好難改變,在上落之間做個股波幅取勝率相當高,低買高沽永遠都是致勝之道.

 去年馬會營收3048億,賽馬1361億,足球1603億,其餘為六合彩.賽馬是穩賺不賠的生意,馬會只把投注額的75%派給買中的馬迷,19%為博彩稅,特別彩池則為20%,剩下的5%就是馬會佣金收入,近年已越來越少人賭馬,主要買馬是老野的玩意,年青人多數賭波,連星加坡,澳門馬會今年都關門大吉,越來越少人賭馬已是世界大趨勢.香港近幾個月每月零售額都不足3百億,隨時馬會一年的營收多過香港全年零售總額.因買馬不是固定賠率,馬會只負責抽手,多人買又跑出的馬匹,賠率會大幅下調,賽馬只是賽馬投注者之間的財富轉移,少數馬迷贏大部份馬迷的錢,最大贏家是馬會,只要投注額不停増加,馬會就賺得越多,政府收的博彩稅就越多,反而足球投注,理論上馬會不是一定贏的,毛利率極不穩定,因是固定賠率,買時是多少若球迷買中就要賠足,著有大量天才或集團預知賽果為何,大量投注某一場,馬會會成為韭菜被人當提款機,馬會若發現只能封盤不再接受新的投注,同時將已收的注項的大部份轉投往外國博彩公司,減低風險,理論歸理論,相信世上也沒有那麼多天才,能令馬會長期在足球投注上蝕錢.經濟下行,只會令更多人買波,尤其是年青人,馬會最近甚至想増開賭藍球,真係想害死年青人,一天24小時都幾乎有波賭,馬會全世界賽事都開盤俾人賭.不知有多少人因賭波而陷入萬劫不復地步.明天新馬季又開鑼,相信投注額會持續下跌.

 當局打擊金融腐敗力度越來越大,不斷清舊賬,過去有大量違規上市割散戶韭菜的企業,幫這幫人上市的證券行,律師行,會計師行的相關人仕,相信一個也跑不了,固本清源才能令股票市場更健康發展,中國現代化走的是社會主義模式,跟西方那套是有分別的,華爾街狼人只會出現在西方社會,若在中國,多多狼人都唔夠死.

 繼早幾日中國船帕集團宣佈合併中國重工,打造成全球成最大造船集團後,昨晚國泰君安又公告準備合併海通證券,想打造成一世界級的投行,而前幾天傳媒才高調報導海通一高管因貪汚自行離職而出逃國外,但不久已從國外被押解回中國,至於是從哪個國家,用甚麼方法則沒有透露,只見被戴上手扣出現在機場的照片.講番合併,過往最哄動的是2014年南北車合併成中車,並引起中港股市大牛市,今次會否歷史重演,相信不會如當年甘癲甘瘋狂,受益的都是個別相關股份,個別股份的牛市,不會是全部股份都升,央國企股間的合併整合會是另一寶藏,人們會嘗試尋找邊隻低殘的央國企會有機會成為被合併對象.

 近來内險股大放異彩,升得最少升得最慢是中人壽和平保,966完全唔識跌,回都唔回,一飛沖天,今天輪到1339創一年新高,大升3%以上,點解升甘多,可能同昨天曝光的阿聯酋亞布扎比投資局上半年大舉投資A股,十大新進買入股份竟包括人保A股,都買左幾千萬股,其餘都是一些沒在香港上市的高新科技股,阿聯酋主權基金應該有調研過有關股份才買入,甘多隻内險股可供選擇,為何只揀人保來買,或許有人抄功課跟住買.

 883今天回購左5百萬股,買入價介之19.64至19.88元,平均價19.7785,耗資9仟9百萬.中海油有1千8百淨現金,拿幾十億來回購都可玩成個幾月,最好回購過百億拿去注銷,到時小股東收的股息會更多.

 盈利190.5億元,下跌20%.未期息由去年的3.7元減到今次每股2.8元.現價息率毫不吸引,全年派息得3.75元,若在一百蚊樓上買的,4厘息都冇.點解甘孤寒,可能真係好緊水.

 我已零成本持有38第一投拉機一段時間,但始終唔明點解佢會升甘多,今晚稍為認真地用左少許時間研究北水持有38的走勢,總算找到答案.年頭一月三日,北水已持有35%H股一拖,之後天天買少少,買到6月已買到48%以上,股價也一直上升,升到6月已升到9蚊樓上,跟住有部份北水沽出獲利,持股量減到45%,股價也跟住下跌,但到7月中,北水又開始逐少逐少每天都買,去到昨天持股已將近50%,換言之這個幾月已買多左近5%,股價也逐漸回升,若情況持續股價重有排慢慢地上升,直至有人較大手沽出獲利,股價就會有下跌壓力,少部份人沽完貨後,股價會否重回升勢就要看基本因素有冇改變,總之資金流向决定一切,一大堆人同資金長期持有一隻股份大部份份額,又冇外資參與其中,冇能力惡意沽空,基本因素又冇變差的話,這隻股票想佢大跌都難,反而只要少許利好消息同期望,隻股票會升到飛起.根據呢個觀察,只要北水短期在某隻股份上買多左5%以上,十居其九呢隻股份都會跑出,因物事要無故増持,是春江鴨,或是他們對股份的認知比我們強,都有可能但這都不重要,我地散戶冇可能物野都知物野都識,只需跟大勢而行,搭下順風車,買得平買得早過後來者,就已足夠,股市是零和遊戲,根本冇共贏,輸的人永遠多過贏的人,唯有同時間做朋友,長期分散投資在有穩定股息派的優質股上,就肯定會贏,只是不能短期致富,要較長時間才會慢慢變富.

 今天以每股19.88至20.4元,均價19.9522元回購左4873000股,耗資9仟3百萬.市值管理是考核央企的項目,股價下跌時回購股份不失為一好方法.公報完中報,883鐘意回購幾多股都得,北水今天買賣883多達20幾億,但淨流出不足2億元,北水今日主力大沽盈富基金,買左3仟幾萬,但沽左35億,將昨天買入的2800全沽,另外持續沽騰迅,買入的個股是熟口熟面的中移動,建行,美團同小米,稀客是中石化,淨買入3億幾元.

 上午買下午沽38唔駛一拖再拖,唔駛成本的貨繼續長期持有,逢跌就加倉短炒,好快就有業績講解會,離不開大型農機大受市場歡迎之類的消息發放.

 除左1193升左唔多肯跌外,38同257都有大量機會低買高沽賺取不俗的差價,近乎百發百中,大市下跌重好,一定會跟跌,有平貸執,升番甘上下就食胡等下轉,炒股唔炒市,但所選股份一定要是有前景的強勢股,若有高派息就更好.

 上半年社保基金新増買入的科創版股份中,其中中國通號買得最多,買左2千幾萬股.下午在2.77元入番多少作短炒.

 中華煤氣昨天出業績,每股盈利都有一定跌幅.尚幸冇減中期息,仍保持0.12元,去年未期息0.23元,相信每年0.35元股息已是極限.該高管不知是否食左誠實沙包,坦言現時環境,盈利很難有增長,能每年派0.35元股息已很不容易,至於何時恢復派紅股,除非盈利能増長10%以上才考盧,又好大膽話過去派紅股是做過頭,很多時是要借錢來派的.不知長期支持者聽後有何感受,若從不曾持有3號仔,現在才買都有5厘幾息,至於十幾蚊買的,每年收0.35元,收足十年都係得3.5元,坐多十年連埋過去收的紅股同股息,都唔一定返到家鄉.

 去年才來港上市的内地民企陞能集團2459,上市價1.6元,早幾日升上23蚊,昨日被證監點名此股股份高度集中在25人手中,投資者要小心行事,今日即刻爆煲,單日跌左20蚊,得番毫幾子.如此荒謬的事相信只有香港才會發生,内地今年已嚴禁無良公司上市割散户韭菜,把關極嚴,又拉又鎖,查到有出古惑,幫手上市的會計,證券,律師行都要負責.這類公司相信會轉移來香港上市,拉升股價然後派貨.

 許多年前初聽非走不可時,完全唔明首歌想表達物野,多年後在炒股過程中才懂當中的痛,隻1193今早一早就升上29蚊,贏得少比輸錢更痛,昨日換入的257又進入食胡範圍,沽唔沽好十五十六,也許相戀這條路,擠迫的懷抱,不夠讓我高攀進入才摔倒.

 農行A股大升3點幾巴仙,H股升幅只有2點幾巴仙.中行A股升近3%,H股還要倒跌.建行工行A股跌幅不足1%,H股欲跌足3至4%,港股一向慢幾拍,更大可能是北水在内銀股做T未完成,高位沽左,低位未買夠已沽出的股份,一旦買番齊,又一齊回常,幾隻大煤股已是甘玩,急跌完又升番,中煤能源重升突,諗住長期收息根本無需理會短期升落,有閒錢就不妨趁大跌買番多少,好快將會有盈利,好過等收息.

出左個盈警,預估會蝕200億,搞到市值跌到得番170億 ,可能有勇士會撈底博反彈,贏錢可能性都係大概率,但之前無數蟹貨就欲哭無淚,還要求神拜佛希望有息派,不要再做任何財技,如幾股合一股,供股之類.看來2年前的預言,珍惜生命遠離本港地產股,一點也沒有錯.至於今時今日,本港地產股過左危險期未,會唔會離開ICU,轉入KTV狂歡,但願如此,最怕是苦日子才只是剛開始.

 966今天繼續升,已一放絕塵冇得追,除非你唔怕高追又或者想長期持有則另當別論.想追内險的只能揾升得少的,國企就2628,民企就平保.966既然升左多,唯有留意佢地揸重左物野H股,257,1071,902任你揀,1071今早似乎破哂短期低位而上,257已升左太多再加上業績差,只能靠穩定的派息同業绩改善,只要政府拖欠的應收賬早一點償還,盤數會完全唔同哂.另一隻央企資優生招商局,香港的旗艦144今日也大升,同華潤一樣是五大攞正牌的五大國有資本投資公司,財雄勢大,中報業績亮麗,又承諾會大増派息,招商局在港上市的H股只有144,招行同2隻招商房託唔計,不似華潤有大量唔同行業的H股在港上市.華潤同招商局都是國資委的猛將,是刻意栽培的對像,要買綜合性央企都只能買呢2隻最有勝算.

 今早趁大跌市又執平野,257其實跌好少,2.53買入,若升多些少會沽出,升得少就收埋息至走.内險966持有H股257,1071,902長揸,5%以上持股,有人看門口,逢跌必買,有胡就食,高追就冇謂.至於2隻電力股,由於已有大量836做鎮倉寶,唔想過多持有電力股.至於3320,今早買左執10格甘大把就走左,純想増加連勝紀錄而已,佢敢再跌我就再撈,次次都會升番上去.

 1193營收大増,中期盈利下跌2.5%,派息大増6成,此股強勢左2個月,我都做左幾次T,今早高開5%,在業績公佈前2天買左貨等業績,今早在27.8即沽獲利,賺左9%落袋,此隻股份今次做T賺得最多.此股強勢我估同内地大城市如上海,天津上星期都宣佈加燃氣費有關,但上星期消息出後,股價反而下跌,之後才慢慢回升.另一原因,華潤燃氣也涉足充電桩業務,在全國各大城市都有大量充電站,又承接左9千幾輛電動公共車的充電業務,就連香港也大肆擴張業務,充電業務可能成為另一盈利來源.我在低位冇買此股,故不能長揸收息,只能做短線賺差價,若有機會股價大幅下跌才考慮買入長揸.