看山是山看水是水

 總結4月份道指下跌5%,納指下跌4.46%,而恒指則升7.39%,A股也上升2.08%,只可惜中概股金龍指數昨日也大跌3%,ATM相信明天又要捱沽,加上本周餘下2天沒有北水,港股8連升後的升勢可能會斷攬.有資金回流中港股市已是不爭事實,高盛也大鑼大鼓出報告說可能有幾個大基金會撤回在日本,印度的投資轉去中港股市,但絕口不提更大可能是撤走在美股的部份投資轉去中港,為的就是避免大量資金撤離美股.今日最利好中港股市的是沪深兩交易所宣佈即時執行新國九條所有強迫退市的條例.但凡因造假或挪用款項而被入罪處罰的公司,不論金額多少,一律強制列入ST市行列,造假或違規次數和金額超過規例上限,一律ST.至於明年執行的則有3年冇盈利且每年營收不足3億,一律ST,另外唔派息或派息少過規例所定都要ST.買左此類公司的散戶下星期開市相信會爭相出逃,也不會再有人傻到再去買這類公司,騙子公司再騙不到人,只能消失,但願這類公司不要一窩峯湧去香港上市,要去就去美國吧.相信會有更多内地散戶和外國資金買A股,一定有息收是最大亮點,有壟斷性兼長期有穩定盈利再加高派息的央國企一定會備受追捧,直至股價升得太離譜,才會少d人買,但那些在低位買左的人,不理股價升左幾多,就算盈利増加導致股價跟隨大升,現價買可能得3厘幾股息,但那些在低位早買的又一直冇沽出的人,收緊的會是二三十厘股息,不會輕易沽出,更多的十倍,二十倍股會隨時間的累積而出現.我說的是A股股份,香港重係一國兩制,香港冇甘快跟足内地做法,但H股就一定跟足,同股同權,加上AH股有大溢價關係,部份H股更有性價比,成十倍大牛股機會同時間可能比A股更快達成,有低位買入的高息H股一定要好好珍惜.

 只能說1072今日又呃左唔少散戶的獲利貨,借明差實好的季績震走不少散戶手中的貨,資金控盤手法似曾相識,相信好快就有大升浪.今日我唔沽1072算是正確做法,正常揸住5成浮盈在手,今早一開市就跌3至4%,應該走夾唔抖至啱,但有5成盈利在手,有底氣同佢耗下去,其實最大底氣來自低位揸左4大高息天王941,1088,883,836無後顧之憂,除左息高,股價升幅更勵害,已進入牛市模式,完全唔跟恒指走勢,由於不甘寂寞,才會不斷買入潛力大升強勢股,遊戲人間,証明自已市場觸角敏銳,托賴所揀股份多屬強勢股,一旦起動,升幅非同小可,故此胃口也大左,升幅少過30%都唔會走,加上運氣,這批潛力股贏的錢的回報率可能高過4大高息王.呢排刷抖音刷得多,刷到不少不知是毒雞湯或是心靈雞湯如百年之後,沒你也沒我,帶不走一草一木,活在當下,做自已喜歡做的事,食自己喜歡食的飯,看自己愛看的風景.但首先必須儘早真正財自,不必為柴米油鹽操心,才有選擇的權利,做自已愛干的事.

 1310香港寬頻是過往的高息股,股價長期在十蚊樓上,同領展同樣是出名的高息股,1310一路大跌一路有人在做接盤俠,高位跌左6至7成以為是底,結果在差業績出爐,大減派息底下,可以跌到你唔信,昨日大跌16%,今日再跌7%,3蚊所謂的鐵底根本不堪一擊,低位撈貨都可以短時間再跌3成,重要跌幾多根本冇人知,不同的只是急跌同慢慢跌,領展同置富是慢慢下跌,讓人冇戒心,更會讓人以為是底再溝貨,結果泥足深陷,傷害性比急跌股更大,這類股在港中為數不少,排住隊等爆雷,不沾手這類股份是最佳策略,大把優質的央國企強勢股可買,干嗎要去買潛在爆雷的過去式高息港股？

 三隻家電股中,6690升得少,但呢幾日已發力日日創歷史新高,加上昨晚又出左個好靚的業績,營收只升6%,盈利就大升20%,出口又是三間中最多的,除左快將來港作第二上市的美的集團,海爾絕對是國内最多人買的家電,旗下幾個自家品牌銷路非常好,6690同921表現甘好,日後美的來港上市個價一定唔會低.

 三桶油的季績都已出了,中海油一支獨秀,是金子的始終會發亮發光,年頭至今升左5成的股份繼續大升,買的人難道是傻子不成？今天又創歷史新高,但願再也買不到20蚊樓下的883,下一站30蚊何時見就要視乎中海油盈利能力快速増加有幾快.

 首季業績盈利9億幾,同比下跌11%,但營收,首季到手定單大增,毛利率又増加一個百分點,為何盈利會下跌,原因是早前用左近13億買左川能動力増發的30%股份,因股價下跌,造成2.3億元的帳面損失,此股權投資被列入流動資產,故作出2.3億元的撥備,若不計此減值,盈利實際上升10.6%,今日川能動力漲停版,升10.3%,剛出季績盈利又大升5成,若年中此股大升,1072盈利豈非大増,入股川能動力可能又是國家任務,川能動力應是好有前景的國企,東方電氣本已是錢極多的央企,今次竟然决定要進行推遲左一年的定増計劃,發行新一批A股吸資50億,但對象不是一般公司,而是社保,國新,中央匯金之類的機構,今次披露的十大流通股東全是社保,養老基金.明天股價會否下跌,畢竟已升左好多,但機會都係一半一半,掉轉頭大升的機會也存在,唯有靜觀其變,我多數都係繼續持有,就算跌都唔會跌到我冇盈利的地步.

 中工建農4大内銀及多家城商銀行表示2024年會派發中期息,4大行皆表示派息不會高過盈利的3成,未期息也會扣番中期息所派的份額,意思係一年派2次息同派一次都冇分別,唔會派多d,但最高會派3成,但對一眾散戶來講,是利多于弊,尤其是唔等錢使的散戶,唔駛等一年就收到息,半年派一次,可將收到的息再買d股,下次派息,股數多左,息又收多d,日子有功,利生利威力好大,若是投入大部份資金落内銀股等收息的本港散戶,可以提早收一半息,就算唔打算複投,可能一早已零成本,可將提早收到的息去做定期幾個到半年,増加收入.中央之前提出的良政已逐件逐件成真,這會増加國内外資金投入中國股市的信心,而香港的H股也會越來越受歡迎.

 中行盈利下跌2.9%,但股價升得最多,招行盈利下跌得最少,1.98%,其余工行,建行盈利下跌2點幾巴仙.盈利小幅下跌,股價大升說明甚麼問題？估值太低,分紅不低兼穩定是股價不能不升的原因,盈利雖然下跌2至3%,但盈利仍是天文數字,估值太低,保証一定盈利比率的分紅,就足夠撐起股價,未來中港股市走的都會是高紅利道路,除非你唔玩,要參与就要認清哪些才是真正的長期高息股.

 廣深鐵路525去年不過賺十億幾,今年首季已賺5億4,盈利同比大増3成5,明天不知會否像其他業績好的股份如第一拖拉機,鄭煤機等見光後即大升,呢幾個月525長期在1.5至1.7中間遊走,冇物升過,升穿2蚊都係呢幾日的事,若在個半至個七買左的朋友,若明天股價大升,回報都其實唔錯,買左唔係一定要馬上升至係好股,基本面良好,重係大家都看到的,幾多人搭高鐵返内地,北上消費已不只局限在深圳,525的盈利只會越來越多,一早趁在低位買定,好快就有回報.

 今日北水淨流入金額20幾億元,單一隻3988就淨流入左16億,建行幾億,長期客仔883就億幾,再加幾億港交所,沽得最多是美團,淨流出9億幾元,其實已沽左好多日,跟住是騰迅,第三是中移動,流出2億幾,中移動被沽並不外,上星期五剛創左新高,北水買左甘多貨,有2億幾元貨獲利,好小意思,跌幅唔夠2%,以北水做T特性,再跌少少,放假返來沽左貨的人又會買番941,賺番一個巴仙差價,.基本上恒指權重較大的央企資源,電訊類都係升左上去跌唔番落來,只差幾隻内銀升得未夠多,如今集中火力升埋内銀,恒指基本盤已穩定,只要ATM唔再大跌,恒指應已見底,但千萬唔好旨意ATM會大升,今日升市最權重的ATM都要跌,拖累大市升勢,因任何價位都有無數蟹貨,每次跟大市反彈都是逃生門,大量蟹貨等緊新的接盤俠到來接蟹貨.年頭恒指公司搞左個公衆資詢文件,用意是將巴巴,美團等公司剔出科技類而載入零售類而減低其權重,部份公司亦會重新執過其屬性,六月底會有結果,到時可望可重新執過各股份的權重,我覺得在中央的指導下,中特估的權重會得到大幅提升,而呢批股份也一早升左好多,等緊黃袍加身.

 港股形勢一片大好,先破萬八,最好就上番2萬點,A股能升上3500點的話,港股豈只2萬.手中持股又多一隻爆升股564鄭煤機,再創新高,首季業績多賺30%,設備更換受惠股,現金又多,又有出海概念.另一隻1072未出業績,但都升左好多,已升到11蚊,蓄勢待升,第一拖拉機38上周大成交大升十幾個巴仙,今日冇物成交曾跌過4%,之後跌幅不足1%,又在呃貨,至於重倉的941同883,完全可以安心擺埋一邊唔理.至於内銀,國内資金似乎重未買夠.

 若非日本外隊馬先見的騎師不入流,大漏閘大讓賽,浪漫勇士一定輸,不過呢條死Q超好分,派成47.5元,滿載而歸.浪漫勇士馬主是日本城老板,1373國際家居零售,今年最高3蚊,上星期五收1.29,加上又係DavidWebb的愛股,令不少散戶墜入高息陷阱,上次又係贏左大賽冇耐出業績,業績唔靚派息大減,股價大跌,淨係呢隻馬都幫佢贏左億幾獎金,好過佢盤生意,另一隻高息陷井股香港寬頻,最近的業績又係差到冇朋友,派息又大減25%,就算港股來個牛市大反彈,呢批蟹貨無數的昔日高息股,都好難返身.

 呢個幾禮拜,北水狂買3988中國銀行,有幾天買入金額重多過騰迅,其實自1月2日開始,北水已密密低吸3988,當日持有68億5仟萬股,持股量8.14%,去到上星期五,已増持至118億股,持股量升到14.1%.頭三個幾月,每日買少少,多數不入北水十大成交額,到最近不再慢慢買,索性大手買入,其實唔止3988,多隻身兼恒指成份股的央企都是慢慢被人收集而冇被人留意,除左941同883呢2隻,日日都上榜,唔理個市升或跌,北水日日買,間唔中一兩天淨流出,呢2隻擺到明話你知股價有升冇跌,但永遠冇物人信,無論在甚麼價位專家同財演永遠會同你講,等回低d至好買,有貨在手者食左胡先,稍後買番,睇幅圖動力指標減弱中,又甚麼出現背馳,保歷加通道又唔知物野收窄或擴闊,再加上下影線過長短,重有陰陽燭,法律冇規定股市上升或下跌的黃金比率,總之傾盡平生絕學,張口就來,唔識就俾佢地嚇死,識就笑死,難怪估十次幾乎錯十次,反而間公司做緊物業務同財務狀況如何一概不知,再加上多數財演從不持有任何股份或提及的股份,他們的看法可信性有幾高相信大家心中有數.

 美國石油股雪弗龍CVX今晚出了首季業績,盈利下跌十幾個巴仙,賺了55億美元,同中海油的397億人仔金額一樣,CVX現時股價輕微下跌0.8%,報163.96美元,以此價計市值高達3053億美元,折合2萬4仟億港紙,若中海油以此對標,883此刻應值50蚊,雪弗龍現價計PE14.37倍,PB1.892倍,息率3.9厘,若883現價是50蚊,所有數據都同CVX相若,還有一點中海油之後的盈利能力絕對勝過雪弗龍好多,PE,PB還會下降,現在接近20蚊的883絕對唔貴,不要講升上50蚊甘誇張同甘遠,只要未來一兩年產量,盈利保持増長,30蚊的883不難見到,憑甚麼甘把砲,就憑他是世上最便宜的油股.

 今天北向資金透過港股通流入A股224.49億元,創歷來新高,有造淡者會說北向資金不一定是外資,是港資甚至是國家隊資金扮外資買入A股,但我相信今天入場的資金絕大部份是外資,畢竟外資持有的A股不足3%,抱團美股的資金會有部份撤出,重新投入中港股市,過往外資資金進入A股和大部份散戶一樣,都被割韭菜,現在中央大力整頓資本市場,就是為了吸引散戶和外資資金能安心長期留在股票市場,不像以往,當資金買齊貨準備長期持有.就有大量公司以各種手段,拉升股價後馬上減持股份,令外資輸到怕要離開中國股市.今日港股成交又大増,除了北水,應該有外資重返港股市場,至於是短炒或長久持有則不能確認,東升西降似乎真的發生了,港股短期已轉強勢,去年底恒指收17047,現在已升近5%,今年港股升20%不是夢.空倉者就慘,要高位追貨,一早滿倉者就笑逐顏開.

 883始終有太多潛在賺大錢投資者,20蚊都要消化下然後再上,而38拖拉機就貨源歸邊,俾北水買哂,股價要升的話,如入無人之境,想升幾多都得.

 3320華潤醫藥是我倉中升幅最少的股份,埋伏左幾個月,但股價就係唔大升,升下跌下,旗下幾個A股公司不停創新高,業績好到無話可說,唯一亮點是北水密密在低吸,從持股量2%買到昨日超過5%,昨天大股東說要回購10%股份,完成回購持股量將由53%増至58%,整個公司市值得300億,04年以2.3億元取得東阿阿胶控股權,入主後,現持有股份股值已達230億,去年重收左3億元股息,加埋一大堆子公司華潤三九,華潤雙鶴,江中藥業股價屢創歷史新高或新高,控股公司3320冇理由唔大升,唯有鬥耐性,可能想回A或未收齊貨,收完貨定有大動作,5蚊樓下的3320絕對安全兼超值,低估值兼具成長性,且看今日能否升上5蚊樓上且企穩,我相信一輪大升勢會到來,不過唔知幾時來.會遲到但不會錯過.

美股收市跌幅大為收窄,谷歌在盤後公佈業績大升10%,收復昨日下跌近2%的失地,大升原因又是將大量回購股份,並歷史性首次派息,回購股份和増加派息已是令股價持續強勢的不二法門,美股在這方面已玩得爐火純清,歷史尚淺的中國股市也在吸收美國好的東西,大方向也朝着加分紅,回購股份令小股東權益増加的道路上.預計今天港股會持續上升,升多升少都冇問題,隨著更加公司公佈季度業績,業績好的繼續升,差的自然會被資金拋售,股票市場本應如此,優勝劣敗,以業績說話而非靠講故事發夢而令股價上升,能提早確認某間公司業績會非常好而提前買入,之後股價上升將是最大獎賞,至於如何確認業績會好就各師各法,對行業或相關公司有深刻了解也好,聽人講,憑直覺,憑運氣都好,提早在低位買入就是好,到一切都曝光至追入,就失左先機,可能都會大賺,但同時也存着高位接盤或被割韭菜的風險.昨晚公佈首季業績的38第一拖拉機,業績就非常好,且看今日會否又爆升再創新高.

 美股開市三大指數全數大跌,十年期債息抽上4.73厘,若收市未能收復失地,美股調整已無可避免,大跌起因是GDP遠差過預期,只有1.6,前值3.4,預估2.4.開市初段微軟跌5%,市值跌破3萬億美元,臉書跌15%,谷歌跌4%,若今晚美股收市都係大跌,明天港股又唔跟跌就好喇,美債息甘高,香港地產股可能又會跌突.

 中海油的生意同印銀紙冇物分别,3個月内做左1114.68億生意,扣除所有使費,都可賺397.19億,平均每日賺4億幾,重要制成品多多都唔夠用,完全冇庫存賣唔出的問題,中國至今油氣每年重要7成靠外國進口.883對上一次賺得最多的季度是22年Q2,俄烏戰事開打,布油升到113.51美元嗰陣,賺376億,今年首季布油長期在83美元樓下,反而賺左397億,最大原因當然是產量大増,今年首季日198萬桶,已較去年日產183萬桶大幅増加,來緊產量只會不停増加,開採成本又壓低至每桶27.59美元,若今年油價持續在83美元附近,無需升上100美元,中海油的盈利會超乎想像.

 第一季盈利397億幾,恭喜堅守有貨的朋友,等大升,升到你唔信.

 2800盈富出通告,派中期息15仙,29號除淨,明天買重有息收,去年同期由恒生接手盈富後都係派10仙,前年由美資道富環球管理時重衰派得8仙.去年大量成份股公司大減派息,如本地地產公司,公用公司,就算權重不高,増加50%派息算係甘,可能恒生冇甘大咬,更加可能係一衆中特估恒指成份股普遍增加派息,重有ATM破天荒派左些少息,就令整體收息金額大増.若現價恒指停止上升,甘2800豈不是有5厘息？恒指指數應該升到2800得番3厘息至合理,除左内地,香港股市也應是紅利市做主導.派息只會越派越多.

 估計盈利在320億至350億之間,賺多賺少不是問題,最需要是在確定未來幾年產量都會大幅増長的基礎底下,會否有新的未來三年派息承諾,若承諾増加派息比率,股價將會進一步上升.

 整個港股市值不過30萬億多d,但内地民間存款接近300萬億,只要内地再減低港股通入門門檻,由50萬減至10萬的話,會有更多資金湧入香港買股票,目前只有部份股票納入港股通買賣範圍,上星期中證監個5招増強港股流動性,其中一條就係未來會増加港股通港股的數量,讓北水多d選擇,買多些港股,港股目前市值30零萬億,扣除由大股東持股的,得番十幾萬億流通,但北水持有3萬幾億貨長揸,重係得部份港股,北水持有的港股,基本上外資難以抗衡造淡,話語權已掌控在北水手中,現在北水持有港股的數量應已多過所有外資的總和,持續買港股落去,更會大幅拋離外資,一旦外資鳥倦知還番轉頭買番些少港股,港股絕對有機會成為今年全球表現最佳的股份.央國企不斷或持續創新高的股份,特別是高息的越來越多,數都數唔哂,創完新高後都是在高位橫行,沒有下跌的意思,中行,農行,交行,中移動等已預左會不停創新高,一些較少人關注的如青島港,中外運等一樣升左好耐冇人知.

 921,1070,6690呢3隻家電股創完新高後,都冇物點大跌過,921今日好大機會又升過,除左出海概念,大量家電準備攻陷海外市場,其實國家的家電下鄉,家電以舊換新等措施已令家電股有盈利保證,除了冇在港的上市格,美的最受惠外,港股中就只得這家電3寶最受益,1070重係一個月内升近8成,回到唔回,得6699升最少,921最強勢.

 個人揸左941三年,買入股40幾蚊,期間收左13蚊股息,扣番10%股息稅都有11個幾,今早股價突破70蚊,若計埋3年已收股息,其實每股應是80幾蚊,揸3年升幅已近倍,未來3年應可多收16至17蚊股息,就算股價繼續悶下去,冇大升,只會慢慢升甚或唔升都唔係問題,若一早在低位重倉左941,你的身家會與日俱増,問題係大部份人都係鐘意短期爆升股,又或升少少就走,長期趨勢向上但股價升得慢的好股就冇人吼,唔好話揸以年計,揸幾個月有盈利已走夾唔抖,若揸住d不停下跌的股份,就揸實唔放,說是價值投資,重要不斷溝貨,揸十年八年都在所不惜,有足夠愚蠢能力的投資者才會干這種事,如芒格生前名言,股市中特別多極度愚蠢的人.

 今早一眾内地電力股普漲,主要是受902的業績帶動,首季煤炭價格不是跌好多都升甘多,近月煤炭格價進一步下跌,令人憧憬火電廠盈利會進一步上升,唔知會唔會公佈首季業績的836,相信股價會好快在20蚊樓上企穩.

 今天北水又係狂買3988中行,淨流入6億9仟萬元,睇番記錄嚇一跳,年頭北水只持有68億股3988,持股比率8.19%,截至昨日,北水持有3988已大増至108億股,持股量増至12.93%,換言之,過去3個幾月,北水増持左40億股3988,持股量多左4.8%,斷估内地散戶都唔會買甘多,應該是内地基金,保險公司甚或是國家隊資金所為,買入龍頭央企高息股長期收息,跟手每年淨係俾番3至4厘給客仔,每年淨袋幾厘息差,我懷疑香港政府都可能用緊呢招,不停出幾年期的銀債,綠債,基建債,免費籌集到大量資金,每年只需俾番幾厘息給市民,並一早在超低位買左大量央企收息股準備大賺息差,草船借箭,借得箭越多,唔駛靠地產賣地收益幾年都重得.多些準確分析北資金買股方向,不難找到哪些股日後會上升,雖然未必一定會大升,但上升趨勢一定唔會錯,下個月會停止北水即時交易的資訊,但只會影響到跟風炒即日鮮的人,延後資訊都會在收市後如常提供,一樣知道大方向,長期趨勢.

 近期升得最癲的除了1070TCL外,就是泡泡瑪特9992,升幅更誇張,3個月內升左1倍以上,又是一隻成功出海的股份,海外業務令盈利升左一倍,星馬泰賺的錢比歐美更多,今年更會在其餘東盟國家開拓業務,抽盲盒毛利率極高,為了抽到心頭好,會不惜金錢抽到中為止,感覺港股隨地都是金子,短期升3至4成的股份比比皆是,而且都是升得有理有據,絕大部份都是民好業績,前景轉好的公司.波司登續創新高,光大環境慢升,連平時成交極少的1292長安民生物流都因成交多左幾倍,用60幾萬就令股價曾升1成以上,直至昨日,今年北水淨流入買港股已超2000億,再持續買下去,他們買的股份的話語權是落在北水手中而非外資,若外資回頭買番多少港股,港股可能會升得更多.

 財政部今天又發話了,說中國金融規模已經很大,銀行佔比90%,證券業和保險業只佔3和5%,而這2行業近年已偏離主業,盲目過度投資其他範疇,容易造成隱藏的金融隱患,不可不防.稍後會出台新措施,集中金融機構的資金,在受規範下做更多更好的投資,做大做強幾間大型國有金融機構,相信離不開更國際化,發多些國債,讓多些海外投資者持有,另外引導銀行,保險公司投放中長期資金進行股市,現在銀行投入買債和股權投資的比例高達9比1,投入股市的資金十分之少,日後定必令銀行的理財服務資金多些買股票而非債券,做甘多野,無非是想令A股長期上升,國家意志的力量往往會超乎一般人的認知,想做同要做到的事多數能做到.

 新國九條看來不是新證監會主席吳清的個人决定,背後肯定是習大大的意願,今天國務院總理李強把重要的事情再說一遍,開學習會議,要主理金融的各級幹部貫徹執行習主席倡議的資本市場高質量發展,當然包括新國九條,嚴格監管新上市公司的質素,加快劣質上市公司的退市機制,令已上市的公司更加傾向照顧小股東利益,加大分紅力度,對造假的公司和證券行絕不手軟,既得利益集團面對不單是證監,證監的背後是國務院和習主席,誰敢陽奉陰違都會被教訓,目的明擺着是要大力拉升中國股市,今天已出數據,中央匯金年頭至今已真金白銀買左幾隻沪深300,上證50ETF,一共用左3仟幾億,不是單靠把口,是用行動救市,同過往不同的今次不是買個股,而是買指數ETF,趁低位買入大量ETF,他日A股整體回升時,這批ETF有息收之餘股價更會大升,另外増大中港ETF,REITS互聯互通的規模,相信都是國內的指數ETF佔絕對大多數,日後更可能會開放MPF,淮買這批ETF和RElTS,但就别指望會大手買入香港的領展,置富信託之類,他們只會買2800,恒生中國企業,恒指科技指數呢幾隻指數ETF來短炒.相信明天A股又會上升,順便帶動恒指升多些.

 中移動首季業績,營收2637億,增長5.2%,盈利296億,増長5.5%,用户9.96億,5G用戶7.99億,每户平均收入Arpu由去年的44.9元増至47.9元,這是基本盤,每戶每月多收幾蚊,足以令每年盈利增加不少,除左基本盤,數字經濟帶來的額外盈利更不可估量,單看第一季數字,今年營收肯定又過萬億,不需刻意整靚盤數,一年過仟億的盈利絕冇問題,加上72至75%的派息比率,今年每股大概率可收到5蚊元,保守計3年可收16蚊以上的股息,大批在呢2至3年間40幾至50蚊入左941的朋友,揸多3年收多3年息,單係收息都收到買入成本得番十零蚊,3年後941股價會升到幾多,100蚊夠唔夠,退一萬步,就算股價唔升,長期都係70蚊,都已經賺到傻左,年年收10厘息以上,重駛物甘辛苦去短炒,低位揸左長期持有者已可輕輕鬆鬆年年等收錢,十年八年後,衡量一個人是否真富有,不是睇佢有幾多層未供完的樓收租,而是看佢手中揸左幾多優質高息股.

 今天A股三桶油,煤炭類股份大幅下跌,中海油,神華跌幅都在3至4%,暫且視作高位回調,長期看好看法仍不變,相對H股883和1088跌幅相對溫和,跌得較多還有升左好幾個月,股價不斷創新高的重型機械版塊如中聯重科,潍柴動力,中國重汽,第一拖拉機等等,亦也視為超高位回落,有人計數食胡.今天想講的是836和257,北水自一月份起就不停密密掃入這2隻股份,華潤電力買左億幾股,光大環境買左3至4億股,2隻股份期間都有3至4成升幅,上星期五重買緊,今天2隻股份重升緊,可能重未買夠,有貨在手的朋友大可再坐多一會,慢牛式上升的股份往往會升得更長久,257最近多了一重出海概念,最近在越南簽下第二個垃圾發電項目,越南總理都要出席開工典禮,光大環境其實是世界最大垃圾發電商,東盟各國,非州歐州都有迫切需求,這些海外項目一般都不會拖數,可増加自由現金流,更可令盈利大幅增加.且看這2隻股份未來幾個月是否仍在慢牛式上升.

 衆所周知4大内銀和絕大部份内銀的PB都在1以下,0.3到0.5更是多不勝數,最大原因是外界因種種因素斷定内銀不能控制不良貨款,早晚會出事,第二是懷疑内銀盤數有造假嫌疑,明明是逾期不還的貨款,但可透過會計手法變為正常,更因此懷疑内銀有冇長期派高息的能力,若是換作别的行業,股價一早已大跌,但唯獨是内銀有能力長期穩住股價,過去多年,内銀派息一直有増冇減,業績平穩,甚至有輕微増長,最大原因是股價被過度低估,有極大空間修復股值去到1.用増加派息就是最好最快捷,假設有一銀行A,資產淨值為10元,但股價只得5元,PB只有0.5,估值十分吸引,已沒多少下跌空間,但就欠缺上升的催化剂,但若某天,該銀行大幅加派息1元,若股價還是5蚊唔升,PB就會進一步跌至0.44,只會令更多人買入,股價冇可能唔升,股價不斷上升就可修復應有的估值,而内銀的最大股東是政府,増加派息即是派多d息俾政府,隨住新九條的落地,已表明紅利經濟大時代已到來,到目前為止已有多間銀行表示來年會大幅增加派息,而銀行早已有共識,已令存款息壓到低無可低,會令存在銀行的錢早晚投入高息股,而央内險更是内銀,資源等高息股的潛在最大買家,保險公司賺的是息差,用客戶預支的幾十年供款,俾的只是3幾厘的回報,重要係幾十年後先俾番客戶,過往地產興旺,保險公司把大量資金投入地產相關的高息產品,賺息差賺到上天花板,但隨着地產泡沫爆破,部份過去主力地產的内險隨時由贏變輸,輸突客戶的保費,幸好有大把時間追番,投資落央國企高息股,内銀石油煤炭電訊水電公路碼頭之類長期派高息股息,普通散戶揸一兩年都嫌長,保險公司可能揸二三十年,年年賺幾厘的息差已是又安全又完美的操作.新華保險同中人壽一早張揚的500億買高息股計劃,應該事前已知中央的意願和未來確定的走勢,高紅利時代已到來,4大内銀A股其中2隻中行農行已創歷史新高,農行工行也創年內新高是理所當然的,只有H股的内銀,在大批財演和散戶還在驚呢樣驚個樣,說内銀好危險,貪高息又冇胆買時,就會有大量北水湧落來執平貨.

 多名著名内地基金經理主理的港股基金首季持倉相繼曝光,所謂著名是因過往環境好時,基金表現較好,有左名氣引來大量散戶來買,以致基金體積龐大,但呢幾年越有名氣表現越差,買左港股基金的内地散戶輸得好慘,基金經理就管理費照收,成為大贏家,他們重倉的十大持股大都是新經濟股,内需,醫藥,港交所,内險另加中海油,中移動.過往中海油,中移動都是持倉第五,第六位,由於規例所限,持有個股市值不能超過基金市值一成,呢2年883升左甘多,他們可能都係在6至7蚊建倉的,最出名嗰位去年已開始減883改買美團,年頭更大幅減持883,改買藥明生物,已被人質疑是否傻左,但大幅減883後,持有股數少左,反而成為第一大持倉.反而後起之秀之前冇物人識,基金規模不大的2位基金經理,一個叫黃海,一個唔記得叫物勇的,過去2至3年都係表現最好的基金經理,年年升6至7成,全因他們主力持有高息的煤炭股和油股,基金規模也因此大幅増大.

 國内近幾年最受歡迎的衣著就是衝鋒衣,何謂沖鋒衣,其實同jacket或風衣相類似,只不過他有三層,可根據氣候拆開來著,凍的時候三件著哂,熱的時候單穿一層,最重要是可防風防水和保暖,質量好的都最内個層甚至用上羽絨,人們外遊,行山甚至揸電單車兜風都愛穿上它,甚至返工不鐘意著西裝就著住佢當便服,售價以國内人工計其實都好貴,千幾至3千蚊件,但重係有好多人買得起同願意買,波司登一向主打貴價羽絨服,銷量受地區性和季節性影響,幸好佢捉得住沖鋒衣呢個商機,成為沖鋒衣龍頭,盈利大増,亮麗業績自然會引來資金追捧,創新高不無道理.

 昨晚納指崩盤了,一晚跌左2%,全球即時栽員10%的特斯拉也救不了股價,150蚊都穿埋,由年頭跌到而家,是神奇七雄中最差的一間,跟住係蘋果,股價持續下跌,只係冇跌甘多,但已令巴菲特的巴郡股價係甘跌,因持有的蘋果佔比太大,一股定輸贏,巴老也一早察覺問題,今年已減持了1000萬股蘋果和清倉了大量美國股票,増持的是石油股和電力能源相關股票,有冇再減持蘋果遲d至知,巴郡手中現金大増至歷年最高水平,都知巴菲特對美股現價甚有保留,等大跌先出手執平貨？講番英偉達,昨晚跌左10%,得番7百幾蚊,Tsla一直跌可以賴中國電動車產能過剩,全球傾銷影響佢盈利,蘋果可以賴手機銷量份額俾華為,小米搶左唔少,但英偉達應該賴唔到中國頭上,全因股價被炒過龍,被人過份追捧,近百倍市盈率完全不理會,最近亡國英呢盞燈又發功,說英偉達是神級股份,全球資金都買緊佢,幾貴都要買,唔買佢買物？甚有佢幾年前的名句,唔揸騰迅唔買樓,問君能有幾多愁？幾年前話買港股唔買ATM,不如唔好買,唔通走出買941呢d廢老股,因此與某大師成為世仇,某大師都係頻偏激,講的所謂道理都係一半啱一半錯酒,特點都係死不認錯,講中的就講足一世,我最唔認同佢話派唔派高息同股價毫無關係,但總體上都係勝過亡國英一大截,兩條友經常互插,好睇過戲,亡國英典型舊香港仔性格,走精面,似足曾蔭權個款,邊一便佔優就倒向個邊,邊樣衰就踩多2腳,到過往踩到盡的好番時,又話呢樣好.如佢過往最睇唔起的中移動,中海油,中石油如今竟成為佢港股中唯一持有的股份,但睇衰中國經濟的視野仍不變,買883,941都係因為升足2年,跟紅頂白怕蝕底,佢主力買美股都係輸,管理的基金幾年來未贏過,成日話對客戶有愧於心,已儘力減少損失,希望早日回本,重主動減收管理費,某大師就長年看衰美股,但美股就係唔跌,經常俾對頭人笑,推介的股份大都跌到阿媽都唔認得,買中的得941同386,重有睇衰10幾年但升足十幾年的香港樓價,如今就吐氣揚眉,近年敗筆就係巴巴跌到百幾蚊就開始叫人買巴巴,越跌越買,跌到冇野講就講係價值投資,長線必勝,但公平d講,佢都救左好多人,在樓價高到極不合理時,大喊樓市必爆,受佢影響冇在高位入市買樓的真係要多得佢.至於亡國英,越來越燈,千挑萬選話逸強可買的港股周大福,推介完冇耐就大插冇水花,重有講埋d物野有生之年都見唔到港股上到4萬點,為左同對家鬥,攞條命出來玩,不過都係講吓,唔一定

 今天北水又淨流入70幾億,近來北水買貨風格變左,少買左甚至唔買2800盈富短炒,買多左A股不停創歷史新高的H股,2隻鐵胆941同883買足2年,未停過,呢排買得最多的係中行3988同農行1288,今日3988淨流入買左十幾億元,中行同農行A股創哂歷史新高,走落來買平一半的H股也合情合理,待内地資金買齊買夠所有電訊,内銀,石油,電力,基建,金銀銅鐵大宗商品的股份後,跟手整頓恒生指數成份股,將呢批股份權重加至6成以上,踢走其他垃圾股或調低佢地的權重,到時恒生指數先至能真實反映現狀,希望呢日早日到臨.

 今早10點半,中海油A股升上30.91元創歷史新高,升幅6.1%,中午收市仍收30.53,升幅4.73%,其餘中石油10.92,升幅2.82%,中石化6.72元,升幅2.75%,中國神華41.89,升幅1.28%,中國移動106元,升幅1.28%,呢批年年賺大錢又肯派高息又可拉升指數的央企親生仔只會升唔會跌,市大升時反而會短期回調抖吓氣,有個別甚至唔駛抖氣,回都唔回.相對A股,H股實在重係好平,北水只會不停甘買,低位有貨的本地散朋友,唔等錢使千祈咪亂沽,有阿爺幫你睇門口,乖乖地坐响度收高息,股價自然有人幫你買上去,都咪話唔爽.單一隻883,年初至今升左近5成,重未計派息,預計26號會出24年首季業績,到時若出些如增加派息比率,產量,盈利大增之類的消息,恒指跌多幾千點對佢全冇影響,股價只會大升特升.

 今日港股大跌,但高息的中特估照升,石油煤炭電訊電力繼續強勢,基建内銀資源仍然強勢,揸左呢類像活在天堂,揸住d地產,新經濟股就如活在人間煉獄,但只要搬出我是價值投資者就可安慰自已,但大前提係你有9981注溝貨才成,如阿里巴巴,100蚊大量財演看好,跌到80蚊,更多人說價值投資者非買不可,跌到70蚊就話估值低到冇朋友,恒指反彈時,呢類股絕對會大升,由100蚊跌落70蚊,期間只反彈過幾蚊,不斷真金白銀去博反彈,跌左30%,換來3%反彈,肯食胡都重要輸20幾巴仙,百幾2百幾蚊買的都唔計,個批人只要唔溝貨,輸極都有數計,只是那些抱住價值投資口號,不停溝貨的先至係大傻瓜,而家9988跌到得番66蚊,重溝唔溝貨,大多數人已蝕到冇錢溝.今早傳來伊朗多處地方發生爆炸,十居其九是以色列不受控,要報復,國際油價即升3%.

 921,6690,1070呢3隻家電股明牌擺明受惠國策,家電下鄉講左幾年,最近出台的大規模設備舊換新,家電是指明產品,有哂時間表同目標,25年更換全國15%家電,27年去到30%,市場龐大,相關股份定必受惠,大把時間任散戶買,921上升已非今時今日,已升左成年,屢創歷史新高,很多散戶相信國策,順勢而為買入,可能畏高又可能知足覺得賺夠留番d俾人賺,賺幾成就走人,跟住921重不停升,買唔番唯有祝福留低的人繼續發財,6690算是最平穩升得最少的一隻,成年升得2成,知足的其實已幸福過好多買錯股招致重大損失的人.1070TCL是近來的暴升股,最近個幾左7成5,一年升左倍幾,升幅甘大原因主要是月初某天大升38%後,股價就一路升,升到而家,很多散戶同財演重响度研究點解會升,又打開幅圖研究物鬼有冇出現黃金交叉,幾多天線有冇突破幾多天線,結論永遠都係不宜高追,待大幅回落至某個低位買至安全,個位多數都係永遠買唔到,研究得來隻股都已升飛天,短炒的都唔知走左幾多轉.緊跟國策永遠重要過睇圖,受惠設備更換的鄭煤機同東方電氣表現冇令人失望,冇貨的我都唔敢叫高追,各人的承受風險能力不同,有貨在手就不妨繼續揸住,日日升幾個巴仙好快就升到飛天,除左贏錢外,嗰份爽yy感覺更是錢都買唔到的.今天836潤電終於早過883先沖上20蚊,雖然最後倒跌少許,但都係階段性勝利,又估中短期走勢,20蚊樓上大把人食胡,我就繼續持有,收埋超高息以我買入價計,今日見過20蚊,22蚊就好快見,慢慢升重好,一路收高息一路慢牛式上升符合哂國策.

 去年北水淨流入港股的新資金達3188億,即是長泊唔走嗰種,今年重誇張,截至4月頭,北水淨流入1651億,超過去年全年一半有多,照此走勢今年北水持有港股的比例肯定超過3成,多過所有外資持有港股的總和,AH同時上市的股份,絕大部份長期存在2成以上的溢價,H股實在是太便宜,只要A股持續上升,更多内地資金會落來狂買H股賺高息賺價,就算計埋買H股要2成至2成8利息稅,買H股收息始終收多過買A股好多,今日北水大手淨買入又是中移動,外加2隻内銀939和3988,騰迅都淨買入8億幾,不過只要再升多少少,佢哋就會食胡沽出.其實要令恒生指數大幅上升一點也不難,待北水買夠買入更多大型央企如中移動,4大内銀,3桶油,煤炭電力之類,然後將恒指成份股權重大執位,増加年年賺大錢的央企權重,恒生指數才能有較正常的升幅,現在恒生指數由一班讀死書,近乎腦殘的人掌控的恒指服務公司把持,加左一大堆賺錢能力低甚至冇錢賺冇前景的公司入來,還要高權重,哪些賺大錢如三桶油,三隻加埋加上其他公司的權重加起來都只得8%,市值講緊近三萬億,年賺近3千億,權重得8%,一隻阿里巴巴就8%權重,美團同友邦近7%,美團同友邦一年賺幾多錢？股價跌到市值得番幾多？趁重沒狂升的央企不趕快加權重,等佢哋升到癲至加？同樣道理,待友邦跌到殘先減權重？恒指公司掌權人一係如龍家大小姐口頭禪,真係人頭豬腦係真傻唔係扮的,一係就是心地唔好,立心不良有心搞跨本港經濟,我相信都係前者居多,是真傻唔係扮的.6月尾季檢,恒指公司若重係不作為,亂作為,真係有必要考慮應否換公司同換有能之士話事.

 新國9條出台後,已初見成效,呢2天輪到高息的銀行股發威,中信銀行連續2天漲停,農行中行繼續創歷史新高,建行工行年内新高,之後狂升的石油煤炭電力抖氣稍為回調,大金融版塊接力,連大落後的央企内險也大升,人壽,新華,太保升幅都近半成,升得最少的是民企平保,民企内房龍頭萬科繼續下跌,今日又跌3%,陰謀論者認為是企深圳地鐵故意見死不救,待萬科再大跌才出手拿下萬科的控制權,另外法院今天宣利平安信託勝訴,正榮地產必須賠款給平安,但有冇錢俾是另一回事,維權的小股東不一定收回本金.

 工信部發表數據指首季内地5G手機出貨量達5643萬部,佔總出機是83.7%,而使用5G工業互聯網的企業超過一萬間,5G已深入民間被廣泛使用,電訊三傻都上升,擁有最多5G客戶和5G工業互聯網客戶的中移動盈利可望進一步上升,希望股價在除淨前能升上72蚊樓上,除完淨後又企番上70蚊,股價慢慢升唔緊要,今年收回近5蚊股息,收完息股價重有得升,已達成財息兼收的目的.

 前天惠譽調低六大内銀評級,但昨日A股的銀行股全面爆升,農行隔幾天就創歷史新高,昨天農行又創歷史新高,連中國銀行都創埋歷史新高,年初至今4大行都升左2至3成.昨天全部42隻銀行股都上升,一些地區性銀行如重渝行,厦門銀行等年内升幅更大,今年是銀行大牛市,房地產,保險大熊市.創歷史新高的股份,意思是99%小股東都是賺錢的,基本上冇人被套,冇蟹貨,若再加上每年有固定的高息派發,有貨的小股東都願意長期持有,冇貨的人也會不斷加入成為持分者,這正符合中央的頂層設計,股市要成為紅利市,令更多中長期資金入市,長線持有高分紅股份,有利穩定中國股票市場達致長期向好的目標.讓股民改變投資心態至重要,過往股民喜歡追逐一些冇業績支持的劣質股,最好短期内能升數倍,個個都以為自已是股神,憑自已實力同天賦,一定可以在高位走到貨,結果都是一百人當中,有99人成為大輸家,贏錢個位最大可能是大股東,拿著刀不停割小股東韭菜.中特估下一輪接力大升最大機會是電力股,但很多人對電力股有戒心,不敢投入,相對而言,銀行股大部份人就較有信心,再加上國家隊資金經常增持,為股價上升掃除障礙,H股内銀就大落後,最大原因是多年以來,大量專家,財演都是講内銀派息未必有保證,會讓利,又要為房地產壞賬埋單,結果係多年以來,派息有増冇減,股價穩步上升.反而多年以來,他們不停唱好的本港地產股,甚麼估值便宜,息率高吸引,業務穩定等等世紀大謊言,過去多年,買左地產股又唔止蝕重要低位溝貨的人,真係輸到褲都冇得著,現在大部份專家已轉哂口風,話不宜沾手.

 四川省是中國工業重鎮,人口又多,天然資源多.今日省政府出了文件,要用專項資金令四川省在25年前成為全球氫能中心,由造氫,儲氫,造新質氫能電池,起大量加氫站,制造氫能汽車一條龍服務,受此消息刺激,港股中一衆造氫股份如億華通,京城機電,上海電氣等大升特升,億華通一度升7成1,收市升17%這批股份未必一定最受惠,最受惠應是東方電氣和蜀道設備這兩間龍頭央企,前者一早成功完成以水制氫技術,氫能電池一早應用於公交車上,成都數以百計的公交車都是用東方電氣的氫電池,為了吸引運貨的柴油卡車和其他各種車輛轉用氫能車,四川省政府準備補貼氫能車車主全年免費使用收費公路,蜀道設備母公司蜀道集團也是成渝高速的母公司,107應不受影響,免收路費有政府補貼,等d車主換哂車後又可收番錢,起多d加氫站又收一筆,最理想是將蜀道設備注入107,2025年前四川省能否如願成為全球氫能中心我唔知,但呢個故事足夠令1072有大把憧憬而大升特升,若成事,而家制氫制得最多的是中石化,不知日後盈利會否縮窄與另外2桶油的差距.

 國家能源局公佈3月份全社會發電7942億千瓦時,增長7.4%,居民用電佔1060億千瓦時,増長12%,其餘為工業用電.一至三月發電23378億千瓦時,増長9.8%,居民用電3794億千瓦時,増長15.8%.由此數據可推斷中國經濟首季増長勢頭良好,工業用電大增,而國資委提供的數字央國企去年產品外銷帶來15%的貢獻得益,而前年則為負3點幾巴仙貢獻,難怪美國大喊中國多類產品產能過剩,平價傾銷,危害美國經濟云云,你又唔買又冇迫你買,其他國家爭住買甘都看唔過眼.中國的回應是,產能過剩是偽命題,中國具優勢的產品大量出口是正常的貿易行為.内地電力股在需求迫切,成本大幅降低,盈利將大増的情形下,今年會成為資金追逐的行業,股價自不然會升升升.

 38第一拖拉機北水重倉股,一路升北水一路買,回調下跌時買得重狠,截至昨日北水透過港股通已持有超過43%,過往北水長期都揸住三十幾巴仙住長擺唔走,不像盈富,騰迅,美團般今日買,過2日就走,跟佢哋買呢類股份,隨時中哂北水飛刀,輸到訓街,要買都要買佢哋買左唔走,長揸重不停買入的股份,最經典的是941和883,買足2年,但體積太大,呢2隻持股量都夠2成.講番38,北水散戶揸左4成3,加埋大股東批貨,差不多俾佢地揸哂,再加上AH差價大,A股18個幾人仔,H股得7個幾港紙,若A股沖上20蚊,H股升幾多？大升的H股都類似情況,564鄭煤機北水持有4成1,1072同107都持有3成幾,都係長期擺响度.另外一隻大藍籌836華潤雪力,北水持續以每日淨買入2至3百萬股速度淨買入,恒指升或跌都照買,每日升少少,回又回少少,股價升左好多都冇人留意,北水已揸左近2成,若北水持續增持到3成,又係錢途無限.

 之前提及的設備更換受惠股東方電氣1072和鄭煤機564,近期表現確冇令我失望,1072今早突破10蚊後就持續上升,我揸左3個月,盈利已近6成,但冇打算沽出,主觀,樂觀,貪婪地認為重有排升,重要收埋息後先至考慮是否沽出,一於贏盡佢.來緊23號會出業績解說會,肯定又會發放有利股價的消息,有幾大吹到幾大.此股其實重有一為人忽略的重大利好因素,就是成功出海,打開海外市場,如A股宇通客車,全球最大的旅遊巴製造商,去年成功在卡塔爾世界杯奪下500輛氫能巴士定單後,業績一路好,股價不停升,A股過去一年已升左近倍,近期又創歷史新高,只要成功出海,錢途無可限量.東市電氣同樣有出口電力設備,更多是提供埋技術,向買家起埋整個發電廠,日後更換配件又賺一筆.

 沪深5千多隻股份中,今天下跌的近5千隻,僅2百幾隻上升,上升大部份都是權重的中特估,否則上證不止下跌50點甘少.新國九條出台,目的就是要今大批垃圾公司離開股票市場,需時2至3年,只要散戶遠離這批公司,就已達到效果,目前A股平均市盈率高達43倍,A股3000點,要A股大幅上升,市盈率豈非要達到一百倍？治本方法就是令大堆超高市盈率的公司股價大幅下跌甚至退市,A股才會合理地大幅上升.

 A股繼續屠殺劣質細價股,微細盤指數跌超過10%,千隻細價股跌超過9%,中央已鐵了心要大力整頓金融市場,中字頭股份繼續升,神華A股升到你唔信,又創歷史新高,三桶油持續上升,中海油一度重上30蚊人仔,央企十紅利十資源股份確是王炸,大勢所趨無人可擋.

 今天A股大升,但下跌的股份多達4000隻,上升的僅有1000隻,下跌的全是市值低的細價股,跌停版的百幾隻,跌幅7至9%的近千隻,升的當然是中字頭股,國内長期低息環境下,派息高兼有良好管治能力的中特估自然更有性價比,除了避險的底層邏輯外,行業的獨特性更是資金非配置不可的邏輯,中字頭版塊就是紅利版塊的代表,未來一段長時間,資金會不斷追逐央企十紅利,能源十紅利的股份,而央企十紅利十能源更是王炸,看看三桶油和神華股價的表現就知真偽,你可以不相信,但最好不要不買,甚至冇持有相關股份.中央今次是動了真格,嚴格監管資本市場,起點始於24年版的國九條,不會以任何人的個人意志作轉移,目的是撬動以十萬億計的民間資金投入,以期達到長期常百姓年年有息收,家家有分紅的共同富裕宏偉目標.有紅利版塊股份在手的朋友是否好興奮？慢慢興奮就會變成理所當然,看山始終是座山,看水始終是水的境界已接近完成,不會再像過往看山不是山,看水不是水,充滿問號過日子的境地.

今天A股的微細盤指數大跌10%,超過900隻細價垃圾股跌超過9%,大升甚至升停版的當然是大型央企中字頭股份,全是低估值,穩定派高息的中特估.勢頭已變,劣股估唔到甘快就俾人遺棄.大型央企上升勢頭非一時三刻就會結束,而是剛開始的慢牛,神華PE已因股價大升而去到15倍,但盈利和派息穩定,還會有増長的空間,股價勉強算是去到中年階段,離暮年還遠着,相反中海油股價升到甘,還是在少年階段,有排玩,都係嗰句,有平貨在手不要手多多沽出.中移動,中石油和四大行都係同樣道理,中移動都重係少年,其餘的是中年.

 中海石油化學3983,回購H股之事還要待走流程開完股東大會投票才開始,最快都要6月才開始,但資金已不等了,今早成交大増至千幾萬元,是平時的幾倍,創左一年高,說不定是現有外資基金繼續加貨,待大股東用完4億幾元回購完10%H股,股價隨時又升幾成,另一隻一樣有大把現金的811新華文軒,股價創左3年新高,有成60億現金,派息比率高,去年良心發現覺得對唔住小股東,中途無端端派發特別息醒股東,為左國企考核攞高分,市值管理納入考核範圍,今年大幅増加派息比率機會很大,股價不停創新高也合情合理.

24年版新國九條出台後,買股收高息慢慢富起來已成主旋律,追求短期升幅數以倍計但基本因素又欠奉的股份將不會出現.國策講到明的事情,相關受益的股份只會不斷上升,大規模傢電回升,25年要達到15%,27年要30%,921就升到你唔信,日日創歷史新高,今早一度升上30蚊,又如第一拖拉機38,講到明要資助農民更換農機,股價又迫近新高.連講明未來2年大幅增加派息的中交建,今日又爆上.其餘鄭煤機日日創新高,東方電氣繼續半年高位等爆上,例子多不勝數.

 伊朗正式報復以色列,出動過百架自殺式無人機和導彈襲擊以色列本土,美國也被拖落水,在以色列鄰國協助攔截,伊朗今次師出有名,不是突襲,是大鑼大鼓式預先張揚,說到做到,未攻擊前已令以色列陷入驚恐,不知何時會受襲,高度戒備,心理戰上已先輸一仗.被攻擊後,以色到反而如釋重負,以以色列的德行和作風,一定會還拖,出動戰機和導彈襲擊番伊朗,戰事擴大的話,真係唔知點收科.股票市場肯定會大幅波動,相對而言,持有石油股,金股,資源股的投資者會有著數,甚至航運股也會因戰事持續而可能大反彈.

 新國9條將令大量想在股市掠水的公司退市,新規定所有有盈利但又不派息,或派息少過過去3年的盈利30%,即每年10%,3年内派息少過5千萬的企業列入ST公司行列,若股價不達標,將會被迫退市,盈利可造假,但派息要真金白銀拿出來分給小股東,過往這些垃圾公司上市就是為了掠水,永不派息給小股東,借講故事形式,擺出一副成長股樣子,伺機推高股價然後高位減持股份,現在不派息的公司不准減持股份,更隨時要被迫退市,水魚韭菜未找到,錢未搵到前更要分錢給小股東,相信會令借上市掠水的公司打消上市念頭,資本市場高質量發展就是要良幣驅逐劣幣,25年將會是大量劣質公司消失的時候,當局的意圖很明顯,就差沒開口講到明,買股票不要買垃圾股,要買就只能買派息高的龍頭央國企大藍籌,沒成長的股份就乘乘的多分紅多派息,至於出現虧損的主版公司,就算短期虧損但若一年營業額唔夠3億一樣要被對付.另外就是加大力度對付作風不良的證券行,昨天出完國九條馬上開罰單給三間證券商,包括中信證券,追究過往的違規事件,中信証券名聲一向不佳,保上市的公司十間有九間一上市頭一年就股價大跌,更處處與中證監對着幹,如今吳清新上台,就要對付這些過往坐大和亂甘來的證券商.我現在反而担心是在A股上唔到市的壞公司會轉來香港上市,香港已有太多垃圾上市公司,仙股公司長期冇成交的不計其數,又冇勒令退市機制,現在少左規模大,實力夠的公司來港上市,但也要守好關,盡責審查擬來港上公司的質素,不能亂甘接收垃圾公司.

 3983中海石油化學準備回購不多過10%H股,絕對是利好消息,揸住120幾億現金,多過成間公司市值幾十億,A股又冇上市,H股市值得40幾億,外資幾家基金揸住10幾個巴仙H股,加埋大股東中海油集團持股,街貨甚少,外資似乎想長期收高息,不斷増持,今次大股東回購H股,一來是想推股價,以迎合市值管理的kPI,二來拉高股價或許會令外資減持,日後若想私有化會更容易,回購股份並注銷,除左會令股價上升,派息股數少左變相會派多左息,最大得益者自然是大股東,有3983在手的朋友又可安心長揸等派高息.

 A股收市後,就出台了股市新9條,有股市以來連埋今次只有3次,第一次在2004年,上次在2014年,事隔10年在新證監話事人上台後再出招.呢9條一早已預告,今次只不過是白紙黑字確認而已,主要都是保障小投資者免成為韭菜,嚴格控制防立心不良公司上市,過去2個月已沒有任何新公司上市,存心欺騙作假的公司即使上市失敗也會被追究,過去2個月已有大量公司撤回上市申請,大量公司上市目的只為圈錢,上市後拉高股價後就大幅減持股份,跟住就任由股價自生自滅,一間公司從小股手套現幾十億或更多,過往個個都有幾十間排住隊上市,會令A股長期冇得升,再加上加強退市機制,強制大量股價長期在1蚊樓下的垃圾公司退市.強制上市公司公開派息政策同次數,對長期唔派息或派息極不合理低的公司採取行動,又鼓勵銀行理財和信託基金投入更多中長期資金入股市買穩健高息股,就呢幾條新措施就令A股長期轉好,中央匯金傍晚出公告話過去半年已増持中建農工四大行股份,分別為3.31億股,7145萬,4.01億,2.87億股,農行買得最多,建行最少,市值過萬億的央企就包括4大行,中石油,中海油,中移動近萬億的有石化和神華,呢9隻股份今年至今都大升,大部份都創左多年或歷史新高,只要保住呢9隻央企,A股3仟點是底,長期上升的話,A股也會跟住升.

 發改委牽頭的消費品以舊換新行動,負責人昨天說相關文件已印好,數日内會出台,睇央視新聞,一些實體店已率先推出優惠,花樣百出,舊冷氣加錢可換洗碗機之類.一眾家電股早已飛天,921隔日就又創新高,TCL一日升38%,海爾智家等都是在高位,下星期文件出街後,又可尋寶,不知哪類消費品在政策扶持下又可爆升,已知的政策是在全國舊樓儘量加建電梯,A股的電梯股全線上升,可惜我唔知港股中有邊隻股份有内地電梯業務,若有朋友有研究,不妨告知.

 4月8日發改委表示修改公路營運權年期的新措施將會在5月實施.詳情5月自有分曉,發改委已透露主要改動,現在東部收费公路的經營權為25年,中西部則為30年,現打算各自延長10年,以配合國家的公路交通發展,到期的則可申請延續經營,市場相信此舉會令公路股享有更高的估值,會令公路股有更多盈利,營運權加長,公路會更放心擴寬公路,前幾日一衆公路股已異動上升,107四川成渝高速冇物升,今日先爆升,A股四川成渝高速升到幾乎停版,升到5.75人仔,107平時升一格至兩格,今日升近5%,收3.19,又創唔知幾多年新高,反而其他公路股只是微升一兩格.

 恒指成份股中的神華1088和華潤電力836今日一同創新高,前者3年新高,後者1年新高,令好多無知的財演的認知被徹底顛覆,過往看不好電力版塊說因煤炭價格高企,同以往看唔好油價的原因一樣荒謬,甚麼電動車取代油車,世界經濟唔好,石油需求一定下跌之類.近日内地電力股是普漲,隻隻排住隊等創新高,902,1071,1816,836,唔理係火電,綠電或核電,全線上升的底層邏輯是盈利上升和需求上升,趨勢其實一早已形成,聰明資金一早已密密收集,而且是明牌,港股市場其實是機會處處,根本無需理會恒指是萬四點或四萬點.

 東方電氣是電力設備,鄭煤機是煤炭設備,兩者都有剛性需求,前者今日爆上,後者今日再創新高,鄭煤機去年11月開始展開升浪,至今升左6成幾,今年又大增派息,1072當佢今個月展開升浪,升個4至5成也不為過,我6個幾入左1072,埋伏左近3個月,而家開始見到預見豐厚回報埋我.

 美國3月CPI為3.5,高過預期,去年9月以來新高,十年債息升上4.5厘,2年期債息升至4.9厘,夜期急跌2百幾點,明天港股隨時跌回解放前,今天急升的新經濟股又是一個深坑,又埋左一批新韭菜,只有真正的高息股才能大幅跑贏大市.現價冇長期派5厘息樓上又冇増長前景的股份完全冇買入的理由.

 新地在上海陸家嘴的豪宅滨江凱旋門第三期,被評為上海歷來第三最高分數的樓盤,今次共有212個單位,介乎1200至3600呎,呎價一萬七千幾人仔,超過1000組申請,最終530組入圍,稍後搖號揀樓,預計可套現70億,内地是少左人買樓,但一線大城市上北港深的貴價樓,越貴越多人買,有能力的人著實不少,如冇上市的華為,今年又把盈利中的6百幾億分給有持股的十四萬員工,平均每人有43萬,當然持股多的分多d,隨時分到幾百萬,股少的分少d,重係年年分,今年因盈利少過去年少少而分少左股息,像華為這樣的公司一定不缺人材,只會越來越強大.

 昨天中外傳媒已廣泛報導有大批苦主聚集在深圳平安門外維權,要求拿回未能履行合約的某隻信託基金的款項.平安信託出通告安撫,說平安信託運作良好,出問題的信託基金的金額只有7億元,合作方正榮地產違約冇如期過數俾平安,致基金冇法支付利息俾投資者,會儘快解决事情,履行合約,並已採取法律行動控告正榮,意思係區區7億,平安賠得起,唔會唔俾,事緣正榮用一大型廈門樓盤和平安合作出信託基金,用高息吸引人買,個樓盤幾個單位,又商場又會所,但賣左2年,賣出唔夠2成,賣得200間,致正榮出現資金問題,冇過數俾平安,平安信託究竟重有幾多内房項目未爆,或已解决左大部份問題,平保同萬科一樣只是過去民企優等生,而家變壞左,會唔會變番好冇人知,萬科日日跌,A股已跌穿8蚊,内地大量散戶輸到投降割肉,2年前的名言30蚊萬科,80蚊平保等於送錢俾大家,現已成為大笑話,平保都重好d,股價跌到變高息股,A股6厘,H股8厘幾,大量散戶堅持信仰信念,只要平保不倒,就當收高息收到佢翻身,今日恒指大升,H股平保都識反彈,若要迫我揀内地保險股買,我就一定選中人壽都唔揀平保,一來不是央國企,二來都唔知拆哂d内房炸彈未,不確定性太大.

 昨晚工信部連同7部門出台了更清晰的大規模設備更新包括哪一些項目,昨晚的指引是優先更換的是工業母機,農機,工程機械.工業母機的央國企,H股很難找到,但重卡車,重型機械,農機呢幾個自己緊跟國策和A股相關股份而大升,升幅接近倍計,中聯重科,第一拖拉機,潍柴動力,中國重汽等大升完都只是回少少,今日又借消息再升過,好大可能有排升,而家至追有點唔值博,但若有貨在手者,不妨再揸耐d,回報會好可觀.

 一直有留意東阿阿胶SZ00423的走勢,上星期三創左歷史新高後稍為回落,今天又有極大利好消息,旗下皇牌產品复方阿膠漿22年銷售額9億,23年15億,今年首季銷售額已超過7億,主席有信心今年銷售額會増加10億至25億.25億未免太過保守,我相信會輕易超過30億,另一隻價錢較平的阿胶速溶液更賣到斷市,預計銷售額今年會大増5倍,阿胶去年營收只是40多億,阿胶漿已佔1/3,預計今年盈利會大増,5.28元上市,現價63個幾,重未計派左甘多年息,去年賺11億幾,派息比率9成6,重有100億現金在手,市值4百幾億,股價升上100蚊相信好快到,華潤入主阿胶可謂是賺到笑,買左隻大牛股,阿胶的控股股東華潤醫藥3320,市值才300億,阿胶只是其中一間子公司,重有6至7個親生仔如華潤三九,華潤雙鶴,江中藥業等,等呢大堆仔仔女女變哂巨人後,3320到時就係大收成之時,3320明天斷估都會升番上5蚊,4個幾入齊貨,可惜派得毫6子息,得3厘幾,是持倉少有的低息股,所以升唔夠倍計都不會輕易沽出.

 耶倫老太太得閑無事就往中國跑,短短一年就到訪2次,今次又充當紅臉,打著關注中國產能過剩,低價輸出產品影響美國甚至世界經濟的榥子,一面高呼美國永不會與中國脫鈎,會增加相互了解,講左等於白講,一來中國根本唔會理佢,唔鐘意中國貨美國大可唔買或大加關稅,買貴貨來頂替,到時通漲加劇,美國真係頂得住？真正訪華目的仍是希望得到中方承諾,不要再大幅減持美債最好掉轉頭増持美債,以方便美國能儘早減息,長期高息環境美國也頂不了幾耐,貿然大幅減息又怕資金流走,美元轉弱,美股崩盤,若美債又冇人問津,後果難料.於是頻出口術,一時話好快減息,一時又話唔會減,等待最好時機才減息,至於中國會否甘順攤配合就好難講,畢竟美國國力已大不如前,一個細小的也門胡塞武裝也搞唔掂,如今對伊朗也還低聲下氣,聲稱以色列襲擊敘利亞伊朗領事館,美國事前毫不知情同唔關美國事,不要攻擊全球美國目標作報復,意思寃有頭,債有主,要搞都搞以色列,那邊以色列又離奇地自加沙全面撤軍,伊朗口講報復未有行動前都已嚇怕美國,換作以往,美國一早就喊打喊殺.

 11號仔宣佈4月10日至9月9日,動用30億元回購股份.回購股份明顯是想托住股價,但回購左股份會唔會減少左派息先？成街都係揸住百幾蚊股的恒生苦主,派多d息俾佢哋,佢哋會開心d,友邦一樣長期回購股份,股價照樣長期下跌,股價跌甘多,息率一樣甘低,皆因d錢攞晒去回購,派息増幅甚少,對股價毫無幫助.要又回購又増加派息比率的公司才會有人買,匯豐算一間,央企的中石化,神華,中遠海控算是表表者,對得住長期收息者有餘.

 A股有多間電力公司已率先發佈首季發電量,全部都有雙位數増長,與中國首季工業生產回暖相當吻合,生產増加用電量也隨之增加,加上人工智能廣泛研發,數字經濟加速進行,大量基礎設施如數據中心,算力中心都是極耗電的,還要不斷興建的充電椿,一旦缺電甚麼都做唔成.今日港股的内地電力股全線上升,其中以火電股902,1071升幅最誇張,可能與近日内地煤炭價格持續下跌有關,憧憬這批火電股今年盈利會進一步増加.升得最有秩序和令人安心是華潤電力836,自2月中開始,北水平均每天淨買入2至3百萬股的速度買左超過1億股,持股量升左2%,去到17.5%,期間升幅20%,慢牛式上升,相信是有大機構慢慢收集,上星期五冇北水下,股價一度跌穿18蚊,今天有番北水,又升番哂上去,若北水持續買入,股價又每天慢慢升,好快就20蚊樓上見,到時又不知不覺,無聲無息甘升左3至4成,呢種升法係我最樂見的,呢幾日潤電會出3月發電數字,若増幅理想,又會升多些少,畢竟市值才900億,去年賺110億,現價8倍市盈率,7厘幾息,今年賺多2至30億非難事,到時20幾蚊股價的話,市盈率都重係8至9倍.

 國内清明節假期,内地遊人數高達1.9億,人數和消費金額均較疫前2019年有雙位數増長.京上廣深成這些一線大城市當然是熱點,但増長最高的是偏遠地方,如甘肅省天水,一家大細趁短假,駕車穿州過省,遠離城市煩囂,到郊外享用農家樂,到野外露營,消費又平又有性價比,一蚊串超巨型串燒其門如市,各地的公路最受惠,收過路錢和充電費,加油費收到手軟,自駕遊只會越來越多,同樣車賣得越多,使用公路的次數會越多,今天港股的公路股如995,548,107,甚至之前爆雷的576都有不俗升幅,公路股一向派息豐厚,穩定,絕大部份現在都是高位,但現價息率仍是高息且有年年増派息的趨息,上星期五在沒北水情況下,少量沽盤就令大批高息中特估跌過龍,今天絕大部份都升突,又製造機會俾北水低位入貨.

 金油銅鋁繼續飆升,跑贏大市十條街.中國持續17個月増持黃金儲備,最新儲備2300噸左右,世界排名第六,仍有好大上升空間,去年中國金消費達1080噸,金飾佔3成,金條和金幣佔7成,14億人計,每個人持金得十幾克,少左人買樓投資,有閒錢的人都會買多少金傍身.今早開市不久,大A中海油已升穿30蚊人仔,H股883也曾升上19.56再創歷史新高,只要大A中海油持續上升,883也會不斷創新高.

 日前伊朗已揚言會報復以色列,美國情報機構亦表示短期內伊朗會向以色列和美國發動襲擊,已嚴陣以待對應.最壞情況是伊朗歷史上首次向以色列宣戰,跟住拖埋美國下水,現在伊朗都只是支持和扶植敘利亞和黎巴嫩的軍事力量對付以色列,重未行到呢一步,較大可能是封鎖霍爾木兹海峽,令西方石油貿易被切斷,國際油價到時肯定大幅波動,近來黃金和石油價格急升可能都已預判有軍事衝突,大戶提早買入避險.

 沙地關閉多個海上鑽油台,放棄増加產能計劃,而布油繼續企穩91美元樓上,埃克森美XOM收市報121.37美元,創歷史新高,盤後股價仍然上升,此XOM的市盈率13.67倍,息率3.13厘,縱使偉大的883股價自年初已升了45%.去年底收市13蚊,上星期五在冇北水情況下仍升至19.3,但市盈率仍只得6.77倍,息率6厘8,足足平埃克森一半,而埃克森產能係得甘多,相反中海油產能年年増加,若今年布油長期在90美元樓上,叠加中海油產能的大幅增加,今年盈利說不定會暴增至1600億人仔,若現股價唔升,再加新一輪派息計劃,大増派息後,到時市盈率又回返4倍,又再做返高盈利,高分紅,低估值的超級學霸優質生,星期一北水回歸,好大機會將883拉升至20蚊,隨着日後更多利消的發佈,更多來年強勁盈利的預期披露,到時20蚊的883會被視為超抵價,又會被買爆,在7至12蚊買左883又冇走的朋友,好好享受財息兼收,財富増值的良辰美景,20蚊只是883的新起點,就算已嬴左倍幾或幾倍的朋友,覺得贏夠想俾d人贏,都唔好偉大到沽哂全部,只需沽出一小部份收回所有買入成本,留下的股份繼續收息收到883執笠為止,唔好為小利而殺左隻會為你生一世生金蛋的雞.

 今晚美國非農數字遠超預期,市場消化數字後幾可肯定就算減息都要推遲到9月,金價回調後又再創歷史新高,每安士2320美金,油價和大宗商品繼續升,美股三大指數又升,美國經濟看似強勁增長,一片欣欣向榮景象,一名聯儲官員今晚又出聲,現時談減息實在言之過早,美國經濟勢頭強勁,通賬可能重臨.美國為了避免股市大幅下跌和保住美元強勢,令各路資金持續流向和停留在美國,今年可能儘量拖延減息甚至不打算減息,加上11月美國總統大選,點都要頂住個市,待選舉過後,所有問題才會浮現.同美元掛鈎的香港,部份行業經營者太過樂觀,把所有希望都寄望美國今年會多次減息,學者,專家之前估會減6至7次,之後改口3至4次,跟著又改為減多少次唔緊要但今年始終會減.過去一年高息環境已令很多負債高的企業食盡苦頭,若持續多一年,有些恐怕連生存下去都成問題,一些過往派息高,又因股價大幅下跌而變成高息股的本地上市公司,不論規模大或細,一旦都有大幅未償還貨款,都要避之則吉,為了生存和活下去,増加可動用現金,減派息俾小股東一定走唔甩,不供股已要還神.早前金管局出左指引要求銀行不要隨意call loan,但這只是指引,不是指令,銀行又不是慈善機構,為保自已和股東利益,需要call loan時絕不手軟.這也是為何大型央國企龍頭,穩定盈利又派高息嗰批,股價升足2年仍被追捧的原因.

 德國總理蓋爾茨本月將率領龐大商界代表團訪問,寶馬,奔馳,拜耳,西門子等巨企高管會隨行.昨天美國財長耶倫第二度訪華,受到冷待,皆因講野唔啱聽,甚麼中國新能源產能過剩影響全世界,人家領先全球的產品就是產能過剩,當年美國車獨霸中國市場又唔見你講汽車產能過剩,去年耶倫訪華主要是想中國不要再減持美債,中國為左應酬老太婆,等佢好交差,之後有一個月増持美債,跟住中國又繼續個個月減持美債,改為大量増持黃金.今次又來華又想求中國買美債？反而德國夠哂誠意,中國是德國最大貿易伙伴,冇左中國市場,後果不堪設想.今天沒有北水的港股市場,很多中特估跌多左,但好快在低位就俾人檢到便宜升番上去.李超人星期六開售4百幾個黃竹坑單位,若賣唔哂或賣得差就大件事,長和孖寶繼續跌跌跌,連隻置富信託都係甘跌.煙花會謝,笙歌會停,地產霸權的年代已淪為生存為保命的時代,資產值有多高有何用,一來有人接先算,二來收左錢又唔會分多d俾小股東,冇良心的更可往下炒,讓股價跌到殘,之後加多幾成,最多加夠1倍將低殘股份私有化,到時一往情深,高價買入長期持有等待解放的小股東才會夢醒.

 一覺醒來,發覺美股三大指數全部由升轉跌,重係大跌個隻,全部跌幅都在1%以上,道指跌500幾點,中概股金龍指數也大跌1.5%,港股個堆非中特估新經濟股今日應該冇運行,隨著地緣政治日趨緊張,美聯儲官員又不斷放鷹,今年何時減息甚或不減冇人估到,一面倒或一廂情願認為減息周期已到,若估錯哂或不似預期,會死得好慘.最具確定性的是短期油價會繼續上升,一直被眾人認為與油價升跌有極大關係的883,雖然我不大認同,但今日A股冇市,南下資金會不會提早把883推上20蚊,有883在手的朋友記緊揸實佢,一旦升穿20蚊,更多你估唔到的好野會發生,繼續日日數錢數到笑.

 長安民生物流1292,是長安汽車的子公司,也是唯一在港的上市公司,市值只有2億幾元,長安汽車是中國兵器集團旗下公司,中國兵器集團是大型央國企,單看個名就知有軍方背景,確實如此,但也沾手不少軍轉民業務,一早就搞電動車,阿維塔一早已打出名堂,一直在熱賣中,如今長安汽車更成為華為的重要合作夥伴,在造車技術,科技上有強力後盾支援.1292主要做的是國内外物流生意,單做長安汽車制成品的全國運輸物流已夠做,可能具軍方背景,同泰國政府,軍方的關係特别密切,去年泰國總理夫人訪華也特別前往長安物流拜訪,即將訪問四川的泰國公主大極率也會造訪長安物流,長安汽車造的車好多都是出口輸往泰國,俾多d想像空間,1292進軍泰國物流業也是有可能.講番1292股價,由於市值細但派息連年幾何級増長,成交極少,有時整天沒成交,長期在1.6至1.8打橫行,去年尾曾一度升穿2蚊,但好快就俾極小的成交打回原型,去年已曾經想在個5至個6收集,但一股都買唔到,每手一千股,買賣差價經常10格以上,每日成交都係得幾仟股,要買幾萬股隨時要買幾個月至買齊,我冇如此耐性,後來就放棄唔買.出後良好業績,股價不知甚麼時候升上2個2毫幾,去年賺5仟8百幾萬,派息大増至每股2毫子人仔,若個6,個7有貨,又係十幾厘息,現在市值才2億幾,低PE,盈利若持續増長,PE會拉得更低,現價2個2毫幾,息率都有9厘,最大問題是冇人肯賣貨俾你,昨天1292全日成交得2仟股.市值他日倘升上十億八億,股價隨時升幾倍,若盈利保持,派息又加,股價唔升也冇所謂,收息都收到笑不攏咀,但大前提係你有冇貨在手.

 我之前把持倉的三隻同成渝有關的股份戲稱為四川三寶,表現絕不失禮,3隻都在多年歷史高位橫行,日日升一兩格,升左都冇人知,他們分別是107四川成渝高速,811新華文軒,3618重農行.107若計埋股價升幅已是負成本,現價都重有8厘以上息,未來3年承諾派息比率不少於6成,收多3年息就可收回成本,又多一隻可揸過世的股份,811是息率最低的一隻,去年可能唔好意思,無端端派特別息給小股東,剛公佈的業績也加大了派息比率,但重未夠多,會否突然又派特别息就唔知,此股是剛需股,整個四川省的教科書業務佢做哂,加埋幾十個少數民族的教材,政府又係指定俾佢做,長期有60億現金在手,冇有息負債,輕資產,生意又唔憂,地方國企,只要分紅加多些,股價又會升.重農行超高息股,去年2個幾時,派3毫子息,股價跟住沖上3蚊樓上,除淨後跌番落2個幾,如今股價又在3.35,今次派息増幅冇往年甘高,因基數高左,但都3毫港紙樓上,股價,派息好過哂四大内銀.呢3隻股都係唔多會急跌,冇物機會俾人用低位買到,若日後有機會回調深一些,可考慮買些.

 穆迪最新報告指出,美國寫字樓空置率目前已達20%,創了歷史新高,而且還有進一步上升趨勢,原因是企業多用了混合形式辦公,不用把所有人同一時間集中在一起辦公.香港甲級商廈目前空置率亦接近2成,寫字樓空置率高是屬全球性的,非香港獨有.但已建成的大量甲級商廈如何自處,唯有大幅減租一途,現在全球寫字樓最與旺的新加坡,歷史最高呎價都係60幾蚊港紙一呎,遠低於香港.早幾年,不少大會計師行,律師行均消費降級,後勤部門從昂貴的中環搬到灣仔,太古,黃竹坑和尖沙咀新建的工商廈,大幅減低租金支出,為保面子只留下見客,簽合約的工作在中環,現在連跨國投行都進行緊大遷移,從lFC搬到ICC,甚至搬去葵涌,日後可能會搬去北部都會區.

 以色列竟然出動戰機用多枚導彈摧毀敘利亞境內的伊朗大使館,造成傷亡,伊朗揚言會報復,伊朗是美國都不敢惹的國家,若今次事件拖埋美國落水,就天下大亂.布油也升穿89美元一桶,去年十月以來新高,最大黑天鵝會是油價高壓不下,導致美國通賬惡化,非但今年不減息,還要加息多一次,甘就遍地眼鏡碎,升得特別多的股市就會有崩盤危機.反觀中國反而可能因此得益,靠超級大内循環支撐經濟,又奉行毛主席當年那套挖深洞,廣積糧.即是現在的確保糧食供應充足和安全,儲備更多油氣,貴金屬,煤炭等,全部都可不假外求,外邊點打生打死,只要不參與戰事,淨係出口術,叫大家要冷靜,以外交形式和平解决事情.中國就會乘勢更加坐大,強大.縱然如此,我都係希望世界和平,多些包容,少一些好戰政客.

 華為揸Fit人任正非下令下屬余承東不能再講遥遥領先,每講一次罰款一萬元人民幣.去年9月申請的兩項遥遥領先商標專利註冊,經内地記者查冊,發現已被撤回.華為即將推出P70系列手機,以求進一步打殘蘋果手機,蘋果手機第一季在大中華區銷量已大跌3成,股價也由年初跌左近2成,再加上其餘小米,榮耀手機助攻,蘋果在内地已節節敗退.華為之前小試牛刀,問界電動車問世已令比亞迪,蔚小理等車廠要大幅降價應戰,再加上雷軍的小米,造成了超豪華超貴的電動車應市,身為科技龍頭的華為要多條戰線作戰,鴻蒙系統沒對手,只管發展即可.但手機和電動車只是大幅優於同行,談不上遥遥領先.有時勝利帶來的喜悦難免會講出豪情壯語,永遠都係示人以弱然後才給對手致命一擊才是生存之道,市場是零和遊戲,強者勝可留低,弱者只能黯然離場.股市也一樣,要做個日日數錢的投資者,或是做個揸住成堆不知何年何日才能回本的股票的韭菜俾人割,都係有得選擇的.更高的境界是即使在股市中賺了大錢,都會對人說贏少少,沽得早,主要都是靠運氣,同聽人講.就如歷届十優狀元,個個事後都係話平時只係打吓機,聽吓歌,打吓波,上堂專心聽課,就係甘簡單,但估唔到會考得甘好,這些話只有腦進了水的人才會信.

 據香港零一報導,放盤近一年,由高盛和内地基金合資的上環永樂街88號商廈,早幾年以9億幾收購三個號碼的舊建築物改建而成,落成後一直找不到新買家,出租率也甚差,就算上環站就在隔離,又處黃金地段,出租率只得4成,去年已大幅調低售價至11億,都係賣唔出,最近終於再減到7億蝕到喊以7億賣出,呎價7千幾蚊,據聞新買家是建滔集團,若交易成功,高盛同内地基金要蝕成6億幾.本港商廈及零售鋪位前景實在難令人樂觀,供過於求,點樣吹捧好平好低都係無濟於事.專心搞好金融業和内地的聯繫,加強高質量科技創新同生產是唯一出路.

 復活節提及的股份全部皆有表現,其中第一拖拉機,中海油,光大環境,中國建築國際升幅達預期,升得較預期少的有東方電氣,深圳國際,華潤醫藥.再創多年新高的有四川成渝高速,至於最穩陣的非中移動和華潤電力莫屬,2隻慢火煎魚式上升,潤電每月均會公佈發電數字,數字好的話又會升多d,一年有12個月,每個月升幾個巴仙,一年就有3至4成升幅.中海油更是有貨在手者不能亂沽做T的股份,三年前的3年派息承諾已快到期,新的派息政策好快出台,萬一來個5成以上,股價更會火上加油般上升,今日又傳來好消息,第一是拉左中海油渤海區2位高層去調查,看吓有冇違規貪腐,國有寶貴資產絕對容不下一位壞份子,第是莫桑比亞在21年招標的16塊海上油田勘探同開採權全部俾哂中海油,難怪中海油服呢排甘強,莫桑比亞在哪處？好似在非洲,理鬼得佢响邊,買在中海油一段日子又揸住唔放的朋友,真係肥到衭都著唔落,日日數錢數到手軟.

 今天中電華大科技85公佈業績後大插17%,連埋之前的跌幅,高位跌落來已不少.此股我從未沾手過,一來管理層往績唔好,二來又好似有大莊入夠貨伺機派發,7個月前出盈喜預計半年有6億幾盈利,一個月後出業績,盈利少左一大截,得番5億1,但比對上年仍大幅增長,重有整個下半年的盈利未計.大把散戶仍憧憬全年業績會大爆發,派息會大增.結果業績一出,派息大増,盈利大增,但盈利只有6億幾,不似預期,主因是要為旗下庫存產品作大幅撥備,撥備左2億,蕊片設計並生產呢家野,日新月異,若大量生產出來後,已落後市場需要,會死得好慘,因此需投入更多資金研發,普通投資者如我,根本不知85造緊邊類同設計邊款晶片,有冇市場等等.物都唔知,我就不會買賣,就算之後大升都係話.

 中交建一向派息比率甚低,近幾年都是十多巴仙甘大把,年幾前管理層曾承諾會逐步提高,23年増至20%,24年増至40%,25年増至60%,大前提是沒有重大開支去開拓新業務,提出時股價都係3蚊邊,當時曾想買番多少擺3年,但諗吓諗吓,23年都係派20%,唔慌會升得多,留番24年至買更值博,結果股價跟隨中特估升勢,直升到5個幾6蚊才大幅回調,3蚊邊唔買已錯失一次良機,第二次良機在幾個月前出現,股價又回到3個幾買入區,隨着超好的業績發佈,大增派息,派息比率果然在2成以上,冇食言,若講到做到,今年派息比率加到4成,每股派息若盈利不變,就會派每股4毫幾,如今股價已大升至4蚊,股息率超過10%,買股票永遠要買在無人問津時,賣在人聲沸騰時,趁低埋伏,若劇情如預期,又是大豐收的股份.現價的1800值不值買,我與她無緣,擦肩而過,又要等3年至有好收成,現價都不會買,因有太多美女在港股中任揀,若有足夠耐性抱住收高息幾年的話,現價的中特估1800一點都不貴,可考慮.

發改委,國家資源部,農村農業部三部門聯合發佈千鄉萬村馭風行動給全國各省各自治區,要求在各地的農村閒置土地,在風電設備製造技術突破幫助下,儘量多起風電發電站,以期早日達到炭達峰,為振興農村作出貢獻,讓全體農民都得益.電力設備製造商如1072東方電氣會否有一波大升浪？推動電動車,白色家電下鄉,要有足夠的電力供應才可事半功倍,人工智能,高端工業製造又是極耗電的,大型發電廠勉強可應付,農村就不一定可兼顧得到,在廣大農村各自建立更多細規模的新能源發電廠,可算雙贏.風電,光伏設備製造商應該生意多到做唔切.東方電氣在烏兹别克與建的光伏發電站,日前也由四川省副長和東方電氣副主席出席完工儀式,見證最後一塊光伏鋪上.國内有大量需求,一帶一路沿線國家需求更大,明天港股開市,1072若無5%以上升幅,我會好失望.

 96年在深圳上市的東阿阿胶SZ000423,當時上市價不過每股5.28人仔,年年賺錢,除左在2019年出現虧損4.4億元,之後被華潤集團取得絕對控制權,現時阿胶 大股東為本港上市的華潤醫藥3320,華潤取得控制權後,踢走哂舊有管理層,用自己優良方式經營,業務大為改善,股價歷史高曾達68.55人仔,今日收市63.2人仔,再破歷史新高指日可待.剛公佈的全年業績好到無話可說,全年做左47.65億生意,歸於股東利潤11.51億,増長47.15%,每股盈利1.79元人仔.派息每股1.78元人仔,還有70億現金在手,市盈率31倍,若今年盈利又來個增長40幾巴仙,股價非升破100不可.阿胶其實只是驢仔皮,但售價極貴,是女性滋補品已深入民心,阿胶最大的開支是市場拓展,賣廣告,又推出多項阿胶副產品,如阿胶膏用來塗皮膚,阿胶速飲溶液,用來飲用,更與著名酒家如廣州大酒家,推出阿胶雞煲湯,只不過是在雞湯加入包阿胶溶液,就賣斷市.在華潤入主東阿阿胶沒有下定决心去買A股實在失敗.近日阿胶又大賣廣告,要介紹好產品給消費者,就是皇家圍城1619男士滋補品.1619年清太祖努爾哈赤滅了葉赫統一全部部落後,建立豐城皇家圍場飼養梅花鹿供皇帝貝勒爺狩獵,而且全面關閉,外人不得内進,梅花鹿越養越多,歷代清朝皇帝如乾隆都曾多次前往狩獵,直至光緒才解封.阿胶就是在豐城起了個大型人飼養場,飼養一萬頭梅花鹿,在梅花鹿的角長成後,切去制成鹿茸片,據古籍說男士食了會雄起,即是中藥的偉哥,幾片鹿茸片又可賣過千元,暴利比得上阿胶,鹿脫完角又可再生番,只要廣告做得好,相信不少男士都會花錢當保健品食.3320除左擁有東阿阿胶,還華潤三九,華潤雙鶴,江中藥業的大股東,由於要不斷併購而打造成醫藥大龍頭,需要現金周轉,故派息不算慷慨,目前得3厘幾,市值更只得314億,以今日收市價,阿胶市值已超400億人仔,三九更高達5百幾億人仔,重未計3320本業和其他子公司市值,3320現價5蚊確是超值,俾d時間揸耐d,升1至2倍非難事,至於要多久我都想知.此股去年由低位3個幾升到7蚊樓上,之後反覆回落,但5蚊似乎是個很強的支持位,5蚊樓下好難俾人買到,我在4個7買左唔少,在5個5附近沽左,之後跌番2毫子又買番,呢2個月都走左幾轉以減輕買入成本,現在已决定不再賣出買入賺差價,以免有心人仕收齊貨開車炒上,我也做一次埋伏者,等待大豐收.若再一次跌破