文章

顯示從 12月, 2024 起發佈的文章

今天投注注項

 沙田 星期三 混合過關 6X15 第5場 連贏及位置Q3十二神 將+5神馳 第7場 位置Q5昭易搵拖3 江南勇士+7保羅傳奇 第8場 連贏及位置Q3紅運帝 王+6手機錶霸 第9場 連贏及位置Q2飲杯+ 5英勇快車 第10場 連贏及位置Q5友愛 心得+10健康快車 第11場 位置Q3米奇拖2 遨遊武士+5祝願 $2.16/60 (靈活玩) 上次收得75蚊,算有進步.今天繼續投注130蚊,最新結餘正750元,希望2025年打響頭砲.

第二輪互換便利措施又快出台

 給内險,証券公司,基金公司拿沪深300成份股或指數ETF換國債再在市場賣出套番現金,再買成份股的偉大發明,第一輪5千億額度只用左500億左右,已急不及待準備推出第二輪一年期額度得500億的互換便利措施,補番已用的額度.用意大概是5千億額度大門長開,放心買多些指數成份股或指數ETF,國家有大量國債同你交換,主要指數成份股和指數ETF都大部份掌控在國家隊手中,A股想大跌都難,國家想穩住股市並慢牛式長期上升的决心毋用置疑.

大A全年上升12.67%,但所有股份中位數下跌5.37%

 5千幾隻A股,全年錄得升幅的只有2207隻,中位數為負5.37%,但指數卻升了12.67%,市值過千億的股份,平均有20%升幅,只有極少數過千億市值的股份如貴州茅台股價下跌.市值最大的股份為中國移動領先排第二的工行少少,中移動下午在A股一度創出119.02元人仔新高,較3年前回A上市高出倍幾,重未計所收的股息,收市報118.15人仔,H股941仍遠遠落後,好大機會會補漲,單是北水資金南下買都有排買,慢慢升慢慢買先買得多.至於升幅最大股份為Al蕊片龍頭寒武紀,全年升左387%,市值近2800億.4大内銀全年升幅均超過4成,整個銀行版塊全年升幅37%,只佔第七位,升幅最大版塊為Al眼鏡,升幅70%.總的來說,A股強者越強,但垃圾股太多,市值唔夠30億的股份有千幾隻,只有通過各種手段令呢批股市退市,嚴控更多的垃圾股上市圈錢,只讓有質素的企業上市,未來A股會更健康地發展.

北水在今年最後一天狂買港股

 今日港股全日成交745億,北水成交金額564億,佔左75%,淨流入64.41億元,佢哋買d物?又係中移動,中海油,中蕊國際,工行,小米,微盟呢d熟口熟面股份,另外買番騰訊,巴巴,唯獨重係獨沽一隻美團.

倉内唯一非中特估393今年都升5成樓上

 393旭日雖然是港股,但其實是隻影子内銀股.因其持有12億幾元低位買番來的工行,建行,中行,唔講内銀股價升幅,單係收息一年都收億幾元,市值得十幾億,上半年賺得2千幾萬,派息就派6千幾萬,上個月又沽出高追揸左幾個月的工行,建行賺價,又賺左3千幾萬,嗰堆12億元買番來的内銀,持股不變,市值已升到16億,中期息都派4仙,未期息多數派到爆哂燈,都係派番俾自已,難得是在中期息除淨前,0.98至1蚊任人買,我第二注在0.99元追入收息,第一注在0.88元買的,此股成交疏落,大股東褲王及家族中人已高度持股,要買幾萬股都很費力,之前心諗最好股價長期在1蚊橫行,等我慢慢收集,但在派完中期息後,393日日出來回購,每日幾萬至20萬股,回購左3個月,都係買得1千萬股,街貨已被收乾收淨,但股價已升左20幾個巴仙,今日收1.24元.褲王潛心向佛,應該唔會用溢價20%之類手法來私有化,最好不要私有化,待我等食息佬食多幾年息.

2024年大豐收的一年

 得力於做多左短炒爆升股,雖然只用左一成資金,但已令整個投資組合在過去一年升左1倍以上,主要盈利仍是所持20幾隻高息中特估帶來,24年是央國企牛市第三年,對她們不離不棄絕對是做了最正確的决定,做好人,買好股,超好回報自然會隨之而來.不知25年中特估會否如今年般輕易取得厚利,只需揸住唔放等收息,回報好到超乎想像,大前提是買得早買得平.個人相信中特估25年仍然會有好表現,若現價才買入中特估,一年要有3至4成回報就有點難度,但1至2成應該難度不大.我持有的中特估組合已3年,不計所收股息,一年有10%増長已十分OK,24年動不動升4至5成甚至更多已是喜出望外.25年股價有10%升幅已收貨,因所收股息已大部份是10厘以上,夠哂全年支出,還有餘糧複投股份或短炒爆升股,不做槓桿,冇負債是底綫,若敢做槓杆,身家已幾何級數上升,但我唔會甘做,做錯一次隨時會令你損失慘重.手中所持的高息中特估會繼續持有收息,股價升多升少真係冇所謂,目標都係靠收息短時間內收到零成本.來年會用多些資金做T同短炒真科技股,以求増加回報.人工智能,機器人,低空經濟,銀髮經濟,内需消費都會跑出.哪些股份會跑出,就視乎國策的力度大小,同埋北水選股的取向.最理想梗係在她們收集中跟風買,在大升過後未大舉收割前,早北水一步先行撤退.

平保又増持多一隻内銀達5%

 今次係増持郵儲行,増持不多,之前揸左4.98%,如今超過5%,故要披露.可能是故意揸多0.2%,公告天下,就係不斷増持高息中特估,唔知重揸左幾多高息股唔夠5%而未公佈,已公開的持有15%工行,5%建行,5%郵儲行,全部都係H股,還有9.2%滙豐,一定唔會再揸高息内房債,日後爆雷機會大減,股價可望休養生息下而慢慢上升.

北水今天淨流入73.5億元

 恒指全日成交不過1285億,北水成交金額已達7百幾億,已佔港股全日成交5成幾,事實已擺在眼前,北水資金流向對港股的影響已越來越大,但成日話美股必爆破,過到清明過唔到重陽的某大師,成日話不用理會北水,北水不是買港股的主力,買得幾多亞,歐美同中東資金先至係主力,他們正在密密吸貨,買夠貨恒指就會升上唔知幾多萬點,又話派息多少完全不是買入股票的考慮,要賺價要買會大升的股份,要食大茶飯,又話市場本未倒置,太過注重高息股,此君唯一可取之處是熱愛祖國,至少口頭上是,下下敢於亮劍反美帝,唱衰美國經濟多年仍堅持立場,至於對市場的邏輯思維則十分混亂,完全不理數據.講番正題,北水十大成交,三隻下跌,就是ATM三隻,美團被沽得最狠,其餘買得最多是中蕊,其餘買得多的有小米,微盟,思摩爾,優必選等唔派息炒股,高息股則有工行,中海油.

A股央企十兄弟齊升穩守3400點

中移動A快到117人仔,941冇可能會係75蚊,但又未升到77蚊,慢慢升更健康,加上8月份中移動已確認入股榮耀,但冇講金額,一隻由華為剝離的公司,手機銷量全國第三,僅次於華為,蘋果.數日内會公佈獨立IPO詳情,到時中移動想升幾多都得.隻中國股王寒武紀又大升,中蕊股價連人地個車尾燈都看唔到,升多一倍都重係好落後,今天大量北水沖落來掃981,升到幾多至肯收手我都想知.

散戶學精左,不再等内銀除淨後才買入

 大部份磚家財演一向都以為自己很有見地,叫人不要在内銀除淨前買入,除淨後一定有平貨買,收左股息冇著數,會在股價扣番,看似好有道理,但事實並不是如此,幾個月前4大内銀同其他内銀在除淨後股價升並沒有大幅下跌,全部都上升,而且很快就完成填權,即股價升番除淨前水平,除淨前才買入的已穩袋6至8厘息,若股價再持續上升,唔駛多,股價升12%,一年就有成2成回報,好過恒指今年18%的升幅,若被磚家老點在除淨後才買,平貨又買唔到,息又冇得收,呢d錯誤推斷講左好幾年,一早在除淨前買入,揸個2至3年,都已本利歸還翻倍,而果d信磚牆家要等低位至買的人,隨時等左幾年都買唔到貨,算得太盡貪小便宜以為醒過人,到頭來又眼紅那些他們覺得唔識野,冇技術,淨係識買内銀股收息的廢柴,其實他們口中廢柴才是大智若愚.今日除左4大内銀表現好之外,二線如6818光大銀行,3618重農行都係日日升,光大銀行年頭到今,加埋收左的股息,不用做任何買賣操作,坐响度都有5成幾盈利,難怪被人話係垃圾的港股都升2成,若今年港股冇3成回報都唔好意思周圍同人講,買2800都可贏2成,只要唔係逆勢而為,抄底地產股,高位追買ATM,集中火力買央國企,真係冇可能會輸,分別只是贏到懷疑人生同冇贏甘多.

2506訊飛醫療來頭不少隨時喪炒上

 2506母公司科大迅飛是A股科技龍頭,盈利不多,但股價就升左好多,語音,人工智能,機器人各方面都涉獵,今次分拆醫療科技來港上市,股價都係靠講故事,憧憬未來而上升.因母公司確實是真高科技公司,中國移動早幾年已大手入股科大迅飛,差點吞埋成間迅飛,及後中移動高位減持少量股份獲利,現仍是訊飛主要股東.2506現市值僅100億,發夢上到200億市值都非不可能,只要有人信就得.上星期提及的Al眼鏡股2276,今早又爆升創上市新高,可惜我冇貨,睇住佢日日升,只能說與她無緣.

今天投注注項

 https://photos.google.com/photo/AF1QipOlZvY4WvXC7n_LFv-juCZKLmznOmbxQ4n_m5Jr 29-12-20 2411:08  混合過關6X15  支出存入 沙田星期日混合過關6X15 第2場位置Q 3旋風飛颺拖6常常感恩+ 14帝豪歡星第4場連贏及位置Q 2安泰+4马凰第5場連羸及位置Q 2真心傳奇+3可期而遇第6場位置Q 1越野大師拖5獵寳勤+ 6勁先生第8場連贏及位置Q 6英雄豪邁+12鴻圖新星第9場連贏及位置Q 3同祥和順+11德心知遇$2.1667/60 (靈活玩)  $130.00  我新結餘正805元.

深圳灣13號地鐵開通,新界西北零售大檸樂

今天開通的深圳灣13號地鐵線開通,屯元天居民肯定會狂往深圳消費,平時一系列B字頭城巴已夠哂方便,全程得3個站,一上西部通道,話甘快就到,之前西部通道冇地鐵,南山區各大景店,商場少d人去,而家,若你係60歲以上,搭2蚊車就去到關口,搭地鐵又有特別長者通道,show張回鄉卡,夠60歲就唔駛買飛任搭,鐘意去邊就去邊,深圳灣關口本身已是一地兩檢,而家重搞埋人面識別系統,對住鏡頭掃描一下,按埋手指紋,就直行直過,方便到暈.北上消費係一個冇得檔的趨勢,同香港人個袋有冇錢冇關,就係香港d野太唔抵買,幫襯等同不斷交智商稅,茶餐廳70蚊個碟頭貨已司空見慣,重要係俾d垃圾你食,或份量縮水同偷工減料,如撞正間師承串串槓,一副趕客態度,鐘意就來,唔鐘意就走的食肆,更加冇下次,永無返頭客.香港早幾年吹捧態度惡劣,懶有性格的食肆,如X記牛腩,物牛餐廳等等,凡事去得太盡,必有因果報應.小商家會歸究地產商唔肯減租致經營不下去,大部份是事實,但地產商見唔對路,大幅減租都是遲早的事,但開鋪做生意始終都要以客為先,不能當客是傻仔,劏得就劏,最近一間十幾年前,一個早餐都要40幾蚊的出名茶餐廳,因港產片經常在此取景之故,都要收檔,原因是冇生意,d野甘貴食物又唔係特別過人,邊有可能客似雲來,内地遊客更加唔使諗,他們多是特種兵,懷有目的來港,如開銀行戶口,存定期,或香港有大型節慶節目過來湊熱鬧,有偉大的小紅書作指引,想劏佢哋難過登天,若貪心劏左佢哋一次,返上去在小紅書分享經歷,在小紅書流傳,好快就會臭名遠播,隨時執笠.一些旗下商場集中在大西北的大地產商,唔開名大家都知係邊間,相信日後日子都唔會好過,商場起左一大堆,商戶來來去去都如倒模,呢班租戶近來出來的都是盈警,盈利倒退3成已經算好好,租戶唔好,大業主會重大鑊,過去成功模式在今天可能成為負累,要相信數據,另一樣要相信你認為是好公司的股價為何會長期下跌,市場上哪有那麼多錯殺,一定係出左問題,只是你可能買錯左又唔肯認錯,拒絕接受,只想聽自已想聽到的他人意見.

微盟2013大股東減持可能是好事

 今天微盟3名主要股東為一致關連人仕,持有11.5%,為第一大股東,騰訊持有9.67%,為第二大股東,呢3條友見股價升左1倍以上,馬上減持套現,沽左1.2億股,共3.28%股份,美承諾一年内不再減持,減持後騰迅成為最大股,呢3條友變左第二大股東,相信這是蓄謀已久的陽謀,騰迅要借助微盟拉商家加入微信小店,最好的方法就是控制微盟,原大股東趁高套現,又可讓出大股東位置給騰迅,若博命做好份工,令微信小店大放光芒,2013股價又會大升,一年後再賣埋餘下股份,到時微信小店若成功,微盟可能已無價值,但原有股東已圈夠錢全身而退.在利用價值重未用盡時,微盟可能重有段美好光景.

港股全日成交唔夠1400億,北水佔左8百幾億

 北水今天淨流入80幾億,買得最多係中蕊同小米,跟住係中海油同第一宇宙行工行,沽得最狠是ATM3隻,重要2隻近來升左唔少的941同升好多的中與通訊,中移動少量流出,763就大量被沽售,但763今天是升十幾個巴仙,誰人在接貨?是強者看好繼續買上去或是散戶做接盤俠變韭菜,我就唔知.看恒指走勢,港股已慢慢A股化,除左本地散戶,成交大部你來自北水,今日已佔6成,北水揸得多的股份已有話語權,外資已冇話事權,只要北水揸住d貨唔放,甚麼大細摩點唱衰都唔會跌,重會升,甚麼1919會見7蚊,而家升到13蚊都就快到,反而揸左唔少貨如ATM,B站之類就年年唱好,目標價堅離地,遥不可及,但總有人會信,ATM要大升一定要北水大量買入而且唔走先可以,騰迅叫做最多北水買,都只係得10%多d,美團10都冇,巴巴得4%.

内地散戶開始狂買内地公路股

 内地公路股一向派息同盈利都穩定,是最肥的現金牛,甚至比内銀股更優勝,今日A股有3隻公路股創了上市新高,分別是公路股龍頭招商公路,粵高速A,深高速A,3隻都是持續上升了一段時間,每天升少少個隻.深高速在港有H股548.而152又是深高速大股東,呢2隻股近排都強勢,但不是升好多.548早前在A股増發股份,每股10蚊,不少人大叫要逃命,話好快會跌落9蚊,8蚊,7蚊,但結果好快就升上13蚊樓上,548也因此在8個幾跌落6個幾,近排開始轉強,升番上7蚊樓上,好大機會會補漲.另外一隻粵高速A,又係超高息股,已承諾未來3年會把盈利70%用來派息.H股都有好幾隻公路股,全部都算高息股,就算股價升左好多都重係高息股,大跌風險有限,冇貨就要趁股價有機會大跌時入番多少睇吓門口.

3969中國通號似有異動

 3969近2個月悶到發瘋,橫行居多,跌又跌唔落,升又升得少,全年升得3成唔夠,連埋股息,都係得3成幾回報,在央國企中算係升得最少個批.下午傳來消息,國資委低空經濟司召來一批通信同訊號專家研究建造標準低空經濟訊號系統.3969主力做軌道訊號系統,近年開始大力發展低空經濟訊號系統,下午見有資金偷偷買入,不知下星期會否輪到佢發威,等我贏多d,我不是推介,我本身低位有貨,等食大茶飯,有本錢坐到佢大升特升才沽.純是有主觀願望的因素,不要太認真.

真科技股之中蕊國際981

 一間長期有盈利,又有國家意志背書的蕊片企業,長久必升,今天又在30蚊樓上,早幾年高位買左又堅持下去的人,又番到家鄉甚至有錢贏,更不用說那些在13,14蚊買的,就算後知後覺,在懷疑中跟風在20蚊開始買的人,短期都有5成升幅.其實中蕊都唔算升得多,最勵害是近日已納入中國各種指數成份股的寒武紀,寒武紀這個名字挺有意思,地球生物出現的年代,距今4.3億年,甚麼侏羅紀落後幾百條街,商湯更冇大志,距今只是數仟年,個名格局唔夠.寒武紀是中國人工智能蕊片的先行者,只著重研發,幾乎年年都蝕幾億,營收都是幾億甘大把.2022年股價60蚊時,連喜愛炒垃圾股炒波幅的散戶都唔敢買,說是泡沫必爆破,升到300蚊更加冇人敢買,更加肯定是泡沫.但現實是此股上星期一度升穿700蚊,市值迫近3千億,之後輕微回調,現價都6百6拾幾蚊,2年升左10幾倍,穿越牛熊,只有那些有信仰,堅信中國蕊片必有出頭天的人才敢買和拿得住唔放.

真科技股繼續長升長有

 我界定真科技股的定義是真係以專注某種產品而生存到的,甚麼巴巴,美團根本就唔係,頑固如恒指公司都要將呢2隻股份剔出科技類,歸入消費類.芒格生前曾總結為何會買錯巴巴而招致巨虧,就是錯把巴巴當作是高科技股,及後才發現巴巴他媽的只是一隻電商股.我炒開的匯量科技同第四範式,逢跌必買,好快就會升番,又有快錢賺.近期A股同美股都熱炒Al眼鏡,港股都有已升左好多,冇物磚家識的人工智能眼鏡股,我本身都冇買賣過,但認識的股友高手中有人買,一上市就買,越升越買,上市2年已升左4倍,今年都升左2倍幾,升的途中有起有跌,又係有足夠波幅像1860同6682般上升,呢隻股就係2276康耐特光學,唔係推介叫大家買,只係讓大家知多d野而已.

内地散戶不惜以溢價10%搶買港股通高息ETF

 今日多隻港股通央企紅利ETF不是升停,就是升到出現溢價4至10%,呢批紅利高息ETF大部份都是買在港上市的H股,十大權重都是三桶油,中移動,内銀,中遠海控,東方海外,神華等穩定派高息的中特估,預計每年息率都有6至7厘,好過買十年國債得1.7厘,再加上不是每個内地散戶都有50萬去開港股通買H股,又唔駛諗買邊隻中特估好,這批ETF幫你買齊,再加上這批ETF可融資買入,即係本身唔夠錢買甘多,以2厘幾到3厘向銀行或証券行借錢買入收6至7厘息,賺息差,出現爆倉被斬機會極細,一來中特估大跌或腰斬機會近乎零,要所有中特估一齊大跌更是冇可能,就算出現一隻半隻出事,會被剔走換上另一隻高派息同安全的頂上,基本上是無風險的國債高息版.另外一些港股紅利ETF,除左主力買入高息央國企外,還會買非央國企的港股,大前提是一定要高息同不會不派息,如我早前提及的513820,標榜個個月派息,面世半年,已派足6個月息,買入者半年已收左近3厘息,呢類ETF也是大受歡迎,個個月有錢回籠.呢隻513820上星期已將17新世界剔走,唔知何時至會派息的股份一定冇得留低,另一隻被剔走是電能,可能嫌佢派息唔夠高又唔慌會増加派息,轉而加入匯豐,中遠海控.並大買1919令其成為最大權重股,佔10.2%,成隻ETF得30隻股份,一隻已佔10%.有些人一世都唔會買中資股,只買本地公用股,地產股來收息,但所買的股份一樣會受内地資金影響,這些港股紅利ETF只會越出越多或増加發行量,若你買的本地收息股有幸成為他們的成份股,若日後因各種原因減派息或長期都係派甘多冇増加,隨時會被其他増派息的央國企取代,龐大的沽壓就會出現,股價跌持有者都唔知發生物野事,17號仔上星期斷崖式下跌,1919狂升,唔多唔少都同内地資金走向有關.

今天投注注項

 注項1 狀况編號投注類别細節 注項已被接納 8528  金額 位置Q過關5X15 跑馬地星期四位置Q過關5X15  第5場6經典時代拖1赤思雄風+2爆笑第6場3觀天下拖8幸運傳承+10五福星第7場6紈百川拖4君智盛+5相映紅第9場7美麗緣分拖2家樂龍駒+4晨曦儷人第10場1駿奕快車拖5 太陽勇士+11財鴻星$2.40/50(靈活玩)  $120.00  總投注金額:$120.00  上次只收得30.5元,最新結餘跌穿1000元,得番928.5元,祝自已好運,快d上番1千大關.

上證今早輕微上升

 昨天A股跌左唔夠1點,升的全是連升多日的高息紅利股,微細盤更大跌3%,下跌股份多達4400隻,喜愛以小博大買細價股甚至垃圾股的内地股民,無不罵聲四起,說這是甚麼牛市,都蝕到入肉,升來升去都是為數不多的高息股,甚麼内銀,三桶油之類大升之時,就是散戶受難的日子.冇法例唔俾你買中特估,也冇法例唔俾中特估大升特升,只是大部份老散都喜歡短期致富,喜歡追逐短期以倍計升幅的股份,微細股並不是全部都係垃圾,但好的一定少過垃圾股好多,微細股大跌時,好的微細股也會被錯殺.當局為左穩定股市,也不會任由微細股一直下跌,跌得太多太急,又會出來降溫,例如早前市場預計25年會有大量垃圾股被迫退市,當局又會出來降溫,說其實並沒有那麼多公司會消失,一切依法辦事,要走流程,有一年時間讓他們改善以符合上市資格.今早微細股開始止跌回升,指數下跌壓力大減,故此不用再浪費子彈拉升中特估,讓他們輕微下跌,大都跌幅不足1%.要令散戶改變投資模式,都要適時讓細價股有反彈,讓想轉投高息中特估的散戶有機會套現,才有錢買中特估做耐心資本投資.散戶的投資風格也會慢慢跟隨國家意志而轉變.很多長年輸錢的散戶開始反思,在A股6千點買入的股份,持有到現在輸到近乎歸零,相反在6仟點買工行,A股跌到3千點已返家鄉唔駛輸,到現在A股只是3400點時,股價已倍升,不禁懷疑多年來追漲殺跌,不停累積經驗,又努力學習炒股技術,到頭來都係不斷輸錢,莫非真是慢即是好,要跟國策做耐心投資者,利用分紅和與時間做朋友,慢慢變富.但大部份資金不多的散戶去股市都是想一夜暴富,升得太慢他們又不高興.

躺平變躺贏

很多買高息中特估的人,初心都是只求長期每年有 4至5厘股息收,不求即時發達,但求能跑贏通賬,又有不斷的現金流供日常生活開支和進一步投資,希望以年計,最好儘快透過收股息收回持股成本,任務完成後,持有的股份就成為永世資產,一世都為你搵錢,大前提是這些股份永遠不會倒閉,中特估就有這種特性.老一輩的股民,很多都揸左内銀股十幾二十年,不管是最高位買或是在低位買,全部都已是零成本持貸,股價升太多反而唔多開心,不能再用低股價複投,儲多d股份.最高興的應是呢幾年才買入内銀抱長揸心態的人,收左幾年高股息,股價又慢慢升,持貨成本已大減,今年内銀好多隻都升左5成,升幅變相等於提早收左十年股息,若計埋過去幾年股份所收股息和股價升幅,都有超過1倍回報,想繼續躺平者,大可沽出一半,剩下的一半全是不需成本的股份,可永世為你帶來股息收入,稍有大志或野心,會繼續攢股即儲股,不需用新増資金,只需用收的股息趁回調買多些股,假以時日,你就算不是大富貴,都肯定衣食無憂.世界已變左,場景也變左,今時今日你揸住幾層未供完的樓,又在私人機構高薪厚職,就是高危一族,根本就談不上甚麼中產,窮L就有份,一旦被大幅減薪或裁員,樓又供唔起,就會一夜返貧.相反一些打份最低工資甚至工都唔返的人,但手中有大量唔駛成本的高息中特估的人,收的股息都駛唔哂,傳統觀念會覺得呢班人冇上進心,冇前途,但若有女想嫁出去,你會揀邊款做女婿?

4大内銀A股繼續狂升

 港股休市,A股照常.宇宙行工行3.3%,其餘中建農升幅都在2%以上.外電話中國25年會發3萬億專項債,其中部份用來増加4大國有銀行的資本.内銀極大可能成為跨年最牛的股,有花生友話單看工行的logo,就知是跨年妖股,2條蛇型狀並年,最下方明顯見到25,明年是蛇年,又是25年,一定是大升妖股.甘都得?香港的甚麼蘇師傅,玲玲師傳,7師傅點解算唔出?

過去3個月北水沽左1.2億股美團,買左25億股建行

 北水真係醒目,專割香港老散韭菜,美團已俾北水沽足3個月,但本港散戶深信恒指升,ATM一定升得特別多,大量磚家都係甘樣講,的確3690是急升過,大量香港老散高追,越升得多,北水就沽得越多,俾哂d貨你,升得快時跌得也快,好快打回原型,冇在高位走或走唔甩甚或在高位追貨,皆因睇圖確認他已形成上升軌等看似科學的理由,換來的後果就是股價下跌30%,北水沽左百幾億貨,食到飽哂,接左貨的韭菜唯有寄望現價升多4至5成才能返家鄉,或是錢多有9981注,不斷溝貨,總會俾你買到最低位,跟住拉勻唔駛蝕住走,資金流向完全可影響股價的升跌,一隻明明落緊山的股份,千萬不要跟大圍買,就算係好平,你買在半山腰,跌落谷底,一樣會跌死你.相反一隻上緊山的股份,正慢慢向山頂進發,資金不停買入,你就不妨跟住行,必有收獲,建行過往3個月都不是日日大升,時升時跌,多數每日升少少或橫行唔郁,磚家多數會教你等回到某個位才值得買,到真係回到某個位,磚家又會下調買入價,結果永遠都買唔到.數據永遠不會呃人,資金流向的趨勢大都能反映日後股價的走勢,順勢而為,取勝率至少9成以上,若資金在收集股份時,股價下跌就更好,可買到更平的貨.

平保已持有15%工行H股,5%建行H股

 過往内險持有股票比例甚低,法例規定不能超過30%,但内險揸股票連10%都唔夠,主力揸債券,平保過往大量持有内房高息債,出左事後,搞到股價腰斬再腰斬,再加上不是央企,不受制約,幸好中央出指令要央企内險多買高息中特估作長線投資以穩定股市,各間央企内險已早一步紛紛買入高息中特股,包括在港上市的H股,如此氛圍下,平保也要跟隨,越買越多内銀股,已増持宇宙行工行H股至15%,939也増持至5%,工行年頭至今升左45%,建行升左50%,持有9.2%的匯豐則只升了31%,單持有這三間銀行已令平保獲利不少,雖然平保近期股價升幅不多,若繼續持有或再増持高息内銀股,稍後股價才有較大升幅.我懷疑近幾日北水持續大手買入建行和工行,有部分資金來自平保.

半日市,北水仍淨流入52億

 淨流入都離不開工行,建行,中移動,中海油,小米,微盟,中蕊,流入金額以億元計,淨流入金融少的有騰訊,4千萬,巴巴升交大,但只淨流入2千萬,反映資金已不是一面倒買入,有人趁反彈逃生,最慘是美團,俾北水沽左6億幾元,都數不清俾北水沽左多少日.北水買港股,主要都是買高息中特估長擺,金額佔絕對多數,少數就買從不派息的成長股,賺取大額的價差,如小米,中蕊,微盟,前2隻已升了好一段日子,已贏到笑,微盟2013最近幾天才狂升,個個磚家都話一兩日貨仔,一定大跌,但在北水作主導下,今天又升3成俾你睇,撐死膽大的,餓死膽小的.一點都冇錯.

未來股王宇樹科技

 一間由一名90後叫王興興的年青人在2016年杭州成立機器人公司宇樹科技,已是四足機器人即機器狗的世界龍頭,制造出來的機器狗佔全世界市場份額7成,而人型機器人隨着Al的快速發展,在8月份的世界機器人大會上,王興興已表示技術已有重大突破,年底已可量產,並希望全球機器人公司加把勁,相信具人性化的機器好快會出現,能做更細緻的工作,可能是美國公司也可能是中國公司,謙虛表示自已不是醫學專家,不是神經原專家,但相信腦接機,把神經原接入機器人中或人類部份皮膚中,都可大大増加輸出和工作效率.最恐佈的是此公司今日更新了機器狗的最新功能視頻,機器狗會造湯馬斯迴旋,側空翻,360度轉身,飛越2層半高樓房,在水中滑行,甚至一個成年人騎在機器狗身上都可平穩疾跑,真情是變型金剛的現實版.因此,今天A一眾寧樹科技供應鏈全部漲停,寧樹科技並沒有上市,好大可能以後都唔會上市,像華為般,創辦人是個機器人痴,自言幾歲時已不時思考機器人與人類的關係,是個天才,中小學已識用小幾百元成本制造機器人橫掃各類大獎,得到幾萬元獎金,若此公司上市,必是股王,但創辦人一定唔會為錢而上市,為的是心中個團火和夢想,國家肯定會大力扶持此類真科技公司,此類遥遥領先的高科技公司,美國非但不會制裁,反而會大量進口,連美國國防部都買來作軍事用途,有影片曾顯示美軍曾在宇樹制造的機器狗上發射導彈的軍事演習片段.

長期破淨又有盈利的央國企前景仍然一片光明

 4大内銀長期破淨,9成内銀股都是破淨股,偏偏内銀版塊在A股是升幅最多的,年頭至今平均升4成以上,但要市賬率PB去到1,仍有一定距離.1800中交建由2個幾升到現在5個幾,仍是高低位PB,若是能提升PB去到1,股價最少要升多一倍,市賬率升到1不會一講就做到,慢慢升,股價同樣會得益,不久前即國資委重申要央企増強市值管理,解决長期破淨問題,1800都係5蚊左右,今日已是5.5元樓上,慢慢升,又升左10%.另一隻聽教聽話,自動自覺,過去一星期不停創歷史新高的811新華文軒,我揸住佢都唔知佢為何大升,到今日看到佢收市價先至恍然大悟,今日的收市價剛升到PB為1,不再是長期破淨,已達標,只要盈利持續上升,股價還有上升空間,若盈利冇増長或倒退,又可透過加大派息或回購來穩住股價,令股價不再破淨.講起都好笑,今年升得最多的央企牌塊,航運,石油,内銀,正是磚家門大聲疾呼要小心,唔好買,有周期性和不確定性,1919中遠海控升左72%,中海油升左53%,4大内銀升左3至4成以上,百無一用是書生,不買股只憑紙上談兵,又唔好好學野,只靠過往的經驗,祖師爺教的個幾招來指指點點,呃口飯食,真係唔好信甘多,要獨立思考,或是當他們是燈,跟他們反向操作,會有意想不到的彩蛋.

四大内銀A股今早全創歷史新高

A股内銀持續上升,H股豈能不升 ,A股十大市值最大的股份,全部都是高息股,全部上升,市值最大的20隻股份,除左從不派息的中蕊下跌外,全部都上升.大方向已經好明顯,在十年國債得當番1.7厘情況下,高分紅的紅利股,特別是破淨的中特估,會變得更稀罕,會受資金追捧,國内老百姓的存款多到不得了,一定要找出路,觀念也開始改變,追求長期每年有4至5厘回報的股份,股價升唔升也不是考慮因素,只要能穩定派息,不斷儲股,内銀股等高息中特企是好的標的,若股價升得太多,就會轉買股息多的H股.内地一般人的收入每月都是幾仟蚊,若有2百萬,買每年穩定有5厘回報的股份,一年就有10萬蚊股息收入,就算冇200萬,透過收息儲股等段,儲夠一定數量股份,每年收10零萬股息不難做到,到時完全不用怕失業,怕被栽,中年危機等問題,完全有躺平的能力,用2百萬換一份冇年期期限,冇退休又唔駛做,年薪有十萬的工作,非常划算,除左大到不能倒,又具壟斷性,穩定派息的央企,其他股份好難找到.

明年1月1日新國9條正式登場,大量垃圾股會退市

 今日内地高息中特估大升特升,但有4800隻股份下跌,200隻股份跌停,微盤指數大跌7%,近幾個月細價股,越蝕得多的股份升得越多的日子已開始倒數,隨着新國9條實施的日子越來越近,資金好自然會提前流往高息中特做股份中去.第一大宇宙行工行的H股,今天升近5%,不必太過驚訝,皆因A股工行創歷史新高,市值大升,H股跟住大升,只是不讓AH溢價進一步拉濶,若H股原地踏步唔升,邊有甘好的事益北水老散.

A股4大内銀全創歷史新高

 2022年,不少内銀股曾創歷史新低,見跌看跌,磚家不斷看淡,努力尋找會跌的理由,三年光景,由歷史新低到歷史新高,敢於在低位買入並長期持有收息,這才是真正的價值投資,不是每種股份在低位都會大幅反彈上升,若投資者過去幾年把本港地產股當作價值投資,明明買錯股,判斷錯誤,死不悔改,天天拿地產股估值如何便宜,甚麼隨便賣些資產就高過市值,痴人說夢,但這些人只是打嘴砲,既然甘好,揸住d千年蟹貨又唔見敢溝貨,若無知的人相信,全程投入真金白銀不停買入,相信已變左窮光蛋.正所謂誤人枉自說聰明,活在過去,一本通書看到老,這些人的言論,多看無益,用内地的術語,見到一律拉黑.其實中特估升甘多全靠北水流買來長期收息,護城河極深,唔相信央企或看不過眼,何不打不過就加入,越早加入越好,豐厚收益越早入袋.

939創3年新高,一早買左中特估的朋友冇得輸

 中央講明要穩住股市,慢牛式上升,3桶油,4大内銀,中移動等呢十兄弟只會升不會跌,中間自然有升有跌,但下跌幅度有限,跌完又會升番,這批股份不是俾你炒上落,是用來收息兼賺股價上升,早買早收股息早享受,冇貨就只能等股價下跌才買,但真係跌時,多數人都唔會買.本港一大批磚家成日話内銀危險,壞賬多,派息隨時大減,物野位都話高,叫人唔好貪息,真係要買都要等除得後至好買,結果係一世都買唔到.英國黃講左幾年内銀唔可以買,有好大風險,最近都轉呔,見升睇升,見内銀今年升左甘多,又話内銀重有上升空間,真係得啖笑.

早段A股内銀股大升

 4大行中,工行創歷史新高,升2%,中建農接近歷史新高,中移動揸左好多的浦發銀行也3%.H股4大内銀點可以唔跟,再加上接近除淨中期息,手上有内銀的朋友,今年可算大豐收.

今天投注注項

 細節 支出 位置Q過關5X15 沙田星期日位置Q過關5X15 第2場 2至尊高超拖3準輝煌+ 14加州活力第3場 2衝上雲霄拖3千杯敬典+ 11鼓浪好友第5場 4熾烈神駒拖2開心樂園+ 9勤德俱備第7場13鐵金剛拖6展雄威+ 7糖不甩第8場 13健康快事拖1開心寳寳 +  5友愛心得$2.4000/50 (靈活玩)  $120.00  上次收得9.5元,最新結餘正1018元.

衛詩雅的努力終有回報

 以不日成婚1,2的班底加上黃子華,Hello文造就了大獲好評,橫掃全球,破哂票房紀錄的破地獄,令女主角衛詩雅成為亞太影后,之後的香港金像獎最佳女主角非她莫属.過去很多人唔認識衛詩雅,成日搞錯衛詩,連詩雅同衛詩雅,以為係同一個人.衛詩雅拍左16年戲,今年都40歲,過去默默無名,直至拍不日成婚1同不日成婚2,與新晉導演陳茂賢才多些人識,班底全是香港演藝學院的畢業生,唔靠大明星,接哂地氣,全部貼近香港地道民情,仿佛都在講每一個人身邊發生的事,不日試婚2中,衛詩雅一連串流利港式粗口令人印象深刻,更令人會心微笑,一個久被壓抑控制唔到情緒的中年港女一旦爆發起來,真係會是這樣的,日常生活中經常發生.今次破地獄中,同樣貼地接地氣,同樣有衛詩雅講粗口,但係是含住淚講,哥哥為左有讀得好書能力的兒子,决定移民拋下中風的許冠文不顧,自細覺得父親重男輕女唔錫自已的郭文玥含淚向哥哥講一句,郭志斌你好L自私.唔想劇透甘多,未看的快d去看,但記住帶紙巾抹眼淚.其實冇話邊個啱邊個唔啱,每個人都有自已的難處,唔係死人先要破地獄,生人都有好多地獄要破,最重要係珍惜眼前人,不要讓過份執著和不甘心纏繞一生.講番衛詩雅,據稱她是證書王,知道演藝生涯冇保障,隨時窮死一世,得閒時不停考各種牌照,各類車牌,導遊牌,拯溺牌,甚至船牌都有,為左追夢,學多d野防身,先有底氣等機會,要十年磨一劍,名揚天下,都要首先餓唔死自已.個陳導演年紀不大,但經歷同樣不一般,初出道時為揾食學人寫馬經,後被王晶招攬為编劇,拍埋d通俗片,勢估唔到經多年磨練後,竟可拍出破地獄如此高質電影.另一樣好笑野,Hello其實是粗口,但太過粗俗,香港人應該明的,下次想講粗口,大可講多幾句hello代替.

北水今天淨流入16.32億,狂沽盈富獲利

一如所料,北水把昨天趁低買入的2800,2828等沽出大部份,賺2%上下,看似不多,但勝在買得夠多,一個月起碼執幾轉,山大斬埋有柴,一年計其實贏好多,直頭當盈富係人肉提款機,港股上落市,跌得多佢哋又會出來買2800穩住大市,升多少又食胡等下轉.但今天北水仍淨流入16億,皆因狂買700同2013兩兄弟,加埋相關概念股東方甄選,另外又喪買中蕊,淨流入還有中移動同小米,941已連續好多日淨流入.被沽得最狠的輪到阿里巴巴,淨流出近10億,全部都係蝕住走,有800億元蟹貨,重有790億貨唔捨得走,可能要等反彈輸少d或平手至肯走.巴巴後市都唔慌會大升,大把蟹貨等住反彈就逃生,北水是機會成本的忠誠執行者,與其浪費時間同金錢在一隻升市佢升唔多,市跌又跌得多過人的股份,倒不如趁勢追逐一些短期會有大升幅的股份,如2013微盟,昨天和今天加埋,股價升左60%,且不論下星期會否持續升,若在昨天才跟勢追入,怕死唔敢揸甘耐,今日沽出,起碼都有3成利潤,風浪越大魚越肥,心口有個勇字,不瞻前顧後,昨天低位買左又唔走的話,下星期隨時會有一倍以上回報,老散的通病是敢輸唔敢贏,買錯股,股價持續下跌重攬住當係寶,幻想好快返家鄉.有幸買左隻好股,贏少少就走都走唔切.

習主席要澳門多元化發展,不能單一發展

 博彩企業長線一定冇運行,轉型旅遊休閑轉得快的博企會得益,澳門已成亞洲展覽中心而非香港,演唱會也如是,又強調要加強法律管治,既有的地方財閥已不能為所慾為,某些過氣香港財經大鱷相信再不能和不敢踏足澳門搵食.習主席說澳門是中國的的掌上明珠,是否講說話俾香港聽,澳門聽教聽話,加上人口結構已極度内地化,三分一至一半人口來自福建,澳門未來的經濟規劃已在中央的掌控之中,融入國家的戰略發展任務中去.要成為全球葡語系國家的窗口,其餘發展高新科技,中藥,旅遊之都都是指定動作.甘香港的定位是甚麼?相信只剩下金融這一塊,順便一提,内地大力嚴控垃圾公司IPO,今年上市集資得幾百億,而至今約有20間A股公司申請以H股形式往香港上市,大部份是股價已腰斬但市盈率仍非常高的大型民企,部份重係指數成份股,但隨時會被剔走,如賣醬油的海天味業,股價由百幾蚊跌到而家40幾蚊,市盈率重講緊40倍,都要來港上市,另一間寧德時代,股價已腰斬再腰斬,都要來港上市,集資50億美元以上,要再靠不合理估值再大幅拉高股價引散戶入坑再割韭菜圈錢,此法在内地已行不通,除左股民精明左,政府也看得好緊,冇法可施唯有去香港這個大賭場,各方資金薈集,你情我願互相博弈,風險雖會轉來香港,但都非壞事,香港只是提供交易平台,從中抽水,國際金融中心其實同國際賭博中心冇分別,邊個做到國際金融中心就必要豐厚回報,你可曾聽過開賭檔的公司會蝕錢,會執笠.

東方甄選宣布已進駐微信小商店,股價立刻大升15%

 騰迅送禮物呢招,殺傷力好大,單看巴巴同騰訊的股價表現,已是冰火二重天,差天共地,更唔好講升到飛起的微盟,北水已贏到笑,昨天28億元成交,就算昨天下午才跟風追入,都贏到笑.我心愛的幾隻北水喪升愛股,仍然未炒完,依然有足夠波幅俾人炒,逢跌就買,好快又有錢收,上上落落,根本冇物跌過,隨時又創新高,我只能說6682,1860真係好好炒.講番騰迅送禮物,可能會改變整個電商平台的生態.當年馬雲在支付寶一統天下時,可能看得金庸武俠小說多,以為自己是武林盟主,話站在高處攞住望遠鏡都搵唔到對手,同年騰訊憑着送紅包在春節假期逆襲成功,令微訊支付完勝支付寶,當時馬雲重係口硬,話送紅包只是偷襲珍珠港,最終支付寶必勝.東方甄選都係靠電商生存,過往靠網紅帶貨,現在就靠微訊小商店,送禮物給朋友會傳訊息給對方,等對方確認,填番收貨地址,及相關資料,如呎碼,顏色等,9成9不會有在電商帶貨中的大量退貨問題,你係商家,都會揀入小商店,騰迅又可靠大量商家入駐小商店,令流量大増,廣告收益大増.今日9988曾大跌4%,相信大量北水老散同私募基金選擇止蝕離場,掉轉買翻700.

北水今天大舉淨流入146億元

 有過半是買入2800,2828等指數ETF,今早恒指大跌2百幾點時狂買盈富,到收市時北水已有盈利,明天若又升百幾二百幾點,北水又會食胡,如此熟悉的情况過去已出現無數次.今日港股通十大成交的股份全是上升的,買得最多的是中移動,騰訊同佢條靚微盟.

騰訊出絕招可秒殺巴巴京東

 很久之前,騰迅都有搞QQ網購,但不成功,故轉而入股京東,之後退出,及後更支持拼多多,利用微信把流量引入友軍,自己則不斷吸納商家入駐微訊小商店,昨天騰訊終於出絕招,發起送禮物行動,龐大的微信使用群,可透過小商店選取所需貨品,付款後,㩒2個制,就可向同是微信使用者發送禮物,禮物價值不能超過一萬元,珠寶首飾同教培課程不能送外,物野都可以送,此舉定必吸引大量大小商家入駐,不必再像過往被迫内卷,一味鬥平,俾網紅靠電商帶貨,大部份盈利就俾網紅同平台營運者榨乾,將貨就價,劣質貨少不了,造成惡性循環.如今好了,明碼實價,冇劣質貨,過時過節或有特別社交,送禮物俾至愛親朋,總不會送人家9個9的劣質貨吧,甚麼春節,情人節,中秋節,商家肯定會借機大搞噱頭,如中秋節的愛心月餅,情人節的第一杯冬日㗎啡等,收左禮的人通常都會回禮,又可發朋友圈炫耀,甚至嫁娶送家電都重得.當年支付寶獨霸天下時,騰迅都係靠送紅包呢招反勝支付寶,如今都是同一套路,但已改變好多固有的東西,如新年派利是,在手機發個紅包就搞掂,唔駛周圍去拜年.現在巴巴,京東定必縮在一角瑟瑟發抖,諗緊如何應對,本已有強敵在旁快招架不住,如今又多隻大老虎出來爭食,若一定要在騰訊,巴巴,京東揀一隻來買,只能買700,其餘2間隨時會消失.

微信小店概念股A股急升,帶動騰訊上升

 下午700一度升3%,旗下騰迅概念股如2013微盟,中國有贊等大升,微盟更大升40%,成交大増10幾億,多數又係俾北水掃高.而市傳蘋果正與騰訊和字節跳動合作研發人工智能大模型,以期整合在日後銷往中國iPhone中,冇左中國市場,蘋果會好大鑊,國產手機隨時可取代.騰訊對傳聞不予置評,但市場資金不理消息真假先把股價炒上.

内地正審議反不正當競爭法,加強監管網上平台經營者

 内地快將推出促進民營經濟法規,講白d,其實是想扶持大量中小微民企有能力生存下去,不會讓大型民企壟斷市場,今次先通過反不正當競爭法,講到明要強化商業賭賂的治理,加強監管網上平台經營者利用數據,算法等手段在網絡上進行不公平競爭,如早幾年巴巴用2選1據大自己的市場佔用率,及後被當局重罰並取消不公平條例,新例他日出,巴巴,京東,美團等必定好大鑊,騰迅反而冇影響,因它主要不是做電商,現在網上電商平台不斷増加,地方政方開的更多,主要是幫農民銷售農產品,免受大電商平台從中榨取利潤,増加農民收入,農民收入多左,才能成為内需的新生力軍,現在幾乎年年都把振興農村經濟擺在重要國策入面,又大開番毛主席時代的供銷社,讓農民能買平貨,又能以合理價賣出農作物.電商平台想發圍只能靠出海,往海外闖,拼多多和字節跳動就是成功例子,美團成日話擴展海外,但到頭内只是能插足同是國内城市的香港,京東同巴巴更是自身難保,能保住國内市佔率已要還神.

今天北水淨流入20億

 買得最多的又是941.其餘883,939,小米,平保排頭5位,5隻加埋淨買入11億,沽就沽ATM3隻,美團又係俾北水沽得最狠個隻.9月份,巴巴納入港股通,北水散戶同部份基金大舉建倉,股價曾升到110蚊樓上,北水建倉買左800億元,持股4點幾巴仙,呢800億相信9成幾已艇左,被套住,今日收市價同納入港股通首天的收市價相差冇幾,之後的升幅全部冇哂,這段期間買入9988的北水應該全部中伏,現在不再是買買買,一反彈就會沽貨逃生.

中交建1800升左甘多,PB還是在低位0.3

 1800明顯有資金追捧,成交近3億,是平時的10倍,都係見佢PB現價都只是0.3,若升番上0.6,股價還有倍升可能,其實此股由2個幾3蚊升到現在5個幾,期間重要收左0.48元的股息,包括已除淨的中期息,已獲利甚豐.平時常俾人笑唔識升的基建三傻,超平都冇人買,d所謂磚家話低PB已低左好多年,要升一早就應該升,唔會等到而家至升,所以唔會買呢d廢股,看似好有道理但全是一派胡言.

今天投注注項

 注項1 狀況編號投注類别細節 注項已被接納 8201  金額 位置Q過關5X15 沙田星期三位置Q過關5X15  第2場2神駒馬靈拖6天時明駒+10星雲浩騰第3場7皇龍飛将拖2獵寶勤+11火神神樂第4場1郎善好施拖4智跑得+7超加加第5場2超旺財拖6天威+ 13一鹿歡騰第7場8德心知遇拖1舞林密碼+6包装伯樂$2.40/50 (靈活玩)  $120.00  總投注金額:$120.00  完成 上次中2關,收番74蚊,因太熱收不回成本,都叫做有進步,今次都係買120元,最新結餘正1128.5元.

四川三寶升唔停

 倉中3隻四川省央國企811新華文軒,3618重農行,107四川成渝高速,三隻都係長期破淨股,3618同107超高息,新華文軒今天創歷史新高,11個幾,1年前都係6個幾,升到8蚊還持貨的投貨唔沽貨的人才是大贏家,重農今天除淨提早收中期息,股價還上升1%,未期息加埋今次中期息,一共派左50仙以上,過去3年股價同派息一直升,由2個幾升到而家4.2元,揸3年連派息基本已翻倍,另一隻公路股由個幾升到現在3個幾,單股價已升翻倍,重未計收左的股息,去年開始派息比率已升到60%,承諾會維持3年,現價重有近8厘息,中央要求央企要増加派比率,來年可能唔止派60%,加上公路收入穩定,盈利只會有多冇少,107A股唔升,H股就升,可能是估值太低,加上A股成渝公路天天一格上落,散戶冇人有興趣買,成交極少,.2個央企大股東揸左近9成流通股份,這反而是好事,冇遊資同老散炒作,可以安心收息,就算一星期只升一格,一年都可升十幾個巴仙,若PB太低要市值管理,來一兩個漲停就可令股價有可觀升幅.

繼續跟北水炒當炒愛股,天天收錢

 又係1860,6682孖寶,跌就買入,翌日高開5至6%就走,任務完成就收工,等下跌再買,繼續吃喝玩樂,做鐘意做的事,昨日升上51個幾的1952唔走,今日跌穿50蚊,一d都唔担心,一來買入價極低,二來看好佢前景,讓子彈飛多一陣,同樣狂升過後跟住回番10個8個巴仙的2498速騰聚創,553南京熊貓,今日一度升超過20%,趁回調買入,d錢係甘跟住你,我相信北水都係逐隻輪住炒上,1952創新高後輕微回調後,我相信好快又會大幅上升,同類的北水愛股還有2121,3936等等,買唔到甘多隻.主力都係長揸一大堆高息中特估,在有大幅盈利底下唔做短線T,以防賣飛買唔番或用更高價買番,同自已同錢過唔去.

北水今天又狂買中特估

 北水今天淨流入79.72億,買賣都是個股,指數ETF唔見影.買得最多又是近期例牌孖寶941同883,另加2隻内銀建行工行,建行買左8億元,工行買在4億元,其餘買得較多的中特估有中興通訊,神華.沽得最狠的一定係美團,十幾日前市監局出左個將會監管外賣浪費食物政策,美團就一直跌唔停,奇怪是本地財經媒體提都唔提,又是選擇性提供資訊,報喜不報憂,另一隻就是小米,升得太多,北水都要計數獲利離場.

國資委又再出聲出招提振央企價值

 國資委管理98間央企,連埋子公司,上市的有幾百間,内銀内險則除外唔歸佢管.港股收市後,國資委公佈左一系列提升央企管治的要求和方法.除左賺多些錢上交國家外,最重要有以下幾點,第一要高度注重小股東的權益,做好市值管理,盡力回饋股東,下令要増加分紅次數,増加派息比例,讓小股東能安心長期持有.第二高度重視長期破淨的央企,破淨意思是PB低過1,就算年年賺大錢,但股價太低,要相關央企向外公開提高市淨率的方案和可行性,說白了就是股價太低,一旦提升市漲率,股價就會對應飛升,股民也會願意長期持有.要穩住股市甚至上升,這批央企會擔當重要角色,大前提是這批股份不能大跌,要長期保持上升態勢.目前PB只有0.3的央企已買少見少,低過1的還有一大堆,股價不需升到PB去到1,就算PB升一倍,股價都有排升.就算你持有的央企的PB已超過1,如中移動,中海油等,只要盈利有増長,PB會下降,股價一樣會升,就算盈利冇増長甚至下跌,他們都會用市值管理穩住股價,最重要是保持長期派高息,買入中特估最主要目的都是可持續性收息,股價穩中有升已足夠.大賺或小賺則視乎你是低位買入或高位追入同能長期持有,結果都是一樣,有賺冇蝕,早些買又是平買的,就會早些達到目標.呢幾日刷到一段抖音小視頻,一位母親問幾歲大的兒子中國有哪些公司永遠不會倒閉,兒子答是一鐵,二網,三線,四行,三油.一鐵是中國鐵路,二網是國家電網和南方電網,三線是中移動,聯通,中電信.四行是工中建農.三油是中海油,中石油,中石化.以上公司全是壟斷性央企,能長期生存同派息相信是共識吧.呢2日恒指不停陰跌,但中特估上升,相信不少春江鴨或有心人已提早入市,買定貨等派彩.

阿里巴巴又賣蝕本貨,出售銀泰百貨給服裝公司雅戈爾

 當年以200億人仔買番來的銀泰百貨,蝕錢多過賺錢,今日宣布會以70億至80億人仔賣給A股上市的雅戈尔,巴巴預計此舉會帶來93億人仔的虧損,巴巴買入的公司9成9都係蝕大錢的,賺錢全靠淘天,若電商生意被拼多多,抖音打殘,此艘大船必沉無疑.現在痛定思痛,不斷賣蝕本貨套現,用來頂住淘天,同對手鬥卷,之前揚言甚麼分拆六大業務獨自上市,全是笑話,根本就冇人會買分拆出來又冇錢賺的業務,所以好快就變臉,拿拿臨賣哂d蝕本業務,集中電商業務,力求保住領導地位.至於新買家雅戈尔,主業本是做紡織和時裝零售,但也涉足投資,賣出寧波銀行賺左200億,沽出中信證券又賺左百幾億,又低價買入養老園區,現又進入銀髮經濟的收成期,錢多到唔知點駛,今次用70億買銀泰,小菜一碟而已,近月俾名創優品入股的永輝超市,股價已升左1.5倍,只因引入胖東來成功的經營形式,敢於創新,客似雲來.之前的大股東京東就完全唔掂,唔識做實體店生意.且看雅戈尔接手的銀泰百貨能否起死回生.雅戈爾是少有派息慷慨的民企,是高息股,股價又是上升趨勢.

雲頂新耀1952破多年新高

 昨天1952已試衝50蚊,但差2格才達標,之後曾大幅回調,跟住又回升,全日升少少,我冇被佢嚇走,一日唔到50蚊都唔會止賺,今早目標已到,但都係繼續貪下去,放下紙鳶先.

A股央企十兄弟全部上升,穩住A股

今日A股的4大行,3桶油,長江電力,神華全部升幅在1.5%以上,2%以下,升得最多的是中移動,升左3.02%,報112.15人仔,折合港元近120元,941今天僅升左1%多d,75蚊都唔夠,當局講得出要穩住股市,呢十兄弟自然要拉升保指數,但呢10兄弟股價已升左好多,息率也因股價已大升而變低,有貨的人受影響不大,冇貨或想買多d貨來收息的唯有買平到震的H股來補數,今天北水淨流出3.87億,但淨流入買得最多的3隻個股是941,883,939,三隻淨流入15億元,單一隻941已淨買左8億元,就算要俾28%股息稅,75蚊加多3成,成本都係90幾蚊,有成20蚊樓上溢價,AH股都係收同樣金額的股息,買H股一定收多好多股息,若A股中移動持續上升,941冇可能唔升,重係甘平任北水買,點都會升番多少,避免拉濶溢價.呢批高息中特估,根本唔駛担心股價會大跌,一跌或唔升就有大把北水落來搶錢,大買特買.

内地散戶至愛港股通紅利30ETF513820

 内地有大量港股通紅利ETF,越出越多,全是買港股中的高息股,其513820在今年5月上市,標榜個個月派息,一年派足12次,過去已連續5個月派息,在股價升左的情況下,現時的息率已達7.1%,未來可能更高,他主要是持有30隻高息港股,以派高息為目的,三桶油,中移動和中國神華為權重股,為了保持高派息,不時會調整成份股,12月13日,已剔走8隻和新加入8隻,剔走陀衰家兼唔派息的新世界發展,其他包括電能實業,海螺水泥,兗礦等,新增的有匯豐,中遠海控,兗煤澳大利亞,北控水務,中交建等超高息股.17號仔因股價大跌而變成高息股,但好快就原型畢露變左冇息派的垃圾股,不知在6個幾話已跌冇可跌,可撈底一定會大反彈的磚家有何感想,今日好似跌到5個幾,面對大量國内國外ETF的剔除,股價再大跌的機會好大,何必浪費時間在這種股票上,同錢過唔去. 呢隻513820,除左更換成份股外,更變更十大權重,現前5大權重,最大的是中遠海控,10.5%,第二是兗煤澳大利亞,8%,第三是東方海外,第四是中國神華,第五是中海油.其餘25隻都是佔2點幾至3%權重,呢隻專注派高息的ETF,派息唔夠多都入不了圍,今日隻兗煤澳大利亞大升近5%,可能係呢隻ETF沒買夠貨建倉,1919呢排日日升,除左公司不停回購外,可能同多隻港股通高紅利ETF列為成份股有關.

高息中特估又展升浪

 站在收息角度,其實不想這批股份不要升得太多,最好係甘意升吓就好,股價跌自然有投資者趁低吸納,再加上中央要求央國企要做好市值管理,股份下跌風險極有限,若聽教聽話,大幅增加派息,這類股份會吸引更多資金泊入.今早我倉入面4大天王,941,883,1088,836全部上升,升幅1至2%,年初至今股價升幅連埋派息,都有4至5成盈利,若進取一些,趁每一次回調都低吸,好快又會回升,每次執幾個巴仙,易過食生菜,70蚊的941,17個幾的836,32蚊的神華,5個8毫幾的建行,3個6的中行,不久前都多次出現任人買,買左升了5至10%,又可食胡,變相又收多次高股息.唔想攪甘多野又在近2至3年買入的朋友,更簡單,完全唔駛理恒指升或跌,擺埋倉底唔理,d錢就會繼續來.如在40幾至50蚊買左中移動的投資者,現在股價都升左5成以上,2至3年間收左十幾蚊息,3年内基本已翻倍,話佢係大牛龜唔識升,完全係廢話,升左你都唔知.若在2,3年前買所謂的識得大升的股份,400蚊買美團,300蚊買巴巴,6至7百蚊買騰訊,結果是怎一個慘字了得,高位持有者又心心不忿,只能不斷溝貨,溝到冇錢再溝為止,溝貨的後果是持貨大増,持貨成本係低左,但所持股份跌幅更驚人,完全補唔番條數,會越輸越多,就算期間會出現幾成的反彈,但高位仍低過最低買入個注,而且反彈會好快結束,好快就打回原型,因有數不盡的蟹貨和短炒獲利貨爭相逃生.

本多必勝,一年26%回報,10年可升值10倍

 要在股市中獲利,有各種唔同方法,有人喜歡所謂的價值投資,認定某隻股份具上升潛力,就不顧一切全程投入,又經常拿巴菲特做例子,人家揸的股票以幾十年計,雖知這是倖存者偏差的結果,統計數字只反映贏的個案,無數失敗案例反而忽略唔計,完全不能作準,其實巴老爺子也經常失手,買入的股份不停下跌,最後都要包住頭止蝕離場,再加上巴老有充足彈藥,有無數的9981注,可逢低不斷溝貨換時間,待他日所持股份完成下跌周期,轉向進入上升周期,就可大獲全勝,先决條件就是本多,一般老散明明是揀錯股,但死撐自已是真正價值投資者,非但不肯認輸,重要不斷溝貨,直至溝到冇錢再溝為止.這類人若揀錯股,又死不悔改,繼續錯下去,會死得最慘.第二種透過買入能長期派高息的股息,用7至9年或更短時間換取翻倍,這也是最穩妥的方法,但一般人都想短期致富,等不了甘耐,改而去做波段上落,專揀一些風險大又跌得殘的股份來炒,期望有更大的回報.此方法總有人會成功,但相信失敗的人會更多.但近年出左個新理論,既不需要長期持貨,又不用瘋狂頻密短炒,就可達到高回報,其實都是數學加上複利的計算而得出來,假若你用1百萬,只要每年有26%回報,經過10年累積滾存,10年後會有1008萬.有人會話,傻的嗎,邊會有股票年年升26%,重有升足十年,搵一隻年升26%的股份都唔容易,冇錯,要買單一隻股票,年年升26%的確是冇物可能,但此理論不是叫你買一隻股份長揸,而是叫人每個月只需做一次有2.1%利潤的買賣,如買賣2800,低買高沽,利潤2至3%經常出現,跌又唔會跌到多,同樣升又唔會升到多,唔想買盈富,一衆内銀内險股同好多大藍籌都係股價上上落落,一個月賺2%應該好容易,一年有12個月,全年回報就有26%或更多.只要唔貪心唔太過進取,一個月做一單已夠數,做2單或以上就更快理想達到.一般人對買股票只賺2%會嗤之以鼻,但北水可不是這樣想,狂買2800等指數基金,不用交股票印花費,成本大減,賺個2%何其容易,恒指橫行上上落落,每一個月,在2800身上,都唔知賺幾多個2%,其他如高息中特估都是如此玩法,做T每個月做1至2次,一年就多3至40%回報.我明年都會效法,拿30至50萬閑錢出來,個個月做1至2次,盈利只有2%或更多的交易,做夠就收工,等下個月再做,一年目標50%回報,看吓5年後呢50萬會否變500萬.照計死數,每年50%回報,5年後會有759萬,複利...

今天投注注項

 https://photos.google.com/photo/AF1QipPirwVnTzvtjUP4_o5T4I7OM4NXB6TYat5DCPyI 上次又係中得一場Q同位置Q,收得28.5元,今次改變策略,不再買單Q,難度太大,改買1拖2位置Q,拖多隻機會應大些,希望盈利唔好甘快跌穿1千元,今日投注120元,結餘正1174.5元.

内地警犬快將失業

 上星期四川城都的購物區,已出現大量的四腳機器狗,陪伴公安巡邏,配置無數高科技功能,有無窮力氣持續高速前行,就算世界短跑冠軍也跑不贏牠,人的力氣有盡時,機器警犬則無盡,很多普通警犬做唔到的事,如人面識別,身份驗証,收集數據,進入危險地帶搜索甚至引爆,配合埋頭上的無人機指引,堪稱是行走中的CCTV.更離譜的是杭州市今日出動了球型狀機器狗,大家鬥科技,由杭州大學自行研究的呢款機器警犬,由於是球型,碌得快跑得更好,更利害的是一般重物如木棍,刀等對佢全無作用,絲毫無損,更恐佈的是它竟配置2款發射式武器,其中一款是發射繩網,將目標物全身罩住.中國的人工智能機器人已是量產或生產,新加坡最近已大手購入中國制的機器人,用來作危險的檢查電網工作.人工智能應用轉化成商業變成高盈利已是必然的事,但要成功又一定要依靠無處不在5G和未來6G的網絡,為大規模算力提供保障,蕊片自然是重要一環,因此蕊片國產化已是必行的一步,理鬼佢外國制唔制栽,到蕊片發展到自給自足,反過來更可禁止外國蕊片進口,邊個可笑到最後都未知.差點忘記發電這一塊,冇足夠電力供應,甚麼高科技,人工智能都是空談.電力在中國完全可自控,不假外求,各種新能源發電不斷在全國各地與建,甚至將技術,興建電廠出海.這也是中央近年一重強調要發展新質生產力,建立新行業.剛開的經濟工作會議,首要是増加内需,今日的央視訪談,請來了相關官員來解釋真正含意.首先,很快會出台禁止各行業内卷的政策,現在是存量經濟,大量庫存待消化,而老百姓傾向生存式消費,只肯消費必需品,是零和遊戲,鬥内卷下,有商家消左存貨賺左1蚊,意味另一商家庫存減唔到,又蝕多1蚊.汰弱留強是必然的,因創造唔出新的價值.現在去庫存已去到7788,又隨着新質生產力不斷發展,科技不斷進步,不少新行業湧現.中央的如意算盤就是十五開始,中國的經濟將由存量經濟邁向増量經濟,不再是零和遊戲,増量經濟會創造價值,創造財富.所以當局大力催谷冰雪經濟,首發經濟等等,如冰雪經濟,東三省的旅遊業熱爆了,各項冰雪運動興起,相關產品也大賣,又搞天山,長白山賞雪,滑雪,很多人會願意消费在這些有特色,有性價的項目中.相信甚麼天山雪蓮,長白山千年人參等促銷手段好快會出現.另外,中央已開放人工智能給民間使用,但成功得益的只有抖音,佢一早已投入研發大模型人工智能,旗下的豆包,下載量已達1.6億戶,全球第二,全中國第一,...

今天北水又大舉入市,淨流入143億元.

 買得買得最多自然又是2800,2828買開的指數ETF,待恒指回升2%以上又食胡,跟住又待恒指回調較多時,又再買入,如此的操作一直沒停過.反而個股的増持或減持,更值得關注,今日買得最多的是9988巴巴,納入港股通後,至昨日北水都只是揸左4.5%而已,遠低於騰迅和美團的10%以上,加上高位買入巴巴的北水散戶,趁股價越跌越多時,自不然會出來溝貨減低持貨成本,待恒指反彈時就沽出增持部份,希望早日能返家鄉.沽的最多是美團,已連續沽左好一段日子,持股量也由12%減至10%多一點,沽壓沉重,其次是小米和騰迅,小米升得太多,大把人贏大錢,現在部份人計數離場情理之中.至於淨流入最多又係公認的三大高息中特估,建行,中遠海控同中移動,上述3股今天其實都是跌好少,跌得較多的建行都是跌1%多d,但北水已急不及待買入來長期持有收息.

6682,1860不理跌市升市照樣升

 只能說這2隻股太好炒了,縱使升左倍幾同6倍,升勢仍未止,最大原因是市值太低,呢2隻股雖然已升到癲,但市值都只是百幾億,1860是盈利急升的股份,6682重係冇錢賺的公司,2者都是急速成長中的企業,而盈利空間有大幅上升的可能,一年若能賺個十幾二十個億,現價真係平到暈,只是視乎市場資金信唔信,且不要想到太美好,他日成為業内龍頭,市值去到1千億甘遠,只要市值去到2百幾3百億,股價還有1倍以上的升幅,9992泡泡瑪達2年前冇人會估到她的市值會過千億,當時股價也是已經升左很多,很多不知他營利模式的人只會看表面數字,市盈率太高,抽盲盒,賣公仔的公司會賺到物野錢,一定係純作的妖股,冇實質基本面.但佢現已成為谷子經濟的龍頭,對像是95至02年出生的Z世代年青人,也是中央今年要催谷的首發經濟,是首店經濟的延續,簡單來講,就是要開發一些超越傳統商品的東西,透過實體店同線上相結合,成為一種潮流風氣,繼而引發更多的商業活動,其實每一世代都有自已的谷子經濟,以前會是球星卡,明星閃卡,現在則是二次元商品,透過動漫手遊洐生出來的商品,一隻爛鬼公仔或徽章可以炒到幾萬蚊,甚麼名錶鑽石全部不是Z世代追求的,背包上,身上掛的全是時下流行的徽章掛飾,Z世代可引發強勁的内需購買力.

中央經濟工作會議已在11日至12日舉行,習近平發表重要講話

 今晚央視新聞已播出中央經濟工作會議的詳情,習主席發表重要講話.主旨是實施更加積極有為的宏觀政策,擴大國内需求,推動科技創新和產業創新融合發展,穩住樓市股市.擴大内需似乎是勢在必行,係時候要趁低買番d蒙牛,華潤啤酒,波司登等内需股看下門口,特别是央國企經營的,買車股都要買東風,長城等央國企,一定唔會執,其他的總有些會做唔被市場淘汰.

内地新造車勢力極越汽車玩完

百度是大金主,大股東,提供軟件,無人駕駛等支援,拉埋吉利做小金主,提供硬件支援,本以為可以在鬥獸場中佔一席位,但所造新車冇人買,今年1至11月才賣出11000輛,其他造車新勢力,不斷内卷下,每個月衰極都賣出1萬至2萬輛,可以繼續玩下去.百度本想再注資救極越,但派人查數,發現欠債高達70億,是個無底黑洞,决定唔救,公司3仟員工糧都出唔到,百度今日决定斬纜,給出2個方案,一個係原地解散公司,員工自願離職.2是停薪留職冇糧出,繼續與創辦人打拼創造明天.

内地正大力推廣個人自願性養老金計劃

自2022年底在部份大城市開辦以來,至今已有7仟萬人開戶,此基金每年上限只準投入12000元資金,期間不能提取,直至一定年齡,鼓勵距離退休有一大段日子的百姓及早投入,以有限資金和長時間持有換取可觀回報,同美國在78年推行的401K退休計劃相似,長期投S & P或道指指數ETE,致今回報幾十倍計,而國内公募基金管理的養老金規模已達6萬億,昨日有關當局更放寬可讓養老金買入上証A50,沪深300指數等ETF,並推廣到全國層面,估計每年新増資金入市最少1500億,目前7000萬人已開戶,每人用盡12000元上限就有8千幾億資金入市,所以每年1500億是好保守的估計,而且當局還在大力催谷養老金,各大銀行已有任務,要每個銀行職員要找20人開養老金戶口,相信養老金會大買高息紅利ETF和高息個股,响應國家政策,收左息再複投滾存而不是胡亂追逐個股.A股未來肯定是慢牛式穩定上升的格局,每年都有増量的新資金入市,而且是長期持有,A股想大幅下跌都難.

從北水持貨走向可大概率預知未來哪些股會大升

 6682第四範式自納入港股通後,北水持股由9月份的1.3%升到近日的32%,之前從不會出現在港股通十大成交的名單上,直至近2個星期,隱藏不下去了,越來越多資金流入,幾乎隔天就出現她的名字,而9月至今,6682升左1倍以上,就算你不是先知,在9月份就開始買入,但當北從1%買到10%時,你跟勢買入,一樣是會短期内贏到懷疑人生,類似的大升股都有如此的情況,至於有哪些股份這樣的,我就唔方便講,大家做少少功課,不難找到,已升左倍計的,現在才發現並追入,總有些不安心和不確定性.反而一些高息中特估,北水持續買入,但升幅溫和,持股量去到相當高的水平,俾多些少時間讓他們買夠貨,買夠後股價一定會爆升,在等待的期間,股價一樣會升,只是沒升得甘誇張而已,況且又有持續的高股息作後盾,根本冇得輸,等收大錢,我倉中已有幾隻如此的中特估,全部低位買入,股價持續慢升,正朝向爆升的來臨.

1860終於升穿10蚊

 早前故意沽淨幾手1860就是想看他何時升穿10蚊,由2蚊升到10蚊,只用左2個月多d時間就達成,繼續放紙鳶讓她直飛天國.話時話,屢次跌穿8蚊時若大手買入擺埋一邊,20幾個巴仙的盈利又會送給你.炒股其實不太難,站對風口上,豬都會飛天而且不會跌死.

今天投注注項

 https://photos.google.com/photo/AF1QipPhtMh8vcKLEf6IwXXYAGF4cndoni1G9vKxdlqo 上次大敗,中得一場大熱Q同位置Q,收得10蚊.今次繼續,最新結餘正1252元.

第四範式,匯量科技繼續天天派錢

 6682,1860今早又有低位任人買,跟住又升番10幾個巴仙俾人鬥快走,之後升幅收窄少少,等明天再玩同一模式,隻6682不久前公佈中期業績,股價40蚊唔夠,39個幾,每日升少少,唔計短炒,唔覺唔覺都升左50%,所有北水愛股近日都表現亮麗,2498折讓8%配股,股價照升3%,2233西部水泥天天創十幾年新高,2011年以來新高,雲頂耀新1952都係大升過後,保持強勢.今早雖然執唔到復星旅遊死雞,一早高開7成1,上午收市升約8成,買唔落手.一如所料,今早全升高息中特權重股,電訊,煤炭,電力接力,ATM,友邦等拖後腿,高息中特估始終是無風險高回報的產品,只要不是在高位才追入,回報是非常之高.

復星旅遊文化1992提私有化明天復牌

 簡單背景,1992在2022年,股價在10元樓上,之後一直下跌,長期在3個幾4蚊遊走,上月停牌前報4蚊.今次提出以溢價95%,每股7.8元私有化,若計過去110個交易日,溢價高達110%,呢個價是否合理,因我冇買賣過此股,冇切膚之痛,我只關心,明早股價會否冇反應,提供短炒買入獲利機會,復星呢間過氣大型民企,今次私有化1992已算有誠意,當然不能保証一定成事,但機會還是大的.若私有化訊息還是不流通,明早初段股價冇一定大的升幅,我又會參与其中短炒賺吓可觀差價.

習主席會見國際經濟組織負責人大談經濟

 習主席表示中國已是經濟強國,現已為全球每年的經濟増長貢獻30%份額,並相信會持續増長.並說全球應把握數字經濟,人工智能,低碳技術帶來的機遇.這三項可能已是中國的強項,數字經濟和低碳技術一早已經係領先全球,估唔到人工智能都甘快就可以擺上枱面示威,中國在人工智能應用上已經有重大突破.上述三個版塊的股份相信會帶來大量盈利,若能大規模成功出海,輸出外國就不得了.習近平講得信心滿滿,十分有信心.相反早幾天,馬雲在杭州都係講人工智能,是面如死灰地講,只講左3分鐘,似致悼詞多些,冇哂順風順水時個種目空一切的氣勢.人黑起上來有條路,今早阿里已確認廣東河源的雲計算數據中心失火,成間中心燒哂.

北水始終最喜愛1860,6682,2498等A股稀缺的港股品種

 呢3隻野,真的是大漲小回格局,根本就冇物回過,跌d好快就大反彈,波幅10%更是家常便飯,低買高沽獲利的機會無處不在,如1860,跌穿8蚊,好快就會升番上8個幾9蚊,屢試不爽,2蚊升上來的股份,好多人都唔敢掂,有理無理都話是妖股,冇實質業務,但事實是否如此,股價已給了答案.呢類真科技股不是指數成份股,市升市跌佢地都照炒,日日大成交,過時的思維總是講ATMJ是科技股,又是權重股,市升佢哋一定大升跑贏大市,實情根本不是這樣,美團,巴巴,京東已被恒指公司剔出科技類,歸入消費類,消費類升得最勁,表現最好的是小米,消費類版塊是恒指第二大權重,僅次於金融版塊,至於科技版塊得番幾隻股票,權重得番十幾個巴仙,一隻700已佔去近半份額,此版塊升得最勁表現最好的是285比亞迪電子同中蕊.如今要穩住恒指或令恒指大升的版塊是金融類,3成以上的權重,全是内銀内險加匯豐友邦.這也是為何内銀,内險同匯豐今年升幅如此可人的原因,指數要大升,内銀内險一定會大升.另一影響恒指升跌的是消費類,此版塊勝在股份多,蟻多樓死象,就算巴巴,美團,京東唔升,其他的内需股跟國策上升,如邊爐股,汽車股,電子消費股,啤酒,旅遊,衣食住行等行業都升時,恒指就有運行.至於資源,電訊類,全是央企天下,權重加埋都有十幾個巴仙,跌就基本上不可能,只會穩中慢慢上升.現階段想ATMJ短期大升是不實際的,最多升幾個巴仙,跟住就回落,畢竟有無窮蟹貨等緊鬆綁,想短期有10%以上升幅只能趁低買内需股,必勝的就是捉緊已有大幅盈利在手的高息中特估,等派息再填權後股價再升,不要出出入入,年頭如揸住建行,農行,中移動,神華,中海油,電力,公路等中特估不放,一直笑到而家,重好大可能笑到最後.

夜期現升近500點,金龍指數升7%

 若收市能保持升勢,明天港股又會大時代式上升,升得最誇張估會是車股同券商股,富時A50相關ETF升左4至5%,A股明早必大升,若跟足外圍升勢,A股明可見3500點,港股跟足大升,完全唔俾時間同機會讓你買貨,高位冇貨的散戶又未必敢入貨,不久前快速升上2萬3,跟住好快就跌到1萬9仟幾已令好多人中伏,只有敢於滿倉,成手平貨在手的朋友才可雲淡風輕地按正在冒煙的計算機,看吓財富又増值左幾多.今日北水已狂買2800同恒生中指數ETF,若明天恒指大升,佢哋又唔急住食胡,港股後市可升得更多. 3倍做多的富時中國指數ETF,由於是3倍效應,現升左22%.夜期也越升越多,已升左5百幾點,財演們明天又要收埋幅圖唔敢再講甚麼2萬點好難到,萬九一定不能穿否則會這樣那樣,找不到借口自完其說,就會出絕招,說港股已是政策市,難以捉摸,我沒有持有任何港股.

3323中國建材擺明送錢都冇人執

 中國建材上周五收3.5元,收市後宣佈會以每股4.03元回購14%H股,今早開市居然冇被人搶高,唔升不得止,其後甚至下跌到3.43元,有錢派都冇人執,是資訊不流通冇人知,不大可能吧,可能又是一班自以為是,認為有陰謀的磚家在放負,疑神疑鬼不信央企,認為邊有甘好的事發生.有錢唔執我就唔客氣,我幫你執,多謝哂.中國建材今天收3.85元,升10%.距離4.03元的回購價只有5%的空間,今天有低位任人買而唔買,係要升左10%後才去買,難怪芒格生前曾說,市場上有太多的蠢人,才有造就他獲利的機會.我都唔貪心,冇賺盡15%差價,即日已沽出3323,扣除使費,有7%利潤.

中央政治局史無前例首次將穩住股市列入明年重要經濟目標

 唔信A股和港股會上升的人,無論中央做了甚麼和講了甚麼,他們都不會信.所以中港後市上升或下跌都與他們無關.而相信的投資者和資金,就以行動來回應,下午以大量資金推升港股.消息傳出時,A股已收市,明天相信會大升,A股自低位2千6百幾點升到現在3400點樓上,完全冇大幅回調,足見有關當局有心有力可用盡各種方法穩住股市,反觀港股就無此能耐,只能寄望A股好,港股也會好,投資業務主要在内地的企業特别是央國企就會更好.相反一些長期想在股市中贏錢,但又疑神疑鬼,遲遲不敢入市,非要見到甚麼政策清晰落實,當先行者已賺到開哂巷,他們才會在高位入市想分一杯羹,結果往往是事與願違,不想冒任何風險,又要在絕對安全下獲得巨利,世上哪有這種好事?若然有,呢個世界就冇窮人.我想表達的是,要買貨就要趁低趁早買,不要在人人都看升,升左好多才買.股市如是,樓市也如是.若你本心一開始就唔信,就干脆以後任何情況都不要信,不要為碎銀幾両為難自已,勉強參与,通常這類人收場都不會太好,反而有信念有信仰一早義無反顧入市的投資者會得到應得和很好的回報.

中央政治局今日開會公布明年國策,恒指立刻狂彈

 都係意料中的措施,但已足夠令港股急彈.措施包括擴大内需,發展高科技配合新行業,適度寬鬆的貨幣政策,増加投資收益,最重要一點是要穩住樓市同令股市上升.揸好手中的貨等待大豐收.

今年年頭合埋眼掟飛標亂買央國企都贏到笑

 且不計是否去年或前年的超低位買入,只要你今年年頭,順勢而為,選擇對的方向,買入低估值,市帳率低的央國企,不計派息,單是股價上升,上升幅度超過3至4成或更高的,多如牛毛,若計埋已收的股息,回報就更高.所需的條件就是買入股份後,放埋一邊唔理,期間的升升跌跌,全不要理會,不需任何操作,一年40至50%的回報就輕易獲得,若你將所收的股息再複投買入,蓄的股數多左,將來的回報就更高,若你不甘寂寞又自問身手好同貼市,一年内做幾次T,一年有100%回報也是非常容易的.對於平時忙於工作,為生計奔波無時間看市的人,甚麼都不用做,無需懂所謂高超的金融學識同技術,只要選擇正確,無腦式買入高息中特估,一年4至5成的回報就手到拿來,在衆多中特估當中,市值最大的中移動升幅可能沒有4成,但3成一定有.越細隻但派息高或者派息不多但估值超低升的幅度就更多.24年年頭才上中特估致富列車的朋友,已收獲滿滿.不知25年年頭才準備上車的朋友,收獲能否如24年般,俗語說得好,早買早享受,若2年前已開始買入中特估的朋友,已肥到襪都着唔落.要在大除夕中將妳(中特估)抱緊,狠狠倒數.軒公青春告別式歌詞.愛情(中特估)不停站,想開往地老天荒,需要多勇敢.eason愛情轉移歌詞.

今天投注注項

 https://photos.google.com/photo/AF1QipNRERLJUK3OWI11fdn2iE4aRbfX3AZpFbNJxIGp 上次中得一場Q同位置Q同一隻位置,收得38.5元.最新結餘正1372元.

阿里内部管理之差遠超想像

 昨天最有娱樂性的財經新聞一定是阿里巴巴合伙人兼旗下大文娛CEO就日前向專做手遊的靈犀互娱員工訓話一事致歉,並自罰三個月冇糧出以表誠意.簡單背景,2017年阿里以10億元收購簡悅,即靈犀前身,歸入阿里大文娱旗下,大文娱主要做影視,遊戲等,但從沒賺過錢,道歉的合伙人樊路遠初接手時就蝕左十幾個億,自已估計今年都會蝕5至6個億,但若聽自已領導的話,吹到話明年會有盈利.年頭重話靈犀可獨立運作,唔駛跟阿里個套文化.靈犀是長期有盈利的,代表作是出左5年的三國誌戰略版,但呢位CEO侍住自已係阿里開國功臣,實際是條擦鞋仔,如今反面同靈犀班員工話,冇阿里個朵照住,你們甚麼都不是,不要以為同公司賺少少錢就不思進取,成班人都冇阿里精神,不知阿里文化為何物,並大踩三國誌戰略版開發者餅叔,其實只不過是在網易工作不得志,出來創業又失敗,幸好泊上阿里呢條大船先有發展空間,又話呢款遊戲成功自已有好大功勞,因為熟悉娛樂圈名人高曉松,郭德網呢班人,代為宣傳,潘曉松正是現在全國老百姓人人喊打,唔敢浦頭,當年打壓刀朗四大惡人之首的所謂文化人,又話在眼中,你哋出去創業唔夠班,人地黑悟空成功是人地叻,你們不行,唔駛供樓供車養妻話兒,看死班員工.樊生更越講越離譜,話阿里HR好有問題,將靈犀總部擺在廣州,遠離杭州總部,山高皇帝遠,不受控制,雖知在古代,廣州是南夷地方,講的是鳥語,不是人話,日後我會要求所有員工每年都要去杭州總舵接受培訓,學習阿里精神.馬雲鐘意看金庸小說,自封為風清揚,又搞甚麼達摩院,而家都摺埋,意氣風發時講甚麼企在高處拿住望遠鏡都找不到對手,世上沒有做不好的生意,相信圍住馬生身邊又獲高薪厚職多是平庸冇物能力但識擦鞋之輩,叻個d個個走哂,自立門戶,拼多多老細都係在阿里不受重用而走出去搞拼多多.樊CEO都係得把口靠吹但又無大志,大志都係8年内要令阿里成為手遊第三,五年內要令騰迅,網易的優勢消失.阿里電影就吹到遲早會成為世界第三,計我話換左佢先至係最大利好.甚麼是阿里精神真係唔關我事,幸好我從沒買賣過9988,但看個勢,阿里是艘沉緊的大船,股價幾平都冇用,人升佢唔升,人跌佢又跌多d,難怪股價跑輸哂俾騰迅美團,可能班高管太過沉迷武俠小說,相信自已識獨孤九劍又或者識少林36絕技,可挽狂瀾於既倒.查實係一班傻佬响度run緊間本來好好的公司,搞吓搞吓越搞越衰.

幾隻近來北水熱炒的港股升得有道理

 第一隻是2498速騰聚創,上星期五更是北水淨流入最多的股份之一,業務是專做車載激光雷達,市佔率35%高居中國首位,第二位是冇上市的華為技術,市佔率22%,第三位是A股禾賽,車載激光雷達幾乎所有新車都要配置,速騰前景可能好亮麗,北水狂買可以理解,先機都俾佢地佔哂.第二隻是1952雲頂新耀,已升左倍幾,因研發的一隻腎病藥fenteco研發成功,被全世界廣泛接受,新加坡香港澳門台灣都採用,連國內醫保都列入採購範圍,歐美各國也認為,股價由十幾蚊唔覺唔覺升到50蚊.呢隻股前景要看隻新藥將來的滲透率高唔高,多唔多醫院用,而家升定等未來數據,若好好,升多倍都重得,若不好,會跌得好甘.第三隻係2233西部水泥,都係升左倍幾,由7毫子升到1個6毫幾,千萬不要問財演磚家,佢哋一定隨口嗡水泥冇前景,國内房地產唔掂,唔需要甘多水泥,水泥價有壓力下調.查實西部水泥的出名品牌水泥主要是用來起公路,大型基建項目,更重要的係佢哋主要盈利來自非洲,在埃塞亞比亞等國自設廠房,生產水泥,價錢又高,又冇競爭對手,非洲大把基建等住起,可以講係一隻成功出海股,只是幾毫子任人買都冇人買時,被北水老散發覺好多冇在A股上市的港股其實都係寶藏,一買就大把人一齊趁低買,買高哂個股價,後知後覺高位才追入者有可能成為接盤俠,若間公司基本面冇變重係好的話,就問題不大.股票大升又有成交總是有原因的,勝敗的分野是你在發現她的好處時,股價還在低位你又有信念夠膽買入,勝算幾乎百分百,待股價大升過後,圖表又十分完美,聽人講,特别磚家話買得過,均線向上,是上升軌道,你連間公司為何升都唔知就高位衝入去,唔大貪贏些少就走可能有運行,否則又會成為韭菜俾人割.

基建債反應差,不足額認購

 只有3.5厘的基建債,事前估計有30萬人申請,申請金額會有300億元,結果得12.8萬人申請,200億都不足額,得178.5億.為何反應如此冷淡,一來得3.5厘回報太低,二來可能是普羅香港人窮左,冇甘多閑錢放在回報低的項目,有閑錢都一早走哂去買平靚正的高息股,特别是中特估,如今年是但買隻内銀都財息兼收,未聽過今年有買内銀的人要止蝕輸錢.閑錢唔多更連高息股都唔會買,索性走去買所謂成長股,博買中短期有倍計的回報,雖然成功的人少,失敗的多,但個個都相信自已會是成功的一個.

中國建材有新玩意益小股東

 大央企中國建材3323近年業績唔好,股價跌左好多,但近幾個月股價不斷上升,不知原因,我都搭順風車走左2轉,今天已升到3.5元,我已冇貨在手.晚上出左通告,上升謎底解開.原來中國建材發出邀約準備以溢價15%,每股4.03元向小股東回購8億幾股H股並加以注銷,佔總發行股數9點多%,佔H股發行量14點幾%,委托大摩負責,小股東可以選擇高於今日收市價15%套現,也可選擇繼續持股,因發行股份大減,對公司長遠發展有信心的話,他日收取的股息也必大増,可惜我已走哂貨,否則又可賺多20%.這明顯是一招市值管理,高位買左重蟹緊的散戶不一定會選擇蝕住走,反而會覺得此公司有誠意搞好股價,若是在低位買左貨,本身已有錢賺,而家無端端送多15%利潤俾你,係我就一定賣俾佢.另一間停左牌幾日的利福中國,今晚又出公告搞私有化,星期一復牌,但出手好低,停牌前0.75元,私有化價為0.913,若成功私有化,大量散戶要蝕住走,冇仇報,能否成功私有化有不確定性.以高溢價向小股東邀約回購部份股份,我印象中好似是首次,小股東有權接受同唔接受,夠哂誠意.

旭日393短炒内銀好過做本業

 牛仔褲大王楊釗早於去年已不斷買中行,工行和建行來收息,單是工行和建行一年收股息都收9900萬,買呢3隻内銀大約用左12億,唔計收左的股息,呢3隻内銀現值15至16億,但他意猶未盡同對建行,工行情有獨鐘,5月通過再動用不多過8億元買入工行和建行,5月後至今已買多左3256萬股939,4200萬股工行,用左3億幾元.今天出通告說,昨天已沽出3300萬股建行,3400萬股工行,獲利6千萬,減持後仍持有1.36億股工行,1.1億股建行.所得款項用來作日常開支同發展新業務,千萬不要拓展甚麼新業務,長揸收息和短炒内銀已足夠,上半年賺2千幾萬,股息派6千幾萬,盈利已較上年同期大升39%,可見本業根本賺唔到物野錢,去年全年盈利大增都只是賺4千幾萬,我本身8毫幾入左第一注,今年派中期息前0.99元入左第2注,纯貪佢4仙中期息,2來見佢長期在1蚊唔上唔落,可以隨時在1蚊買入,收左4厘幾中期息後,大股東天天出來回購,都係幾萬股至十幾萬股一天,但已佔成日成交一半或7成以上,有時甚至是全日的成交,因此股價也升左成幾,1蚊再買唔到393,1個1毫個又不值再加注.1蚊樓下買入當買入中工建但會收更多股息.今年未期息斷估都會加唔少,我持貨成本9毫子左右,若393全年派息超過10仙甚或更多,就收十幾厘息,好過自已買中工建收股息,起碼唔駛扣10%股息稅.

内險近日不斷舉牌持股超過5%H股

 新華保險増持海通H股,太保又増持1138中遠海能5%以上,瑞衆更離譜,不停買龍源電力,揸住916近15%.較早時還有内險増持幾間電力公司超過5%,去年的太平保險更是最早一批増持H股的内險,持有的就是257,257沒有A股,算不上是H股,但始終是派高息央企.這些内險過往大量買入國債,但回報不超2%,响應國策,買入大量估值低派息穩定又高的央企作長線投資,股價未必即時會大升,就算升也不會沽,一年收5至6厘息,持有十年八年,單股息已有5成回報,投資低估值的港股,多年後股價升一倍也非難事,到時1至2倍回報輕易獲得,期間付給客戶的紅利也不過是每年2%左右,用客户的錢買央企高息股,賺息差都賺死,又不像過往買高息内房債會爆雷出事,又可替國家完成穩住股市的任務.是多贏局面,内險増持的港股,短期未必一定狂升,但一定不會大跌,越跌他們就會買入更多,長遠這些股份必會大升,若低位内險的買入價買入這些股份,長揸必可財息兼收.

短炒1860已達負成本,可肆無忌憚繼續玩落去

多謝北水老散,資金源源不絕落來炒1860,大家鬥快食胡,走完一批又有新的一批人入來,夠哂波幅俾炒上落,每天多數是高開低走,但翌日又會升過,敢過夜會有好的回報,短炒1860已成我近來每日指定動作,早上高位食胡,下午回調低位買回,第二天又有高位任你走,我昨天下午買,今早不是在最高位個段走,但都有10%以上利潤,連番出出入入,已賺左130%,只要不加注,可繼續無壓力玩呢個傻人遊戲,就算股價一天内腰斬5成8成,都係絲毫無損,收獲甚豐,況且這個大跌的可能性不高,Applovin天天創新高,等佢爆煲都唔知要等到何年何日.我始終都是太保守,不敢大注炒這些北水愛股,否則身家又提早翻幾翻.中特估始終是我的至愛,雖然升得慢但極安全,早前提早埋伏加注的38,257,1800開始有可觀利潤,而且升勢似只是剛開始而已.

規範營銷行為,管控外賣餐飲浪費食物措施出台

 上星期中辦,國辦已講明要推節約,避免浪費食物政策,那天起美團已天天下跌,北水日日沽,今早市場監管局己出台相關條例,從高位大跌的3690不知是否已跌夠,反正我從沒買賣過3690這類從不派息的公司,升可以好快,跳起上來同樣好快.祝福在高位追入的老散,希望股價不要跌回解放前,股價跌定早日解套.

北水持續淨買入中移動中海油

 今天北水淨流入37億元,買得最多的是941同883,沽得最狠的是美團和騰迅,淨買入較多的還有今天狂升的速騰聚創,金山雲,比亞迪電力等同人工智能軟件有關的股份,匯量科技1860,第四範式6682同是北水大成交的股份,2隻都輕微淨出幾千萬元,北水短炒的口味似已轉向真科技股,長揸收息仍離不開941,883之類的中特估.昨天已提及氫能股有異動,講漏左隻億華通,清華大學科研班底,一向是氫能電池的最大供應商,只是經常蝕錢因要不停研發所致,今天都升左20%,港股前20大升幅股份全是北水熱炒股份,熟口熟面,1860,6682,2121,2587呢4隻人工智能應用股全上榜,還有553南京熊貓,基本全是同真科技有關的股份.

Applovin才是美股妖股之王

 App年初股價不過37.78美元,昨晚已升到373.7美元,升左9倍,且不計此股由10美元不到開始升,英偉達年頭至今升幅也只有200%,但明顯升幅遠不及App,App創辦人也晉身世界200大富豪行列,1860就是對標App,做的都是人工智能網上遊戲廣告,分別只是1860主力在國内並積極拓展海外,而App則主力做美國,1860短期由2蚊升到近9蚊,升幅唔夠5倍,論誇張拍馬都追唔上App,只要盈利持續增加,1860可以去到更遠,話雖如此,短炒1860都係有可觀利潤就要食,等回落再買,因主力資金都是北水,且有大量北水傻散跟進,主力資金一旦離場,會跌得好甘,趁蜜月期賺多d落袋,儘快賺100%以上,就可無壓力下有底氣揸耐d,或許會有更大的彩蛋出現.

唔到你唔服,1860,6682買入就大升

 我經常提及的北水AI應用股1860,6682,2121,3936等逢跌買好快就大升,天天如是,大有再破前高位之勢,隻1860,昨天收市跌穿8蚊,今天又10%以上利潤,天天出糧,日日收租般快感,這股熱潮未爆破前可明張膽地炒多無數轉.想慢的可留意3889中集安瑞科,每天逐d升,升左冇人知.

不作為和亂作為高官下馬

 林世雄和楊潤雄被國務院免去局長之職.楊潤雄鑊鑊新鮮鑊鑊金,冇件事做得好,林世雄就連國内同胞來港旅遊的交通都搞唔好,中央看在眼内,邊個Hea做,邊個博命左都一清二楚,接任楊潤雄的羅淑佩,在驅趕公屋富戶做得十分成功和出力.過往所谓的高官問責制純搞笑,做得越差升得越快,現在跟足國内,冇能力就要下台,未嘗不是一件好事.

内地大力鼓勵發展氫能

 廣州市向投資氫能,投資額在1億至10億元的企業發放1%的現金紅利,又大建加氫站.大力發展氫能已是國家政策,連香港都要和中石化簽署戰略合作關係,在港大力推氫能.昨天同氫能有關的股份已炒上,386中石化,187京城機電,潍柴動力,中集安瑞科等都升左多天,其中187近月升幅最大,187我在2蚊附近短炒了幾次,可惜沒拿得住,為左小利沒有長擺,否則又有6成以上回報.

今天北水重新買入高息中特估

 北水今天淨流出103億,主要是大手沽出盈富基金和恒生中國企業,由于2800等ETF不用交股票印花稅,持貨成本低,北水有1至2%賺都會獲利,他們買得大,動不動幾天就買過百億元,一有盈利就全數沽出,至於個股,買得最多除左中蕊外,中移動,中國神華,中海油,建設銀行是北水今天買得最多淨流入最多的H股,呢4隻全是高息中特估,北水持倉一向穩定,甚至越買越多,絕大部份都是在過往低位不斷累積購入拿來長擺收息的.内地銀行不斷減定存息率,定期利息已幾乎全減到2厘以下,散戶一定會另找出路,高息的中特估一定會是他們的目標.

今晚賽事投注注項

 https://photos.google.com/photo/AF1QipPvJm8beoJWbo7Hm1rcvP2jcoCLcI4ljUZYl6Z4 今次投注130元,最新結餘正1463.5元.

1860,6682,2121真係好啱短炒

 呢3隻北水至愛AI應用股,天天有波幅,總體都是大漲小回,但成交很大.香港的磚家大都不懂這批股票,在他們的認知中,永遠只有ATM是科技股,我曾故意在網上財經節目留言提問1860值得持有嗎?他們的答案是呢d都係4,5線股,平時冇成交,大升也沒有成交配合,對於公司有幾利盈利,做甚麼生意,全部不知,我在1860五蚊時問,他們說這是炒股,短期升左近2倍,不要沾手,到升到8個幾時,又係話是炒股,唔識評論,只係說跌穿8蚊時,一定要止賺或止蝕,昨天終於跌穿8蚊收市,我沒止賺,反而趁低買入過夜,今朝開市又有可觀盈利可賺,查實此股成交量極大,今朝更是港股20大成交股份之一,甚麼冇成交配合又是一本正經,胡說八道,根本就是唔識又扮哂專家,直頭係股海明燈,待磚家有朝一天叫人買1860時,那時1860可能已炒完,開始漫長跌勢,現在1860,6682,2121這批股份仍相當安全,低買高估,一天隨時可走好多轉.當然只能小注炒賣這類股份,以防出現不可預計的逆轉,多番短炒已可令盈利翻倍,兼落袋為安,拿住負成本去短炒這批Al軟件股,根本無壓力同無後顧之憂,王道始終是長揸低位買的高息中特估長期收息,穿越牛熊,股價,股息齊升.揸幾耐至放,就看個人定,想短期發達的人,就一定揸唔耐,肯定賺少少就走,長期持有想慢慢變富者就更能賺更多,透過每年收的股息,除左可令人提早財務自由,更可適時複投,儲更多的優質高息股,有一定數量的高息股,日後股價大升與否已不重要,只要所持股份能持續派息就已足够.

中特估逢低一定要加注

 一早在低位買左高息中特估,不論是内銀,電訊,三桶油,煤炭,公路,電力,航運,基建版塊,呢2至3年期間,坐响度收高息和看著股價直線上升,已立於不敗之地,期間股價自最高位回落1至2成,很多磚家就跳出來呱呱叫中特估已玩完,又講一大堆從未實現的預估,甚麼内銀多壞賬,派息會減,中國經濟差,石油需求會大減之類,全是胡說八道,講左十幾年,都未發生過.每次中特估回調好快就會掉頭回升,提供短炒獲利機會,長揸低位買入的中特估,基本是冇得輸,中特估跌幅有限,絕大部份更有可觀升幅,如883,年頭至今已達4成,重未計已收左2次息,約1.4元,之前最高位升到23蚊樓上,只是維持半天,之後回落,大把傻佬出來大叫883玩完,除非你是23蚊才去高追,在12蚊樓下買的人根本笑到合不攏嘴,過去3年共派左6次息,一共派左4.6港元,股價也升左好多,股價今年已升4成,息又派左1.4港元,有甚麼可怕?收多2至3年息,相信大部份近年買入的人,單憑收股息都已可零成本持貨,若在近期低位17蚊樓下増持,收益會更多.慢牛就是如此行的,農行,建行都是被人看淡下慢慢上升,每當有6蚊樓下的939,3個5毫幾的3988任人買的時候,你不珍惜機會増持,等到升至更高才去追,是否係傻仔的行為,6蚊樓下買建行,6蚊樓上沽,變相收多一次股息,一年總有好多次機會給大家低買高沽.

中國移動提出以每股5.23收購香港寬頻

 中國移動將以每股5.23全購香港寬頻,動用不多於8.82億美元.香港寬頻應把握呢次機會,否則蘇州過後冇艇搭.出左正式offer,明天應再冇5蚊樓下的1310任人買.中移動吞左香港寬頻後,在香港的業務已成龍頭,其他如數碼通,電盈的電訊業務相信將不會有好日子過,和記電訊最醒目,新頻譜都不拿錢去投,干脆躺平,等中資收.聯通已是8號仔第二大股東,8號仔要變紅話都冇甘易,只剩下數碼通呢隻雞肋,等佢業績逐年下滑,等股價大幅下跌,中資至會出手吞埋佢.1310早幾年何嘗不是十幾蚊股,以派高息吸引散戶入坑,若在十蚊樓上買入,收左2至3年息,完全係賺息但蝕價蝕到喊,今次中移動肯出價5.23收購,對蟹左的老散絕對是好事,雖然呢世都返唔到家鄉,但起碼輸少好多,不致於輸8成或更多.

賽後檢討

 https://photos.google.com/photo/AF1QipO6bVi2wwrgdMVKyd18r48Ur81_WceX9q1jXnsu 非常不幸,今天買的6條Q和位置Q全軍盡墨,一場都唔中,第一關斷左後,立刻買下餘下各場大熱門WP過關,結果跑出4W1P,W全部2倍幾,3倍得一隻,甘熱都有3百幾蚊贏,但此項所益不會列入零成本買馬基金,畢竟個基金還有近千五蚊任我輸,重有底氣輸多十次八次.