習主席要澳門多元化發展,不能單一發展
博彩企業長線一定冇運行,轉型旅遊休閑轉得快的博企會得益,澳門已成亞洲展覽中心而非香港,演唱會也如是,又強調要加強法律管治,既有的地方財閥已不能為所慾為,某些過氣香港財經大鱷相信再不能和不敢踏足澳門搵食.習主席說澳門是中國的的掌上明珠,是否講說話俾香港聽,澳門聽教聽話,加上人口結構已極度内地化,三分一至一半人口來自福建,澳門未來的經濟規劃已在中央的掌控之中,融入國家的戰略發展任務中去.要成為全球葡語系國家的窗口,其餘發展高新科技,中藥,旅遊之都都是指定動作.甘香港的定位是甚麼？相信只剩下金融這一塊,順便一提,内地大力嚴控垃圾公司IPO,今年上市集資得幾百億,而至今約有20間A股公司申請以H股形式往香港上市,大部份是股價已腰斬但市盈率仍非常高的大型民企,部份重係指數成份股,但隨時會被剔走,如賣醬油的海天味業,股價由百幾蚊跌到而家40幾蚊,市盈率重講緊40倍,都要來港上市,另一間寧德時代,股價已腰斬再腰斬,都要來港上市,集資50億美元以上,要再靠不合理估值再大幅拉高股價引散戶入坑再割韭菜圈錢,此法在内地已行不通,除左股民精明左,政府也看得好緊,冇法可施唯有去香港這個大賭場,各方資金薈集,你情我願互相博弈,風險雖會轉來香港,但都非壞事,香港只是提供交易平台,從中抽水,國際金融中心其實同國際賭博中心冇分別,邊個做到國際金融中心就必要豐厚回報,你可曾聽過開賭檔的公司會蝕錢,會執笠.
系澳門打工的香港人, 澳門國內化進展很快, 旅遊休閑一定會成功, 高新科技,中藥未見成效。香港未來應該只剩返金融, 最近都在望香港樓市
回覆刪除香港樓市除左睇息口外,最主要看國内同胞買港樓有冇大幅増長,今年頭11個月,有5千幾宗内地人買港樓,比去年大増1.5倍,9成9買一手新盤,一炮過唔使做按揭,但起好或起緊的新盤成十萬個庫存,靠香港人買,根本消化唔到,若港樓冇升值潛力,就算有錢的内地人都唔會不停買來投資,反而嗰班有心在港發展帶埋屋企人落來又搵到工的内地高材,可能會係剛性需求而買樓,但好多專才高才都係在港租平樓住甚至在深圳租重平,即日來回,交通太方便,呢班人可能借香港作跳板,更多因為香港人工較内地高,做幾年野儲夠錢就走.香港樓重係好貴,2手樓重有大跌的空間,雖然好多人已供滿層樓,但過去多年,更多的人唔理樓價太高衝左入去,有排捱.未買樓想入市買樓的人大可慢慢揀唔駛急,若係2手樓,重大把平貨執,撞正等錢救命的業主或銀主盤,大力壓低個價都重得.
回覆刪除多謝大師指教, 我都覺得應該重有得跌, 內地呢幾年經濟都唔好, 來港高材同離港賣樓的中產可能都是打個和。以前,前輩教落買樓收租未來可能要改為買股收租, 呢兩年真是愈來愈覺得中國好, 香港先會好, 但香港對中國的重要性已經愈來愈少了。大灣區發展得愈好, 香港樓市的重要性就愈低。
回覆刪除