看山是山看水是水

 科創50指數狂升近10%,創業版指數升6%以上,易中天大升,港股3308中際旭創今早曾跌到590,下午地獄變天堂升到660蚊,但恒科只有ATM,沒有太多Al股,人跌佢跟住跌,人地大升,佢就升少少甚至唔升,內地老散品性難怪,追漲殺跌,升就搶住買,跌到殘割肉投降,一賣就升,一追就跌的情景永不改變,不斷重覆.侵侵選舉失敗被大A股民視為好消息,認為有利科技股,其實可能諗錯左,民主黨控制2院一定會監管Al同妨礙科技股的無序擴張,會玩佢哋個套公平正義,凡事要依足規矩,想隨處起數據中心,唔分擔額外電費免談,要要有足夠電力供應俾民眾才可以起之類.

 科創50指數大升5個點以上,創業版升4個點以上,國家隊早幾日買入大量指數ETF,昨天更買得狠,跟國家隊步伐買賣,就算食唔到肥肉靚湯肯定有得飲.

 侵侵戴開的紅帽,標記已由MEGA換作VETO,由美國再次偉大換作否決.明示民主黨你拿下2院控制權又如何,我會用總統的否決權去對付你哋,提甚麼新法例都唔會順利通過甚至過唔到.VETO比MEGA更重要.

 中信證券,國泰海通先申購各自100億,其餘2百幾億則由另外22間券商認頭,呢4百幾億的國債一到手,拿去變現又會馬上投入股市買股票同ETF,唔駛賤賣舊蟹貨套現應付資金流動性不足問題,所得款項又只能買股同ETF,股市多左購買力又少左沽壓,確能保護到股市平穩,單券商已用左400億額度,餘下600億點夠内險,社保,養老金,公募基金分,前年都有5千億額度,1年限期只用左1050億額度,今次1千億肯定唔夠分,一定會不斷加碼,管夠用,央媽是富婆,錢不是問題,國債要幾多有幾多.

 衆議院已輸硬,大幅落後.參議院36比45,落後9票,尚餘19席未有結果,能否奇蹟回天,就看侵侵造化.侵侵不是省油的燈,就算輸哂2院控制權,必有後着,會越來越癲,在任總統有免死金牌,龍門可任搬,已經先行特赦金主馬斯克,民主黨拿晒2院又如何,有排內鬥.老美越亂越好,鬥生鬥死就更好,東大在繼續在遥遠的東方做大做強.

 一路安心地在高息央國企裡收息賺價,管不住手見升得過多就沽甘d,等回調少少.就買番,總不會一路連升十幾天升唔停,就算係甘,都還有貨在手,賺少d,就當係對你不忠的懲罰,若出現大特價時段,就更好,加倉短炒做渣男,趙完就鬆,有緣再會.至於恐佈劇主角科技股,總有跌停的1天,有回升的1天,但要等唔好急,唔跌到阿媽都唔認得都唔好買,買左有得升就不要留戀,賺多賺少都要食胡,除非隻股的估值已變得正常,不是靠透支未來的收益.當中的極品如快手,百度之流,一旦同佢哋糾纏,你有李首富身家都會變窮L,如快手,幾年前414蚊,市值1.7萬億,跌到去年尾今年頭,都有80幾90蚊,連好多自稱是價值投資的磚家都大力推介,又話平,又甚麼可靈Al,又開始有些少息派,多年都只係派1次個集,如果8,90蚊覺得是底部買入的話,1年唔夠跌到今早連27蚊都冇,直頭是個埋人大坑等人跳落去,當年400蚊買快手的人,就算唔止蝕但買得少,得1手2手,又唔溝貨的話,輸極有個譜,但若見佢跌8成諗住唔會再跌而大手買入會輸得重甘,跌完8成可再跌7成或更多,至於個d靠開課程或披床為生的磚家們,大都只是講一句或許這次是看錯了輕輕帶過,但總會不忘補一句,我已做了相反方向的洐生工具減少損失,世上最穩賺不賠的生意就是開課程收費教人炒金炒股炒外匯,但自己從不落場落注,升跌與否,唔關我事,最緊要係不斷有人交學費還替我數錢.