平保又増持多一隻内銀達5%
今次係増持郵儲行,増持不多,之前揸左4.98%,如今超過5%,故要披露.可能是故意揸多0.2%,公告天下,就係不斷増持高息中特估,唔知重揸左幾多高息股唔夠5%而未公佈,已公開的持有15%工行,5%建行,5%郵儲行,全部都係H股,還有9.2%滙豐,一定唔會再揸高息内房債,日後爆雷機會大減,股價可望休養生息下而慢慢上升.
3437博時央企紅利ETF原來已改了每手買賣股數
此ETF出世時好搞野,每手只是10股,買一手只需80幾90蚊,若要買多些而又用銀行買賣,隨時要交最高收費,十分唔划算,因此平時成交甚少.發行商也知錯能改,在3月份改為每手100股,我都係最近才知.有此改變,日後我會頻密地儲呢隻ETF,例如在馬會贏馬贏波執幾仟的話,就買番幾百股3437,好過寃枉來,温疫去,要嘔番d俾馬會,又或者在短炒中有可觀盈利,會拿部份來増持3437.此ETF是穩定長期派高息的ETF,唔駛怕會減派息或倒閉.去年中出世,派左2次息,每次派0.35港元,一共派左7毫子息,就當你是在9蚊相對高位買入,收左7毫子息,成本已減到8.3元,此ETF揸的全是在港上市的央國企共50幾隻,唔包括内銀内險,全是高息股,央國企只會不斷加派息,日後此ETF派息也會跟住加,買此ETF目的不是望股價大幅,最好股價長期唔升或唔郁,方便以低價儲貨,若今年派息能去到8毫,9毫,持货成本又可大減,最重要是3437能永續長期派高息,股價也跌極有限,最多跌幾個巴仙,最怕因派息高而拉升股價太多.現價8.53元,息率都有8厘以上,好過銀行定存多多聲,更好過買甚麼年金,你拿1百萬會買年金,1個月都係得5千蚊多d,本金重會越來越少.你拿1百萬去買3437,一年收8萬幾息,本金隨時重會多左,現金流源源不絕,股價又唔會大跌,又唔怕會突然大减派息或唔派,若條件許可,將個8萬幾股息再買落去,増加持股,唔駛好多年,1百萬會好快變好幾球而且近乎無風險.
我都覺得是故意揸多0.2%, 順應政策。 中國的房地產死左後, 大家都消費降級, 中央想大家將放系銀行的錢轉一部分去股市, 來個賺錢效應, 之後股民就會去消費,另一部分放寬退休金入市, 買高息股, 一來可以提升股票市值, 二來利用派息減輕養老金壓力。但中國沒美國股市的條件, 中國人的投資觀念都好難一下改善(房轉股), 所以就算高息中特估而加已經是最近幾年高位, 但長遠望而加可能先是起步。
回覆刪除沪深300指數昨天收3999,全年計升近18%,相關ETF升幅相若,如計埋收息,一年都有2成升幅,表現好過上證,國家隊肯定是大贏家,年頭至年中跌市中不斷買入指數ETF,買左近萬億.而今年國内指數ETF規模已達3萬5仟億,3年前得幾仟億,已有不少基民或散戶買基金或個股輸大錢轉買指數ETF,物都唔駛做就有不錯收益,只要相信國家能令股市長期慢牛式上升的話.A50,沪深300,A500等指數ETF可以趁低考慮買入長揸.
回覆刪除