平安信託又出事

 昨天中外傳媒已廣泛報導有大批苦主聚集在深圳平安門外維權,要求拿回未能履行合約的某隻信託基金的款項.平安信託出通告安撫,說平安信託運作良好,出問題的信託基金的金額只有7億元,合作方正榮地產違約冇如期過數俾平安,致基金冇法支付利息俾投資者,會儘快解决事情,履行合約,並已採取法律行動控告正榮,意思係區區7億,平安賠得起,唔會唔俾,事緣正榮用一大型廈門樓盤和平安合作出信託基金,用高息吸引人買,個樓盤幾個單位,又商場又會所,但賣左2年,賣出唔夠2成,賣得200間,致正榮出現資金問題,冇過數俾平安,平安信託究竟重有幾多内房項目未爆,或已解决左大部份問題,平保同萬科一樣只是過去民企優等生,而家變壞左,會唔會變番好冇人知,萬科日日跌,A股已跌穿8蚊,内地大量散戶輸到投降割肉,2年前的名言30蚊萬科,80蚊平保等於送錢俾大家,現已成為大笑話,平保都重好d,股價跌到變高息股,A股6厘,H股8厘幾,大量散戶堅持信仰信念,只要平保不倒,就當收高息收到佢翻身,今日恒指大升,H股平保都識反彈,若要迫我揀内地保險股買,我就一定選中人壽都唔揀平保,一來不是央國企,二來都唔知拆哂d内房炸彈未,不確定性太大.