A股有多間電力公司已率先發佈首季發電量,全部都有雙位數増長,與中國首季工業生產回暖相當吻合,生產増加用電量也隨之增加,加上人工智能廣泛研發,數字經濟加速進行,大量基礎設施如數據中心,算力中心都是極耗電的,還要不斷興建的充電椿,一旦缺電甚麼都做唔成.今日港股的内地電力股全線上升,其中以火電股902,1071升幅最誇張,可能與近日内地煤炭價格持續下跌有關,憧憬這批火電股今年盈利會進一步増加.升得最有秩序和令人安心是華潤電力836,自2月中開始,北水平均每天淨買入2至3百萬股的速度買左超過1億股,持股量升左2%,去到17.5%,期間升幅20%,慢牛式上升,相信是有大機構慢慢收集,上星期五冇北水下,股價一度跌穿18蚊,今天有番北水,又升番哂上去,若北水持續買入,股價又每天慢慢升,好快就20蚊樓上見,到時又不知不覺,無聲無息甘升左3至4成,呢種升法係我最樂見的,呢幾日潤電會出3月發電數字,若増幅理想,又會升多些少,畢竟市值才900億,去年賺110億,現價8倍市盈率,7厘幾息,今年賺多2至30億非難事,到時20幾蚊股價的話,市盈率都重係8至9倍.
希望管理層對小股東慷慨D, 末期息增加派息比率
回覆刪除今次每股盈利0.84人仔,假設之後盈利冇加冇減,派息率冇變都係得4成,來緊呢年坐底派1.344元股息,若全年盈利達到1600億,派息比率加到45%至50%甘就更肥,好快8月就有半年業績,到時就知.
回覆刪除金大師 $7-8蚊既入貨價真係賺到笑; 我起步遲好多, 大約係COVID 時$9-10蚊入, 大部分買來收息少部分短炒: $10樓下入$10樓上出, 直到佢上到$12個幾企穩跌唔落之後就無再短炒啦, $12.x 加左最後一注揸到宜家, 雖然上年末期息比預期少但我認為OK, 不買不賣既決定應該係正確既
回覆刪除你最貴個注都係12個幾,一年派個幾息收息都10厘樓上,9至10蚊買的應該收左嗰次個個幾特別息,唔駛好耐都會收息收到零成本.
回覆刪除