3998波司登創新高

 國内近幾年最受歡迎的衣著就是衝鋒衣,何謂沖鋒衣,其實同jacket或風衣相類似,只不過他有三層,可根據氣候拆開來著,凍的時候三件著哂,熱的時候單穿一層,最重要是可防風防水和保暖,質量好的都最内個層甚至用上羽絨,人們外遊,行山甚至揸電單車兜風都愛穿上它,甚至返工不鐘意著西裝就著住佢當便服,售價以國内人工計其實都好貴,千幾至3千蚊件,但重係有好多人買得起同願意買,波司登一向主打貴價羽絨服,銷量受地區性和季節性影響,幸好佢捉得住沖鋒衣呢個商機,成為沖鋒衣龍頭,盈利大増,亮麗業績自然會引來資金追捧,創新高不無道理.

留言

  1. Ray2024年4月20日 下午10:37

    衣服類的版塊業績似乎要食啱嗰潮，群眾受落。
    近年Lululemon 運動服頗受歡迎，衣物價和股價都上升。
    個人感覺平價的質量有時比貴的還要好。
    在穿著的比較下，覺得有很多貴價的牌子質素都是一般，只是着衫上的logo和知名道(宣傳)。

    回覆刪除
  2. 金戈鐵馬2024年4月21日 上午1:40

    江南布衣3306,除完淨冇耐,呢幾日跌左近一成,呢隻股升得重犀利,一年升左近8成,一向都係高息股,二月公佈中期業績因盈利大增,加派特別息,連埋中期息共派0.85港元,加埋未期息派成個幾,之後股價衝到上14個幾歷史新高,收完息後,股價自然會回調,而家都唔算跌好多,市值都成70幾億,6個幾上市,升左成倍幾,一年前6個幾7蚊都任人買,而家相信好難見番甘低價,呢隻股唔係靠質料好同夠平揾錢,而靠玩潮流,自家設計唔同的服飾,出到迎合到國内年青消費者口味的服裝且長久就可盈利持續,下年再派特別息的機會就大,作為一間民企肯大派高息算十分難得,而家得7倍幾市盈率,就係唔知盈利能否保持,d貨賣唔賣得内地人先知,香港散戶接收到的資訊始終慢幾拍,我都係列入監察名單,唔會買住,畢竟未大升將會大升的股份重有好多等住人去買.

    回覆刪除

發佈留言

此網誌的熱門文章

内地電力股全線上升

 A股有多間電力公司已率先發佈首季發電量,全部都有雙位數増長,與中國首季工業生產回暖相當吻合,生產増加用電量也隨之增加,加上人工智能廣泛研發,數字經濟加速進行,大量基礎設施如數據中心,算力中心都是極耗電的,還要不斷興建的充電椿,一旦缺電甚麼都做唔成.今日港股的内地電力股全線上升,其中以火電股902,1071升幅最誇張,可能與近日内地煤炭價格持續下跌有關,憧憬這批火電股今年盈利會進一步増加.升得最有秩序和令人安心是華潤電力836,自2月中開始,北水平均每天淨買入2至3百萬股的速度買左超過1億股,持股量升左2%,去到17.5%,期間升幅20%,慢牛式上升,相信是有大機構慢慢收集,上星期五冇北水下,股價一度跌穿18蚊,今天有番北水,又升番哂上去,若北水持續買入,股價又每天慢慢升,好快就20蚊樓上見,到時又不知不覺,無聲無息甘升左3至4成,呢種升法係我最樂見的,呢幾日潤電會出3月發電數字,若増幅理想,又會升多些少,畢竟市值才900億,去年賺110億,現價8倍市盈率,7厘幾息,今年賺多2至30億非難事,到時20幾蚊股價的話,市盈率都重係8至9倍.
閱讀更多

中海油現價仍極度偏低

 美國石油股雪弗龍CVX今晚出了首季業績,盈利下跌十幾個巴仙,賺了55億美元,同中海油的397億人仔金額一樣,CVX現時股價輕微下跌0.8%,報163.96美元,以此價計市值高達3053億美元,折合2萬4仟億港紙,若中海油以此對標,883此刻應值50蚊,雪弗龍現價計PE14.37倍,PB1.892倍,息率3.9厘,若883現價是50蚊,所有數據都同CVX相若,還有一點中海油之後的盈利能力絕對勝過雪弗龍好多,PE,PB還會下降,現在接近20蚊的883絕對唔貴,不要講升上50蚊甘誇張同甘遠,只要未來一兩年產量,盈利保持増長,30蚊的883不難見到,憑甚麼甘把砲,就憑他是世上最便宜的油股.
閱讀更多

埃克森美XOM股價創歷史新高,883星期一挑戰20元

 沙地關閉多個海上鑽油台,放棄増加產能計劃,而布油繼續企穩91美元樓上,埃克森美XOM收市報121.37美元,創歷史新高,盤後股價仍然上升,此XOM的市盈率13.67倍,息率3.13厘,縱使偉大的883股價自年初已升了45%.去年底收市13蚊,上星期五在冇北水情況下仍升至19.3,但市盈率仍只得6.77倍,息率6厘8,足足平埃克森一半,而埃克森產能係得甘多,相反中海油產能年年増加,若今年布油長期在90美元樓上,叠加中海油產能的大幅增加,今年盈利說不定會暴增至1600億人仔,若現股價唔升,再加新一輪派息計劃,大増派息後,到時市盈率又回返4倍,又再做返高盈利,高分紅,低估值的超級學霸優質生,星期一北水回歸,好大機會將883拉升至20蚊,隨着日後更多利消的發佈,更多來年強勁盈利的預期披露,到時20蚊的883會被視為超抵價,又會被買爆,在7至12蚊買左883又冇走的朋友,好好享受財息兼收,財富増值的良辰美景,20蚊只是883的新起點,就算已嬴左倍幾或幾倍的朋友,覺得贏夠想俾d人贏,都唔好偉大到沽哂全部,只需沽出一小部份收回所有買入成本,留下的股份繼續收息收到883執笠為止,唔好為小利而殺左隻會為你生一世生金蛋的雞.
閱讀更多