沪深兩市成交2.59萬億元,破哂歷史紀錄
在國慶長假前,A股今天成交金融2.59萬億,創歷史新高.老百姓存款多達145萬億,拿少少出來就足夠令A股H股狂升.中央一定會用盡方法令呢一隻蠻牛不會成為快牛,升幾日就冇力收工,一定會令呢隻牛在大升過後成為慢牛,長期在高位然後慢慢升.
3437博時央企紅利ETF原來已改了每手買賣股數
此ETF出世時好搞野,每手只是10股,買一手只需80幾90蚊,若要買多些而又用銀行買賣,隨時要交最高收費,十分唔划算,因此平時成交甚少.發行商也知錯能改,在3月份改為每手100股,我都係最近才知.有此改變,日後我會頻密地儲呢隻ETF,例如在馬會贏馬贏波執幾仟的話,就買番幾百股3437,好過寃枉來,温疫去,要嘔番d俾馬會,又或者在短炒中有可觀盈利,會拿部份來増持3437.此ETF是穩定長期派高息的ETF,唔駛怕會減派息或倒閉.去年中出世,派左2次息,每次派0.35港元,一共派左7毫子息,就當你是在9蚊相對高位買入,收左7毫子息,成本已減到8.3元,此ETF揸的全是在港上市的央國企共50幾隻,唔包括内銀内險,全是高息股,央國企只會不斷加派息,日後此ETF派息也會跟住加,買此ETF目的不是望股價大幅,最好股價長期唔升或唔郁,方便以低價儲貨,若今年派息能去到8毫,9毫,持货成本又可大減,最重要是3437能永續長期派高息,股價也跌極有限,最多跌幾個巴仙,最怕因派息高而拉升股價太多.現價8.53元,息率都有8厘以上,好過銀行定存多多聲,更好過買甚麼年金,你拿1百萬會買年金,1個月都係得5千蚊多d,本金重會越來越少.你拿1百萬去買3437,一年收8萬幾息,本金隨時重會多左,現金流源源不絕,股價又唔會大跌,又唔怕會突然大减派息或唔派,若條件許可,將個8萬幾股息再買落去,増加持股,唔駛好多年,1百萬會好快變好幾球而且近乎無風險.
不斷看到大師的勵志分享，對市場前景更具信心，同時更為大師的亮麗成績和早早持有國央企股的同志感到十分高興和鼓舞。
回覆刪除看到在經濟國策下市場的走勢趨向大好，自己除佛系和奉行簡單就是美模式地持有手上的貨外，正考慮將日前加注的883和倉位內有1成多微利的152看位換入836。
其實都唔一定要換836,現在市場有好多央企選擇,逢低買入優質股如883,941短炒勝算更大,如883若在18蚊樓下買入,短期賺個8至10%根本不是難事,目標若定得低些,4至5%更隨時可成,一次短炒就好過擺定期擺足一年,若每年耐心等候時機,做番幾次短炒,收益起碼2至3成.
回覆刪除152其實都唔錯,跌穿6蚊時若想買一定買到,唔駛幾天又有15%升幅,我上星期4都有在6.13排隊買,但太孤寒唔肯多一格即買,跟住就俾買上去.
回覆刪除謝謝大師的多元化提點，會細味分享🙏🙏🙏。
回覆刪除因自己已全倉，現手上的資金不多，若要買貨只有靠沽出手上一些持股。