長期滿倉才是王道才可笑到最後
不出所料,大部份股份被唔夠貨或冇貨的投資者瘋狂追入,有貨者日日數錢,睇住大班人高追確是好過引,不久前,大批財演還在一本正經,語重深長叫大家要小心,港股要減磅,不能太進取,俾呢d噪音影響而作出錯誤選擇的人不知有何感想,最可恨是這班財演只是人肉讀報機,永遠不持有任何股份,只是不斷重覆過時的數據和資訊,同埋想當然的分析,市升叫人小心,市跌又叫人小心,照此操作,永遠都唔駛旨意會買到股票,阿媽係女人要你天天都提醒嗎？
有華潤冇窮人
在港上市的華潤系公司有7間,當然不是每一間都會大升特升,今日創52周新高的就有2間,836同1193,836就不多說了,之前講得太多了,慢火煎魚式上升,股價表現冇令人失望,年頭至今升左近5成,1193華潤燃氣也是心急食不了熱豆腐,每日升幾格,由4月份低位22個幾升到而家近30蚊,升甘多主要又是受惠公用事業加價和良好的管治,371和257都可以升甘多,更何況是華潤這塊金漆招牌.另一隻我經常提及的3320華潤醫藥,升幅冇甘多,走勢是日升日跌,升穿6蚊後曾話過不再T出T入,不想再折騰,我這個香港仔,以前不明瞎折騰是甚麼意思,現在總算明白,折騰也有折騰的好處,只是不能安安樂樂訓响度躺平收錢,要辛辛苦苦走多幾轉先有可觀回報,除左平貨長倉個注唔郁之外,呢十幾日又用新資金玩T出T入3320,每次執2至3%就食胡,呢十幾日做左7至8次T,都有20%回報,若可以玩多幾個月而股價都係在區間上落,甘短炒回報都可達8成至一倍,但我深信3320橫行多一排就會真突破而大升.下午開市,3320升到5.83,今早5.7入左,又到食胡範圍,擺高5至6格睇下有冇人接.
市場變化，傾刻轉向，前天午茶與友即興買入836，收市坐艇，昨日一覺瞓醒又另一景象，午茶後賣出，有微利就算。
回覆刪除相約今個星期六鯉魚門和朋友們高興。