一拖38順利沽出食胡,跟手再買3320短炒

 今早順利在7.73沽出一拖,扣除使費都有4%盈利,已心滿意足,跟手在4.91又買番隻3320華潤醫藥,有4%賺又會走,繼續奉行貨如輪轉策略,做個股票渣男.

留言

  1. Ray2024年9月19日 上午5:56

    大師的長短棍投資法確了得。
    又今次美減息50點子，本地銀行即時跟減1/4厘，十分迅速，未知這對地產股和樓市在減息後的走向，大師有些甚麼看法呢？

    回覆刪除
  2. 金戈鐵馬2024年9月19日 上午6:35

    發展商太多存貨,去庫存有極大難度,除非減息頻密地發生,但美國也不會密密減息,弱美元會令美股美債大跌,本地地產股同樓市唔再跌已萬幸,樓價重係好貴好唔合理地高,除非你有需要同可一砲過唔駛做按揭,否則都係避之則吉,地產股只能在大跌時先可考慮低吸博反彈,長揸不宜.

    回覆刪除
  3. Ray2024年9月19日 上午9:56

    謝謝大師的剖析，十分有見地和深度，對投資地產股和樓市極具參考價值。

    回覆刪除

發佈留言

此網誌的熱門文章

無人駕駛的士已成行成市

 百度的萝卜快跑又在另一大城市武漢落地,只有一千架的士,但預約定單已有六萬單,傳統網約車多達幾萬架,無人的士不需要司機,又可24小時不眠不休工作,加上為左搶市佔率,收費較網約車平一大截,若無太多安全隱患,相信早晚都會主導市場,達致收支平衡,百度今日急升成,一來是股價大跌過後,已觸底反彈,再加上有實質的無人駕駛業務在運行,日後或許會帶來盈利,故惹憧憬.科技不斷發展,中年的中高層一旦失業,肯放下身段,過往還有鐵人三寶可選擇,就是外賣,快遞和網約車司機可做,現在就算肯做都不一定有得做.
閱讀更多

883重係好鬼平

 中海油A股最高升到34.98,中午收34.97人仔,市盈率都只是12倍,883就更單位數PE,冇中特估在手的内地散戶天天大罵中特估是抱團式上升,好快就爆煲,但又唔諗吓自已揸住個堆過去式的抱團股,動不動就升到過百倍,股價腰斬再腰斬後,市盈率還是幾十倍,高過哂所有中特估,盈利又冇穩定性,又冇壟斷性,更冇成長性可言,派息又低,最重要一點是冇國家隊資金背書,估值回歸合理水平而導致股價大跌,更冇人會出手相救,又你要等到股價再大幅回落變做高息股才有人會買,中特估有排都未收復回合理估值,短期根本冇甚麼爆煲可能.
閱讀更多