中國移動買在無人問津時
中國移動未來3年的派息比率會加到75%.23年為71%,若在2年幾前被特朗普制裁時買入,即40至50元區間橫行期間任何價位買入,並持有到而家,已成股市大贏家,揸多3年收多3年息,相信收息都收番買入成本6至7成,計埋股價升幅,升幅肯定倍幾樓上,若你是極度保守投資者,只需沽出1至2成持貨,餘下8成所持941全是免費儲番來的,所需時間不過是5至6年,之後只要941唔執笠,每年都會無償派息俾你,每天24小時不停為你製造被動收入
有華潤冇窮人
在港上市的華潤系公司有7間,當然不是每一間都會大升特升,今日創52周新高的就有2間,836同1193,836就不多說了,之前講得太多了,慢火煎魚式上升,股價表現冇令人失望,年頭至今升左近5成,1193華潤燃氣也是心急食不了熱豆腐,每日升幾格,由4月份低位22個幾升到而家近30蚊,升甘多主要又是受惠公用事業加價和良好的管治,371和257都可以升甘多,更何況是華潤這塊金漆招牌.另一隻我經常提及的3320華潤醫藥,升幅冇甘多,走勢是日升日跌,升穿6蚊後曾話過不再T出T入,不想再折騰,我這個香港仔,以前不明瞎折騰是甚麼意思,現在總算明白,折騰也有折騰的好處,只是不能安安樂樂訓响度躺平收錢,要辛辛苦苦走多幾轉先有可觀回報,除左平貨長倉個注唔郁之外,呢十幾日又用新資金玩T出T入3320,每次執2至3%就食胡,呢十幾日做左7至8次T,都有20%回報,若可以玩多幾個月而股價都係在區間上落,甘短炒回報都可達8成至一倍,但我深信3320橫行多一排就會真突破而大升.下午開市,3320升到5.83,今早5.7入左,又到食胡範圍,擺高5至6格睇下有冇人接.
下年就算全年持平, 已派5.1, 加上折舊今年改10 年, 肯定增加180 億利潤, 當利潤多10 %算, 6.8X1.1X75% = 5.61HKD, 現價除淨後65蚊, 都有8厘6........真係夫復何求呀師傅
回覆刪除