長實又掟深海炸彈

 長實今日推出獨資發展的黃竹坑六期價單,趙國雄話以撈底價推出,蝕住賣都冇所謂,最緊要去貨.均要21968一呎,最平個間878萬,平過由其他發展商發展的黃竹坑其餘5期,如晉環等,平均呎價3萬蚊,平足3成.長實呢個項目,地價都要8400幾蚊呎,售後地鐵重要分紅25%,同免費起個商場俾地鐵,連埋建築成本,借款利息,就算成本冇趙國雄所講要28000蚊呎甘多,呢個價肯定係蝕住賣.

留言

  1. Ray2024年3月28日 上午4:19

    金戈大師早前已點出了本地樓市風光不再。
    長實新盤現開價蝕住賣，可解讀為他們對後市亦不甚樂觀。

    回覆刪除
  2. 金戈鐵馬2024年3月28日 上午5:27

    首批試下水溫,反應好就會加價加推,唔賣得再減,成1200個單位甘多.傍晚金管局又指引本地銀行放鬆對本地中小企追數力度,延長還息不還本措施,過往中小企都係靠磚頭同銀行借款周轉,若磚頭價跌幅過大,隨時被銀行call loan,還息唔還本都係權宜之計,要恢復市民留港消費的信心才最重要,最後矛頭會指向大業主,大地產發展商的商場會被迫或自願減租求生存.

    回覆刪除

發佈留言

此網誌的熱門文章

無人駕駛的士已成行成市

 百度的萝卜快跑又在另一大城市武漢落地,只有一千架的士,但預約定單已有六萬單,傳統網約車多達幾萬架,無人的士不需要司機,又可24小時不眠不休工作,加上為左搶市佔率,收費較網約車平一大截,若無太多安全隱患,相信早晚都會主導市場,達致收支平衡,百度今日急升成,一來是股價大跌過後,已觸底反彈,再加上有實質的無人駕駛業務在運行,日後或許會帶來盈利,故惹憧憬.科技不斷發展,中年的中高層一旦失業,肯放下身段,過往還有鐵人三寶可選擇,就是外賣,快遞和網約車司機可做,現在就算肯做都不一定有得做.
閱讀更多

883重係好鬼平

 中海油A股最高升到34.98,中午收34.97人仔,市盈率都只是12倍,883就更單位數PE,冇中特估在手的内地散戶天天大罵中特估是抱團式上升,好快就爆煲,但又唔諗吓自已揸住個堆過去式的抱團股,動不動就升到過百倍,股價腰斬再腰斬後,市盈率還是幾十倍,高過哂所有中特估,盈利又冇穩定性,又冇壟斷性,更冇成長性可言,派息又低,最重要一點是冇國家隊資金背書,估值回歸合理水平而導致股價大跌,更冇人會出手相救,又你要等到股價再大幅回落變做高息股才有人會買,中特估有排都未收復回合理估值,短期根本冇甚麼爆煲可能.
閱讀更多