此ETF出世時好搞野,每手只是10股,買一手只需80幾90蚊,若要買多些而又用銀行買賣,隨時要交最高收費,十分唔划算,因此平時成交甚少.發行商也知錯能改,在3月份改為每手100股,我都係最近才知.有此改變,日後我會頻密地儲呢隻ETF,例如在馬會贏馬贏波執幾仟的話,就買番幾百股3437,好過寃枉來,温疫去,要嘔番d俾馬會,又或者在短炒中有可觀盈利,會拿部份來増持3437.此ETF是穩定長期派高息的ETF,唔駛怕會減派息或倒閉.去年中出世,派左2次息,每次派0.35港元,一共派左7毫子息,就當你是在9蚊相對高位買入,收左7毫子息,成本已減到8.3元,此ETF揸的全是在港上市的央國企共50幾隻,唔包括内銀内險,全是高息股,央國企只會不斷加派息,日後此ETF派息也會跟住加,買此ETF目的不是望股價大幅,最好股價長期唔升或唔郁,方便以低價儲貨,若今年派息能去到8毫,9毫,持货成本又可大減,最重要是3437能永續長期派高息,股價也跌極有限,最多跌幾個巴仙,最怕因派息高而拉升股價太多.現價8.53元,息率都有8厘以上,好過銀行定存多多聲,更好過買甚麼年金,你拿1百萬會買年金,1個月都係得5千蚊多d,本金重會越來越少.你拿1百萬去買3437,一年收8萬幾息,本金隨時重會多左,現金流源源不絕,股價又唔會大跌,又唔怕會突然大减派息或唔派,若條件許可,將個8萬幾股息再買落去,増加持股,唔駛好多年,1百萬會好快變好幾球而且近乎無風險.
上星期六晚賣樓後將款項半做定期，半買939的朋友請吃飯。人數6位，叫了一條3斤左右的牙衣(炒球和椒鹽兩味)，外加乳鴿和一個雞煲翅已叫不完。因用公筷，有朋友將吃剩的帶回給家傭，以免浪費。
回覆刪除飯聚期間與朋友談起大家都是939之友，他笑說已賣出取會本金了，但將利潤轉化為零成本投資，每年收的息將定期找班老友飯聚分享，又感到今次十分幸運，可在短時間已有豐厚利潤。
零成本持股收息,若股數夠多,確實係無風險兼無敵的投資,大前提係間公司唔會執笠,央國企正符合上述標準,若有十隻八隻零成本高息股在手,就真係完美,最笨但又最有效方法當然是收息複投,時間長d可能要十年八載才可令本金翻倍,若你還年青或心態重年青就快d做,十幾年後年青人都成為中年人,你有大堆唔使成本的收息股收息的話,就不需為生活而返工,唔需要再讀埋一大堆課程増值自已,到時人工智能可能已可取代好多文職工種,工人,農夫,基層工作呢堆工作反而更吃香.唔係鼓吹讀多d書,勤奮工作冇用,這些只能為你提供溫飽,不會令你致富.唔記得邊個人講過,財富從來不是勤奮者的報酬,而是對有認知者的獎賞.我目前都有幾隻零成本股份,但數量唔夠多,重要努力儲多d,T出T入可大幅縮短零成本持股的時間,但都有買不回的風險,最好方法都係在低位買入一些貝潛力大升的高息股.
回覆刪除所言甚是，鑑於大師的財商和分析國情能力高超，相信目標指日可待。
回覆刪除小弟亦同樣向以大師的目標進發。
大家加油，共同富裕！
又記起今早同朋友喝茶，他說今年在$4.8買了5萬股762，現見利潤不錯，想賣出獲利。
回覆刪除我笑說由你自己買前是想短或長來決定。