北水開市狂搶高息中特估
不理寬減港股通利息稅是真是假,一開市北水就狂搶941,939,3988,883等一大批高息股,我持有的4大天王幾乎全部創哂一年或多年新高,多謝北水散戶推高股價,我就乘乘地坐响度數錢.若日後真係減利息稅,今日買貨的北水就要慶幸及入市増持高息中特估.
有華潤冇窮人
在港上市的華潤系公司有7間,當然不是每一間都會大升特升,今日創52周新高的就有2間,836同1193,836就不多說了,之前講得太多了,慢火煎魚式上升,股價表現冇令人失望,年頭至今升左近5成,1193華潤燃氣也是心急食不了熱豆腐,每日升幾格,由4月份低位22個幾升到而家近30蚊,升甘多主要又是受惠公用事業加價和良好的管治,371和257都可以升甘多,更何況是華潤這塊金漆招牌.另一隻我經常提及的3320華潤醫藥,升幅冇甘多,走勢是日升日跌,升穿6蚊後曾話過不再T出T入,不想再折騰,我這個香港仔,以前不明瞎折騰是甚麼意思,現在總算明白,折騰也有折騰的好處,只是不能安安樂樂訓响度躺平收錢,要辛辛苦苦走多幾轉先有可觀回報,除左平貨長倉個注唔郁之外,呢十幾日又用新資金玩T出T入3320,每次執2至3%就食胡,呢十幾日做左7至8次T,都有20%回報,若可以玩多幾個月而股價都係在區間上落,甘短炒回報都可達8成至一倍,但我深信3320橫行多一排就會真突破而大升.下午開市,3320升到5.83,今早5.7入左,又到食胡範圍,擺高5至6格睇下有冇人接.
金戈兄又數錢~3320 太強了
回覆刪除最勁係836,破哂位,美國個批垃圾電力股如VST, CEG, NRG不停升,最離譜VST, 業績差都照升,一年升左140%,但凡扯上A|的升,電力股由公用股變左成長股,由此推算,昨日市值得9百幾億的潤電豈不是就要估值1500億,到時市盈率都係十倍多d,比VST的20幾至30倍市盈率,平足幾條街
回覆刪除