海神合體天下無敵
神華已經升上40蚊,多年新高,中海油除完淨又升,歷史新高,唔計已除淨5毫7息的華潤電力,又破上次24蚊新高,央企加分紅加能源是今年的王炸,已經毋容置疑,升勢有餘未盡,根本就是中特估大牛市,天天關心研究恒生指數幾多點是牛是熊簡直是在浪費生命,毫無意義.
有華潤冇窮人
在港上市的華潤系公司有7間,當然不是每一間都會大升特升,今日創52周新高的就有2間,836同1193,836就不多說了,之前講得太多了,慢火煎魚式上升,股價表現冇令人失望,年頭至今升左近5成,1193華潤燃氣也是心急食不了熱豆腐,每日升幾格,由4月份低位22個幾升到而家近30蚊,升甘多主要又是受惠公用事業加價和良好的管治,371和257都可以升甘多,更何況是華潤這塊金漆招牌.另一隻我經常提及的3320華潤醫藥,升幅冇甘多,走勢是日升日跌,升穿6蚊後曾話過不再T出T入,不想再折騰,我這個香港仔,以前不明瞎折騰是甚麼意思,現在總算明白,折騰也有折騰的好處,只是不能安安樂樂訓响度躺平收錢,要辛辛苦苦走多幾轉先有可觀回報,除左平貨長倉個注唔郁之外,呢十幾日又用新資金玩T出T入3320,每次執2至3%就食胡,呢十幾日做左7至8次T,都有20%回報,若可以玩多幾個月而股價都係在區間上落,甘短炒回報都可達8成至一倍,但我深信3320橫行多一排就會真突破而大升.下午開市,3320升到5.83,今早5.7入左,又到食胡範圍,擺高5至6格睇下有冇人接.
今午與澳回港探親的友人茶聚，閒話家常後，談起他尚有一些在港的資產須處理，現考慮全部沽清或是部分保留。
回覆刪除又他說手上尚有3萬股零成本的656，想問問看法。
我說狡兔三屈，不若保留一物業和一些股票在港亦不錯。
講起股票，想到大師在此曾提過的低空經濟文章，因自己亦相信低空經濟會與新人工智能一般有很大潛力，反正656是零成本，便提議不若考慮將656换成3969長期持有看看。
656呢隻民企以往好似十幾二十蚊一股,一路跌,郭廣昌也不斷賣野套現,最大鑊是有沾手地產,内地瀬左幾多野冇人知,香港就有幅高價買番來的前邵氏片場地皮,藉詞補地價金額太高而上訴,拖延興建時間.幸好Ray兄是零成本,不過得3萬股,沽哂都唔夠錢買2仟股中移動.講開低空經濟,今日看新聞見特首俾議員追問,香港何時搞低空經濟,若再唔搞,會成為大灣區内最落後城市,特首面有難色話香港密度高,訊號問題也難解决,唔係甘容易搞,轉口話下星期會出氫能政策,先搞氫能,首先全港洗街車會用哂氫能車.香港過去一向慣左炒炒賣賣,要緊跟國策搞高科技真係有點難度.
回覆刪除