再談中國通號

 今早中國通號城交公司確認已獲批民用無人駕駛航空器營運証,標誌著城市交通公司具備正式開展無人機經營性飛行活動的資格,不知他是否第一間或唯一一間有牌的訊號公司,若係就要重新估計呢間國企的成長性,日後盈利可能會爆炸性上升,翻看資科3969在2015年於香港上市,上市價6.3元,現股價跌左一半以上,此股於5年前回A科創版上市,上市價4個8毫幾,現股價升左近4成,若計埋收左4年息,回報5成樓上,唯獨是H股被錯殺,年年有錢賺,年年派息,PE,PB全部低單位數,簡直係典型中特估,重要係具備有息派的科特估特性,現價若上番招股價都有一倍利潤,雖不知未來低空經濟是否真會帶來大量盈利,但有故事,惹人憧憬,只希望此股不要大升,引人注目,慢慢升,升左都冇人知最好,北水都揸左4成幾,可能沒收夠貨,畢竟多年前未有北水,本地散戶買左唔少也蟹左唔少,有些人重揸住冇止蝕,收埋呢班人的貨,股價就會如無人駕駛般大升.

留言

  1. Rcc2024年6月21日 下午11:28

    金sir. 請問有冇留意 1599 城建設計 PE 低，派息高，但股價一般，有怎樣睇法呢？謝謝

    回覆刪除
  2. 絕學無憂2024年6月21日 下午11:57

    感謝分享

    回覆刪除
  3. 金戈鐵馬2024年6月22日 上午12:00

    1599我冇研究過,唔識.反而對另一隻1752京投交通科技有d與趣,母公司是北京國資委,市值得個5億幾6億,一年賺億幾,6天後除淨,現價0.32,派息0.025,近8厘息,揸住成10億現金,21年時傳過會私有化,及後公司出來澄清,冇私有化計劃,係北京地膽,最近北京市政府攪個無人駕駛試驗區,1752同中國通號一同中標,重一齊搞實驗室研究相關科技,股價都係升左2成,最大缺點是成交極少,星期五全日成交得2萬幾蚊,再加上不是港股通,冇北水買,每日可能只買到幾仟蚊貨,若唔介意得幾仟蚊貨,呢d毫子股又有物成交隨時會因業績好或又傳私有化而倍升.

    回覆刪除
  4. 金戈鐵馬2024年6月22日 上午12:18

    Rcc有眼光,1599又係一隻高息國企,5年間派左8毫子人仔息,個幾買的話收息都收左買價6成,好快零成本,原來1599母公司又係北京市政府,主要設計路軌,又係穩陣股,股價升固然好,唔係點升收10厘息都爽yY,相信Rcc已有貸在手,此股有北水憧憬會回A上科創版,雖沒成事但仍有機會.國央企其實重有大把未被發掘的好東西,越冇人識越好.

    回覆刪除
    回覆
    1. Rcc2024年6月22日 上午4:22

      大師分析到位，我”暫時”無貨，不過從長線收息角度真係唔錯。

      刪除
  5. kian2024年6月23日 下午7:47

    金sir， 788 中國鐵塔如果買來收息點睇，獨市生意，每年派息增加，加試重系底位

    回覆刪除

發佈留言

此網誌的熱門文章

有華潤冇窮人

 在港上市的華潤系公司有7間,當然不是每一間都會大升特升,今日創52周新高的就有2間,836同1193,836就不多說了,之前講得太多了,慢火煎魚式上升,股價表現冇令人失望,年頭至今升左近5成,1193華潤燃氣也是心急食不了熱豆腐,每日升幾格,由4月份低位22個幾升到而家近30蚊,升甘多主要又是受惠公用事業加價和良好的管治,371和257都可以升甘多,更何況是華潤這塊金漆招牌.另一隻我經常提及的3320華潤醫藥,升幅冇甘多,走勢是日升日跌,升穿6蚊後曾話過不再T出T入,不想再折騰,我這個香港仔,以前不明瞎折騰是甚麼意思,現在總算明白,折騰也有折騰的好處,只是不能安安樂樂訓响度躺平收錢,要辛辛苦苦走多幾轉先有可觀回報,除左平貨長倉個注唔郁之外,呢十幾日又用新資金玩T出T入3320,每次執2至3%就食胡,呢十幾日做左7至8次T,都有20%回報,若可以玩多幾個月而股價都係在區間上落,甘短炒回報都可達8成至一倍,但我深信3320橫行多一排就會真突破而大升.下午開市,3320升到5.83,今早5.7入左,又到食胡範圍,擺高5至6格睇下有冇人接.
閱讀更多

巨型央企長遠可以升到你唔信

 只要國家想做的事,沒有哪件是做不成的,多年前提出的中國制造2025,縱使西方國家千般阻撓,基本上都已完成,更引來產能過剩的指控.美股靠Magnificent seven頂住個市唔跌還要大升,現在更單靠英偉達一股救全家.幾年前已提也應該培養幾隻龍頭股撐起A股,畢竟A股太多垃圾股,5400隻上市公司,平均市盈率50倍,而優質央國市盈率幾倍,極度失衡,現在開始大力踢走垃圾股,又嚴控新上市公司的質量和數目,這樣做才不會A股長年在3000點附近,中國也會有中國自已的十金剛,長期高派息穩定,盈利有保證,這樣的股份肯定長升長有,不過只是升得慢d,短期暴富就冇物可能,長期持有就可慢慢致富,這也是所謂的耐心資本,國家需要的就是更多的中長期資金投入股市,幾隻大型央企正是資金目標.6月14日中移動才上證50指數,今日已經被心急人炒起,重未入指數的中海油一樣破頂,朋友你們手中有多少隻未來的中國十金剛,低位買左的就謂出出入入,好大機會沽左之後都買唔番.
閱讀更多

埃克森美XOM股價創歷史新高,883星期一挑戰20元

 沙地關閉多個海上鑽油台,放棄増加產能計劃,而布油繼續企穩91美元樓上,埃克森美XOM收市報121.37美元,創歷史新高,盤後股價仍然上升,此XOM的市盈率13.67倍,息率3.13厘,縱使偉大的883股價自年初已升了45%.去年底收市13蚊,上星期五在冇北水情況下仍升至19.3,但市盈率仍只得6.77倍,息率6厘8,足足平埃克森一半,而埃克森產能係得甘多,相反中海油產能年年増加,若今年布油長期在90美元樓上,叠加中海油產能的大幅增加,今年盈利說不定會暴增至1600億人仔,若現股價唔升,再加新一輪派息計劃,大増派息後,到時市盈率又回返4倍,又再做返高盈利,高分紅,低估值的超級學霸優質生,星期一北水回歸,好大機會將883拉升至20蚊,隨着日後更多利消的發佈,更多來年強勁盈利的預期披露,到時20蚊的883會被視為超抵價,又會被買爆,在7至12蚊買左883又冇走的朋友,好好享受財息兼收,財富増值的良辰美景,20蚊只是883的新起點,就算已嬴左倍幾或幾倍的朋友,覺得贏夠想俾d人贏,都唔好偉大到沽哂全部,只需沽出一小部份收回所有買入成本,留下的股份繼續收息收到883執笠為止,唔好為小利而殺左隻會為你生一世生金蛋的雞.
閱讀更多