冷門股38第一拖拉機

由於本身在低位3蚊買入38, 故特別留意他的走勢,十日八日前上過9蚊樓上,跟住俾機會讓在8元樓上追入的散戶獲利沽貨,此股已完全被北水控制,買左4成幾近5成,幾天下來都係有序地跌左幾毫子,昨日除淨,星期五還持有者重可收3毫幾子息,我當然揸住唔放,以買入價計收緊10厘息以上,點會沽.昨天除淨,整天股價都在下跌,跌1至2%,全日成交得250萬股,但其中140萬股來自收市後競價市段,結果全被人掃光,重以全日最高位收報8個6,股價升左3%,若計埋會收的股息3毫幾子,幾乎又上番9蚊,過去一星期散戶沽的貨又落入有心人手中.但今天38又唔見有好表現,全日跌幅都在1至2%,但競價時段又被人買上,全日微跌一格.但晚上又出左一則利好消息,就是2024至2026年新一輪農機購置和應用補貼意見書已發行,明天第一拖拉機若大升,呢班春江鴨又肥過肥仔水,樂觀地想,8個幾都大手掃貨,若中期業績靚爆,起碼升3至4成佢地先會走人,到時股價豈不是要見12蚊,我3蚊入的貨,未計收息,股價都升4倍,無謂想太多,任佢放紙鳶,最緊要攬到實揸住唔放.又想起繁花中爺叔的金句,目標從來不遥遠,一步步,一天天,其餘的交給時間.

留言

  1. Ray2024年6月4日 下午10:36

    看到38，想起有位朋友提過在5元左右買入，今個星期六下午大家約了去星巴克，到時問問他買入的看法可會與大師雷同。

    回覆刪除
  2. 金戈鐵馬2024年6月4日 下午11:01

    今早38又玩大插水,成交算叫做多,有2百幾萬股,應該又震走唔少人,收市跌幅應大幅收窄,應該都守得8蚊掛,我仍信心滿滿,繼續長揸.

    回覆刪除
  3. 金戈鐵馬2024年6月4日 下午11:42

    Ray兄位朋友隻拖拉機可能在8個幾至9蚊沽出,執番幾十萬落袋.我認識的人,年内憑著買入中特估贏幾十萬或過百萬以上的大有人在,贏二十幾萬以上的,本金都不多,都係投入4至50萬買中特估,初心都係收息,都收過一兩次息,誰知隻隻升幅都有4至5成,於是全部沽出或沽出部份.資金較多的,如有幾球現金在手,冇做槓杆,買百幾二百萬落是但一隻高息中特估,諗住收高息,有能力長坐,買200萬貨,就只計年頭至今,大批中特估升幅都在4成上,若是在去年或更早買的,升幅更可觀,買200萬貨,半年唔夠就賺過百萬,極度唔等錢使又忍得手唔沽貨的散戶相信不多,但呢批人將來得到的回報將會更多,更豐厚.

    回覆刪除
    回覆
    1. Ray2024年6月5日 上午2:57

      是的，很多今年散户都受惠中特估股的升幅，大家共同富裕，又看來有可能現只是中特股的牛市序幕。
      自己認識賺最多的是在4月買939的賣樓朋友，在取回本金後，他現手上的939已是零成本，若賣出現賬面可賺7位數，若持有又可每年又收到高息。
      想起他順勢擁抱/紧隨國策就可在短短的時間有豐厚的收獲，是的多麼美妙，自己很為他高興。

      刪除
  4. 金戈鐵馬2024年6月4日 下午11:42

    此留言已被作者移除。

    回覆刪除
  5. 終身美麗2024年6月5日 上午12:46

    我隻拖拉機在8個幾震走沽出 lu

    回覆刪除
  6. Ray2024年6月5日 上午3:02

    今個星期六喝咖啡時，會問問朋友手上的38去向和有甚麼看法再大家分享。

    回覆刪除

發佈留言

此網誌的熱門文章

有華潤冇窮人

 在港上市的華潤系公司有7間,當然不是每一間都會大升特升,今日創52周新高的就有2間,836同1193,836就不多說了,之前講得太多了,慢火煎魚式上升,股價表現冇令人失望,年頭至今升左近5成,1193華潤燃氣也是心急食不了熱豆腐,每日升幾格,由4月份低位22個幾升到而家近30蚊,升甘多主要又是受惠公用事業加價和良好的管治,371和257都可以升甘多,更何況是華潤這塊金漆招牌.另一隻我經常提及的3320華潤醫藥,升幅冇甘多,走勢是日升日跌,升穿6蚊後曾話過不再T出T入,不想再折騰,我這個香港仔,以前不明瞎折騰是甚麼意思,現在總算明白,折騰也有折騰的好處,只是不能安安樂樂訓响度躺平收錢,要辛辛苦苦走多幾轉先有可觀回報,除左平貨長倉個注唔郁之外,呢十幾日又用新資金玩T出T入3320,每次執2至3%就食胡,呢十幾日做左7至8次T,都有20%回報,若可以玩多幾個月而股價都係在區間上落,甘短炒回報都可達8成至一倍,但我深信3320橫行多一排就會真突破而大升.下午開市,3320升到5.83,今早5.7入左,又到食胡範圍,擺高5至6格睇下有冇人接.
閱讀更多

巨型央企長遠可以升到你唔信

 只要國家想做的事,沒有哪件是做不成的,多年前提出的中國制造2025,縱使西方國家千般阻撓,基本上都已完成,更引來產能過剩的指控.美股靠Magnificent seven頂住個市唔跌還要大升,現在更單靠英偉達一股救全家.幾年前已提也應該培養幾隻龍頭股撐起A股,畢竟A股太多垃圾股,5400隻上市公司,平均市盈率50倍,而優質央國市盈率幾倍,極度失衡,現在開始大力踢走垃圾股,又嚴控新上市公司的質量和數目,這樣做才不會A股長年在3000點附近,中國也會有中國自已的十金剛,長期高派息穩定,盈利有保證,這樣的股份肯定長升長有,不過只是升得慢d,短期暴富就冇物可能,長期持有就可慢慢致富,這也是所謂的耐心資本,國家需要的就是更多的中長期資金投入股市,幾隻大型央企正是資金目標.6月14日中移動才上證50指數,今日已經被心急人炒起,重未入指數的中海油一樣破頂,朋友你們手中有多少隻未來的中國十金剛,低位買左的就謂出出入入,好大機會沽左之後都買唔番.
閱讀更多

埃克森美XOM股價創歷史新高,883星期一挑戰20元

 沙地關閉多個海上鑽油台,放棄増加產能計劃,而布油繼續企穩91美元樓上,埃克森美XOM收市報121.37美元,創歷史新高,盤後股價仍然上升,此XOM的市盈率13.67倍,息率3.13厘,縱使偉大的883股價自年初已升了45%.去年底收市13蚊,上星期五在冇北水情況下仍升至19.3,但市盈率仍只得6.77倍,息率6厘8,足足平埃克森一半,而埃克森產能係得甘多,相反中海油產能年年増加,若今年布油長期在90美元樓上,叠加中海油產能的大幅增加,今年盈利說不定會暴增至1600億人仔,若現股價唔升,再加新一輪派息計劃,大増派息後,到時市盈率又回返4倍,又再做返高盈利,高分紅,低估值的超級學霸優質生,星期一北水回歸,好大機會將883拉升至20蚊,隨着日後更多利消的發佈,更多來年強勁盈利的預期披露,到時20蚊的883會被視為超抵價,又會被買爆,在7至12蚊買左883又冇走的朋友,好好享受財息兼收,財富増值的良辰美景,20蚊只是883的新起點,就算已嬴左倍幾或幾倍的朋友,覺得贏夠想俾d人贏,都唔好偉大到沽哂全部,只需沽出一小部份收回所有買入成本,留下的股份繼續收息收到883執笠為止,唔好為小利而殺左隻會為你生一世生金蛋的雞.
閱讀更多