不是吹票,中國通號又有新消息

 首先利申我持有少量3969中國通號,勝固欣然,就算輸哂都無損皮毛,不過呢個可能性近乎零,反而大獲全勝的可能性此刻會大好多,就算小注落場玩,都要關心多些公司消息.3969呢頭攞左低空飛行牌照,呢個牌都係今年國家立左法先至出現,今日就話同深鐵訊號共同研發的無人機AI巡檢及緊急應變系統已經在深圳龍華現代有軌電車系統,成功完成首飛場景試驗,突破左低空十軌道的創新應用.在特定區域,地上的有軌車在運行,頭上的無人機就同時飛行.中國通號說會加快開展低空空域智能管理系統開發和拓展營運服務業務,加快推動低空十軌道創新應用和商業模式落地.低空經濟未來將會是一片藍海.

留言

  1. Ray2024年6月22日 下午9:58

    昨晚與將復星换馬到3969的友人跟剛從荷蘭回港的朋友飯聚，席間他談起歐洲的經濟很一般，又對金融的監管嚴格，去賭場比前亦多了規矩，遲兩天會到澳門娛樂下止止癢。
    談到足球，他說買了5仟元葡萄牙勝。
    大家又談到近期國內的央企股股價強勢，他說手上有幾仟股在上次回港買的1072，現不過是平手冇賺蝕。
    另一個换入3969的朋友說有時買入的時機和版塊也很重要，他說之前將3萬股復星再加了些少錢换入5萬股3969還有息收，之後打算長期持有。

    回覆刪除
  2. 金戈鐵馬2024年6月22日 下午11:17

    足球常有造假的情況,大型賽事就相對安全好多,如昨晚的歐洲國家盃,2場都是正路賽果,比利時和葡萄牙都輕易取勝,葡萄牙就相當好分,我買的時候竟有1.48倍,加番條比利時X葡萄牙2串1,1.48X1.36近2倍回報,買波只要不是病態式去買,如場場都買,輸一場又加注買第二場等等..,啱心水至買,贏馬會錢非難事,足球唔同跑馬,跑馬馬會只是抽回佣,有贏冇輸,投注額越大佢贏得越多,足球則唔同,馬會是有機會輸錢的.不過我買馬買波的注碼不算很大,可能是從不入新錢落馬會户口,因長期keep住贏馬會錢,馬會户口筆錢都係贏返來的,只要一日唔輸清,就變相長期免費娛樂,唔駛錢買波買馬,若運氣好贏了較多錢時,甚至會收番部份錢落袋,而不是乘勝追擊,買波買馬同做生意或買股票一樣,不是鬥邊個贏得多,而是比較誰人可長久生存落去.

    回覆刪除

發佈留言

此網誌的熱門文章

有華潤冇窮人

 在港上市的華潤系公司有7間,當然不是每一間都會大升特升,今日創52周新高的就有2間,836同1193,836就不多說了,之前講得太多了,慢火煎魚式上升,股價表現冇令人失望,年頭至今升左近5成,1193華潤燃氣也是心急食不了熱豆腐,每日升幾格,由4月份低位22個幾升到而家近30蚊,升甘多主要又是受惠公用事業加價和良好的管治,371和257都可以升甘多,更何況是華潤這塊金漆招牌.另一隻我經常提及的3320華潤醫藥,升幅冇甘多,走勢是日升日跌,升穿6蚊後曾話過不再T出T入,不想再折騰,我這個香港仔,以前不明瞎折騰是甚麼意思,現在總算明白,折騰也有折騰的好處,只是不能安安樂樂訓响度躺平收錢,要辛辛苦苦走多幾轉先有可觀回報,除左平貨長倉個注唔郁之外,呢十幾日又用新資金玩T出T入3320,每次執2至3%就食胡,呢十幾日做左7至8次T,都有20%回報,若可以玩多幾個月而股價都係在區間上落,甘短炒回報都可達8成至一倍,但我深信3320橫行多一排就會真突破而大升.下午開市,3320升到5.83,今早5.7入左,又到食胡範圍,擺高5至6格睇下有冇人接.
閱讀更多

巨型央企長遠可以升到你唔信

 只要國家想做的事,沒有哪件是做不成的,多年前提出的中國制造2025,縱使西方國家千般阻撓,基本上都已完成,更引來產能過剩的指控.美股靠Magnificent seven頂住個市唔跌還要大升,現在更單靠英偉達一股救全家.幾年前已提也應該培養幾隻龍頭股撐起A股,畢竟A股太多垃圾股,5400隻上市公司,平均市盈率50倍,而優質央國市盈率幾倍,極度失衡,現在開始大力踢走垃圾股,又嚴控新上市公司的質量和數目,這樣做才不會A股長年在3000點附近,中國也會有中國自已的十金剛,長期高派息穩定,盈利有保證,這樣的股份肯定長升長有,不過只是升得慢d,短期暴富就冇物可能,長期持有就可慢慢致富,這也是所謂的耐心資本,國家需要的就是更多的中長期資金投入股市,幾隻大型央企正是資金目標.6月14日中移動才上證50指數,今日已經被心急人炒起,重未入指數的中海油一樣破頂,朋友你們手中有多少隻未來的中國十金剛,低位買左的就謂出出入入,好大機會沽左之後都買唔番.
閱讀更多

埃克森美XOM股價創歷史新高,883星期一挑戰20元

 沙地關閉多個海上鑽油台,放棄増加產能計劃,而布油繼續企穩91美元樓上,埃克森美XOM收市報121.37美元,創歷史新高,盤後股價仍然上升,此XOM的市盈率13.67倍,息率3.13厘,縱使偉大的883股價自年初已升了45%.去年底收市13蚊,上星期五在冇北水情況下仍升至19.3,但市盈率仍只得6.77倍,息率6厘8,足足平埃克森一半,而埃克森產能係得甘多,相反中海油產能年年増加,若今年布油長期在90美元樓上,叠加中海油產能的大幅增加,今年盈利說不定會暴增至1600億人仔,若現股價唔升,再加新一輪派息計劃,大増派息後,到時市盈率又回返4倍,又再做返高盈利,高分紅,低估值的超級學霸優質生,星期一北水回歸,好大機會將883拉升至20蚊,隨着日後更多利消的發佈,更多來年強勁盈利的預期披露,到時20蚊的883會被視為超抵價,又會被買爆,在7至12蚊買左883又冇走的朋友,好好享受財息兼收,財富増值的良辰美景,20蚊只是883的新起點,就算已嬴左倍幾或幾倍的朋友,覺得贏夠想俾d人贏,都唔好偉大到沽哂全部,只需沽出一小部份收回所有買入成本,留下的股份繼續收息收到883執笠為止,唔好為小利而殺左隻會為你生一世生金蛋的雞.
閱讀更多