巴菲特在今年油價最低位時増持了西方石油
巴郡在6月5日至6月7日期間,即油價今年最低位期間,増持了1%OXY西方石油260萬股,持股量去到2.5億股.很多股民都說自已是巴菲特信徒,信奉價值投資,實情是揸住d千年蟹貨走唔甩,就話自已是價值投資者,稍有微利的股份就走都走唔切,日後大升都冇佢份.這是價值投資嗎？巴菲特也經常趁早止蝕多隻股份,而留下幾隻可超長期持有的好股,這才叫價值投資.西方石油現今市盈率25倍,中海油7倍唔夠,現價的中海油重係超便宜,有平貨在手的投資者更應好好珍惜手中籌碼.
有華潤冇窮人
在港上市的華潤系公司有7間,當然不是每一間都會大升特升,今日創52周新高的就有2間,836同1193,836就不多說了,之前講得太多了,慢火煎魚式上升,股價表現冇令人失望,年頭至今升左近5成,1193華潤燃氣也是心急食不了熱豆腐,每日升幾格,由4月份低位22個幾升到而家近30蚊,升甘多主要又是受惠公用事業加價和良好的管治,371和257都可以升甘多,更何況是華潤這塊金漆招牌.另一隻我經常提及的3320華潤醫藥,升幅冇甘多,走勢是日升日跌,升穿6蚊後曾話過不再T出T入,不想再折騰,我這個香港仔,以前不明瞎折騰是甚麼意思,現在總算明白,折騰也有折騰的好處,只是不能安安樂樂訓响度躺平收錢,要辛辛苦苦走多幾轉先有可觀回報,除左平貨長倉個注唔郁之外,呢十幾日又用新資金玩T出T入3320,每次執2至3%就食胡,呢十幾日做左7至8次T,都有20%回報,若可以玩多幾個月而股價都係在區間上落,甘短炒回報都可達8成至一倍,但我深信3320橫行多一排就會真突破而大升.下午開市,3320升到5.83,今早5.7入左,又到食胡範圍,擺高5至6格睇下有冇人接.
昨與手持38的朋友在星巴克喝咖啡，期間問到他手上的38動向及可以那麽醒目買入的原因。
回覆刪除他笑答說，38已在5月在平均價9元左右沽清，賬面獲利400K左右，買入原因是看到今年發佈的中央一號文件再加注的。
再問他的資金可有新動向。
他說因下星期要過澳洲住一段時間，所以先取會本金作為可能换屋和船的備用金，他現較看好國內的能源版塊，已將利潤换了2萬股零成本的883，再待今年尾回港再打算。
利申：自己持有883
其實每年都會出一號文件,只是今年文件未出前,38股價已被炒高,文件内容確實對第一拖拉機極度利好,文件發佈後38更如火箭般飛升,短短幾個月有40萬盈利已相當不錯,除非你想長揸,像我一樣般是瘋子,沽出獲利也非常合理.不過講開又講,我並非瘋子,我是3蚊買38的,剛除完淨又收左3毫幾子股息,而Ray兄朋友是5蚊買的,我有大把本錢長坐38,再加上最近一連串的國策指令和央視宣傳,農業機械化是一定會認真推行的,我個人預判38可上12蚊,現價買當然有好大風險,但有平貨在手者可淡定等食大茶飯.今年另一隻令人賺到笑的是371北控水務,可惜我持貨不多,我幾個股友,在個幾時買左一百萬股371,又係升左3至4成都唔走,只係肯坐多一會,現在賬面已賺過百萬,相信佢已經開始食胡.今年另一電力版塊,也是大豐收,是但一隻電力股,掟飛鏢或是仔細研究都好,只要有買同敢揸,都係贏到開巷,上述提的幾個版塊都係同最新國策有關,多點準確認清國策推出背後的含意,能令你戰勝99%的人.
回覆刪除國策分析，大師的分析力確實無出其右。
回覆刪除投資有時難免受時局影響，但應有持平看法和認清，才能站在風口上。
想到自己身邊有些本業十分出色的老友，但因立場上有定位而未能把握機會感可惜。