中移動A股創新高

 如一早寫好的劇本,中移動入左A50指數後,股價會不斷上升,中移動A股今日升左近3%,收107.45人仔,中石油大升6.5%,可惜中海油未入指數,3隻電訊股,中石化,神華升幅都在2至3%,四大内銀各升個幾巴仙,甘就可撑起個市,升幾十點,縱使最權重的貴州茅台同中國平安天天都在跌,都阻擋唔到指數上升,重有一隻中國船舶,升左7.5%.其子公司中船防務317呢個零月升到上天花板,但成4百幾倍市盈率,明知會都買唔落手,前身是廣船國際有人話係做潛水艇的,轉左做軍工股中船防務後,變左造船,但唔知是否重有做軍艦,不過母公司中國船舶就成為全球造船之王,過半的新船都是他造的.講番941,若在4,50蚊買左大量中移動的朋友,未來年真係可印印腳享清福,股價已升左一大截,重有上升空間,年年有5蚊樓上股息收,講緊收10厘以上股息,根本無需要再搵股炒.

留言

  1. Ray2024年6月28日 上午3:25

    下午手持823的友人請喝咖啡，因日前將賣出一半823的持貨，全數换入941，剛好股價又上升，感到心情放鬆了點。

    回覆刪除
  2. 金戈鐵馬2024年6月28日 上午3:53

    今天北水買得最多的是941,淨流入近12億,跟住是939.反而883持續淨流出,但金額已較過去幾天大幅減少,883今日一度升4個巴仙以上,自然會引來不少内地散戶高位沽出,待回番1,2個巴仙就買回,就看他們的運氣,正如昨日沽出883的内地散戶都以為今天可以以更低位買回,結果是相反.今日中海油在A股創上市新高,收33蚊人仔,進一步拉濶和883的差距,結果會有更多内地散戶衝落來買883.上半年,中海油在A股升左5成幾,但883升左81%,減唔減2成股息稅,内地散戶一樣會照買883.

    回覆刪除
  3. Ray2024年6月29日 下午9:53

    賣樓朋友來電相約下午一同港車北上行行深中大橋，往中山住一晚，明天回來，見天氣熱，明天怕回來的人多不去了。
    順便問他手上的939有否短賺了，他說除淨後再看看

    回覆刪除

發佈留言

此網誌的熱門文章

3437博時央企紅利ETF原來已改了每手買賣股數

 此ETF出世時好搞野,每手只是10股,買一手只需80幾90蚊,若要買多些而又用銀行買賣,隨時要交最高收費,十分唔划算,因此平時成交甚少.發行商也知錯能改,在3月份改為每手100股,我都係最近才知.有此改變,日後我會頻密地儲呢隻ETF,例如在馬會贏馬贏波執幾仟的話,就買番幾百股3437,好過寃枉來,温疫去,要嘔番d俾馬會,又或者在短炒中有可觀盈利,會拿部份來増持3437.此ETF是穩定長期派高息的ETF,唔駛怕會減派息或倒閉.去年中出世,派左2次息,每次派0.35港元,一共派左7毫子息,就當你是在9蚊相對高位買入,收左7毫子息,成本已減到8.3元,此ETF揸的全是在港上市的央國企共50幾隻,唔包括内銀内險,全是高息股,央國企只會不斷加派息,日後此ETF派息也會跟住加,買此ETF目的不是望股價大幅,最好股價長期唔升或唔郁,方便以低價儲貨,若今年派息能去到8毫,9毫,持货成本又可大減,最重要是3437能永續長期派高息,股價也跌極有限,最多跌幾個巴仙,最怕因派息高而拉升股價太多.現價8.53元,息率都有8厘以上,好過銀行定存多多聲,更好過買甚麼年金,你拿1百萬會買年金,1個月都係得5千蚊多d,本金重會越來越少.你拿1百萬去買3437,一年收8萬幾息,本金隨時重會多左,現金流源源不絕,股價又唔會大跌,又唔怕會突然大减派息或唔派,若條件許可,將個8萬幾股息再買落去,増加持股,唔駛好多年,1百萬會好快變好幾球而且近乎無風險.
閱讀更多

巨型央企長遠可以升到你唔信

 只要國家想做的事,沒有哪件是做不成的,多年前提出的中國制造2025,縱使西方國家千般阻撓,基本上都已完成,更引來產能過剩的指控.美股靠Magnificent seven頂住個市唔跌還要大升,現在更單靠英偉達一股救全家.幾年前已提也應該培養幾隻龍頭股撐起A股,畢竟A股太多垃圾股,5400隻上市公司,平均市盈率50倍,而優質央國市盈率幾倍,極度失衡,現在開始大力踢走垃圾股,又嚴控新上市公司的質量和數目,這樣做才不會A股長年在3000點附近,中國也會有中國自已的十金剛,長期高派息穩定,盈利有保證,這樣的股份肯定長升長有,不過只是升得慢d,短期暴富就冇物可能,長期持有就可慢慢致富,這也是所謂的耐心資本,國家需要的就是更多的中長期資金投入股市,幾隻大型央企正是資金目標.6月14日中移動才上證50指數,今日已經被心急人炒起,重未入指數的中海油一樣破頂,朋友你們手中有多少隻未來的中國十金剛,低位買左的就謂出出入入,好大機會沽左之後都買唔番.
閱讀更多

東阿阿胶進軍男士滋補品

 96年在深圳上市的東阿阿胶SZ000423,當時上市價不過每股5.28人仔,年年賺錢,除左在2019年出現虧損4.4億元,之後被華潤集團取得絕對控制權,現時阿胶 大股東為本港上市的華潤醫藥3320,華潤取得控制權後,踢走哂舊有管理層,用自己優良方式經營,業務大為改善,股價歷史高曾達68.55人仔,今日收市63.2人仔,再破歷史新高指日可待.剛公佈的全年業績好到無話可說,全年做左47.65億生意,歸於股東利潤11.51億,増長47.15%,每股盈利1.79元人仔.派息每股1.78元人仔,還有70億現金在手,市盈率31倍,若今年盈利又來個增長40幾巴仙,股價非升破100不可.阿胶其實只是驢仔皮,但售價極貴,是女性滋補品已深入民心,阿胶最大的開支是市場拓展,賣廣告,又推出多項阿胶副產品,如阿胶膏用來塗皮膚,阿胶速飲溶液,用來飲用,更與著名酒家如廣州大酒家,推出阿胶雞煲湯,只不過是在雞湯加入包阿胶溶液,就賣斷市.在華潤入主東阿阿胶沒有下定决心去買A股實在失敗.近日阿胶又大賣廣告,要介紹好產品給消費者,就是皇家圍城1619男士滋補品.1619年清太祖努爾哈赤滅了葉赫統一全部部落後,建立豐城皇家圍場飼養梅花鹿供皇帝貝勒爺狩獵,而且全面關閉,外人不得内進,梅花鹿越養越多,歷代清朝皇帝如乾隆都曾多次前往狩獵,直至光緒才解封.阿胶就是在豐城起了個大型人飼養場,飼養一萬頭梅花鹿,在梅花鹿的角長成後,切去制成鹿茸片,據古籍說男士食了會雄起,即是中藥的偉哥,幾片鹿茸片又可賣過千元,暴利比得上阿胶,鹿脫完角又可再生番,只要廣告做得好,相信不少男士都會花錢當保健品食.3320除左擁有東阿阿胶,還華潤三九,華潤雙鶴,江中藥業的大股東,由於要不斷併購而打造成醫藥大龍頭,需要現金周轉,故派息不算慷慨,目前得3厘幾,市值更只得314億,以今日收市價,阿胶市值已超400億人仔,三九更高達5百幾億人仔,重未計3320本業和其他子公司市值,3320現價5蚊確是超值,俾d時間揸耐d,升1至2倍非難事,至於要多久我都想知.此股去年由低位3個幾升到7蚊樓上,之後反覆回落,但5蚊似乎是個很強的支持位,5蚊樓下好難俾人買到,我在4個7買左唔少,在5個5附近沽左,之後跌番2毫子又買番,呢2個月都走左幾轉以減輕買入成本,現在已决定不再賣出買入賺差價,以免有心人仕收齊貨開車炒上,我也做一次埋伏者,等待大豐收.若再...
閱讀更多