國新投資正式落場買港股央企

 國資委旗下親生仔國新投資早前搞左個港股通央企紅利指數,及後好快批左3隻相關指數ETF上市供人認購,今早國新投資宣佈,呢3隻港股央企ETF,國新投資都有購買,表示絕對支持在港央企的發展,要有股價的話語權,要成為穩定港股壓倉石,暫時呢三隻ETF重未上市,未知邊堆股份是權重股,相信離不開941,1088,883,857呢批高息中特估,相信國内外同胞都有重大需求,國新買埋一份,供應更少,相關ETF只會越出越多,幾隻航母級高息中特估,只會長升長有,一早有貨者大可擺埋一邊,日日數錢.

留言

  1. 外星人2024年6月18日 下午7:46

    人類經驗是國企的效率遠差過民企，難以長升長有，除非中國的國企骨骼精奇， 是百年難得一見的生意奇才。

    回覆刪除
  2. 金戈鐵馬2024年6月18日 下午8:09

    唔係隻隻都長升長有,在現今政策下,要搞幾隻長升長有的股份非難事,只要買得早,買得平,收得息多,就天下無敵.人類經驗是否國企效率遠差過民企就難有定論,不同國家有不同結果,在中國就肯定唔係,不能人云亦云,要有獨立思考.

    回覆刪除
  3. Ray2024年6月18日 下午10:02

    今早的陸家嘴論壇，明確表示了中央金融的改革和方向。
    對此，未知大師對下半年的H股市場會有些甚麼看法呢？

    回覆刪除
  4. Ray2024年6月18日 下午10:40

    剛午茶時與朋友談起央企股勢強，若有閒置資金或定期存款，在定期息口的下調下可考慮買入四大國有銀行作長線收息，我自己最近已將到期的定期存款買入了939。

    回覆刪除
  5. 金戈鐵馬2024年6月18日 下午10:50

    嚴打弄虛作假,造假數,發佈虛假消息通通要坐牢甚至更高刑罰,A股市場要掃除一小撮既得利益者過往建成的王國要一段時間,清除哂所有障礙,A股就會有一番新氣象.H股形勢就越來越少,國內資金參與度越來越大,昨日中央已打開口牌講明會推動更多耐心資本,如險資,社保基金,養老基金入市作中長期持有高息股份包括港股的H股,這批股份短期大升幾倍的可能性不會有,但同樣跌腰斬的情況也不會出現,只會一路收高息一路升,個別盈利特別好又能持續的股份會升得特別多,中特估行情會持續下去,另外中央極度重視高新科技和新質生產力,於是科特估一詞又出現,未來真正的科特估又是現有的中特估股份,既是中特估又是科特估的H股將會是大贏家,誰家能跑出會一套公平合理的考核標準.

    回覆刪除
    回覆
    1. Ray2024年6月18日 下午11:23

      謝謝大師的剖析和提示，即有深度又有見地。🙏🙏🙏

      刪除
  6. 老王2024年6月18日 下午11:12

    今日941 拖後腿....883 威震江湖

    回覆刪除
  7. 金戈鐵馬2024年6月18日 下午11:33

    941是在趁低吸納,越低越買,A股中移動第一日入上證50,一樣跌穿100蚊,呃哂老散d貨,941同樣道理,北水天天買,價都唔多郁,趁低入夠貨後,就會一棍抽上

    回覆刪除
  8. Ray2024年6月19日 上午12:12

    883氣勢強勁股價逐漸追近836，希望繼續，大家你追我逐互創新高。

    回覆刪除

發佈留言

此網誌的熱門文章

有華潤冇窮人

 在港上市的華潤系公司有7間,當然不是每一間都會大升特升,今日創52周新高的就有2間,836同1193,836就不多說了,之前講得太多了,慢火煎魚式上升,股價表現冇令人失望,年頭至今升左近5成,1193華潤燃氣也是心急食不了熱豆腐,每日升幾格,由4月份低位22個幾升到而家近30蚊,升甘多主要又是受惠公用事業加價和良好的管治,371和257都可以升甘多,更何況是華潤這塊金漆招牌.另一隻我經常提及的3320華潤醫藥,升幅冇甘多,走勢是日升日跌,升穿6蚊後曾話過不再T出T入,不想再折騰,我這個香港仔,以前不明瞎折騰是甚麼意思,現在總算明白,折騰也有折騰的好處,只是不能安安樂樂訓响度躺平收錢,要辛辛苦苦走多幾轉先有可觀回報,除左平貨長倉個注唔郁之外,呢十幾日又用新資金玩T出T入3320,每次執2至3%就食胡,呢十幾日做左7至8次T,都有20%回報,若可以玩多幾個月而股價都係在區間上落,甘短炒回報都可達8成至一倍,但我深信3320橫行多一排就會真突破而大升.下午開市,3320升到5.83,今早5.7入左,又到食胡範圍,擺高5至6格睇下有冇人接.
閱讀更多

巨型央企長遠可以升到你唔信

 只要國家想做的事,沒有哪件是做不成的,多年前提出的中國制造2025,縱使西方國家千般阻撓,基本上都已完成,更引來產能過剩的指控.美股靠Magnificent seven頂住個市唔跌還要大升,現在更單靠英偉達一股救全家.幾年前已提也應該培養幾隻龍頭股撐起A股,畢竟A股太多垃圾股,5400隻上市公司,平均市盈率50倍,而優質央國市盈率幾倍,極度失衡,現在開始大力踢走垃圾股,又嚴控新上市公司的質量和數目,這樣做才不會A股長年在3000點附近,中國也會有中國自已的十金剛,長期高派息穩定,盈利有保證,這樣的股份肯定長升長有,不過只是升得慢d,短期暴富就冇物可能,長期持有就可慢慢致富,這也是所謂的耐心資本,國家需要的就是更多的中長期資金投入股市,幾隻大型央企正是資金目標.6月14日中移動才上證50指數,今日已經被心急人炒起,重未入指數的中海油一樣破頂,朋友你們手中有多少隻未來的中國十金剛,低位買左的就謂出出入入,好大機會沽左之後都買唔番.
閱讀更多

埃克森美XOM股價創歷史新高,883星期一挑戰20元

 沙地關閉多個海上鑽油台,放棄増加產能計劃,而布油繼續企穩91美元樓上,埃克森美XOM收市報121.37美元,創歷史新高,盤後股價仍然上升,此XOM的市盈率13.67倍,息率3.13厘,縱使偉大的883股價自年初已升了45%.去年底收市13蚊,上星期五在冇北水情況下仍升至19.3,但市盈率仍只得6.77倍,息率6厘8,足足平埃克森一半,而埃克森產能係得甘多,相反中海油產能年年増加,若今年布油長期在90美元樓上,叠加中海油產能的大幅增加,今年盈利說不定會暴增至1600億人仔,若現股價唔升,再加新一輪派息計劃,大増派息後,到時市盈率又回返4倍,又再做返高盈利,高分紅,低估值的超級學霸優質生,星期一北水回歸,好大機會將883拉升至20蚊,隨着日後更多利消的發佈,更多來年強勁盈利的預期披露,到時20蚊的883會被視為超抵價,又會被買爆,在7至12蚊買左883又冇走的朋友,好好享受財息兼收,財富増值的良辰美景,20蚊只是883的新起點,就算已嬴左倍幾或幾倍的朋友,覺得贏夠想俾d人贏,都唔好偉大到沽哂全部,只需沽出一小部份收回所有買入成本,留下的股份繼續收息收到883執笠為止,唔好為小利而殺左隻會為你生一世生金蛋的雞.
閱讀更多