883創歷史新高
此刻883報21.8,創左來港上市以來新高,看來北水買來收息的比沽出逃稅的為多,希望收市價能企在21.7,明天除淨扣番6毫6,都有21蚊,甘就輕鬆地袋左每股5毫9仙4息,因要扣10%稅,跟住股價就慢慢邁向30蚊進發.隻神華都就快40蚊,中海油見30蚊一點也不稀奇,中海油,神華同中移動,性質同1919中遠海控完全不同,1919主業盈利飄忽,冇確定性,短時間升得太急太多,一定會出現回吐,大升時就叫他海王,大跌時就被叫海狗.
有華潤冇窮人
在港上市的華潤系公司有7間,當然不是每一間都會大升特升,今日創52周新高的就有2間,836同1193,836就不多說了,之前講得太多了,慢火煎魚式上升,股價表現冇令人失望,年頭至今升左近5成,1193華潤燃氣也是心急食不了熱豆腐,每日升幾格,由4月份低位22個幾升到而家近30蚊,升甘多主要又是受惠公用事業加價和良好的管治,371和257都可以升甘多,更何況是華潤這塊金漆招牌.另一隻我經常提及的3320華潤醫藥,升幅冇甘多,走勢是日升日跌,升穿6蚊後曾話過不再T出T入,不想再折騰,我這個香港仔,以前不明瞎折騰是甚麼意思,現在總算明白,折騰也有折騰的好處,只是不能安安樂樂訓响度躺平收錢,要辛辛苦苦走多幾轉先有可觀回報,除左平貨長倉個注唔郁之外,呢十幾日又用新資金玩T出T入3320,每次執2至3%就食胡,呢十幾日做左7至8次T,都有20%回報,若可以玩多幾個月而股價都係在區間上落,甘短炒回報都可達8成至一倍,但我深信3320橫行多一排就會真突破而大升.下午開市,3320升到5.83,今早5.7入左,又到食胡範圍,擺高5至6格睇下有冇人接.
等941 100 蚊等到恰眼訓....
回覆刪除等多2日,14號中移動A股入主上證50做權重股,而家得100蚊人仔,拉升上證指數靠哂佢,得個7億9千萬A股中移動,要升2至3成易過借火,到時941就會見100蚊.
回覆刪除大師手上的四大天王每隻輪流創新高，真棒。
回覆刪除有時持股除選對之外亦要有點耐性和加點博彩的心態。
倉內持有的883，941，939和152，自己亦是抱有上述心態。152亦已將股息盡數换取完整的股份，餘下的股息尚可請家人吃飯和朋友喝茶。