看山是山看水是水

 在2019年已在日本上市的南方中證500ETF2553,歷史低位580日元,今年低位1219日元,昨天收22400日元,單日升左115%,較9月30日收市價升左10倍,每手10股,昨天成交都有64000股,唔係在冇成交下急升,昨天是裂口高開,最低位18400日元.追入中國資產已成風氣,有理冇理買左先算,全球都有FOMO症候群,邊度有揾錢派對開就湧去邊度,贏錢輸錢就看進出時間,總有人贏有人輸.現在市場多左一個現象,就是叫新入場的投資者千萬不要聽老韭菜老股民的意見,他們都是活在過去的失敗者,見證過幾次牛市,但都是要輸錢,今次大升市前大都被綁或已割肉止蝕離場,升市頭幾日,見到d蟹貨鬆綁走都走唔切,憑主觀的過往經驗,今次一定同上幾次一樣,好快就升完,於是出哂貨變空倉或持貨極少,且多數是未番家鄉的蟹貨.眼見甘多他們稱為新韭菜的新人入場,就斷定這班傻瓜收場一定同當年的我一樣,輸到一地雞毛,覺得自已其實已經聰明過人都搞成甘,只係輸俾運氣同不可抗力的事情,眼見新韭菜入來幾天,個個贏錢,心理難免有點不平衡,可能出於真心或酸葡萄,就憑自已過往經驗,經歷出來指指點點,教新投資者如何如何,阿叔當年如何如何,將來走勢定必如何如何,而家係資訊發達年代,好多野已可替代所謂的經驗,這些經驗在過往某一特定時間有用,但唔代表之後會有用,用左舊思維去做野甚至會死得重快.

 收市後港交所披露,在國慶假前9月30日,全國第五大保險公司瑞眾又以均價6.97再増持1787萬股916,持股4.14億股,持股量由11.93%升至12.47%,究竟買夠未？同日新加坡政府投資公司GIC,也搶埋一份,以均價7.08増持916,持股2.99億股,持股量由8.9%加到齊頭9%.奇怪是空軍重未投降,重有11%沽空未平倉,如無意外,星期一再升多浸,沽空者會被團滅,昨天916曾大跌,跌到6個6都試過,震走唔少老散,今日就大升9%,收7.46.上星期増持左916同368作長綫算十分成功,中石化今天再創52周新高,近月走勢大幅跑嬴2桶油,916只要瑞眾保險繼續喪買,就會不斷升,此耐心資本買左起碼揸個357年,916雖然管理能力非常一般,PB得0.8,破淨狀態,國資委要求央企要告别破淨,結果一定要拉升股價,隻1800中交建已經升空起動,短時間已由3個幾升到5個幾一年新高.

 本星期一隻包含ATMJX,拼多多,百度,比亞迪,網易9隻中國科網巨頭的ETF,DRAG在美國上市,對標納指7雄,撞正中港股票熱潮,大受追捧,世界每天都在變,過往不斷被外資拋售的中概股,如今又被追捧.中國龍個名夠哂霸氣.今晚又有大量港股被披露獲外資増持,買得最多仍然是摩根大通,紫金,小鵬,安徽海螺甚麼類型都有,只有一隻海爾智家減持,其餘甚麼威靈頓資產等唔見好耐的外資金都莆哂頭増持港股.新加坡空有金融中心之名,股票成交少得可憐,始終都是香港背靠内地,才是真正的金融中心.最誇張是一隻在日本上的南方中證A500ETF,今天升左115%較9月30日升左10倍,可能是規模較少,容易被炒上,也反映中國資產正被全球瘋搶.

 981係我倉内唯一唔會派息的股份,所以唔會揸太多貨,早前追蹤北水走向,發現佢同小米有景轟,於是增持981短炒,目標價20蚊,買入價16.3,放棄小米,結果小米升幅跑贏中蕊,今天中蕊大升20%樓上,升幅已超越小米,尚幸拿得住,沒有執行止賺沽出,今天股價已在25蚊樓上,16個3買入,唔夠3星期,就升左5成以上,有時會諗,錢真係甘易搵應該冇窮人,但事實上股市上輸錢的人遠遠多過贏錢的人,相信是同每個人對每件事的認知有唔同了解,在錯誤認知下越努力朝錯的方向進發會死得越慘,相反在正確方向上前行,無需太努力甚至躺平,雲淡風輕下都會有可觀回報.

 真係贏到麻木哂,贏大錢全因全倉持貨一段日子,平均約三年,所持股份又相當生性,過去都唔跟大市跌,如今大市升又跟升,大部份又升幅利害過恒指,再加上持股數量又多又涵蓋不同行業,不會因高估自己能力一注獨贏某隻股份,若出問題一鋪就收你檔,就算唔好彩棟中隻爆雷股,影響都有限.最難係敢贏,贏少少就走完全唔適合做長線,贏少少就走最適合做短炒,執幾個巴仙就走,薄利多銷走多幾轉,一樣可以贏大錢,我就2樣都做齊,目前傾向少短炒,甘多新人新資金幫有平貨在手者推高個市,唔需甘頻密短炒,就算個市大升後大跌,都冇有怕,有排都跌唔落低位買入價今天真的很高與,所以講野有些語無倫次.

 電視台影到有數十人在各區證券行門口等候辦理開股票戶口應該不是請臨記造勢掛,眼見多數是中老年人,有拖住細路的,有狀似買完送的,本港最大華資股票行老板說呢幾日新開的股票戶口多過過去9個月的總和,8月份本港零售額得292億,又下跌10%,衣食住行日常用品甚至高價珠寶手錶統統下跌,只有煙酒上升,相信未計入零售數字的賭馬賭波,投注額隨時多過或接近全港零售總額,平時慳得就慳的普羅市民,慳埋d錢就北上或去紙水低的地方盡情消費,其實大部份人唔係冇錢,只係慳住洗,聽聞今期炒股會有錢揾,立刻撲去開戶口怕執輸,明知幫襯馬會多數會輸,但都心存僥幸之心,博一博單車變摩托或變路虎,有賭未為輸,只是嬴的時晨未到而已.邊處有快錢搵,個處就有剛需,内地如是,香港如是.甚至台灣更離譜,幾乎冇人願意存錢在銀行,搞到銀行幾乎唔夠錢借俾人買樓.d人一有錢就走去買台積電,阿公阿婆也不笨,不會存定期,而是學年青人走去買高息ETF,特别是一隻元大卓越編號50的科技ETF,很多打緊工的年青人或中年人,儲埋d錢就走去買指數ETF,或高息股,逐張逐股甘買,儲到一定數量,收息都夠生活的話,就不怕被炒或干脆唔撈去找自己喜愛的工作幹,内地和台灣都有不少人有此生涯規劃,香港反而較少在職人仕甘做,可能為左供樓,過往的思維就是有樓才算成功,有更多的樓才是人生勝利組,所以個個都話自已好鐘意返工,返工是本份,談不上辛苦,朝九晚九冇問題,特别是個批非基層,人工也比較高的資深員工,潛台詞是不能冇左份工,重有排先供完層樓,千祈唔好炒我,出去未必揾得番相同人工的工作.

 今晚港交所的通告顯示細摩在9月27日,以均價296.47元増持388港交所611.64萬股,持股量由5.93%增至6.42%.同日又増持2601中國太保H股1014萬股,均價26.24元,持股量由6.98%增至7.35%.以2股今日收市價計,帳面已賺到笑,摩通對内險股特別鐘愛,昨日顯示已増持平保,相信增持港股的公告會不斷公佈.這幫傢伙,抄哂優質港股的底,我們的散戶不斷交出便宜的籌碼,重要笑著替人數錢講多謝,遲些發現原來交出的都是寶,又會以更高價買番,而家連平時唔買港股的人都大叫要all in 港交所.到時呢幫外資一定高價派番俾你.股票市場就是如此玩的.原來重漏左講一隻,同時增持比亞迪1211,均價274.52元,持股由4.85%增至5.45%,超過5%故要披露.大家可去港交所網頁查閱,可能有更多已更新的訊息.這已可說明外資已大舉返來買港股,應該冇甘快就食胡走人.

 一隻冇物人留意的中特估1766中國中車,唔計派息,今年都升左6成,因不是恒指成份股,所以冇人留意,以恒指公司的作風,下個月恒指成份股檢討,創新高的公司多數入圍.今天個市又玩大震倉,震哂散戶手中的獲利貨或鬆綁貨,冇貨或唔夠貨的散戶敢趁低買貨的肯定不多,眼見跌左成千點,應該未跌完,甚至懷疑根本冇牛市,牛市永遠是在懷疑中成長,在確認後結束.講番1766,上一次香港大牛市都係因佢而起,因南北車合併成中車,而令大量中資股被炒到飛起,架中車也變成靈車,高位綁左唔少散戶,至今仍被套住,但現時情況已完全唔同哂,中車已成為中國名片,高鐵已橫掃全世界,根本無對手,同時是一隻真科技股,當年高位被綁的散戶,或者有可能松綁.

 隻218昨天大升200%後,今日又大升30幾巴仙,今早都係平開,膽大無腦式買入的人又執3至4成,此股已連升6天,升左唔知幾多倍,不應說買入者是無腦,他們可能是北水散戶,也可能是熟悉A股套路的本地投資者,過往幾次A股的真牛市,首先都是以拉升券商股作前奏,而且不是一般的拉升,係升到阿媽都唔得個款,跟住先轉往其他版塊,港股已極度A股化,也反映出内地散戶已深信港股已進入大牛市,你可以唔信,也無需理會是否真的是牛市,反正他們信了,音樂椅遊戲已開始,行動最實際,夠膽同佢地玩呢個遊戲,唔駛大大注,唔太貪心適時獲利的話隨時一周的收益多過買其他股成年所賺的錢.正所謂狹路相逢勇者勝,邊個贏都話唔埋,隨時可割北水韭菜.

 上次中秋假,A股冇市港股有市時,有批央國企股份在冇北水照顧下,無喇喇被人沽落來,我就趁低入左隻拖拉機,北水返來就大升,我就食胡都食得幾飽.今次我又照辦煮碗,昨日個市太癲,幾乎冇股下跌,搵唔到目標.今早就大把機會,我又係入番隻第一拖拉機,不過不是用新資金買入,而是膽生毛將部份手持的38沽出,今早開市不久就排8.56求沽,好快就沽出,跟住就排隊8蚊買回,唔駛一個鐘就做到,都係買貴左幾個位,不需一分一毫,持股不變,但就多左6仟幾蚊現金返來,唯一風險是沽出後隻股大幅上升,買唔番即賣飛.

 9月中下旬,外資淨流入港股的資金共396億,而南下的資金則有205億,9月份南下的北水資金淨流入放緩,因頭8個月淨流入太多,買的多是高息中特估用來長擺收息,而9月份市旺,北水喜歡買賣指數ETF,出出入入用來短炒,成交金額雖然大増,但淨流入反而減少.外資重新買番港股的趨勢已經相當明顯,相信會持續,最新摩根大通用左17.17億元増持左中國平安H股,持股量増至6.17億股,持股量增至8.28%.這幫人,在平保50蚊樓上瘋狂沽貨,現在在低位置番,其實又是一種做T的方法,當時在平保高位時沽出要蝕錢,但在低位買番,變相降低持貨成本,隨時因做T而令帳面唔駛蝕.

 央視新聞聯播是向全中國14億人同一時間播放的，目的是釋放國家的意願,政策走向，幾乎等同同你講甚麼事該做，甚麼事不該做，直情係你投資的指路明燈,為你趨吉避兇,上星期五的央視新聞聯播,少有的報導A股大升和成交量破紀錄，長達40秒,過往從不報導股市情況，可見中央是希望更多人和資金投入股市中，起碼此刻重沒達到預期上限,若日後股市過熱或失控，中央自然會透過宣傳工貝出聲，到時大家就要醒水小心。此刻重係蜜月期，極大可能還有一段長的好日子。

 前稱申銀萬國的中資券商股218，今天又大成交下上升1倍以上，相信類似的寶藏陸續會出現.收市218升左203%,但成交都有億五元,叫做合理上升.最離譜係隻605,成交得2千1百萬元,尾市高抽升10倍,收市升730%,純炒貨源歸邊.

 容許我自嗨一下,全倉持股底下,30隻股份淨係計每隻今朝又賺幾多,都有排計,浮盈又多6位數字以上,已多天浮盈又多6位數字,這種好日子還有多少天已不重要,繼續升固然好,大幅回調也無損皮毛,好慶幸能參与呢場世紀盛宴,呢個浪食到應一應,長揸的繼續buy and hold收息再收息，短炒就 hit and run, 要尊重市場，不要高估自已的能力，市場永遠是對的，順勢而為，尋找未來的趨勢，預估別人會預估的事，太過興奮，自嗨完畢。

 世界越來越唔安全,伊朗射完導彈後重話以色列若報復還擊,將會給予毀滅性打擊,唔通有核武？以色列一向恃住有美國撐腰,一定還拖,打還打,千萬不要搞出個大頭佛收唔到科.早幾日在低位撈左883的朋友,又有賺多d錢的機會.油價上落冇人會有水晶球估得到,只要公司質素,管理能力,盈利良好,根本冇驚的必要.正如人一出世就要倒數等死亡,難道要日日訓唔着,怕自已幾時要離開這個世界而惶惶不可終日.

 過往内地股民其實不多,拿錢出來投資的,8成買基金,得2成買股票,基金管理費年年收,但一百隻中90隻以上年年蝕大錢,很多基民都割肉贖回,基金抱團重倉的白馬股因此腰斬大跌,造成A股長期在3千點上上落落,現在在國策推動鼓勵下,新一輪牛市已來臨,短短幾日上證由2700升到3300,是否牛市重來已不需爭論,何時結束則是另一件事.證券行國慶長假照常營業,為散戶開戶,線上開戶更是24小時服務,另外又加派人手上門為長者辦理開戶手續.截至今日,已有數據顯示新股民的年齡分佈,25歲以下的佔2成,25至35歲的佔3成,36至50歲的佔4成,50歲以上佔1成,其中85後和90後是主力,有好多之前已有投資經驗,但之後冇玩忘記帳戶密碼,為節省時間趕住買股票,故重新開個新戶口.年青人雖然只得2成,但查詢開戶事宜是最多的.若新股民或者有已離場的老韭菜會笑他們是新韭菜,人數有1億人的話,唔駛多每人從銀行定存中拿十萬元出來投入股市,就多左十萬億資金入市,根本唔需要外資參与,股市内循環都足夠令中國股市長期興旺.若中央肯開綠燈,將港股通入場門檻減至5至10萬,不再是50萬,相信會買爆港股,不過首先會令資金不多的散戶搞活搞旺A股後,才會分流資金到港股.A股升左甘多去到3300點,總市值也只是83萬億,只需不多的新資金投入已可令A股升到飛天.