2線内銀升幅更勝6大内銀

 我持有4隻内銀,分別是中行,建行,重農行,光大銀行.已持有一段日子,本意是每年收取可觀的股息,提供持續的現金流,至於為何揸4隻甘多,何不集中一隻,只是為了分散注碼,雖然升的時候隻隻升,跌的時候隻隻跌,但股價表現總有分別,有升得特別勁,有些就升得冇甘起眼.今天升得最勁當然是3618重農行,升左近10%,可能與四川有關,昨天習主席話西部大開發是重大國策,會持續進行,A股一衆同四川有關的股份都大升,包括升左7.5%的成渝高速,但H股107在大成交下冇起跌,可能又在呃貨吸籌,收集完會補漲甚至一飛沖天.講番3618,此股一個月内升左26%,期間曾跌穿4蚊但好快反彈,今日收4.56,股價已大幅跑贏3988中行,派息也一向高過中行.同屬西部開發區的重慶銀行今天也升5%.另一隻光大銀行6818除淨後曾低見2.2,上星期跟大市曾喪升至2.98才回落,今天只升2格報2.7,月内升幅也在2成以上,相信日後升番上3蚊也不難.再講番107四川成渝,已保証今後三年内派息比率不低於60%,現價升左甘多買都有7厘幾息,我均價1.6買的,都唔識計一年收幾多厘息,此股已決定以5.01元人仔増發股份用來收購母公司一條外省公路,當時A股得4個幾,是以溢價增發股份,但今天A股已升到5.18元人仔,H股則無端端停止買賣近一個月,唔俾人低位買貨,停牌好似是3.13左右,相信國内大戶買夠貨後,必有一番炒作,我就唔參与啦,超低位有貨,鐘意炒上幾高都冇所謂,我只在意佢盈利持續上升,6成派息比率下會派更多股息,到時一年收20厘股息絕對有可能達到.