摩根大通短炒中國平安進賬不少
細摩在9月26日増持3986萬股H股中國平安,均價44蚊買入.在10月4日,以均價56蚊沽左2868萬股中國平安,上市條例規定持股5%以上,所有増持減持都要在3個交易日内披露,細摩會在呢2日港股大跌,繼續減持或者趁低買番平保,過多幾日就知.做T已冇分國界,靈活調節進場離場時機至關重要,最好是慢牛,短時間升太多會引來太多獲利盤,瘋牛沖完就冇力,中央最想看到的就是慢牛,培養更多耐心資本和中長期資金入市才能令股市更健康地上升.
有華潤冇窮人
在港上市的華潤系公司有7間,當然不是每一間都會大升特升,今日創52周新高的就有2間,836同1193,836就不多說了,之前講得太多了,慢火煎魚式上升,股價表現冇令人失望,年頭至今升左近5成,1193華潤燃氣也是心急食不了熱豆腐,每日升幾格,由4月份低位22個幾升到而家近30蚊,升甘多主要又是受惠公用事業加價和良好的管治,371和257都可以升甘多,更何況是華潤這塊金漆招牌.另一隻我經常提及的3320華潤醫藥,升幅冇甘多,走勢是日升日跌,升穿6蚊後曾話過不再T出T入,不想再折騰,我這個香港仔,以前不明瞎折騰是甚麼意思,現在總算明白,折騰也有折騰的好處,只是不能安安樂樂訓响度躺平收錢,要辛辛苦苦走多幾轉先有可觀回報,除左平貨長倉個注唔郁之外,呢十幾日又用新資金玩T出T入3320,每次執2至3%就食胡,呢十幾日做左7至8次T,都有20%回報,若可以玩多幾個月而股價都係在區間上落,甘短炒回報都可達8成至一倍,但我深信3320橫行多一排就會真突破而大升.下午開市,3320升到5.83,今早5.7入左,又到食胡範圍,擺高5至6格睇下有冇人接.
真系每次外資唱好就要多加小心, 他們都為左不久後的出貨
回覆刪除