港股成交6200億,港股通北水已佔2800億

 唔計已搬左錢落來香港的北水,透過港股通買賣港股的北水散户,今日成交多達2800億,但淨流入只有20億元,可見交易頻繁,可能同一隻股份,一天都走幾轉,淨流入的股份集中在中蕊同巴巴呢2隻今天大跌的股份,其實今天大部份股份都跌唔少,港股通上升的股份不足十隻,昨日出盈喜的1919只升1%都可以上榜,部份北水散戶可能急於套現班師回朝炒A股,多隻H股,在内地上市的A股大升,而H股就大跌,這情況應該好快就會得到修正,本地散戶以為趁國慶假,買定貨等放完假,北水會來接他們炒高左的貨北水點會甘蠢,他們最叻做T,今日沽哂的愛股,等股價大幅回落,之後就會再買番,若本地持貸散戶信心唔夠或財力不允許長期持有,就會止蝕,反過來成為北水的點心,低價賣哂d貨俾北水老散.

留言

  1. kian2024年10月8日 上午7:11

    今日學到野，估唔到指數上落都可以咁誇張，就收盤時心態唔好，清左恆科 哈哈 輸小當贏 ，反而3437今日跌左9.21%我都好安心，有信心感覺又有息收

    回覆刪除

發佈留言

此網誌的熱門文章

有華潤冇窮人

 在港上市的華潤系公司有7間,當然不是每一間都會大升特升,今日創52周新高的就有2間,836同1193,836就不多說了,之前講得太多了,慢火煎魚式上升,股價表現冇令人失望,年頭至今升左近5成,1193華潤燃氣也是心急食不了熱豆腐,每日升幾格,由4月份低位22個幾升到而家近30蚊,升甘多主要又是受惠公用事業加價和良好的管治,371和257都可以升甘多,更何況是華潤這塊金漆招牌.另一隻我經常提及的3320華潤醫藥,升幅冇甘多,走勢是日升日跌,升穿6蚊後曾話過不再T出T入,不想再折騰,我這個香港仔,以前不明瞎折騰是甚麼意思,現在總算明白,折騰也有折騰的好處,只是不能安安樂樂訓响度躺平收錢,要辛辛苦苦走多幾轉先有可觀回報,除左平貨長倉個注唔郁之外,呢十幾日又用新資金玩T出T入3320,每次執2至3%就食胡,呢十幾日做左7至8次T,都有20%回報,若可以玩多幾個月而股價都係在區間上落,甘短炒回報都可達8成至一倍,但我深信3320橫行多一排就會真突破而大升.下午開市,3320升到5.83,今早5.7入左,又到食胡範圍,擺高5至6格睇下有冇人接.
閱讀更多

巨型央企長遠可以升到你唔信

 只要國家想做的事,沒有哪件是做不成的,多年前提出的中國制造2025,縱使西方國家千般阻撓,基本上都已完成,更引來產能過剩的指控.美股靠Magnificent seven頂住個市唔跌還要大升,現在更單靠英偉達一股救全家.幾年前已提也應該培養幾隻龍頭股撐起A股,畢竟A股太多垃圾股,5400隻上市公司,平均市盈率50倍,而優質央國市盈率幾倍,極度失衡,現在開始大力踢走垃圾股,又嚴控新上市公司的質量和數目,這樣做才不會A股長年在3000點附近,中國也會有中國自已的十金剛,長期高派息穩定,盈利有保證,這樣的股份肯定長升長有,不過只是升得慢d,短期暴富就冇物可能,長期持有就可慢慢致富,這也是所謂的耐心資本,國家需要的就是更多的中長期資金投入股市,幾隻大型央企正是資金目標.6月14日中移動才上證50指數,今日已經被心急人炒起,重未入指數的中海油一樣破頂,朋友你們手中有多少隻未來的中國十金剛,低位買左的就謂出出入入,好大機會沽左之後都買唔番.
閱讀更多

巴菲特在今年油價最低位時増持了西方石油

 巴郡在6月5日至6月7日期間,即油價今年最低位期間,増持了1%OXY西方石油260萬股,持股量去到2.5億股.很多股民都說自已是巴菲特信徒,信奉價值投資,實情是揸住d千年蟹貨走唔甩,就話自已是價值投資者,稍有微利的股份就走都走唔切,日後大升都冇佢份.這是價值投資嗎？巴菲特也經常趁早止蝕多隻股份,而留下幾隻可超長期持有的好股,這才叫價值投資.西方石油現今市盈率25倍,中海油7倍唔夠,現價的中海油重係超便宜,有平貨在手的投資者更應好好珍惜手中籌碼.
閱讀更多