短炒107四川成渝得手

 107四川成渝高速A股繼續上升,一度升近9%,稍後輕微回調都升7%,H股就獲利盤湧現,畢竟昨日升13%,今早一度大跌8%,跌得有點不合理,看唔過眼,3.36搶入2萬股,結果3.35就買到,因本身1.6已有貨,諗住長揸每年收十幾厘息收到天荒地老,3.35買平左一個位,跟手掛3.42沽出,好快就做到,執番一千一百幾蚊開心錢落袋,就算跟住大反彈都唔會後悔.

留言

  1. Ray2024年10月16日 下午8:47

    金戈大師是國情專家，對國家政策有獨到了解。
    有貨底後，部分作短途投資再加大利潤是良策，更是應得的。期待更多頻頻報捷分享。

    回覆刪除

發佈留言

此網誌的熱門文章

無人駕駛的士已成行成市

 百度的萝卜快跑又在另一大城市武漢落地,只有一千架的士,但預約定單已有六萬單,傳統網約車多達幾萬架,無人的士不需要司機,又可24小時不眠不休工作,加上為左搶市佔率,收費較網約車平一大截,若無太多安全隱患,相信早晚都會主導市場,達致收支平衡,百度今日急升成,一來是股價大跌過後,已觸底反彈,再加上有實質的無人駕駛業務在運行,日後或許會帶來盈利,故惹憧憬.科技不斷發展,中年的中高層一旦失業,肯放下身段,過往還有鐵人三寶可選擇,就是外賣,快遞和網約車司機可做,現在就算肯做都不一定有得做.
閱讀更多

883重係好鬼平

 中海油A股最高升到34.98,中午收34.97人仔,市盈率都只是12倍,883就更單位數PE,冇中特估在手的内地散戶天天大罵中特估是抱團式上升,好快就爆煲,但又唔諗吓自已揸住個堆過去式的抱團股,動不動就升到過百倍,股價腰斬再腰斬後,市盈率還是幾十倍,高過哂所有中特估,盈利又冇穩定性,又冇壟斷性,更冇成長性可言,派息又低,最重要一點是冇國家隊資金背書,估值回歸合理水平而導致股價大跌,更冇人會出手相救,又你要等到股價再大幅回落變做高息股才有人會買,中特估有排都未收復回合理估值,短期根本冇甚麼爆煲可能.
閱讀更多