中國通號隨時升到你唔信

 一早埋伏入左3969,雖然已慢左些,不能在最低區間買入,但計埋收息,多次出出入入,半年都有倍幾盈利.點解我認為佢重會大升,只因他是科創版成份股,又央企.内地人過往在内地買股票短期暴富的原因,多是在科創版揾到好野,每天20cm漲停即每日升20%跟住唔俾買,若是來個5連版20cm漲停,買十萬蚊就變24.8萬,賭性強同超大膽的重會加大槓杆,借夠100萬,1百萬5天内就變2.48百萬.若中國通號在A股開市後來個20cm或多個20cm,3969到時會點喪升真係想像唔到,我有3969在手,當然希望此事會發生,更加會惜貨如金,現價升左甘多我當然唔會再加,冇貨而家先買好唔好,我更加唔敢俾意見,買入良機似乎已過但有可能重有排升.

留言

  1. kian2024年10月6日 下午8:07

    太瘋狂了, 清空了中國平安, 清了一點恆生科技指數, 等回調後買3437

    回覆刪除
  2. 金戈鐵馬2024年10月6日 下午8:37

    3437今天派息0.35元,其實已創了上市2個月來新高,若8個幾買入,財息雙收下回報都唔錯,只要相信中國國運,大幅下跌機會近乎零,上升就無限,唔升唔跌收息都收到笑,此隻ETF是國家樣辦,發行量市值得個1億元多d,買齊幾十隻在港上市的高息央企股,不包括4大内銀同内險,永不會執笠,喪升就一定唔會,長久就可能會升好多好多,若有一小孩一出世,就同佢買一大堆3437,期間無需加入新資金,只需將所受股息再複投,18年後,這名小孩可能已不需再奮鬥,提早退休.

    回覆刪除
    回覆
    1. kian2024年10月6日 下午9:49

      是的，我8.5元時買到了1千多股，之後其他股票最近有賺後都慢慢賣出準備換成3437。呢隻ETF唯一的短點就是成交量太少。我仔仔現在快2歲，我確實有呢個打算，每個月定時買入5千，留給他大個時用，好過幫他買儲蓄險（雖然我副業系保險佬）

      刪除

發佈留言

此網誌的熱門文章

有華潤冇窮人

 在港上市的華潤系公司有7間,當然不是每一間都會大升特升,今日創52周新高的就有2間,836同1193,836就不多說了,之前講得太多了,慢火煎魚式上升,股價表現冇令人失望,年頭至今升左近5成,1193華潤燃氣也是心急食不了熱豆腐,每日升幾格,由4月份低位22個幾升到而家近30蚊,升甘多主要又是受惠公用事業加價和良好的管治,371和257都可以升甘多,更何況是華潤這塊金漆招牌.另一隻我經常提及的3320華潤醫藥,升幅冇甘多,走勢是日升日跌,升穿6蚊後曾話過不再T出T入,不想再折騰,我這個香港仔,以前不明瞎折騰是甚麼意思,現在總算明白,折騰也有折騰的好處,只是不能安安樂樂訓响度躺平收錢,要辛辛苦苦走多幾轉先有可觀回報,除左平貨長倉個注唔郁之外,呢十幾日又用新資金玩T出T入3320,每次執2至3%就食胡,呢十幾日做左7至8次T,都有20%回報,若可以玩多幾個月而股價都係在區間上落,甘短炒回報都可達8成至一倍,但我深信3320橫行多一排就會真突破而大升.下午開市,3320升到5.83,今早5.7入左,又到食胡範圍,擺高5至6格睇下有冇人接.
閱讀更多

巨型央企長遠可以升到你唔信

 只要國家想做的事,沒有哪件是做不成的,多年前提出的中國制造2025,縱使西方國家千般阻撓,基本上都已完成,更引來產能過剩的指控.美股靠Magnificent seven頂住個市唔跌還要大升,現在更單靠英偉達一股救全家.幾年前已提也應該培養幾隻龍頭股撐起A股,畢竟A股太多垃圾股,5400隻上市公司,平均市盈率50倍,而優質央國市盈率幾倍,極度失衡,現在開始大力踢走垃圾股,又嚴控新上市公司的質量和數目,這樣做才不會A股長年在3000點附近,中國也會有中國自已的十金剛,長期高派息穩定,盈利有保證,這樣的股份肯定長升長有,不過只是升得慢d,短期暴富就冇物可能,長期持有就可慢慢致富,這也是所謂的耐心資本,國家需要的就是更多的中長期資金投入股市,幾隻大型央企正是資金目標.6月14日中移動才上證50指數,今日已經被心急人炒起,重未入指數的中海油一樣破頂,朋友你們手中有多少隻未來的中國十金剛,低位買左的就謂出出入入,好大機會沽左之後都買唔番.
閱讀更多

巴菲特在今年油價最低位時増持了西方石油

 巴郡在6月5日至6月7日期間,即油價今年最低位期間,増持了1%OXY西方石油260萬股,持股量去到2.5億股.很多股民都說自已是巴菲特信徒,信奉價值投資,實情是揸住d千年蟹貨走唔甩,就話自已是價值投資者,稍有微利的股份就走都走唔切,日後大升都冇佢份.這是價值投資嗎？巴菲特也經常趁早止蝕多隻股份,而留下幾隻可超長期持有的好股,這才叫價值投資.西方石油現今市盈率25倍,中海油7倍唔夠,現價的中海油重係超便宜,有平貨在手的投資者更應好好珍惜手中籌碼.
閱讀更多