未來2年,2.15萬億元資金,330個項目奔向四川

 中央白紙黑字講明,資金,技術,勞動密集型企業將由東部逐漸遷往中西部,廣東多間大型勞工密集型大企業也將搬往四川,重慶.大量基建也會投入配合成渝雙城區,預計會投入2.15萬億,今日成渝50隻A股漲停,連長期虧損同時在AH股上市的1053重慶鋼鐵,A股漲停,H股一度升近5成,之後升幅收窄至2成,但好快又番3成幾4成,之前5毫幾有留意過,但冇盈利等重組,唔知要等幾耐故一股都冇買,如今趁西部大開發就爆升,股價在1個1毫幾,真係冇勇氣買,只能嘆走寶,低位看不上眼,高我高攀不起.

留言

發佈留言

此網誌的熱門文章

有華潤冇窮人

 在港上市的華潤系公司有7間,當然不是每一間都會大升特升,今日創52周新高的就有2間,836同1193,836就不多說了,之前講得太多了,慢火煎魚式上升,股價表現冇令人失望,年頭至今升左近5成,1193華潤燃氣也是心急食不了熱豆腐,每日升幾格,由4月份低位22個幾升到而家近30蚊,升甘多主要又是受惠公用事業加價和良好的管治,371和257都可以升甘多,更何況是華潤這塊金漆招牌.另一隻我經常提及的3320華潤醫藥,升幅冇甘多,走勢是日升日跌,升穿6蚊後曾話過不再T出T入,不想再折騰,我這個香港仔,以前不明瞎折騰是甚麼意思,現在總算明白,折騰也有折騰的好處,只是不能安安樂樂訓响度躺平收錢,要辛辛苦苦走多幾轉先有可觀回報,除左平貨長倉個注唔郁之外,呢十幾日又用新資金玩T出T入3320,每次執2至3%就食胡,呢十幾日做左7至8次T,都有20%回報,若可以玩多幾個月而股價都係在區間上落,甘短炒回報都可達8成至一倍,但我深信3320橫行多一排就會真突破而大升.下午開市,3320升到5.83,今早5.7入左,又到食胡範圍,擺高5至6格睇下有冇人接.
閱讀更多

巨型央企長遠可以升到你唔信

 只要國家想做的事,沒有哪件是做不成的,多年前提出的中國制造2025,縱使西方國家千般阻撓,基本上都已完成,更引來產能過剩的指控.美股靠Magnificent seven頂住個市唔跌還要大升,現在更單靠英偉達一股救全家.幾年前已提也應該培養幾隻龍頭股撐起A股,畢竟A股太多垃圾股,5400隻上市公司,平均市盈率50倍,而優質央國市盈率幾倍,極度失衡,現在開始大力踢走垃圾股,又嚴控新上市公司的質量和數目,這樣做才不會A股長年在3000點附近,中國也會有中國自已的十金剛,長期高派息穩定,盈利有保證,這樣的股份肯定長升長有,不過只是升得慢d,短期暴富就冇物可能,長期持有就可慢慢致富,這也是所謂的耐心資本,國家需要的就是更多的中長期資金投入股市,幾隻大型央企正是資金目標.6月14日中移動才上證50指數,今日已經被心急人炒起,重未入指數的中海油一樣破頂,朋友你們手中有多少隻未來的中國十金剛,低位買左的就謂出出入入,好大機會沽左之後都買唔番.
閱讀更多

巴菲特在今年油價最低位時増持了西方石油

 巴郡在6月5日至6月7日期間,即油價今年最低位期間,増持了1%OXY西方石油260萬股,持股量去到2.5億股.很多股民都說自已是巴菲特信徒,信奉價值投資,實情是揸住d千年蟹貨走唔甩,就話自已是價值投資者,稍有微利的股份就走都走唔切,日後大升都冇佢份.這是價值投資嗎？巴菲特也經常趁早止蝕多隻股份,而留下幾隻可超長期持有的好股,這才叫價值投資.西方石油現今市盈率25倍,中海油7倍唔夠,現價的中海油重係超便宜,有平貨在手的投資者更應好好珍惜手中籌碼.
閱讀更多