看山是山看水是水

 2003年成立的中央匯金,即大家公認的其中一支國家隊資金,目前是19家金融機構的主要股東,期間累計投入左1.07萬億元投資,根據今年半年報顯示,成立至今已賺了5.7萬億元,増值5.5倍,現時資產高達7.76萬億,増值方法就是長揸唔放,收到大量股息後就趁低再買入,令持股不斷増加,收左甘多年息,相信大部份持股收息都收回成本,現在是收成期,4大内銀絕不會減派息.可能已買夠内銀同内銀已升了太多,去年上半年已將餘糧趁股市大跌狂買指數ETF,上半年已買左4仟幾億元,全年都唔知買左幾多.建行H股939發行量遠多於A建行,H股中央匯金就揸左1300多億股,單收息每年都收幾百億.其餘3大内銀,増持的任務就交由其他單位,中信資產年頭狂買3988中行,跟手在11月中就講明會用多幾百億買中行同光大銀行,一早打開口牌,信者得救,果不然在12月,光大銀行同中行都大升,而農行一早俾社保基金會買左4千幾億元A股,農行在AH是一早不斷創新高的内銀股,領先其餘3間,而工行H股則不斷被平保資產同其他内險増持.總的來說,這4大内銀都有強大的護城河,股價極難大跌,H股又有高股息墊底,最怕是股價大升,不能以較平價錢複投,失去儲多d股又可長期收息的初心,最好的場景是趁股價未爆升前,低價攢多些股份,講緊每年收十厘八厘息,就算他日股份倍升,息率只有2至3厘都不打緊,因手持的股份有所増加重係收緊10厘8厘息.很多磚家對一些因股價大跌而成高息股話唔怕買,因息高,但對於在高位買左的人無疑是在開玩笑,如一隻股在10蚊時,派息1蚊,有十厘息,有人在11蚊時買入,之後股價跌落7蚊,磚家會同你講,7蚊股,派1蚊息,超高息,有貸繼續持有,唔怕,之後股價再跌落4蚊,派息減至3角,磚家又會話4蚊股派3毫子息,近8厘息,有貨的可繼續持有收息,傻的嗎？11蚊買的人講緊只收2厘幾息,若日後股價再跌再減派息甚至唔派息,要靠收息返家鄉恐怕要等5至60年才可做到.磚家隨口亂嗡已是常態,再加上冇持有所述股份作後盾,扮哂公正中立有見地,呃淡飯食情有可原,無人阻你,但令相信的無知者損手爛腳甚至輸身家就唔係甘好.

 原來央行同外匯管理局已在1月3號至4號開左會,制定相關政策.央行表明會減息降準,擇機公佈.外管局則會令匯率不會過份波動.先出口術再出實招,招不會一次出盡,總會留有幾手應對.港股隨時星期一又會挾上幾佰點,殺盡淡友.恒生指數都是上落市,炒指數上落同賭大細冇分別,專注個股更實際,買了好股根本不需理會指數上落.

 前稱肥西老母雞的内地食店老鄉雞準備來港上市,在安徽起家以肥西老母雞湯打響名堂,標榜以自家飼養的新鮮雞作食材,在全國共有1404間分店,包括自營和加盟店,每間分店每天都只是做萬幾蚊生意,今年頭9個月營收46.8億,盈利3.67億.在國内大力控制新上市公司的數量和資素下,今年更多的内地公司會來香港上市,理應港交所今年的盈利會大幅増加,但股價會否上升則是另一回事,最好股價再大跌多一些,就有買入價值.

 北水又來短炒2800,下星期升番2至300點又會食胡走人.今天買得最多的個股仍是工行,中移動,中海油,其他則有騰迅,微盟.流出最多依然是美團,同埋升左好多的小米,巴巴也是被沽對像.另外,過去幾日,宇宙行工行H股又被平保増持,買左1.1億股,平均價5.2至5.23買入,持股量由16.99%増至17.11%,除淨前増持,擺明長揸收息.今天1398又淨流入7億幾元,是否平保或其他内險仍在買買買.

 一直看住2276係甘升,自己又冇上車,心有不甘,呢種心態其實要不得,貪心和不甘心都是人世間的2層地獄,需要超渡.我道行未夠,昨天趁大市大跌,2276又跟跌,於是上左車,今早沽出,執番5%,贏錢事少,圓夢事大,真正釋懷了,可搵過第二隻.1952雲頂耀新早前升到50蚊,由於持股不多及帳面盈餘太多,創左新高都唔走,之後跌番落40幾蚊,不足10%,但由於相信佢前景美好,都係冇走,昨日又曾見50蚊,都係冇走,繼續揸落去.

 發改委說會増強2新2強力度,加大以舊換新,將會補貼手機,平版,智能手錶的以舊換新,基建上會増力水利建設,農業上會増加農業機械的更新,重型車,工業機械的換代.另外,繼續延續家電以舊換新,汽車和汽車電池的更換.最受惠一定係小米,幾乎樣樣中,股價又升5%,創歷史新高

 港元與美元掛鈎,算是美元資產,在人民幣高企時,如早幾年1兑6.5時買入883,如今1美元兑7.3幾時沽出,單是匯價已賺13%,若計埋股價升幅和股息,已肥到漏油.若國内同胞估計侵侵上台後會減弱中國出口的競爭力,中國會放任人民幣小幅眨值作對沖,同時為了防止資金流向美元資產,大量優質的央企中國資產在港上市,變相是美元資產但實際是中國資產,若大部份國内投資者相信短期人仔會下跌,就會趁早買多些高息紅利股,就算股價唔升,匯率上升己足夠補番條數,加上買A股收的息遠不及H股收的多.若有朋友持有大量人民幣在手,又唔想止蝕離開,最佳方法就是利用人民幣櫃位買為數不多的H股,收息可揀收港元,股價不動就賺匯價和股息,若股價又升,就股價,匯價,股息三樣都贏哂.而那些和中國有密切貿易的國家,手中持有的大量人仔,唔駛怕眨值,搬磚過來買高息H服一樣可3贏,獲取時代紅利.去年年中日股曾大升20幾30個巴仙,全年計算都只是升十幾個巴仙,扣除兑匯損失,實際全年只有幾個巴仙升幅,若去年沖入去買日股,就算不是高追,完全得不償失,跑輸全球股市.H股的獨特性和奇芭,已成國内同胞收息一族的恩物,只要AH差價長期保持在一定幅度,如20幾巴仙起錶,北水會不停買,前提當我要對應的A股不大幅下跌甚至慢慢上升,倒如中移動A股價在110蚊人仔樓上,941一定唔會跌到60幾蚊俾你買,若中移A升上130蚊人仔樓上,70幾蚊的941一定會消失.

 買得最多頭4隻係中移動,建行,工行,中海油,其中941淨流入12億元居首,呢批高息中特估北水不停買入,升又買跌又買,應是作資產長期配置之用,下午中國外交部發言人罕有地呼籲世界各國資金,快些來香港這個國際金融中心,財富管理中心投資,以享受由此帶來的時代紅利.待國家隊,内險等買夠幾隻盈利,規模達到世界級的企央標的後,股價的話語權掌控在自已手中,就會吸引到各地資金湧入追捧,到時不一定會割佢哋韭菜,頂多適時減持部份獲利再買回,保持流通性,與上左車的各地資金共同富裕齊富貴,成為人類命運共同體的最佳示範.

 統計處公佈11月零售數字,遠差過預期,11月份只得317億元,較去年同期下跌7.3%,而1至11月也比去年下跌7.1%.唔計價格變動,只計貨品銷售數量,11月份也比去年下跌8.3%,1至11月則下跌8.7%.馬會一個月的營業額隨時高過零售業全個月的收入,難怪政府已决定把賽馬列入賽馬旅遊專項,吸引更多内地同胞落來下注,増加庫房收入,除左日本重有賽馬,新加坡,澳門都收左檔唔搞跑馬,香港已沒有對手,像馬雲當年所說,拿住望遠鏡周圍望都找不到對手.至於零售,數字已說明一切,不再大幅下跌已萬幸要還神.

 今早港股大跌,最先止跌回升的是700,佢條嚫現已變左佢親生仔2013微盟繼續升不停,甚麼升上2個幾要走,一定打回原型,從未聽過有磚家叫人高追,淨係叫人要走貨,由2蚊一路苦口婆心叫人止賺,冇貨唔好買,而家升到近3.5,遲d若升上4蚊磚家們一定會叫人買,到時就等俾人收割.700呢個藍包小禮物,真係經過精心計算,預估到大眾的心理,試想吓,在中西情人節,大量舔狗為左溝女點會唔用盡藍包,至愛親朋或好久不見的朋友,收到小禮物怎會不開心,哪怕是一箱蘋果或車厘子,若朋友收到的禮物是他的至愛,更會覺得窩心,若禮物不合心意又可改動,改到啱為止,送禮多是禮尚往來,大小商家可透過此新模式可増加銷量和盈利,過往找網紅透過電商帶貨鬥平鬥卷根本賺唔到多少錢.

 中國積木玩具龍頭布魯可現已開始招股,每手300股,一手18287元,應該相當難抽,相信又會破超額認購記錄,保守估計升3成計,中一手都有近6千蚊盈利,當玩抽獎遊戲,抽一手試下運氣,此公司在内地是出名公司,中國式Lego,受惠於谷子經濟,專賺小朋友錢,最賣得好的是咸蛋超人内地叫奧特曼的相關IP產品,除左奧特曼外,重同全球50個著名產有非獨家專利IP,如變形金剛等,父母樂意買盒幾百蚊的積木俾小孩砌,可玩足成年,泡泡瑪特則是搵大人錢,個人覺得佢地原創的labubu公仔同掛飾十分醜怪,但卻大獲全球同内地年青人歡心,當係寶,呢d就係新内需行業,可不斷出新產品,刺激消費.相反醬油,食用油等商品,點谷都唔會有増長,人們都不會無端端狂飲醬油或生油當水飲.今年會有大量内地公司來港上市,今晚冰雪蜜城已宣佈會來港上市,如此下去,港股絕大部分上市公司的業務都同内地有關,香港經濟好與壞同港股升跌全無關係,反而同内地經濟密不可分.

 巴巴以跳樓價131.38億把長年蝕本的高鑫零售6808出售予德泓資本,約每股1.75元,6808上周收市價2.48元,上市價7.2元,巴巴前後用近500億買高鑫零售返來,巴巴過往意氣風發時,像一個敗家富二代,亂甘投資,如入股共享黃單車,恒大足球隊,蘇寧,優酷等全部近乎蝕到渣到冇,現在趁手中堆垃圾重有人肯買,套番d錢,力保淘天業務,騰迅的藍包送禮物攻勢在25年正式開始,電商市場的份額又會被騰訊蠶食,去年巴巴甚麼一拆六上市已唔會發生,發起人都被踢走,而家係要儘快賣哂d蝕本貨走,前日已減價80%去庫存出售冇人買的人工智能大模型千義通問,套番現金準備内卷打電商戰,保得住電商同雲十AI業務才能生存下去,若打贏場仗,尚有生機.若連淘天都被打殘,呢艘船必沉.賣完銀泰冇耐又賣高鑫零售,但同是做超市同百貸的永輝超市和中百集團在A股不停漲停,升幅以倍計,線下實體店一樣做到風生水起.佢間大潤發就越做越衰.巴巴的企業文化可能出左大問題.博高鑫零售會以高溢價賣出的人今次會焦頭難額.