旭日393又賣出建行,工行獲利
393傍晚出通告,表示在12月5日,以均價6.0697元沽出3300萬股939,沽出後仍持有1億1千萬股建行.又在12月5號同6號,以均價4.68同4.74沽左3849萬股工行.減持後仍持有1億2千7百9拾萬股工行.明顯沽早左,中期息都唔收埋就沽,套現近4億元,獲利6千萬元.話所得款項冇用途,等運到,等待新投資機會.1個月前已沽左一批工行同建行,24年業績,盈利肯定以倍升計,佢重持有近億股中3988,一直冇減持.
埃克森美XOM股價創歷史新高,883星期一挑戰20元
沙地關閉多個海上鑽油台,放棄増加產能計劃,而布油繼續企穩91美元樓上,埃克森美XOM收市報121.37美元,創歷史新高,盤後股價仍然上升,此XOM的市盈率13.67倍,息率3.13厘,縱使偉大的883股價自年初已升了45%.去年底收市13蚊,上星期五在冇北水情況下仍升至19.3,但市盈率仍只得6.77倍,息率6厘8,足足平埃克森一半,而埃克森產能係得甘多,相反中海油產能年年増加,若今年布油長期在90美元樓上,叠加中海油產能的大幅增加,今年盈利說不定會暴增至1600億人仔,若現股價唔升,再加新一輪派息計劃,大増派息後,到時市盈率又回返4倍,又再做返高盈利,高分紅,低估值的超級學霸優質生,星期一北水回歸,好大機會將883拉升至20蚊,隨着日後更多利消的發佈,更多來年強勁盈利的預期披露,到時20蚊的883會被視為超抵價,又會被買爆,在7至12蚊買左883又冇走的朋友,好好享受財息兼收,財富増值的良辰美景,20蚊只是883的新起點,就算已嬴左倍幾或幾倍的朋友,覺得贏夠想俾d人贏,都唔好偉大到沽哂全部,只需沽出一小部份收回所有買入成本,留下的股份繼續收息收到883執笠為止,唔好為小利而殺左隻會為你生一世生金蛋的雞.
留言
發佈留言