打理3437的負責人非常有心

 發行量只得1千萬股的央企紅利ETF3437,成份股全是央企H股高息股,但沒有金融類的4大内銀和内險,銀行股只有一隻招商局旗下的招行,最近3437大手買入1919同316,減少其他持股份額,中遠海控已成頭號權重股,佔十幾個巴仙,較941和883還要多,頭6隻權重股已佔6成以上,其餘持股,只要是高息的都有買,只是3437規模太細,市值不足1億,大部份已在機構投資者手上,其持有的非權重股份好多隻都買得很少,我倉中的持股多過哂佢.此股上市幾個月已派左一次中期息0.35元,相信未期息會多過中期息,現價計起碼有8至9厘甚或更多,派高息肯定是長期和持久的,呢隻野似是國資委用來省招牌的,除了高息,所持股份股份大升的話,股價升幅會大.國資委管理哂所有央企,除左金融類外,那隻央企有前景或是想令佢變強變大,國資委點會唔知,適時調動成分股比例應有玄機.近期升左冇人知的1919同316,未升前3437已換入,是春江鴨嗎？磚家同大摩由朝到晚唱衰航運股,甚麼周期股,世界經濟唔好,航運需求會減少,大摩甚至話316只值8蚊,鬼都唔信.