布魯可325一定要抽

 中國積木玩具龍頭布魯可現已開始招股,每手300股,一手18287元,應該相當難抽,相信又會破超額認購記錄,保守估計升3成計,中一手都有近6千蚊盈利,當玩抽獎遊戲,抽一手試下運氣,此公司在内地是出名公司,中國式Lego,受惠於谷子經濟,專賺小朋友錢,最賣得好的是咸蛋超人内地叫奧特曼的相關IP產品,除左奧特曼外,重同全球50個著名產有非獨家專利IP,如變形金剛等,父母樂意買盒幾百蚊的積木俾小孩砌,可玩足成年,泡泡瑪特則是搵大人錢,個人覺得佢地原創的labubu公仔同掛飾十分醜怪,但卻大獲全球同内地年青人歡心,當係寶,呢d就係新内需行業,可不斷出新產品,刺激消費.相反醬油,食用油等商品,點谷都唔會有増長,人們都不會無端端狂飲醬油或生油當水飲.今年會有大量内地公司來港上市,今晚冰雪蜜城已宣佈會來港上市,如此下去,港股絕大部分上市公司的業務都同内地有關,香港經濟好與壞同港股升跌全無關係,反而同内地經濟密不可分.