醫藥版塊可留意

 去年我曾短線操作3320超過30次,次次都是賺錢走,分別只是賺多賺少而已,但過去3個月,此股已沒有太大波幅上上落,再加上我已戀上幾隻Al應用股,如1860到今天仍未停過,波幅太吸引,常有7至10%,逢跌必吸,反彈就走,只要市值唔跌穿100億,被剔除港股通行列,北水就會不停進進出出,繼續炒炒炒.講番3320,近期雖然冇物波幅,但北水持續買緊,相信收集完畢就會起動,幾時買夠我冇水晶球我唔知,只能揸實低位買左嗰批貨等大升.3320已不停増持旗下3間A股各1%股份,甚麼江中藥業,東阿阿胶,華潤三九旗下產品都是全國十大銷售榜前列份子,盈利持續上升,派息又幾近將盈利全派出去,個別股份市值已高過3320,甘多隻加埋的市值更是3320的數倍,3320的版圖尤其在中藥產品不斷擴大,似是執行國家任務,收編天下利器為已用,一旦完成霸業,也是大豐收之時.另一隻1952雲頂新耀,表現很好,升左1.5倍後,仍在挑戰高位,跌穿50蚊好快又上番,其實短炒都可以,基本因素已轉好,幾隻新藥已排住隊出市場,已賣緊的腎病藥非常好賣,毛利極高,此股可多加留意,有實質業務支撐,升完可以再升.