年息14厘的qqql能否長期持有

呢隻在24年出世的美股cover call etf 是qqq納指100高息加强版,個個月派息,24年出世時50美元一股,雖然納指不斷創新高,但股價高低位都只是47.87至57.84美元之間遊走,但佢每個月派6毫幾子美金,1年派7個幾美金股息,現價56美金.網上有人提議只要買夠儲夠1萬股,即4百幾萬港元,1個月就可收4萬幾5萬股息,1年收50萬以上股息就可躺平唔駛做,雖然美股要預收30%股息稅,但之後可申請退回ROC,雖然不一定能收回全部30%,但都應能收回8至9成,4百幾萬本金一年收50幾萬股息,收7至8年就可收回成本,只要相信納指永遠向上,就算間中會大幅回調,最後又會再創新高,除左收高息,也會賺價差.此ETF的缺點是管理費高,每年要0.68%,而qqq只是收0.15%.若果持有1間市值4百幾萬的舊樓,租得出一年收租肯定冇50萬,扣埋差餉管理費,有20萬都已是極限.納指現時27000點,現在入總感覺高處不勝寒,若是一出世就買就已穩坐釣魚船,個個月收錢好快就本利歸還,納指何時才大幅回调,到時或許就是買入時機,怕死就買少許,買4皮野年收5千股息,40萬就年收5萬股息,世上真有如此荀野,好多人唔會信,但越冇人信的事總是會發生.買納指ETF點都好過買恒科ETF,完全係2個世界,真的怕老美會股市大爆炸,買少少來配置也未嘗不可,萬一納指真的只是大漲小回格局,都有份食呢塊蛋糕.