鐘才文重現江湖引領後市方向

 8月22至8月25日,人民日報連續4天刊登署名為鐘才文的4篇文章.鐘才文何許人也,他不是一個人,他是中央財經委員會的傳聲筒,發文章代表中財委員會的觀點和中央想個市點行.钟才文連埋今次一共蒲左3次頭,相信各大基金主理人,各路資金掌控人,一定已把這4編文章熟讀並尋找當中想發送的訊息.第一次鐘才文出現在人民日報是在2005年1月底,當時佢連續8天發文章,大環境是大A跌到2900點,文章講物因我當時入世未深唔清楚當中訊號,出完文章後幾天,個市更跌多幾百點,跌到谷底,之後國家出招出組合拳令到大A止跌回升.第二次是25年9月底,當時大A已升左好多,但都是3800點,一連五天五篇文章都係講高科技同新質生產力是如何重要,出完文章後不久大A就創10年新高升穿3900點,國慶過後升勢如虹,特别是創業版同科創版股份,升到飛天,文章已幾乎講到明想真科技股升,信就嬴到開巷,唔信邪重堅持去買平台經濟股,白酒股就有排坐艇,不知何時解套,ATMX也是由去年10月由高位開始不停下跌跌唔停.今次8月呢4篇文章想帶出甚麼訊號,我自問不是磚家,唔敢亂估.大環境是大A有較深的回調,跌到3800點,而25號更是成交缩量至1.8萬億,資金在觀望,文章出完後大A就輕微上升升番上3900點樓上,根據其他專家高人所描述,帶出的訊息是大家不要慌,東大基本面非常好,有靭性,外面點亂都影響唔到東大,而10月份的5中全會將會有明確的方向指引,大概是現在入定平貨快人一步等之後大升食胡之類.而我覺得既是高人又是大壞蛋的大摩,近日巧合地出報告說係時候撤出港股獲利,轉投大A揾大錢,話大A上升潛力高過港股好多.信不信由你,但大A成5千幾隻股份,再加上本地老散唔係隻隻都買到,買中隻ST股搞到最後要退市的就喊都無謂,最佳方法就是趁低買各種指數ETF,科創版,創業版,上證50,沪深300,有槓桿,冇槓桿的任你揀,只要堅信大A在國慶後會大升,買番多少看吓門口都冇壞=