9961攜程再度被重罰

呢隻互聯網平台股埋葬了不少散户,一衆磚家年前天天唱好,看800蚊,1千蚊的都有,之後雖然下跌,但衰極都有6百幾蚊,年頭因違規被市場監管總局點名譴責同罰巨款後,股價即時大插水,一度跌穿300蚊,之後都是長期弱勢,在300蚊頭來來回回,蟹貨區的老散想要解套不知要等多少年,此股的第二大股東是百度,但凡百度沾手的業務大都是虎頭蛇尾,搞自動駕駛系統佢行得最先最快,但之後就被後來者超越,搞蕊片話要上市講左好耐,一直得個講字,其他公司的各種蕊片已大量上市,頭啖湯甚至口水尾都俾人食哂,到你上市就湯渣都冇,而攜程原本也是一手靚牌,最大又近乎壟斷性企業,但掠水太狠,今天又被市監局重罸51.79億人仔,理由是其以支配性市場地位搞壟斷,損害消費者利益.昨天攜程已同幾間酒店甚至三大國有航空,都俾召見照肺,自已衰都算,還要帶壞埋國有企業,一定會狠狠地罸.而攜程事後馬上認錯,又是甚麼深切反省,誠懇接受處罸,改正錯誤,俾次機會啦,確實一年賺埋甘多額外之財,幾乎唔夠交罸款,倒不如合規正正經經做生意,擴內需是要消費者甘心付出金錢去多次消費,而不是一次性被人劏到一頸血就冇下次.今次當局罰款真係唔係講笑,25年擕程全年國內營收469億,就額外罸左佢營收的7.5%,罰左共32億,靠強迫酒店只能幫襯佢而獲得的收益只是億幾元,充公晒都係億幾,罸款先攞命.9961何時改邪歸正,再叠加股價跌到慘不忍賭時,或許就是入貨博大反彈的良機,但不知是在何時,有冇這一天到來都是問號.