泡菜國10月將開設全國性1375電話熱線

 泡菜國政府可能知道今次股災事態嚴重,受害人數難以估計,特别是20至30歲的年青人.於是會在10月設立一條全國電話熱線1375,為因做槓桿爆倉冇哂所為身家甚或欠下巨債的民衆提供心理輔導資詢,破產申請,債務重組,日後工作規劃,重新生活等提供意見和幫助.爆左倉冇錢補貨賬户清零的人近40萬人,還有近100萬人在懸崖邊緣,等緊股市止跌可以捱落去,唔駛一無所有待股市他日上市尚有翻身之日,到10月應該就塵埃落定,捱到同捱唔到的就要確實數字.借錢買樓同樣是用槓杆,但要清零爆倉都要好幾年,途中隨時可止蝕减少損失,但用高杆桿借錢炒股,只需十幾二十日,股價跌一半,就要打橫抬出去,永無翻生之日.日前中環環球大厦某證券行26歲青年財俊交易員,就是為了博紥升職,動用5千萬公司額度,用槓桿去買本身已是2倍槓桿的7709,結果因海力士股價大跌,搞出個倒輸1.5億元的大頭佛,據悉尚未平倉,股價繼續跌損失會持續上升,等股價大反彈損失會大幅減少.相信該交易員炒賣7709本身並冇實際得益,炒嬴左就做英雄,年尾升職巨額分紅走唔甩,炒輸左,輸少少最多冇得升,但輸爆廠,就冇高層會負責,所有失誤就會揾當事人孭,民事型事都會追究.富二代,富三代拿住上一代的錢去大展雄圖,特别是跟風炒房地產,搞到一鑊粥甚至令家族沒頂的多到數唔晒,反而只顧吃喝玩樂的富二代就不會有此情況,家族辦公室的興起就是為了令富必可過三代,找專人理財,提供穩健而不高的回報,就足夠俾那怕是唔長進的後人大肆揮霍,都唔會有變到一無所有的境地.