央視專題財經節目今期講中國巨石

 已經升到飛天的中國巨石,央視還要錦上添花怕佢升得唔夠多,再撥吓火.今期講國產產品出海系列,講的是電子布,來到巨石在浙江嘉興的大型生產基地,帶出的訊息是生意好到做唔切,24小時不停生產.負責人同記者講,去年底已沒有制成品庫存,鏡頭影住剛完成的電子布,唔需要入倉,直接由叉車運上貨車馬上送到下游的用家.又講電子布今年以來個個月都在漲價,漲幅在10至20%之間.經央視吹棒的公司,十隻有九隻半之後都是大升特升,之前介紹的光通信公司,股價都是倍升且升勢至今未停.但中國巨石已經升在好多倍,央視依家先出來介紹佢有幾好,可能真的是想造神,想佢股價更上層樓,成為在世界上有名有姓的央企品牌.而最近市場傳言,7月份電子布價錢的升幅會更高,高過過去半年的10至20%.幸好中國巨石同中材科技都不是創業版股份,香港老散可以買到,巨石在上海A股上市,中材科技在深A上市.而一大堆已大爆升靚股如易中天,寧德時代全在内地創業板上市,香港老散全部得個睇字,想買就只能望佢哋儘早以H股形式來港上市,就如想買寧德時代,只能以溢價買貴到飛起的3750,便宜的A股寧德時代就買唔到.另一隻中國建材的子公司中材科技,最近升得重癫,可能又是三大業務食正國策同風口,除左做電子玻璃纤維布後,又是鋰電薄膜的龍頭生產商,寧德時代,比亞迪都要靠佢供貨,而第三業務是風電業片原材料全球最大供應商,金風科技等葉片制造商都是主要客户.而剛出台的十五五新能源系統結構,已講明要狂起海上風電,同鋰電儲能,3條水食到應,不是賣鏟人,而是賣新材料給造鏟的人,是整條食物鏈/供應鏈的源頭,中材科技12天6板不會是無緣無故.中國巨石自25年4月9日以來,已升左530%.拿好低位持有的3323,做T可以,但要記得買回,點都要留番d壓艙石,等佢大爆升.