日圓已跌到162.6樓上,人們又走去排隊唱Yen

香港是K型經濟的代表,冰火兩重天,有人憂柴憂米怕冇工返,做左十幾年解决方案架構師,持住張港大電子計算機碩士沙紙,以為是人生通行證,因壓力太大一時衝動裸辭,換回短暫的自由,心想自由完再重返變態職場,結果失業11個月,被迫登記做外賣員維生,還報讀保安課程拿證,最後防線就去做看更,中年保命三寶佢就只差一個的士牌.但有人無時無刻都想去旅行,特别是日本,幾乎當作是第二個屋企,這班人不一定是好有錢,但無家庭負擔,或是要孭住層負資產樓供一世之類,平時慳慳埋埋,為的就是去日本貢獻銀両,於是,年少時由7個幾開始就換定日元,驚死日圓會大幅升值蝕底,換吓換吓年紀漸大日圓不停跌,跌到5個幾已話好抵,5百幾蚊已可換1萬日元,每逢大跌就會有一大班人沖去來排隊唱Yen,就似買股票逢跌炒底的人,但永遠唔知底在何處,結果一底低過一底,現在480幾就可換1萬日元.自然又有大堆人出來提早唱Yen,以為有金執,雖然過去已錯左好多次,但堅信今次一定是底,唱唱埋埋甘多Yen,不計成本,就安慰自己是剛性需求,早晚都要去多一次櫻花國駛哂佢,明明是做左傻仔都會講無所謂啦.香港零售業確已是複背受敵,除左北上消費已成不可逆轉之勢外,若強美元持續,只會有更多人跑到其他國家旅遊消費.