内銀排住隊輪流創新高

 今天939再度創新高,收報8.68元,若計埋收息因素,已是歷史新高,過往不管你甚麼時候買入,就算是在最高位買,只要長期持有,都已立於不敗之地.早2天,3988中銀曾升上5.15元,創歷史新高,是甚麼資金在買,接着美資貝萊德就現身話在均價5.0122元増持了3988,持股量增至6%,連美資都買優質中國資產,不知939又被外資買左幾多,3988同939年内一樣有跌過有大特價時段,中行好似見過4.3樓下,建行7.5樓下,並維持了一段時間任人買,但當時氣氛又是内銀冇前景,不會升太多,跌得唔夠多,息率唔夠高之餘又可能會減派息,買左又唔會發達,於是又走去買ATMJX之類的老登科技股,靠良好意願以為又會倍升,結果買入後,跌得少已當贏左,要多久才能解套變為頭等大事,要解套就只能不停溝貨,息又唔多有些甚至從不派息,越溝得多個坑就越深,稍為反彈又唔逃生,幻想着已準備好麻包袋好快可收錢,磚家們說好的會倍升一定會實現但唔知幾時.永不執笠又長期派息的內銀,有特價時唔買,加左價又嫌貴唔買,賺價賺息但不會短期暴富的機會就此白白錯過.早買早享受,才能水到時間同你做朋友,24小時不眠不休為你錢生錢.