3969中國通號似乎想大升一場
利申我在2個幾時已持有3969好一段日子,約2年多,期間升幅不多,但總算做了多次T,收了2次息,每次都是0.17人仔,加埋今次25年又是0.17人仔,穩妥的收息股缺點就是股價不怎麼升,早前因其低空經濟業務有進展,就加倉増持,可惜早買了幾天,未能在較低位如3.4買入,否則今天可能都會獲利5%以上沽出增持部份,既然來到來了,就不妨再坐一會,看他能否在版塊輪動下輪到低空經濟爆上而大升一輪,到時才走,就算升幅不似如期,也可以留著再收0.17人仔股息再等下一波升幅.
3437博時央企紅利ETF原來已改了每手買賣股數
此ETF出世時好搞野,每手只是10股,買一手只需80幾90蚊,若要買多些而又用銀行買賣,隨時要交最高收費,十分唔划算,因此平時成交甚少.發行商也知錯能改,在3月份改為每手100股,我都係最近才知.有此改變,日後我會頻密地儲呢隻ETF,例如在馬會贏馬贏波執幾仟的話,就買番幾百股3437,好過寃枉來,温疫去,要嘔番d俾馬會,又或者在短炒中有可觀盈利,會拿部份來増持3437.此ETF是穩定長期派高息的ETF,唔駛怕會減派息或倒閉.去年中出世,派左2次息,每次派0.35港元,一共派左7毫子息,就當你是在9蚊相對高位買入,收左7毫子息,成本已減到8.3元,此ETF揸的全是在港上市的央國企共50幾隻,唔包括内銀内險,全是高息股,央國企只會不斷加派息,日後此ETF派息也會跟住加,買此ETF目的不是望股價大幅,最好股價長期唔升或唔郁,方便以低價儲貨,若今年派息能去到8毫,9毫,持货成本又可大減,最重要是3437能永續長期派高息,股價也跌極有限,最多跌幾個巴仙,最怕因派息高而拉升股價太多.現價8.53元,息率都有8厘以上,好過銀行定存多多聲,更好過買甚麼年金,你拿1百萬會買年金,1個月都係得5千蚊多d,本金重會越來越少.你拿1百萬去買3437,一年收8萬幾息,本金隨時重會多左,現金流源源不絕,股價又唔會大跌,又唔怕會突然大减派息或唔派,若條件許可,將個8萬幾股息再買落去,増加持股,唔駛好多年,1百萬會好快變好幾球而且近乎無風險.
大師的分享充滿陽光，剛在3月中買入了一些3969跟跟十五五的低空經濟發展和大師的慧眼識股於微時。
回覆刪除假日期間作一季結(有不錯利潤，零成本股由四只增至六只)，並發現在不經不覺間，除佛系持有的幾隻重倉股外，亦有不少其他的，有賺有蝕但整體而言是正數，有時間要好好執執簡化一點。