南韓打壓樓市不遺餘力導致全民炒股

 李在明接任總統後,承諾任内會儘快搞旺股市同打擊樓市令其回到正常合理水平,當時南韓股市3千幾點,他說首個目標要令股市升上6千點,早2個星期果然真係做到.至於南韓樓市一向高到離譜,炒家財閥橫行,升幅比香港更勵害,年青人絕無機會上車,因此全部走去炒美股,炒幣想逆轉人生,炒呢樣野早已成為常態.李在明一上台就推出大量打壓樓市措施,令到樓價大幅下跌,措施包括只能做4成按揭,所有國民買樓後半年内必須入住,否則貸款會被取消,杜絕炒家財路,根本無機會靠炒樓獲利,此等措施已令南韓樓市斷崖式下跌,年青人能上車又重新有希望,而李總統最近又放狠話,叫炒家唔好嘗試同政府對抗,大把狠招未出,而佢就親自下場,把居住左29年的住所以遠低過市價價錢出售,重有人敢炒樓,學哂東大的房住不炒.而拉升股市方面,佢一上台就掟左一大舊私房錢入南韓股市明志,跟住又承諾每個月又會定额定投股市,數額會公開,有如此想股市大升的總統,大韓民國的子民點會唔跟住去炒股,年青人雖等到樓價大跌到合理價,但都要有錢先買到,炒股就是僅有途徑,於是只有5千2百萬人口的南韓,證券户口竟多達1.12億個,是人口的2倍,全民皆股,不單只炒韓股,美股,A股同港股都炒埋一份,一個人有多過一個證券户口也是正常的.最近發現南韓半官方機構每星期都會列出國民買入最多的A股同港股的詳情,佢哋買入的大都是一路升緊的強勢股,可能是來接盤做韭菜,也有可能是佢哋炒上的,升到甘上下,就會獲利割人韭菜,又轉個另外一批繼續炒.