油服股勁升,重資產股越顯珍貴
3桶油沒開戰前已升左好耐,東大去年瘋狂買油已知所為所事,如今只是加速催化股價上升,現價追入升幅有限,一早有貨就可以坐响度數錢.打起仗來,所有油氣設備都會大幅度被摧毀,上星期開始大升的油服股會最受惠,如持有炒股568山東墨龍,正經股如1033中石化油服等一定升爆有超額回報.就連農業化肥股都會狂升,冇油唔會死,冇糧食就一定死,隻3983竟然在3蚊樓上.而電力營運股也會是避風港,如916,836等綠電股輾轉再升會是大概率的事.
3437博時央企紅利ETF原來已改了每手買賣股數
此ETF出世時好搞野,每手只是10股,買一手只需80幾90蚊,若要買多些而又用銀行買賣,隨時要交最高收費,十分唔划算,因此平時成交甚少.發行商也知錯能改,在3月份改為每手100股,我都係最近才知.有此改變,日後我會頻密地儲呢隻ETF,例如在馬會贏馬贏波執幾仟的話,就買番幾百股3437,好過寃枉來,温疫去,要嘔番d俾馬會,又或者在短炒中有可觀盈利,會拿部份來増持3437.此ETF是穩定長期派高息的ETF,唔駛怕會減派息或倒閉.去年中出世,派左2次息,每次派0.35港元,一共派左7毫子息,就當你是在9蚊相對高位買入,收左7毫子息,成本已減到8.3元,此ETF揸的全是在港上市的央國企共50幾隻,唔包括内銀内險,全是高息股,央國企只會不斷加派息,日後此ETF派息也會跟住加,買此ETF目的不是望股價大幅,最好股價長期唔升或唔郁,方便以低價儲貨,若今年派息能去到8毫,9毫,持货成本又可大減,最重要是3437能永續長期派高息,股價也跌極有限,最多跌幾個巴仙,最怕因派息高而拉升股價太多.現價8.53元,息率都有8厘以上,好過銀行定存多多聲,更好過買甚麼年金,你拿1百萬會買年金,1個月都係得5千蚊多d,本金重會越來越少.你拿1百萬去買3437,一年收8萬幾息,本金隨時重會多左,現金流源源不絕,股價又唔會大跌,又唔怕會突然大减派息或唔派,若條件許可,將個8萬幾股息再買落去,増加持股,唔駛好多年,1百萬會好快變好幾球而且近乎無風險.
此留言已被作者移除。
回覆刪除3983亦是大師早已識於微時去持有和已早前分享了具潛質股之一。
回覆刪除近期見到836不斷發力，相信會是可長線持有和去期待有升有息的潛力股。